Iraq Youth Development Center

الله بالخير عليكم وحتى لا احد يغلط ويتهمني مثل ما صار بالردود على احد تعليقاتي على منشور معين انه انا ابن افغاني والخ من الغلط والشتم والاتهامات

اخوان بالحرب الحاليه موضوع ننصر يا جهة هو موضع ميختلف عليه اشخاص اثنين عقلاء لان موضع حق وباطل
ايران تمثل الحق واخرا.ئيل وام.ريكا يمثلون الباطل
وعسى الباطل صاير تراب الى جهنم وبئس المصير
بس من نحجي حرصا على وضع العراق وارزاق العالم العراقيين الفقره هذا من باب الحرص على مصلحة البلد والعالم المساكين
وشفنا شلون بسبب تصريحات وافعال البعض راحت بيها دماء عراقيين مساكين راحوا شهداء والروس الجبيره واللي حتى ما صرحوا تصريح واحد استنكار كاعدين ومتنعمين بالمليارات ولا همه ولا ولدهم صار بيهم شي وولد الخايبه ماتوا وراح دمهم حالهم حال الالاف اللي راحوا قبل وصاروا بس صور بالشوارع واهلهم كاتلهم الفقر والعوز وحتى راتب ما ينطوهم الا بشق الانفس واذا حصلوا اللي يعيشهم بكلمه
اخوان لازم يصير وعي بخصوص العراق ومصلحة العراق واهل العراق
احنا لازم نبني البلد ونسويلنا كيان وقوه نكدر نكول بيها كلمة الحق كدام اكبر راس ونخاف شي بس لازم نبني البلد اول ونحصن نفسنا صح ويصير عدنا زراعه وصناعه ووعي وقوه حتى نكدر نواجه الباطل
الشعارات الفارغه متبني بلد ومتشبع جوعان ومترجع شهيد
انا عراقي جنوبي ابا عن جد واتمنى كلامي يكون واضح للجميع
واغلى ما عندي بلدي العراق وابناء بلدي العراق وكرامة ومصلحة بلدي العراق