Bright Technical and Vocational Institute: پەیمانگەی تەکنیکی و پیشەیی بڕایت

پەیمانگەی بڕایت و کۆمپانیای (SM Iraq) بۆ بەرهەمهێنانی ڕیکڵام و ڕاوێژکاریی بازرگانی یاداشتی لێکتێگەیشتنی نێوانیان واژوو کرا.

سەرلەبەیانی ئەمڕۆ بە ئامادەبوونی بەڕێز (د. جەوهەر جلال) ڕاگری پەیمانگە و بەڕێز (م. محمد رسوڵ) سەرۆکی بەشی: Motion Graphics و بەڕێوەبەری بەڕێوەبەرێتی ڕاگەیاندن و پەیوەندییەکانی پەیمانگە و بەڕێز (م. شاکار نوری) پێشوازیان لە بەڕێز (شکار ڕەزا) بەڕێوەبەری جێبەجێکاری کۆمپانیای (SM Iraq) و هەر یەک لە بەڕێزان شەنگە عمر و میران محمد و ستافی کۆمپانیاکەیان کرد و لەمەڕاسیمێکی شایستەدا یاداشتی لێکتێگەیشتنی نێوان پەیمانگەی بڕایت و کۆمپانیاکە واژوو کرا.

بەپێی ناوەڕۆکی یاداشتنی لێکتێگەیشتنەکە، هەردوو لا لەسەر چەندین ئاست هەماهەنگی تەواو دەکەن بۆ ڕاهێنان و ڕەخساندنی دەرفەتەکانی کار لەسەر ئاستی کوردستان بەگشتی شاری سلێمانی بەتایبەتی، هەروەها پڕۆسەی کارسازیی و ئەنجامدانی پڕۆژەی زانستی و ئەکادیمی هاوبەش.

پەیمانگەی بڕایت بەردەوام دەبێت لە پڕۆسەی گەشەپێدان و دروستکردنی ژینگەی کاری پێکەوەیی لەگەڵ کۆمپانیاکان و دامەزراوەکاندا، کە ئامانج لێی ڕەخساندنی هەل و دەرفەتە بۆ فێرخوازان و سەرجەم ڕۆڵەکانی ئەم نیشتیمانە، کە پڕۆسەی پەروەردە و فێرکردن دەباتە ئاستێکی باڵاتر و ژینگەی کاری پێکەوەیی فراوانتر دەکات.

بەشێک لە وێنەکانی گەشتی مێژوویی فێرخوازانمان بۆ وڵاتی چین.

ساتەکانی دەستپێکی یەکەمین ڕاوندی مەشقی پراکتیکی فێرخوازانمان لە زانکۆی پۆلیتەکنیکی میانیانگ، دەرفەتێکی گرنگ، کە پەیمانگەی بڕایت بۆ فێرخوازانی ڕەخساند، لەپێناو بەهێزکردنی ئەزموونی پیشەیی و دروستکردنی پەیوەندی ئەکادیمی لەگەڵ ناوەندە زانستییەکانی وڵاتی مەزنی چین.

ئەمە تەنها دەستپێکی ڕۆژێکی ئاسایی گەشتەکەیە، لە داهاتوودا چاوەڕوانی پانۆڕامای گەشتەکە بن...

#میانیانگ #چین #کوردستان #ئەکادیمی

بەشداریکردنی بەڕێزان (م. بنار هیوا) ڕێکخەری پەیوەندییە نێودەوڵەتییەکانی وڵاتی چین لە بەڕێوەبەرێتی ڕاگەیاندن و پەیوەندییەکانی پەیمانگەی بڕایت و فێرخوازمان (ئارا اسماعیل) لەبەرنامەی (ڕۆژێکی نوێ)ی کەناڵی کوردسات بۆ قسەکردن لەسەر گەشتی یەکەمین ڕاوندی فێرخوازانی پەیمانگەی تەکنیکی و پیشەیی بڕایت بۆ وڵاتی چین
لەم لینکەوە تەواوی پڕۆگرامەکە ببینە

کۆمەڵیک خوێندکاری کورد بەشداری گەشتی زانستی هاوینە دەکەن لە چی کوردسات ماڵێک بۆ هەمووان (kurdsat daily) بەخێربێن بۆ چەناڵی یوتوب...

کوردی | Chinese

گەشتی یەکەمین ڕاوندی فێرخوازانمان بۆ وڵاتی چین سەرکەوتووانە بە کۆتا گەیشت.

گەشتی فێرخوازانی پەیمانگەی تەکنیکی و پیشەیی بڕایت بۆ وڵاتی چین بە شێوەیەکی سەرکەوتووانە و بۆ ماوەی ۱۲ ڕۆژ لە زانکۆی پۆلیتەکنیکی میانیانگ لە هەرێمی سیچوانی وڵاتی چین بە کۆتا گەیشت، کە ئامانج لێی ئەنجامدانی مەشقی پڕاکتیکی و ئاشنابوون بە ئەزموونێکی نوێ و ژینگەیەکی پێشکەوتوو بوو لە وڵاتی چین. لەم گەشتەدا فێرخوازان گەشتێکی هەم زانستی و هەم پڕ لە کەیف و خۆشیان ئەنجامدا.

