11/05/2026
ابنائنا تلاميذ الصف السادس
غدا ان شاء الله تبدا الامتحانات الوزاريه و حسب الجدول ادناه
نرجو منكم الانتباه الى الملاحظات ادناه
١ الامتحان في نفس مدرستنا الاصالة وقت الامتحان ساعه ثمانيه الصبح تكون متواجد سبعه ونص بالمدرسه
٢الحضور المبكر الى المدرسه خاصة في اليوم الاول لان راح تتوزعون على القاعات الامتحانيه ويحتاج وقت لقراءة الاسماء،
٣ لاتنسى بطاقة الاشتراك كون محضرها من اول الصبح حتى تاخذها وياك للمدرسه
٤ اخذ وياك اقلام جاف اسود او ازرق لكتابة الاسم والمدرسه و الرقم الامتحاني واخذ وياك اقلام رصاص كافيه وجبده تكتب بيها و مبراة و ممحاة ومسطره وخليهم في محفظه شفافه افضل
٥ لاتلبس ساعه الكترونيه ولا تاخذ،موبايل للمدرسه ولا محفظه هندسه عليها خارطه لاي سبب كان
٦ كتاب الماده الي تاخذه الصبح للمدرسه لاتتركه بالمدرسه لان راح تسلم جميع الكتب نهاية الامتحانات
٧ من تستلم الاسئله اكتب اسمك عليها واقراها بهدوء وابدي باسهل سؤال بعد ماتتاكد عدد الاسئله المطلوب اجابتها واذا اكو ترك خلي اخر شي حتى تتركه
٨ اكتب اسم السؤال والفرع قبل ماتجاوب على السؤال وتاكد من فقرات السؤال حتى تجاوبها بشكل جيد الترقيم الصحيح لفقرات السؤال والخط الواضح نصف الجواب
٩ وقت الامتحان مكتوب على ورقة الاسئله ساعتين او ساعتين ونصف راح يسمحون بعد ساعه من الامتحان لمن يريد المغادره لاتغادر من القاعه الا بعد ان تتاكد من اجابتك على جميع الاسئله
حتى لو تبقى الى نهاية الوقت المهم تتاكد خلصت تماما من الاجابه
١٠ حافظ على الهدوء وكن مثال للتلميذ المثابر المجتهد وهذا عهدنا بكم
تمنياتنا لكم النجاح والتوفيق ان شاء الله
