27/05/2023
കൊറിയ ഏഷ്യ - പസഫിക് മാസ്റ്റേഴ്സ് ഗെയിംസിൽ 200 മിറ്ററിൽ വെള്ളി മെഡൽ നേടി രാജ്യത്തിന് അഭിമാനമായ ലിൻസിക്ക് 2000 - SSLC BATCH Moolankave പൂർവ്വ വിദ്യാർത്ഥി കൂട്ടായ്മ സ്വീകരണം നൽകി.
മൂലങ്കാവ് നാഷണൽ ലൈബ്രറി ഹാളിൽ വെച്ച് നടത്തിയ സ്വീകരണ യോഗത്തിൽ 2000 - SSLC BATCH Moolankave പൂർവ്വ വിദ്യാർത്ഥികൾ ചേർന്ന് ഇന്ത്യയുടെ അഭിമാനമായ പ്രിയ കൂട്ടുകാരി ലിൻസിയെ പൊന്നാട അണിയിച്ച് സ്വീകരിക്കുകയും സ്നേഹോപഹാരം നൽകി അനുമോദിക്കുകയുംചെയ്തു. പങ്കെടുത്ത എല്ലാവരും പ്രിയപ്പെട്ട കൂട്ടുകാരിയുടെ അഭിമാന നേട്ടത്തിന് അഭിനന്ദനം അറിയിക്കുകയും ആശംസകൾ നേരുകയും ചെയ്തു.
24/03/2023
ലിൻസിക്ക് സഹായഹസ്തവുമായി 2000 - SSLC BATCH പൂർവ്വ വിദ്യാർത്ഥി കൂട്ടായ്മ
സൗത്ത് കൊറിയയിൽ നടക്കുന്ന ഏഷ്യ -പസഫിക് മാസ്റ്റേഴ്സ് ഗെയിംസിൽ ഇന്ത്യയെ പ്രതിനിധീകരിക്കാൻ അവസരം ലഭിച്ച ലിൻസിക്ക് യാത്രാ ചിലവിനുള്ള പണം ഇല്ലാത്തതിനെ തുടർന്ന് യാത്ര മുടങ്ങുമോ എന്ന ആശങ്കയിൽ ആയിരുന്നു ലിൻസി. ലിൻസിയുടെ സ്വപ്നംസാക്ഷാത്കരിക്കുന്നതിന് വേണ്ടി കൂടെ പഠിച്ച പൂർവ്വ വിദ്യാർത്ഥികളാണ് ധനസഹായം നൽകിയത്.
പൂർവ വിദ്യാർത്ഥി കൂട്ടായ്മയിലെ അംഗങ്ങളായ അബ്ദുൽ ജലീൽ, ഖാദർ, രഞ്ജിത്ത്, ബിബിൻ പീറ്റർ,എന്നിവരുടെ നേതൃത്വത്തിൽ സഹായം കൈമാറി.
11/02/2023
2000 - S S L C ബാച്ചിലെ പത്താം ക്ലാസിലെ പൂർവ്വ വിദ്യാർത്ഥികളുടെ കൂട്ടായ്മ " വർണ്ണം 2023 നൂൽപ്പുഴ പഞ്ചായത്ത് " അംഗൻവാടി കുട്ടികളുടെ കലോത്സവത്തിലേക്ക് ധനസഹായം നൽകി. പൂർവ്വ വിദ്യാർത്ഥികളുടെ കൂട്ടായ്മയിലെ അംഗങ്ങളായ. അബ്ദുൽ ജലീൽ. രഞ്ജിത്ത്. അലി. സജ്ന.ലിൻസി. എന്നിവർ ചേർന്ന് പഞ്ചായത്ത് I C D S ശ്രീമതി: സുനിതക്ക് ക്യാഷ് കൈമാറി.🙏
26/01/2023
_മധുരമുള്ള ബാല്യത്തിലേക്ക് മടങ്ങി പൂർവ വിദ്യാർത്ഥി സംഗമം_
_ഓർമ്മകളുടെ ഉത്സവങ്ങളിലേക്ക് ഒരാഘോഷമായി തിരിച്ചെത്തിയ പ്രിയപ്പെട്ടവർക്കെല്ലാം സ്നേഹത്തിൽ ചാലിച്ച നന്ദി._
_ഒരു പൂർവ്വ വിദ്യാർത്ഥി സംഗമം അത്രമേൽ മനോഹരമാകുന്നത് പങ്കെടുക്കുന്നവരുടെ മുഖങ്ങളിലെ നിറ സന്തോഷങ്ങൾ കൊണ്ടാണ്._
_23 വർഷങ്ങൾക്ക് മുമ്പ് 1999 - 2000 വർഷത്തിൽ SSLC പഠിച്ച വിദ്യാർത്ഥി സുഹൃത്തുക്കൾ ഒരിക്കൽ കൂടി കലാലയത്തിൽ തിരിച്ചെത്തുകയും ഓർമ്മകളെ ആഘോഷമാക്കി സന്തോഷത്തോടെ ചിരിക്കുകയും നിറഞ്ഞ മനസ്സോടെ എല്ലാവരെയും ചേർത്തുപിടിക്കുകയും ചെയ്തു._
_പലരും പഠിച്ചിറങ്ങിയശേഷം ആദ്യമായാണ് വിദ്യാലയത്തിലേക്ക് വീണ്ടും എത്തുന്നത്. സംസാരിച്ചിട്ടും മതിയാവാതെ വിശേഷങ്ങൾ പറഞ്ഞു തീരാതെ കണ്ടിട്ടും കൊതി തീരാതെ അവർ പഴയ പത്താം ക്ലാസ് വിദ്യാർത്ഥികളായി മാറി._
_പാട്ടും കളിയും ചിരിയും എല്ലാമായി രാവിലെ തുടങ്ങി വൈകുന്നേരം വരെ നീണ്ടു ആ ഒത്തുചേരൽ. വന്നുചേർന്ന ആർക്കും ഇനിയൊരിക്കലും മറക്കാൻ പറ്റാത്ത ഒരു പരിപാടിയായി സംഗമം മാറി._
_സംഗമത്തിൽ പങ്കെടുക്കാൻ പറ്റാത്ത കൂട്ടുകാർ - നാട്ടിൽ ഇല്ലാത്ത കൂട്ടുകാർ - വിദേശത്തുള്ള കൂട്ടുകാർ പലർക്കും പങ്കെടുക്കാൻ കഴിഞ്ഞില്ല. അതുകൂടി പരിഗണിച്ച് അടുത്തവർഷം 2024 മെയ് മാസം 12 ആം തീയതി വിപുലമായ സംഗമം സംഘടിപ്പിക്കുമെന്ന തീരുമാനമെടുത്താണ് എല്ലാവരും പിരിഞ്ഞത്._
