Datey College, Shivaji Nagar, Yavatmal (2026)

30/09/2026

गणपती विसर्जनानंतर स्वच्छता व घनकचरा निर्मूलन जनजागृती कार्यक्रमाचा अहवाल

दिनांक 29 सप्टेंबर 2025 रोजी दाते कॉलेज, यवतमाळ येथील राष्ट्रीय सेवा योजना विभागाच्या वतीने यवतमाळ शहरालगत असलेल्या वाघाडी परिसरामध्ये गणपती विसर्जनादरम्यान निर्माण झालेली घाण व घनकचरा निर्मूलनासाठी स्वच्छता अभियान आयोजित करण्यात आले.
गणपती विसर्जनानंतर परिसरामध्ये मोठ्या प्रमाणात जमा झालेला प्लास्टिक, निर्माल्य, कागद, थर्माकोल व इतर घनकचरा यामुळे परिसराच्या स्वच्छतेवर तसेच पर्यावरणावर विपरीत परिणाम होत होता. ही बाब लक्षात घेऊन राष्ट्रीय सेवा योजना स्वयंसेवकांनी पुढाकार घेत परिसराची स्वच्छता केली.
हा स्वच्छता व घनकचरा निर्मूलन कार्यक्रम महाविद्यालयाचे प्राचार्य डॉ. राजेश सिंगरू यांच्या मार्गदर्शनाखाली पार पडला. राष्ट्रीय सेवा योजनेचे मुख्य कार्यक्रम अधिकारी प्रा. दत्तात्रय जोशी यांच्या नेतृत्वाखाली स्वयंसेवकांनी वाघाडी परिसरातील विविध ठिकाणी स्वच्छता मोहीम राबविली. स्वयंसेवकांनी जमा झालेला घनकचरा वेगवेगळा करून योग्य पद्धतीने संकलित केला. तसेच नागरिकांमध्ये स्वच्छता, पर्यावरण संवर्धन आणि सार्वजनिक ठिकाणी कचरा न टाकण्याबाबत जनजागृती करण्यात आली.
या उपक्रमामुळे परिसर स्वच्छ व सुंदर होण्यास मदत झाली. विद्यार्थ्यांमध्ये स्वच्छता, पर्यावरण संवर्धन, सामाजिक बांधिलकी, श्रमप्रतिष्ठा आणि सामाजिक जबाबदारीची भावना विकसित झाली. गणपती विसर्जनानंतर सार्वजनिक ठिकाणी निर्माण होणाऱ्या कचऱ्याचे योग्य व्यवस्थापन करण्याचा संदेश या उपक्रमातून देण्यात आला.
राष्ट्रीय सेवा योजनेच्या माध्यमातून राबविण्यात आलेल्या या स्वच्छता अभियानामुळे वाघाडी परिसरातील घनकचरा व अस्वच्छता कमी होण्यास मदत झाली. सामाजिक बांधिलकी जपत विद्यार्थ्यांनी केलेले हे कार्य पर्यावरण संरक्षणाच्या दृष्टीने महत्त्वपूर्ण ठरले.
प्रा. दत्तात्रय जोशी कार्यक्रम अधिकारी
राष्ट्रीय सेवा योजना, दाते कॉलेज, यवतमाळ

