Fikre Maududi

04/10/2026

27/07/2026

مولانا مودودی علیہ الرحمۃ کی خاص بات یہ ہے کہ آپ اپنے بیانیے پر پوری توجہ مرکوز رکھتے ہیں!
گفتگو ایسی مضبوط اور مدلل ہوتی ہے کہ قاری مسحور ہوکر رہ جاتا ہے!
دوسروں کی تردید اور تنقید مولانا کے یہاں ثانوی درجہ رکھتی ہے، یہی وجہ ہے کہ اس پہلو پر قاری کی توجہ کم ہی ہوپاتی ہے!
خلافت وملوکیت، الجہاد فی الاسلام، سود، اور پردہ وغیرہ ساری کتابیں پڑھتے چلے جائیں، یہ تمام کتابیں اسلام کی حقیقی پوزیشن واضح کرنے والی کتابیں ہیں، باقی جو بھی پہلو ہوسکتے ہیں وہ ثانوی درجے کے ہیں!
یہی وجہ ہے کہ جدید دنیا پر مولانا مودودی کے لٹریچر نے جو اثرات مرتب کیے وہ کسی دوسری شخصیت کے لٹریچر نے نہیں کیے، اور جو مقبولیت مولانا مودودی کی تصانیف کو نصیب ہوئی، وہ کسی بھی دوسرے مصنف کی تصانیف کو نصیب نہیں ہوسکی!
صحیح بات یہ ہے کہ مولانا مودودی صرف مفکر اسلام نہیں ہیں،
آپ حکیم الامت بھی ہیں،
آپ حجۃ الاسلام بھی ہیں،
بلکہ حقیقی معنوں میں آپ اس دور کے مجدد ہیں!

تحریر: ابوالاعلی سید سبحانی

08/07/2026