قوتابخانەی ئەكرەم قەزازی بنەڕەتی Akram Qazaz basic school

لەگەڵ وەرگرتنەوەی ئەنجامی تاقیکردنەوەکان، پێویستە هەموومان بە دڵفراوانی و ڕێزەوە مامەڵە بکەین. سەرکەوتن شتێکی جوانە، بەڵام جوانتر لێبوردەیی و بەخشینی خەڵاتە. ئەمڕۆ خۆشبەختانەو بەخۆشحاڵیەوە دەستەی کارگێڕی قوتابخانە خەڵاتی بەخشیە هە رسئ یەکەمەکانی سەر قۆناغەکەی خۆیان قوتابیەکانمان ئەوانەن کە لە هەڵەکان فێردەبن و بە هیوایەکی نوێ هەنگاو بۆ داهاتوو دەنێن. ئەمڕۆ کاتی شادی و پشتیوانی یەکترە، نەک تاوانبارکردن و بێهیوابوون. هیوادارم هەموو قوتابییەکان بە ئارامی و متمانەوە بڕواننە داهاتوویان و هەمیشە سەرکەوتوو بن

…

ئەمڕۆ بە دڵێکی پڕ لە ڕێز و سوپاسەوە ماڵئاوایت لێ دەکەین، بەڵام ناوی جوان و کاریگەرییەکانت هەمیشە لە یاد و دڵی قوتابی و هاوکارانتدا دەمێننەوە.

ساڵانێکی زۆرت بە دڵسۆزی، ئارامی و دڵپاکی خزمەتت کرد، زانیاری و ئەخلاقت بە نەوەکان گەیاند و بوویتە نمونەیەکی باش بۆ هەمووان. خانەنشینی کۆتایی خزمەت نییە، بەڵکو دەستپێکی قۆناغێکی نوێیە پڕ لە ئارامی، خۆشی و سەرکەوتن.

سوپاسی هەموو ئەو ماندووبوون و هەوڵانەت دەکەین کە بۆ پەروەردە و فێرکردنی نەوەکانت خستەگەڕ.
هیوادارین ژیانت هەمیشە پڕ بێت لە تەندروستی، خۆشی و ئارامی.

بە ڕێز و پێزانینەوە
ماڵئاوات لێ دەکەین و هەمیشە شانازیت پێوە دەکەین

کۆتایی هاتنی تاقیکردنەوەکان کۆتایی ماندووبوون نییە، بەڵکو دەستپێکی قۆناغێکی نوێیە بۆ سەرکەوتن و گەشەکردن. ئەو ڕۆژانەی بە ماندووبوون و خەمڵاندن تێپەڕبوون، ئێستا بوون بە یادەوەرییەکی جوان و هیوای ئایندەیەکی باشتر. هیوادارم هەموو قوتابییەکان بە ئەنجامی دڵخواز بگەن و بەردەوام بن لە بەدواداچوونی خەون و ئامانجەکانیان. پیرۆز بێت بە هەمووان کۆتایی تاقیکردنەوەکان و هیوادارم سەرکەوتن هاوڕێی هەمیشەی هەموو قوتابیە کان بێت لێرەوە بە پێویستی دەزانین سوپاسی سەرجەم مامۆستا ئەزیزەکانمان بکەین کەوەک یەک تیم کاریان دەکرد بۆ سەرکەوتنی پرۆسەکە سوپاسی تایبە تمان بۆ لیژنەی تاقیکردنەوەکان و لیژنەی ووردبینی کە ڕۆڵێکی تایبەتیان هەبوو لە بەڕێوەبردنی تاقیکردنەوەکاندا

لیژنەی ووردبینی تاقیکردنەوە بریتییە لە لیژنەیەک کە پێکهاتووە بۆ چاودێری و دڵنیابوون لە دروستی و ڕێکوپێکی پرۆسەی تاقیکردنەوەکان. ئەرکی سەرەکی ئەم لیژنەیە بریتییە لە پشکنینی پرسیارەکان، چاودێریکردنی جێبەجێکردنی ڕێنماییەکان، دڵنیابوون لە دادپەروەری نێوان خوێندکاران، و ووردبینی نمرە و بەڵگەنامەکان. هەروەها هەوڵ دەدات بۆ پاراستنی شەفافیەت و بەرزکردنەوەی کوالێتی تاقیکردنەوەکان لە دامەزراوە پەروەردەییەکاندا

لیژنەی تااقیکردنەوەیەکێکە لە لیژنە چالاکەکانی قوتابخانەکەمان کە ماندوونەناسانە بئ گوێدانە کات کارەکانیان ئەنجام دەدەن دڵسۆزانە هیوای لەش ساغییان بۆ دەخوازین