28/09/2026

*दाते कॉलेजमध्ये संगीत अभ्यास मंडळाचे उद्घाटन*
यवतमाळ : दाते कॉलेज, यवतमाळ येथील संगीत विभागाच्या वतीने बुधवार दिनांक 23/09/2026 रोजी विद्यार्थ्यांमध्ये संगीतविषयक ज्ञान, कलात्मक कौशल्ये आणि सर्जनशीलतेला प्रोत्साहन देण्याच्या उद्देशाने ‘संगीत अभ्यास मंडळा’चे उद्घाटन आयोजित करण्यात आले. संगीत शिक्षणाला शास्त्रशुद्ध आणि अभ्यासपूर्ण दिशा देण्याच्या दृष्टीने या उपक्रमाचे आयोजन करण्यात आले होते. या कार्यक्रमाच्या अध्यक्षस्थानी महाविद्यालयाचे प्राचार्य डॉ. राजेश सिंगरू होते. प्रमुख उपस्थिती म्हणून उपप्राचार्य डॉ. ताराचंद कंठाळे उपस्थित होते. तसेच संगीत विभागप्रमुख डॉ. प्रशांत बागडे आणि प्रा. दत्तात्रय जोशी यांची उपस्थिती लाभली. कार्यक्रमाच्या सुरुवातीला संगीत विभागातील विद्यार्थिनी प्रेमा तोडकर आपल्या गोड आवाजात एका भक्ती गीताने कार्यक्रमाची सुरुवात केली.
संगीत अभ्यास मंडळाच्या माध्यमातून विद्यार्थ्यांना भारतीय शास्त्रीय संगीत, संगीतशास्त्र, गायन, वादन, ताल, स्वर आणि संगीताच्या विविध पैलूंचा अभ्यास करण्यासाठी प्रोत्साहन देण्याचा प्रयत्न करण्यात आला. संगीत क्षेत्रातील सैद्धांतिक ज्ञानासोबतच प्रात्यक्षिक कौशल्यांचा विकास व्हावा, विद्यार्थ्यांच्या कलागुणांना योग्य व्यासपीठ मिळावे आणि संगीताच्या समृद्ध परंपरेची विद्यार्थ्यांना सखोल ओळख व्हावी, या दृष्टीने संगीत अभ्यास मंडळाची भूमिका महत्त्वाची असते असे वक्तव्य महाविद्यालयाचे प्राचार्य डॉ. राजेश सिंगरू यांनी आपल्या अध्यक्षीय भाषणामध्ये विषद केले. आजच्या बदलत्या काळात संगीत शिक्षणाचे महत्त्व अधिक व्यापक झाले आहे. संगीत हे केवळ मनोरंजनाचे साधन नसून व्यक्तिमत्त्व विकास, एकाग्रता, सर्जनशीलता आणि सांस्कृतिक जाणीव निर्माण करणारे प्रभावी माध्यम आहे. या पार्श्वभूमीवर विद्यार्थ्यांना संगीताच्या विविध अंगांचा परिचय करून देणे, त्यांच्यातील सुप्त कलागुणांना वाव देणे आणि संगीतविषयक उपक्रमांमध्ये त्यांचा सक्रिय सहभाग वाढविणे, हा या अभ्यास मंडळाद्वारे संगीत विभागाचा महत्त्वपूर्ण प्रयत्न अतिशय स्तुत्य आहे असे प्रतिपादन उपप्राचार्य डॉ. ताराचंद कंठाळे यांनी व्यक्त केले संगीत अभ्यास मंडळाच्या माध्यमातून भविष्यात संगीतविषयक चर्चासत्रे, मार्गदर्शनपर उपक्रम, अभ्यासपूर्ण सादरीकरणे, कार्यशाळा आणि विद्यार्थ्यांच्या कलागुणांना चालना देणारे विविध कार्यक्रम तसेच
संगीत विभागाने सुरू केलेला हा उपक्रम विद्यार्थ्यांना संगीत क्षेत्रातील ज्ञान, कौशल्य आणि कलात्मक अभिव्यक्ती विकसित करण्यासाठी संगीत विभाग निश्चितच प्रयत्नशील राहील अशी ग्वाही संगीत विभाग प्रमुख डॉ. प्रशांत बागडे यांनी आपल्या प्रास्ताविकेत संगीत अभ्यास मंडळामध्ये मंडळाच्या अध्यक्षपदी तुषार चंदू उके, उपाध्यक्षपदी शाम विनोद लोखंडे, सचिवपदी रोहित रविंद्र राठोड यांची निवड करण्यात आली.
यावेळी महाविद्यालयाचे प्राचार्य डॉ. राजेश सिंगरू, उपप्राचार्य डॉ. ताराचंद कंठाळे व संगीत विभाग प्रमुख प्रा. डॉ. प्रशांत बागडे यांनी मंडळाच्या सदस्यांचे अभिनंदन करून आगामी संगीतविषयक उपक्रमांसाठी शुभेच्छा दिल्या. कार्यक्रमाचे सूत्रसंचालन प्रा. विद्या बोडे व आभार प्रदर्शन प्रा. गायत्री जोशी यांनी केले. कार्यक्रमाच्या यशस्वीतेसाठी संगीत विभागातील सर्व प्राध्यापकांनी परिश्रम घेतले.

