ناطق لتعليم اللغة العربية

جەژنی قوربانتان پیرۆز بێت 🌙✨

​پەیجی ناطق گەرمترین و جوانترین پیرۆزبایی ئاڕاستەی ئێوەی خۆشەویست دەکات بەبۆنەی جەژنی قوربانی پیرۆزەوە. گەورەترین جەژن وشادی ئێمە، سەرکەوتن و پێشکەوتنی ئێوەیە لە فێربوونی زمانی عەرەبیدا.

​💡 گۆشەی فێربوون (من وحي الآية):

وەک لە ئایەتی سەر وێنەکەدا دەبینن (سورەتی الحج، ئایەتی ٣٧):

﴿لَن يَنَالَ اللَّهَ لُحُومُهَا وَلَا دِمَاؤُهَا وَلَٰكِن يَنَالُهُ التَّقْوَىٰ مِنكُمْ﴾

​واتای ئایەتەکە: گۆشت و خوێنی ئەم قوربانیانە ناگات بە خودا، بەڵکو ئەوەی دەگات بەو، تەقوا و دڵسۆزی و پارێزکاری ئێوەیە.

​وشەکاری عەرەبی بۆ فێربوون:

​لَن يَنَالَ: هەرگیز پێی ناگات / بەدەستی ناهێنێت.

​التَّقْوَىٰ: پارێزکاری و ترسی خودا لەسەر بنەمای خۆشەویستی.

​💬 پرسیار بۆ ئێوە: > لە کۆمێنت پێمان بڵێن، بە عەرەبی چۆن بە هاوڕێکەت دەڵێیت "جەژنت پیرۆز بێت"؟

​تەمەن درێژ و لەشساغ بن، جەژنی هەموان پیرۆز بێت! 🌹

​ #ناطق

💎 گەورەترین زیکری ڕۆژی عەرەفە بە زمانی عەرەبی و کوردی

​پێغەمبەری خوا ﷺ دەفەرموێت: باشترین دوعا، دوعای ڕۆژی عەرەفەیە، و باشترین شتێک کە من و پێغەمبەرانی پێش من گوتوومانە:

​«لَا إِلٰهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَىٰ كُلِّ شَيْءٍ قَدِيرٌ»

​با پێکەوە واتا و پێکهاتەی وشەکان فێربین:
​لَا إِلٰهَ إِلَّا الله: هیچ پەرستراوێک نییە بە حەق بێجگە لە الله.
​وَحْدَهُ: بە تەنها.
​لَا شَرِيكَ لَهُ: هیچ هاوبەشێکی نییە.
​لَهُ الْمُلْكُ: پادشایەتی و موڵک تەنها بۆ ئەوە.
​لَهُ الْحَمْدُ: سوپاس و ستایش تەنها بۆ ئەوە.
​وَهُوَ عَلَىٰ كُلِّ شَيْءٍ قَدِيرٌ: و ئەو بەسەر هەموو شتێکدا بەدەسەڵاتە.

​💡 تێبینی زمانەوانی: ڕستەی (لَهُ الْمُلْكُ) لە بنەڕەتدا (المُلْكُ لَهُ) بووە، بەڵام کاتێک (لَهُ) پێشخراوە، بۆ هێنانەوەی مانای حەصر و تایبەتکردنە (واتا تەنها و تەنها موڵک بۆ ئەوە).

​ #دوعا #عەرەفە

🌙 فێربوونی عەرەبی لەگەڵ فەرموودەی پێغەمبەر ﷺ (ڕۆژووی ڕۆژی عەرەفە)

​ئازیزان، با پێکەوە سەیری ئەم فەرموودە پیرۆزە بکەین و چەند وشەیەکی گرنگی لێ فێربین:

​فەرموودەکە:

«صِيَامُ يَوْمِ عَرَفَةَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ، وَالسَّنَةَ الَّتِي بَعْدَهُ» [رواه مسلم]

​واتای وشەکان بە کوردی:

​صِيَام: ڕۆژووگرتن

​أَحْتَسِبُ عَلَى الله: ئومێدم وایە و داواکارم لە خودا (پاداشتەکەیم لە خودا دەوێت)

​يُكَفِّرَ: بسڕێتەوە / خۆش بێت لە (تاوان)

​السَّنَةَ الَّتِي قَبْلَهُ: ئەو ساڵەی پێش خۆی

​وَالسَّنَةَ الَّتِي بَعْدَهُ: ئەو ساڵەی دوای خۆی

​سوودێکی ڕستەسازی (نحو):

سەرنج بدەن وشەی (الَّتِي) ناوی گەیەنەرە (اسم موصول) بۆ ناوی مێ (المؤنث) بەکاردێت، لێرەشدا بۆ وشەی (السَّنَة) بەکارهاتووە کە ناوێکی مێیە.