ئەم گەشتە وەک دەستکەوتێکی گرنگی پەیمانگەی بڕایت ئەژمار دەکرێت، چونکە پەیمانگەی بڕایت بە شێوەیەکی فەرمی هاوبەش و فرانچایزی زانکۆی پۆلیتەکنیکی میانیانگ لە کۆماری میلی چین. بەپێی ئەو هاوبەشییە، ساڵانە فێرخوازانی پەیمانگە دەنێردرێن بۆ ئەو زانکۆیە بۆ بەدەستهێنانی ئەزموونی پڕاکتیکی و فێرکاری پیشەیی تایبەت و ئاشنابوون بە گەش و پێشکەوتنەکانی پێشکەوتووترین وڵاتەکانی جیهان.

ئەم یەکەمین ڕاوندی فێرخوازانە، و دەستپێکی قۆناغێکی نوێیە لە بنادنانی پەیوەندی نێودەوڵەتی پەیمانگەکەمان، لەپێناو بەهێزکردنی پەیوەندی ئەکادیمی و کلتوری نێوان پەیمانگەی بڕایت و وڵاتی چین و زانکۆی پۆلیتەکنیکی میانیانگ، ڕاگرایەتی پەیمانگەی بڕایت بە شێوەی فراوانتر لە ساڵانی داهاتوودا درێژە بە بەردەوامی ئەم پڕۆگرامە دەدات، بۆ گەشەپێدانی پەیوەندییەکانی لەگەڵ وڵاتانی پێشکەوتووی جیهان و وڵاتی مەزنی چین بە ئامانجی دەستەبەرکردنی ژینگە و ئەزموونی نوێ بۆ فێرخوازان.

لە ماوەی گەشتی فێرخوازانمان لە وڵاتی چین، سەردانی هەرێمی سیچوان و شاری میانیانگ و شەنگەهایان کرد و لەنزیکەوە ئاشنای گەشە و پێشکەوتنە تەکنەلۆجیاییەکانی وڵاتی چین و زانکۆی پۆلیتەکنیکی میانیانگ بوون.

| Chinese

我校学生首批赴华交流活动圆满结束。

在董事会主席丹亚尔·阿布巴克尔博士（Dr. Salih）及学院教职工的陪同下，光明职业技术学院的学生们圆满完成了为期15天的中国之旅。此次行程既富有学术意义，又充满乐趣。

此次交流活动对光明职业技术学院而言意义非凡，因为学院是绵阳理工大学的正式合作伙伴和特许经营机构。根据合作协议，学院每年都会选派学生前往绵阳理工大学，获得实践经验和专业技能培训，并了解世界发达国家的蓬勃发展。

这是首批赴华学生，也是我校国际合作新阶段的开端。学院将致力于加强与中国及绵阳理工大学的学术和文化交流，为学生创造全新的学习环境和体验。

在赴华访问期间，我校学生参观了四川省、绵阳市和上海，深入了解了中国的科技发展现状以及绵阳理工大学的情况。

پەیمانگەی بڕایت بەشداری لە وۆرکشۆپی ڕاگەیاندنی پۆرتاڵی "پردی کار- Career Bridge"دا دەکات.

بەڕێز (م. محمد رسوڵ) بەڕێوەبەری ڕاگەیاندن و پەیوەندییەکان لە پەیمانگەی تەکنیکی و پیشەیی بڕایت وەک نوێنەری پەیمانگە بەشداری لە وۆرکشۆپی (پردی کار - Career Bridge)دا کرد، کە لەلایەن دامەزراوەی مید (MEED Foundation) لە ڕێکەوتی ٢٧ی تەمموزی ٢٠٢٦ بەڕێوەچوو، لەچوارچێوەی پڕۆگرامی (پەروەردە بۆ کارکردن - E2E).

نوێنەری پەیمانگەی تەکنیکی و پیشەیی بڕایت بەشدارییەکی چالاکانەی لەم وۆرکشۆپەکەدا کرد، بە خستنەڕووی کۆمەڵێک سەرنج، کە تایبەت بوو بە بەهێزکردنی پەیوەندی نێوان ناوەندە ئەکادیمییەکان و بازاڕی کار لە هەرێمی کوردستان، هەروەها ڕاگەیاندنی پۆرتاڵی "پردی کار- Career Bridge" بۆ بەدەستهێنانی دەرفەتەکانی بازاری کاری کوردستان.

پەیمانگەی بڕایت پابەندە بە بەردەوامبوون لەسەر ئەم هەماهەنگییە گرنگە، بە ئامانجی کردنەوەی ڕێگای زیاتر بۆ فێرخوازان و دەرچووانی لەپێناو هەلی کار و گەشەپێدانی پیشەیی زیاتر.