24/09/2026

दाते कॉलेज यवतमाळ येथे गृहअर्थशास्त्र विषया अंतर्गत दि 21/ 9/26 रोजी एकदिवसीय पेंटिंगचे प्रकार वर्कशॉप चे आयोजन महाविद्यालयाचे प्राचार्य डॉ. राजेश सिंगरू यांच्या मार्गदर्शनात करण्यात आले. कार्यक्रमाचे प्रास्ताविक करताना गृहअर्थशास्त्र विभाग प्रमुख डॉ. वैशाली मेश्राम यांनी बी.ए . भाग .१ च्या प्रत्यक्षिका अंतर्गत आलेले पेंटिंग चे विविध प्रकार हे विद्यार्थ्यांना स्किल डेव्हलपमेंट करिता कसे महत्त्वाचे आहे हे सांगून वारली , मधुबनी, आणि फ्रीहँड पेंटिंग हे विविध प्रकार दैनंदिन जीवनामध्ये वापरता येण्यासारखे असून सर्वांनी ही कला शिकून घ्यावी असे आवाहन केले . डॉ . सीमा खापरे यांनी विद्यार्थिनींना रंग योजनेतून कलाकृती कशी साकारायची याची सविस्तर माहिती दिली तर प्रशिक्षक म्हणून उपस्थित असलेल्या कु .दिपाली ठाकरे ह्यांनी पेंटिंगचे विविध प्रकार विद्यार्थिनींना शिकविले यावेळी वापरण्यात येणारे डिझाईन कसे काढायचे व त्यामध्ये रंग कसे भरायचे याची सविस्तर माहिती देण्यात आली . तसेच प्रा. हेमा गुल्हाणे ह्यांनी विद्यार्थीनींना बेडसिट , कुशन कवर, पडदे , वॉल हँगिंग या पेटिंग मधुन कश्याप्रकारे साकारावे हे विस्तृत सांगीतले कार्यक्रमाचे सुत्रसंचलन कु. प्रांची बनकर हिने तर आभार कु . मेघा मेश्राम हिने व्यक्त केले कार्यक्रमाच्या यशस्वी ते करिता गृह अर्थशास्त्राच्या संपूर्ण विद्यार्थिनींनी परिश्रम घेतले .

24/09/2026

दाते कॉलेज यवतमाळ येथे दिनांक 24 / 9 /26 रोजी राष्ट्रीय सेवा योजने अंतर्गत राष्ट्रीय सेवा योजना दिवस कार्यक्रमाचे आयोजन करण्यात आले .कार्यक्रमाचे प्रास्ताविक करताना रा . से. यो . कार्यक्रमाधिकारी प्रा . दत्तात्रय जोशी यांनी कार्यक्रम घेण्यामागचा उद्देश समजून सांगून स्वयंसेवकांना राष्ट्रीय सेवा योजना दिनानिमित्त घेण्यात येणाऱ्या विविध उपक्रमांची माहिती देऊन पाहुण्यांचा परिचय करून दिला . मंचावर प्रमुख अतिथी व मार्गदर्शक म्हणून उपस्थित असलेले महाविद्यालयाचे उपप्राचार्य . डॉ . ताराचंद कंठाळे यांनी स्वयंसेवकांना राष्ट्रीय सेवा योजनेचा हेतू स्वयंसेवकांनी राष्ट्रीय सेवा योजनेमार्फत करावयाचे विविध उपक्रम तसेच समाजा प्रती त्यांची असलेली भूमिका हे सविस्तर प्रतिपादन केले . कार्यक्रमाचे अध्यक्ष असलेले महाविद्यालयाचे प्राचार्य डॉ . राजेश सिंगरू यांनी स्वयंसेवकांना राष्ट्रीय सेवा योजना दिनाचा इतिहास उलगडून दाखवला व तरुण स्वयंसेवकाची देशाला कशी गरज आहे हे सविस्तर सांगितले तसेच विद्यार्थी जीवनामध्ये स्वयंसेवकांनी कशी भूमिका ठेवावी हे देखील उलगडून दाखवले . यावेळी महिला कार्यक्रमाधिकारी डॉ . वैशाली मेश्राम , सहकार्यक्रम अधिकारी प्रा . गजानन लांजेवार उपस्थित होते . तसेच कार्यक्रमाचे सूत्रसंचालन बादल वासनिक यांनी तर आभार प्रदर्शन डॉ . चिंतामण ठाकरे यांनी केले कार्यक्रमाच्या यशस्वी ते करिता रोहित राठोड हर्षदीप रणमले, वैष्णवी राठोड, सारिका पळसराम ,वैशाली रामापुरे व राष्ट्रीय सेवा योजनेच्या स्वयंसेवकांनी परिश्रम घेतले .