پەروەردگار تاعەت و ڕۆژووی هەموولایەک قبوڵ بکات. 🤲✨

​ #نزا #عەرەفە

🎓 سەرکەوتنێکی زانستی نوێ لەژێر سەرپەرشتی دکتۆر مەحموود

​جێی دڵخۆشی و شانازییە بۆ پەیجەکەمان کە دوێنێ یەکشەممە ٢٠٢٦/٥/١٧، بەڕێز (پ.د. محمود عبدالله محمود )، وەک ئەندام و سەرپەرشتیار پشکدار بوو لە تاوتوێکردنی ماستەرنامەی خوێندکار (عبدالله فاضل حسن) لە زانکۆی سلێمانی. 🌟

​نامەی خوێندکارەکە لەسەر کەسایەتییەکی زانای ناوداری کورد بوو بە ناونیشانی:

«اختيارات الشيخ ٲحمد كاكه محمود في تفسيره رامان: دراسة تحليلية»

​ئاوڕدانەوە لە زانایانی کورد و بەرهەمە شەرعی و زمانییەکانیان، هەنگاوێکی گەورەیە بۆ خزمەتکردنی زانست و زمانی عەرەبی لە تەفسیردا. 📜✨

​پاش گفتوگۆیەکی چڕ، نامەکە بە سەرکەوتوویی پەسەندکرا.🎉
پیرۆزبایی لە خوێندکاری ئازیز و دکتۆری بەڕێزمان دەکەین و هیوای پلەی بەرزتریان بۆ دەخوازین. 🎓👏

​ #ناطق #ماستەر

🌙 دە ڕۆژە گەورەکەی مانگی حاجیان (ذو الحجة) بەرێوەیە...
​پێغەمبەری خوا (صلی الله علیه وسلم) دەفەرمووێت: «هیچ ڕۆژێک نییە عیبادەت و چاکە تێیدا خۆشەویستتر بێت لەلای خودا وەک لەم دە ڕۆژە» پێشەوا بوخاری ڕیوایەتی کردوە.

​لەم دوو وێنەیەدا ۱۰ گرنگترین عیبادەت و کار کۆکراونەتەوە بە زمانی عەرەبی کە پێویستە لەم ٢٤٠ کاتژمێرە کورتەدا ئەنجامیان بدەین:
​١. پارێزگاری لە نوێژەکان لە مزگەوت.
٢. ڕۆژووی ڕۆژی عەرەفە.
٣. شەونوێژ.
٤. خێرکردن و سەدەقە.
٥. دوعاکردن لە کاتە وەڵامدراوەکاندا.
٦. زیکرکردن (سبحان الله، الحمد لله، لا إله إلا الله، الله أكبر).
٧. دوورکەوتنەوە لە حەرام و قسەی بێسوود.
٨. خوێندنی قورئان (ڕۆژانە ٣ جوزئ بۆ خەتمکردن).
٩. عیبادەتەکانی دڵ (ئارامگری و ڕازیبوون).
١٠. ڕەوشتبەرزی و ئازار نەدانی خەڵک.

​🤲 خوای گەورە بمانگەیەنێتە ئەو ڕۆژانە و عیبادەتی هەموولایەک قبوڵ بکات.

✅ تکایە پۆستەکە شێر بکە تا هاوڕێکانیشت سوودمەند بن و لە چاکەکەدا شەریک بیت.

​ #ذوالحجة #ئیسلام #کوردی #خێر

یەکە کۆنەکانی پێوانە لە زمانی عەرەبیدا 📏✋
​ئەمانە باوترین ئەو پێوانانە بوون لە پێشدا پێش داهێنانی مەتر بەکارهێنراون و لە فەرموودە و ئەدەبیاتیشدا زۆر دووبارە دەبنەوە:
​🔹 باع: گەورەترین یەکەیە، مەودای نێوان هەردوو دەستە کاتێک بە تەواوی دەکرێنەوە. (نزیکەی ١٨٠-٢٠٠ سم).
🔹 وار: لە سەری پەنجەوە تا ناوەڕاستی سنگ. (نزیکەی ٩٠ سم).
🔹 ذراع (باڵ): لە سەری پەنجەی ناوەڕاستەوە تاوەکو ئەنیشکە. (نزیکەی ٤٥ سم).
🔹 شبر (بست): مەودای نێوان پەنجەتوتە و پەنجەگەورە. (نزیکەی ٢٠-٢٢ سم).
🔹 فتر: مەودای نێوان پەنجە گەورە و پەنجەی شایەتومان. (نزیکەی ١٥-١٨ سم).
🔹 پەنجە (إصبع): بچووکترین یەکەیە و بە پانی پەنجەکان ئەژمار دەکرێت.
​✨ سوودێکی جوان: بەکارهێنانی ئەم وشانە لە فەرموودەکاندا وەک هێمایەکە بۆ نزیکبوونەوەی خودا لە بەندەکەی؛
پێغەمبەری خودا ﷺ لە فەرموودەیەکی قودسیدا دەفەرموێت: خوای گەورە دەفەرموێت: «إِذَا تَقَرَّبَ عَبْدِي مِنِّي شِبْرًا تَقَرَّبتُ مِنْهُ ذِرَاعًا، وَإِذَا تَقَرَّبَ مِنِّي ذِرَاعًا تَقَرَّبْتُ مِنْهُ بَاعًا، وَإِذَا أَتَانِي يَمْشِي أَتَيْتُهُ هَرْوَلَةً»
واتە:«ئەگەر بەندەکەم بستێک لێم نزیک بێتەوە، ئەوا من باڵێک لێی نزیک دەبمەوە، ئەگەر باڵێک لێم نزیک بێتەوە، ئەوا من باوەشێک لێی نزیک دەبمەوە، ئەگەر بە ڕۆیشتن بەرەو ڕووم بێت، ئەوا من بە ڕاکردن (بە پەلەتر) بەرەو ڕووی دەچم.»

