قوتابخانەی برەو ی بنەڕەتی

ئاگاداری ‼️
👇👇

بەبۆنەی ڕۆژی جیهانیی منداڵانەوە ( ١ی ٦ ) گەرمترین و جوانترین پیرۆزبایی ئاڕاستەی تەواوی منداڵانی جیهان و بەتایبەتی قوتابییە چاوگەش و ئازیزەکانی قوتابخانەکەمان دەکەین.
منداڵان تەنها داهاتووی ئێمە نین، بەڵکو جوانی و ڕووناکی دەستپێکی هەر ڕۆژێکی نوێن.
ئەرکی سەرەکی ئێمە لە قوتابخانە و ماڵەوە، دابینکردنی ژینگەیەکی ئارام، پڕ لە خۆشەویستی و هاندەرە بۆ ئەوەی خەونەکانیان گەورە ببن و بەهێزەوە بەرەو داهاتوو هەنگاو بنێن.
با هەموومان پێکەوە کار بکەین بۆ پاراستنی مافەکانیان، پێدانی پەروەردەیەکی تەندروست و چاندنی زەردەخەنە لەسەر لێوەکانیان.
پێکەوە بەرەو داهاتویەکی گەش بۆ مناڵان

بە بۆنەی هاتنەوەی جەژنی قوربانی پیرۆزەوە، گەرمترین و جوانترین پیرۆزبایی ئاڕاستەی سەرجەم قوتابییە ئازیزەکانمان، دایکان و باوکان و کەسوکاری بەڕێزیان و مامۆستا دڵسۆزەکانمان دەکەین.
داواکارین لە خوای گەورە ئەم جەژنە بکاتە مایەی خێر و خۆشی، تەندروستییەکی باش و بەدیهاتنی سەرجەم هیوا و ئاواتەکانتان.
هیوادارین پشوویەکی خۆش و پڕ لە شادی لەگەڵ خێزانەکانتان بەسەر ببەن.

کاتێک ژینگەیەک دەبێتە لانکەی پێگەیاندنی خەونەکان، بەرهەمەکەی دەبێتە بڕینی لوتکەی سەرکەوتن!
قوتابخانەی (برەو) تەنها شوێنێک نییە بۆ فێربوونی پیت و وشەکان، بەڵکو باخچەیەکی تژی لە متمانەیە کە تێیدا تیشک دەخرێتە سەر بەھرە شاراوەکانی منداڵان و پەڕ و باڵیان پێ دەبەخشرێت بۆ فڕین لە ئاسمانی داهێناندا.
ئێمە لە "برەو" تەنها وانە ناڵێینەوە، بەڵکو چاندنی تۆوی بیرکردنەوەی جوان و پەروەردەکردنی نەوەیەک ئامانجمانە کە بتوانێت بە قەڵەمەکەی جیهان بنەخشێنێت.
مایەی شانازییەکی بێپایانمانە کە ئەمڕۆ بەرهەمی ئەم ماندووبوونە لە درەوشانەوەی ئەستێرەکانماندا دەبینینەوە...

دڵخۆش و ئاسودەین بە بەشداری کردنی قوتابیانی قوتابخانەکەمان لە پێشبڕکێی یادی (٣٤) ساڵەی لەدایکبونی گۆڤاری پەپولەدا ..

هەردوو قوتابی قوتاخانەکەمان 👇
*مەیل سیروان مەولود
بەنووسینی هۆنراوەی (من پەپوولەم) توانی پلەی یەکەمی هۆنراوە بەدەستبهێنێت

*مەیلی محمد عەبدولواحید
بەنووسینی چیرۆکی (شێرە بەفرینە) توانی پلەی سێیەمی چیرۆک بەدەست بهێنێت

بەناوی دەستەی کارگێڕی قوتابخانە و سەرجەم مامۆستایان جوانترین و گەرمترین پیرۆزباییان ئاراستە دەکەین و هیوای سەرکەوتنی زیاترو بەردەوامیان بۆ دەخوازین
سوپاس و پێزانینمان ئاراستەی منداڵ پارێزی کوردستان و گۆڤارە ناوازەکەی پەپولە دەکەین و
سوپاسی تایبەتمان بۆ مامۆستا (جوان) مامۆستای قوتابخانەکەمان کە هاوکارو هاندەریان بوو لەنووسین و بەشداریکردنیان

قوتابییە خۆشەویستەکانمان، مامۆستا دڵسۆزەکان و کەسوکاری بەڕێزی قوتابیان ..

ئەمڕۆ بە کۆتا هاتنی تاقیکردنەوەکان، قۆناغێکی گرنگ و پڕ لە هەوڵ و کۆششمان بە سەرکەوتوویی کۆتایی پێ هێنا.
ئەم ساڵی خوێندن تێنەدەپەڕی و نەدەبووە خاوەنی ئەم کۆتاییە جوانە، ئەگەر ماندووبوون و شەونخونیی قوتابییە ئازیزەکانمان، دڵسۆزی و پشوو درێژیی مامۆستا بەڕێزەکانمان لە ناو پۆلەکاندا و پاڵپشتی و هاوکاریی بەردەوامی دایکان و باوکانی هێژا نەبوایە.
هەمووان پێکەوە وەک یەک خێزان، نموونەیەک لە هاوکاری و سەرکەوتنتان پێشکەش کرد.
سوپاس و پێزانینی بێپایان بۆ کارگێڕی و مامۆستایان کە هەموو هەوڵێکی خۆیان دا بۆ بەڕێوەچوونی تاقیکردنەوەکان بە باشترین شێوە و سوپاس بۆ هەموو چرکەیەکی ماندووبوونی ناو پۆلەکان و هۆڵەکانی تاقیکردنەوە.
ئێوە سەرمایەی ڕاستەقینەی ئەم قوتابخانەیەن ..
دەستخۆشییەکی گەرمیش لە قوتابییە چاوگەشەکانمان کە بە ئیرادەیەکی بەهێزەوە ڕووبەڕووی تاقیکردنەوەکان بوونەوە.
هیوادارم بەرهەمی ئەم ماندووبوونە بە نمرەی بەرز و سەرکەوتنی گەورە هەموان شادمان بکات.
پشوویەکی ئارام، شاد و پڕ لە تەندروستی بۆ یەک بە یەکتان دەخوازم و تەمەندرێژ بن.

تاقیکردنەوەکانی ساڵی خوێندنی ((٢٠٢٥-٢٠٢٦))
وەرزی دووەم (کۆتای ساڵ) بەردەوامە هیوای سەرکەوتن بۆ قوتابیەکان دەست خۆشی بۆ سەرجەم لیژنەکان
*لیژنەی تاقیکردنەوەکان
*لیژنەی پشکنین
*لیژنەی وردبینی
تەواوی مامۆستایانی چاودێر وفەرمانبەران
دووبارە هیوای سەرکەوتن بۆ قوتابیان بە هیوای دواڕۆژێکی ڕووناک..

گەشتی قوتابیانی پۆلی شەشەم
بۆ پارکی (هەواری شار)