23/09/2026

दाते कॉलेज मध्ये अंमली पदार्थ विरोधी जनजागृती कार्यशाळेचे आयोजन...
यवतमाळ : दि. २३ सप्टेंबर २०२६ रोजी महाराष्ट्र शासनाच्या पोलीस उपअधीक्षक कार्यालय, अंमली पदार्थ विरोधी टास्क फोर्स, अमरावती विभाग आणि भूगोल विभाग, दाते कॉलेज, यवतमाळ यांच्या संयुक्त विद्यमाने अंमली पदार्थ विरोधी जनजागृती कार्यशाळेचे आयोजन करण्यात आले.
कार्यशाळेच्या अध्यक्षस्थानी महाविद्यालयाचे प्राचार्य डॉ. राजेश सिंगरू होते. प्रमुख उपस्थिती म्हणून उपप्राचार्य डॉ. ताराचंद कंठाळे, वाणिज्य विभाग प्रमुख डॉ.अमोल राऊत, मार्गदर्शक म्हणून पूनम जगताप मॅडम सहा. पोलीस उपनिरीक्षक, राजेश मालखेडे, विनोद भगत आणि देवानंद घुगे अमली पदार्थ विरोधी टास्क फोर्स, अमरावती उपस्थित होते.
या प्रसंगी पूनम जगताप मॅडम यांनी ppt सादरीकरणाद्वारे अंमली पदार्थ विरोधी अभियानासंदर्भात सविस्तर माहिती दिली, तसेच अंमली पदार्थ जनजागृती विषयावर आधारित काही व्हिडीओ दाखविल्या नंतर विद्यार्थ्यांशी संवाद साधला. अंमली पदार्थांचे सेवन हे व्यक्तीच्या आरोग्यासोबतच कुटुंब, शिक्षण, रोजगार आणि सामाजिक जीवनावर गंभीर परिणाम करणारे असल्याने युवकांनी व्यसनमुक्त जीवनाचा संकल्प करावा, अंमली पदार्थांचे दुष्परिणाम, व्यसनापासून दूर राहण्याचे उपाय, युवकांची भूमिका आणि समाजातील जनजागृतीचे महत्त्व या विषयी मार्गदर्शन करून, विद्यार्थ्यांनी महाविद्यालयीन जीवनात अंमली पदार्थापासून दूर राहण्याचे आवाहन केले.
कार्यशाळेच्या माध्यमातून विद्यार्थ्यांमध्ये “नशामुक्त युवा – समृद्ध भारत” हा संदेश पोहोचविण्यात आला.
कार्यक्रमाचे सूत्रसंचालन भूगोल विभागाचे प्रा. यशवंत राठोड यांनी केले. या कार्यशाळेच्या यशस्वी आयोजना साठी प्रा. वैभव किनाके प्रा.अजय राठोड व प्रा.अरुण सुंकटवार यांनी विशेष प्रयत्न केले, या कार्यशाळेला महाविद्यालयातील विद्यार्थी व कर्मचारी मोठ्या संख्येने उपस्थित होते.