​ #زانیاری #پێوانە #کوردەواری #حديث

خۆشحاڵین بە بەشداربوونی (پ.د. محمود عبداللە محمود) وەک سەرۆکی لیژنەی گفتوگۆی ماستەرنامەی قوتابی (زینب مقداد شهاب) لە کۆلێژی زانستە ئیسلامییەکانی زانکۆی سەڵاحەدین لە بەرواری (١٤/ ٤/ ٢٠٢٦).

​ئەم نامەیە کە لەژێر ناونیشانی:

«تەفسیری "تیزکاری ئیمان بۆ قەومی کوردان" للملا محمد خوهرزاد البنجویني» ئەنجامدراوە، بایەخێکی زمانیی تایبەتی هەیە. لێکۆڵینەوە و ساغکردنەوەی (تحقیق) ئەم جۆرە دەقانە، نەک تەنها خزمەت بە کایەی ئایینی دەکات، بەڵکو گەنجینەیەکی دەوڵەمەندە بۆ ناسینی شێواز و مێژووی نووسینی کوردی لە سەدەی ڕابردوودا.

​لیژنەی گفتوگۆ:

🔹 پ.د. محمود عبداللە محمود (سەرۆکی لیژنە)

🔹 پ.ی.د. ئاوات محمد بابا ئاغا (ئەندام)

🔹 پ.ی.د. عباس علي سلیمان (ئەندام)

🔹 پ.ی.د. جمال عزیز أمین (ئەندام و سەرپەرشتیار)

​دەستخۆشی لە لیژنەی گفتوگۆ و قوتابی بەڕێز دەکەین بۆ ئەم هەوڵە زانستییە و هیوای بەردەوامییان بۆ دەخوازین لە خزمەتکردنی کتێبخانەی کوردی.

​ #تەفسیر #ماستەر #کەلەپوور

هاوەڵى بەڕێز (أَبو الدَّرْدَاء) رضي الله عنه دەگێڕێتەوە، كە پێغەمبەرى خوا ﷺ فەرمویەتى: «مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْفِ عُصِمَ مِنَ الدَّجَّالِ».
واتە: (هەر كەسێك (دە) ئایەتى سەرەتاى سوڕەتى (الْكَهْف) لەبەربكات، ئەوا لە دەججال پارێزراو دەبێت). پێشەوا موسلیم گێڕاویەتیەوە.

لە ڕیوایەتی (النَّوَّاس)ى كوڕى (سَمْعَان)دا رضي الله عنه پێغەمبەرى خوا ﷺ كە باسى فیتنەى دەجال بۆ هاوەڵە بەڕێزەكان دەكات، دەفەرموێت: «فَمَنْ أَدْرَكَهُ مِنْكُمْ، فَلْيَقْرَأْ عَلَيْهِ فَوَاتِحَ سُورَةِ الْكَهْفِ» . واتە: (ئەگەر دەججال بە ئێوە گەیشت، ئەوا سەرەتاکانی سورەتى (الكهف)ى بەسەردا بخوێننەوە).

#فەرموودە #قورئان #ئیسلام

وكأن السماء تبتسم للأرض بعد بكاء طويل.. سبحان من خلق فأبدع. ☁️❤️
​
وەک ئەوەی ئاسمان دوای گریانێکی درێژ، زەردەخەنە بۆ زەوی بکات.. پاک و بێگەردی بۆ ئەو خودایەی ئەم جوانییەی خولقاندووە. ☁️❤️
قزس قزح: پەلکەزێڕینە