10/02/2024
एस. एन. डी. महाविद्यालयात निर्भय कन्या कार्यशाळा संपन्न
जगदंबा एज्युकेशन सोसायटी संचलित एस. एन. डी. कला, वाणिज्य आणि विज्ञान महाविद्यालय व सावित्रीबाई फुले पुणे विद्यापीठ यांच्या संयुक्त विद्यमाने ‘विद्यार्थी विकास मंडळ’ अंतर्गत दिनांक 8 फेब्रुवारी 2024 रोजी निर्भय कन्या अभियान कार्यशाळा संपन्न झाली. या कार्यक्रम प्रसंगी महाविद्यालयाचे प्राचार्य प्रा. बनकर माधव अध्यक्ष तर प्रमुख पाहुणे म्हणून येवला तालुका सिटी पोलीस निरीक्षक विजय पुजारी प्रमुख पाहुणे म्हणून उपस्थित होते. प्रथम सत्रात येवला तालुका सिटी पोलीस निरीक्षक विजय पुजारी यांनी विद्यार्थिनींना अनमोल मार्गदर्शन केले. त्यांनी महिला सबलीकरण तसेच महिलांसाठी कायदेविषयक सुरक्षा यावर व्याख्यान देऊन योग्य ते मार्गदर्शन केले. माँ साहेब जिजाऊ, अहिल्याबाई होळकर, राणी लक्ष्मीबाई, सावित्रीबाई फुले यांचा आदर्श ठेऊन आपले ध्येय निश्चित करून ते साध्य करण्याचा प्रयत्न करून यशस्वी व्हा आणि सगळ्यांचा सन्मान ठेवून जीवनात पुढे जाण्याचा प्रयत्न करा. तसेच संत जनाबाई, संत मुक्ताबाई, महदंबा यांच्या अध्यात्मिक जीवनाचा अभ्यास करून आपल्या जीवनात सांस्कृतिक, अध्यात्मिक वैभव प्राप्त करा. आपला देश, समाज यासाठी तुम्हीच आधार आहात. असा अनमोल संदेश त्यांनी या कार्यशाळेत दिला.
महाविद्यालयाचे प्राचार्य प्रा. बनकर माधव यांनी अध्यक्षीय मनोगतातून निर्भय कन्या अभियानाचे महत्व आणि उद्देश स्पष्ट केले. मुलीनी प्रत्येक गोष्टीला आत्मविश्वासपूर्वक सामोरे गेले पाहिजे. मुलीना आता प्रत्येक क्षेत्रात आपले नाव उज्वल करण्याचा अधिकार प्राप्त झाला आहे. आपल्या सखोल अभ्यासातून आपले ध्येय प्राप्त करून घ्यावे. असे प्रतिपादन केले. कार्यक्रमाचे सूत्रसंचालन प्रा. घोडेराव शीतल यांनी केले तर कार्यक्रमाचे प्रास्ताविक विद्यार्थी विकास अधिकारी प्रा. ठाकरे संदिप यांनी केले. कार्यक्रमाचे आभार प्रा. हंसा बागरे यांनी मानले. याप्रसंगी राष्ट्रीय सेवा योजनेचे अधिकारी प्रा. आदमाने ए. जे, सांस्कृतिक विभाग प्रमुख प्रा. धनगे जी. बी. बीएस्सी एच. ओ. डी. प्रा. शिंदे योगेश, बीबीए एच. ओ. डी. प्रा. निंबोळकर, इत्यादी प्राध्यापक उपस्थित होते.