भूगोल विभाग,
दाते कॉलेज, यवतमाळ

22/09/2026

*दाते कॉलेज मध्ये मराठी भाषा अभ्यास मंडळाचे उदघाटन संपन्न*

स्थानिक दाते कॉलेज मध्ये दिनांक 22 सप्टेंबर रोजी मराठी विभागाच्या वतीने मराठी भाषा अभ्यास मंडळाच्या उदघाटन समारंभाचे आयोजन करण्यात आले होते. महाविद्यालयाचे प्राचार्य डॉ. राजेश सिंगरू यांच्या अध्यखतेखाली या कार्यक्रमाचे आयोजन करण्यात आले होते. कार्यक्रमाचे उदघाटक म्हणून महाविद्यालयाचे उपप्राचार्य डॉ. ताराचंद कंठाळे उपस्थित होते. समन्वयक म्हणून विभाग प्रमुख डॉ. सचिन जयस्वाल व प्रा. नितेश गेडाम यावेळी मंचावर उपस्थित होते. प्रा. नितेश गेडाम यांनी प्रास्ताविकेतून मराठी भाषेचे महत्व सांगून मागील वर्षी मराठी विभागाच्या वतीने घेण्यात आलेल्या उपक्रमांची माहिती दिली.
तर उदघाटक म्हणून लाभलेले उपप्राचार्य डॉ. ताराचंद कंठाळे सर यांनी विश्वाच्या पटलावर कोणतीही भाषा श्रेष्ठ कनिष्ठ नसते. तर भाषा ही भाषाच असते. आपण बोलतो, आपल्या भावना व्यक्त करतो, त्यातून भाषेची गरिमा राखली जाते.
मराठी आपली आई आहे. भाषा मरता देशही मरतो, संस्कृतीचा ही दिवा विझे, या कुसुमाग्रजांच्या ओळींचा दाखला दिला. आपल्या भाषेचा आपण अभिमान बाळगला पाहिजे, आपली स्वाक्षरी मराठीतून आली पाहिजे, असे मत त्यांनी व्यक्त केले.
समन्वयक डॉ. सचिन जयस्वाल यांनी विद्यार्थ्यांना उदबोधित करताना अभ्यास मंडळाचा उद्देश हा व्यक्तिमत्वाचा विकास साधणे हा असतो. किमान रोज पुस्तकाचे दोन पानं वाचले पाहिजेत.जो वाचतो तो विचार करतो व तोच समाजामध्ये विकास घडवून आणतो.
परिवर्तन करताना संस्कृतीला विसरू नये, असा संदेश दिला. कार्यक्रमाचे अध्यक्ष महाविद्यालयाचे प्राचार्य डॉ. राजेश सिंगरू सर यांनी
अभ्यास मंडळाचा हेतू काय असावा? उपक्रमाचे आयोजन कसे करावे? याबाबत सविस्तर माहिती दिली. विद्यार्थ्यांनी नियमित मासिक सभा घेऊन आपल्या अभ्यास मंडळाद्वारे वेगवेगळ्या कार्यक्रमांचे आयोजन करावे, असेही मार्गदर्शन प्राचार्य यांनी याप्रसंगी केले. या कार्यक्रमात मराठी भाषा अभ्यास मंडळाचे उदघाटन करण्यात आले. अभ्यास मंडळाचे अध्यक्ष म्हणून पूनम सिडाम, उपाध्यक्ष गौरव कुडमते, सचिव पंकज कांबळे, प्रसिद्धी प्रमुख म्हणून ओम लक्षणे यांची तर सदस्य म्हणून कोमल दोनोडे, सुनील हिवसे, चंचल बावनकुळे, अदिती कुळसंगे, दिव्यानी रावते, समीक्षा शिवणकर यांची निवड करण्यात आली व सगळ्या पदाधिकाऱ्यांना भेटवस्तू देऊन गौरविण्यात आले. या कार्यक्रमाचे सूत्रसंचालन पुनम सिडाम तर आभार प्रदर्शन पंकज कांबळे या विद्यार्थ्याने केले. कार्यक्रमाच्या यशस्वीतेसाठी प्रा. अशोक साळवे, प्रा. वैशाली सोनकुसरे, प्रा. सोनाली देशकर व मराठी विभागाच्या अनेक विद्यार्थ्यांनी प्रयत्न केले. याप्रसंगी महाविद्यालयाचे बहुतांश शिक्षक व शिक्षकेतर कर्मचारी प्रामुख्याने उपस्थित होते.

21/09/2026

दाते कॉलेज यवतमाळ गृह अर्थशास्त्र विभागाअंतर्गत पोषण सप्ताह निमित्य दिनांक 1/9 /26 ते 7/9/26 या कालावधीमध्ये विविध उपक्रमाचे आयोजन महाविद्यालयाचे प्राचार्य डॉ . राजेश सिंगरू यांच्या मार्गदर्शनात करण्यात आले दि . 5/9/26 रोजी पोषणाचे महत्व समजण्याकरिता विद्यार्थिनींनी साठी कडधान्यापासून विविध रांगोळी तसेच सलाद डेकोरेशन स्पर्धेचे आयोजन करण्यात आले . स्पर्धा घेण्यामागचा उद्देश सांगतांना गृहअर्थशास्त्र विभाग प्रमुख डॉ. वैशाली मेश्राम ह्यांनी विद्यार्थिनींना स्पर्धे मागचा उद्देश समजून सांगून ज्याप्रमाणे रांगोळीतील विविध रंग उठून दिसतात व रांगोळी सुंदर दिसते तसेच आहारामध्ये विविधता ठेवल्यास आपल्या आरोग्य देखील रंगमय होऊन जाते असे सांगितले . तसेच प्रा . हेमा गुल्हाने यांनी विद्यार्थिनींना सलाड डेकोरेशन आपल्याला रुची वाढवण्यासाठी व आरोग्य वाढविण्यासाठी कशाप्रकारे उपयोगी आहे हे सविस्तर सांगितले डॉ .सीमा खापरे यांनी विद्यार्थिनींना पोषण सप्ताह राबविण्यामागचा उद्देश सांगून यामध्ये आहार आयोजन कसे करावे हे सविस्तर सांगितले स्पर्धेचे परीक्षण करत असताना प्रमुख अतिथी म्हणून उपस्थित असलेल्या सन्माननीय सौ.सुषमा दाते यांनी विद्यार्थिनींना नैसर्गिक रांगोळी कशी साकारायला पाहिजे याची सविस्तर माहिती दिली. रांगोळी स्पर्धेमध्ये प्रथम क्रमांक चंचल बावनकुळे द्वितीय क्रमांक वैष्णवी कनवाळे तर तृतीय क्रमांक साधना वाघमारे ह्यांना देण्यात आला.कार्यक्रमाच्या यशस्वी ते करिता गृह अर्थशास्त्राच्या संपूर्ण विद्यार्थिनीनी परिश्रम घेतले .

16/09/2026

दाते कॉलेजमध्ये वाणिज्य अभ्यास मंडळाचे उद्घाटन उत्साहात संपन्न

यवतमाळ : विद्यार्थ्यांच्या ज्ञान व कौशल्याला योग्य दिशा देण्यासाठी तसेच विद्यार्थ्यांचा सर्वांगीण विकास करण्यासाठी दाते कॉलेज, यवतमाळ येथे वाणिज्य अभ्यास मंडळाची स्थापना करण्यात आली. वाणिज्य अभ्यास मंडळाचे उद्घाटन यवतमाळ शहरातील नामवंत सी.ए. श्री. निलेश शर्मा यांच्या शुभहस्ते उत्साहात संपन्न झाले.
कार्यक्रमाच्या अध्यक्षस्थानी महाविद्यालयाचे प्राचार्य डॉ. राजेश शिंगरू, प्रमुख पाहुणे प्रा. राहुल शेंद्रे, प्रा. अनूप शिरभाते तसेच कार्यक्रमाचे समन्वयक विभागप्रमुख प्रा. डॉ. अमोल राऊत मंचावर उपस्थित होते.
यावेळी कार्यक्रमाचे उद्घाटक सनदी लेखापाल श्री. निलेश शर्मा यांनी विद्यार्थ्यांच्या शैक्षणिक प्रगतीमध्ये अभ्यासासाठी योग्य वातावरणाचे महत्त्व अधोरेखित केले. विद्यार्थ्यांनी उपलब्ध सुविधांचा योग्य व नियमित वापर करून आपल्या ज्ञानात व कौशल्यात वाढ करावी, असे आवाहन त्यांनी केले.
प्राचार्य डॉ. राजेश शिंगरू यांनी आपल्या अध्यक्षीय मनोगतात विद्यार्थी अभ्यास मंडळामुळे विद्यार्थ्यांना नियमित अभ्यास, संदर्भ साहित्याचा उपयोग तसेच विविध स्पर्धा परीक्षा व शैक्षणिक उपक्रमांच्या तयारीसाठी उपयुक्त वातावरण मिळणार असल्याचे सांगितले.
कार्यक्रमाचे प्रमुख पाहुणे प्रा. राहुल शेंद्रे यांनी विद्यार्थ्यांनी वेळेचे नियोजन करून आपल्या जीवनाला आकार द्यावा तसेच उच्च दर्जाचे ज्ञानार्जन करून आपल्या कुटुंबाचा व महाविद्यालयाच्या नावलौकिक वाढवावा असे प्रतिपादन केले.
प्रास्ताविकामध्ये वाणिज्य विभाग प्रमुख डॉ. अमोल राऊत यांनी वाणिज्य अभ्यास मंडळाची भूमिका सविस्तरपणे स्पष्ट करून सत्रामध्ये घेण्यात येणाऱ्या कार्यक्रमांचा आढावा स्पष्ट केला. वाणिज्य अभ्यास मंडळातील सदस्यांचे मान्यवरांचा हस्ते पुष्पगुच्छ देऊन त्यांचा सत्कार करण्यात आला. तसेच अभ्यास मंडळाचे अध्यक्ष आदित्य उरकुडे, सदस्य बादल वासनिक यांनी प्रतिनिधिक स्वरूपात आपले मनोगत व्यक्त केले.
कार्यक्रमाचे संचलन प्रा. रेणुका बनसोड तर आभार प्रदर्शन प्रा. अनुप शिरभाते यांनी केले. कार्यक्रमास प्रा. डॉ. चिंतामण ठाकरे, प्रा. साक्षी वाघमारे, प्रा. समिक्षा भिमजियानी, प्रा. निलेश धोरण आणि प्रा. जावेद शेख यांच्यासह महाविद्यालयातील प्राध्यापकवृंद, शिक्षकेतर कर्मचारी व विद्यार्थी मोठ्या संख्येने उपस्थित होते.

16/09/2026

भूगोल विभागाद्वारे जागतिक ओझोन दिनानिमित्त एक दिवशीय कार्यशाळेचे आयोजन...
दिनांक 16 सप्टेंबर 2026 रोजी प्राचार्य डॉ.राजेश सिंगरू, उपप्राचार्य डॉ.ताराचंद कंठाळे, समन्वयक डॉ. सचिन जयस्वाल यांच्या मार्गदर्शनात भूगोल विभागाने जागतिक ओझोन दिनानिमित्त एक दिवशीय कार्यशाळेचे आयोजन केले.
या कार्यशाळेत प्रा. वैभव किनाके यांनी ऑनलाईन पद्धतीने Quiz Competition आयोजित केली, या स्पर्धेत एकूण 25 विदयार्थ्यांनी सहभाग घेतला. ही स्पर्धा तीन राऊंड मध्ये घेण्यात आली. या स्पर्धेत शिवम वांढरे, तन्मय आडे, आदर्श मसराम यांनी यश प्राप्त केले. या नंतर प्रा.यशवंत राठोड यांनी जागतिक स्तरावर ओझोन वायू समस्या आणि पृथ्वी वरील सजीवावर होणारे दुष्परिणाम या विषयी सविस्तर मार्गदर्शन केले.
कार्यशाळेच्या शेवटी विदयार्थ्यांना “Ozone Layer” या विषयावरील Documentary दाखविण्यात आली. आणि भूगोल विषयाच्या विदयार्थ्यांनी या समस्या विषयी समाजात जनजागृती करावी, तसेच मानवाच्या अस्तित्वासाठी ओझोन वायू किती आवश्यक आहे. त्याचे ऱ्हास होऊ नये, यासाठी प्रयत्न करावे, हे या कार्यशाळा घेण्यामागील उद्देश होता. या कार्यशाळेच्या यशस्वी आयोजनासाठी भूगोल अभ्यास मंडळाच्या सर्व सदस्यांनी तसेच बी.ए भूगोल च्या अथक प्रयत्न केले.
भूगोल विभाग

15/09/2026

‘केवळ कृत्रिम बुद्धिमत्तेच्या माध्यमातूनच भारत विश्वगुरू बनू शकेल’ या विषयावर वादविवाद स्पर्धा

दाते कॉलेज, यवतमाळ येथे प्राचार्य डॉ. राजेश सिंगरू यांच्या मार्गदर्शनात राज्यशास्त्र विभाग व वाणिज्य विभाग यांच्या संयुक्त विद्यमाने “केवळ कृत्रिम बुद्धिमत्तेच्या माध्यमातूनच भारत विश्वगुरू बनू शकेल” या समकालीन व ज्वलंत विषयावर वादविवाद स्पर्धेचे आयोजन करण्यात आले. विद्यार्थ्यांमध्ये कृत्रिम बुद्धिमत्ता, तंत्रज्ञान, भारताचा विकास आणि जागतिक नेतृत्व याबाबत चिकित्सक व तर्कशुद्ध विचार निर्माण व्हावा, हा या स्पर्धेचा उद्देश होता.
कार्यक्रमाच्या अध्यक्षस्थानी महाविद्यालयाचे उपप्राचार्य डॉ. ताराचंद कंठाळे होते. त्यांनी आपल्या अध्यक्षीय मनोगतात कृत्रिम बुद्धिमत्ता ही भारताच्या विकासासाठी अत्यंत प्रभावी साधन असले, तरी केवळ तंत्रज्ञानाच्या बळावरच देश विश्वगुरू होऊ शकत नाही, असे प्रतिपादन केले. मानवी मूल्ये, नैतिकता, ज्ञान, संशोधन, संस्कृती आणि मानवी बुद्धिमत्ता यांचा कृत्रिम बुद्धिमत्तेसोबत योग्य समन्वय साधणे आवश्यक आहे, असे त्यांनी सांगितले.
स्पर्धेमध्ये मयुरी पायताडे, आचल डोंगरे, परमेश्वर हांडेवार, सोनाली ठाकरे, सुजल जानकर, पंकज कांबळे, बादल वासनिक, या विद्यार्थ्यांनी सहभाग घेतला
स्पर्धेत विद्यार्थ्यांनी विषयाच्या समर्थनार्थ आणि विरोधात आपले विचार प्रभावीपणे मांडले. कृत्रिम बुद्धिमत्तेचे शिक्षण, आरोग्य, शेती, उद्योग, संरक्षण व प्रशासनातील वाढते महत्त्व तसेच AI मुळे निर्माण होणारी आव्हाने, रोजगार, नैतिकता आणि मानवी मूल्ये यांवर विद्यार्थ्यांनी तर्कशुद्ध मते मांडली.
या वादविवादातून विद्यार्थ्यांच्या वक्तृत्वकौशल्याला, आत्मविश्वासाला, चिकित्सक विचारसरणीला आणि तर्कशुद्ध मांडणीला चालना मिळाली. विद्यार्थ्यांचा उत्स्फूर्त सहभाग हे कार्यक्रमाचे विशेष आकर्षण ठरले. वादविवाद स्पर्धेचे परीक्षक म्हणून डॉ. स्नेहल सोनटक्के यांनी कार्य केले
कार्यक्रमाच्या यशस्वी आयोजनासाठी समन्वयक डॉ. सचिन जयस्वाल, डॉ. अमोल राऊत महाविद्यालयातील विद्यार्थ्यांनी परिश्रम घेतले.

Datey College

30/09/2026

28/09/2026

24/09/2026

24/09/2026

23/09/2026

22/09/2026

21/09/2026

16/09/2026

16/09/2026

15/09/2026

Address

Telephone

Website

Alerts

Contact The School

Shortcuts

Share

Category

Listing takedown request