Secondary Teachers Training College, Visnagar

01/10/2025

એસ. ટી. ટી કોલેજ, વિસનગરમા પ્લેસમેન્ટ સેલ દ્વારા કેરિયર કાઉન્સેલિંગ અંતર્ગત માર્ગદર્શન કાર્યક્રમ યોજાયો
શ્રી યુગાચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ. ટી. ટી કોલેજ, વિસનગરમા તારીખ.૦૧/૧૦/૨૦૨૫ના રોજ * કેરિયર કાઉન્સેલિંગ * અંતર્ગત તજજ્ઞ વ્યાખ્યાન યોજાયું હતું. જેમાં તજજ્ઞ તરીકે ડો. મહેશભાઈ કે.ચૌધરી ( અધ્યાપક, કોલેજ ઓફ એજ્યુકેશન કોલેજ, દરામલી ) ઉપસ્થિત રહ્યા હતા. તાલીમાર્થીઓને આવનારા સમયમાં જે તે ભરતી પક્રિયા અને તેના માટે ની સજ્જતા કેળવવા માટેનું માર્ગદર્શન આપ્યું હતું. કેરિયર કાઉન્સેલિંગ અંગેની વિસ્તૃત સમજ આપી હતી. તેમજ શિક્ષક તરીકે ની ભૂમિકા અને તેની ફરજો અંગે સુંદર સમજ આપી હતી. સર્વે તાલીમાર્થીઓને તેમના તફથી પુસ્તક આપી હતી. તાલીમાર્થીઓએ રસ પૂર્વક તજજ્ઞ વ્યાખ્યાન સાભળ્યું હતું અને પ્રશ્ન પૂછી સમાધાન મેળવ્યું હતું. કોલેજના આચાર્ય ડો. અશોક જે. દેસાઇએ ડો. મહેશભાઈ કે.ચૌધરી આભાર માન્યો હતો. કોલેજના મે. ટ્રસ્ટી શ્રી. સમીરભાઈ દેસાઇ એ શુભેચ્છા પાઠવી હતી.

01/10/2025

એસ.ટી.ટી. કોલેજ,વિસનગર માં નવરાત્રી ઉત્સવ ની ઊજવણી
શ્રી યુગાચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ. ટી. ટી કોલેજ, વિસનગરમાં તારીખ.૨૯/૦૯/૨૦૨૫ ના રોજ નવરાત્રી પર્વની ઉજવણી કરવામાં આવી હતી. જેમાં સંસ્થા ના મે.ટ્રસ્ટીશ્રી સમીરભાઈ દેસાઈ ,આચાર્ય ડો.અશોક જે.દેસાઈ , કોલેજ સ્ટાફ અને તાલીમાર્થીઓએ આરતી ઉતારી માં અંબાની આરાધના કરી હતી. સર્વે એ ભારતીય પરંપરાગત પોશાક માં ગરબા રમ્યા હતા. કોલેજ સ્ટાફ અને તાલીમાર્થીઓએ ઉત્સાહપૂર્વક ભાગ લીધો હતો.

25/09/2025

શ્રી યુગચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ.ટી.ટી કોલેજ ,વિસનગર ના તાલીમાર્થીઓ એ સૂંઢીયા કુમાર પ્રાથમિક શાળામાં ઇન્ટર્નશીપ દરમ્યાન વિવિધ પ્રવૃત્તિઓનું આયોજન કર્યું હતું. તેમજ એક પેડ માં કે નામ કાર્યક્રમ યોજાયો હતો. જેમાં અધ્યક્ષ તરીકે ગામના સરપંચશ્રી , બળદેવજી ઠાકોર મુખ્ય મહેમાન ડો.અશોક જે.દેસાઈ , શિક્ષણવિદ પી.સી.પટેલ , શાળાના આચાર્ય શ્રી જીતેન્દ્રકુમાર ચૌધરી , CRC , SMC સભ્યો હાજર રહ્યા હતા. તાલીમાર્થીઓ દ્વારા સુંદર આયોજન કરવામાં આવ્યું હતું. ઇન્ટર્નશીપ દરમ્યાન કરાવેલ વિવિધ સ્પર્ધાઓમાં વિજેતા વિધાર્થીઓનેઇનામ વિતરણ કરવામાં આવ્યું હતું . તાલીમાર્થીઓએ અભિનય દ્વારા સ્વાગત ગીત રજુ કર્યું હતું. ઇન્ટર્નશીપ દરમ્યાન તેમને થયેલ અનુભવો રજુ કર્યા હતા. કોલેજના આચાર્ય ડો.અશોક જે.દેસાઈ એ એ કાર્યક્રમમાં ઉપસ્થિત રહેલ સર્વે નો આભાર માન્યો હતો. શાળાના આચાર્યશ્રી જીતેન્દ્રકુમાર ચૌધરી અને સમગ્ર શાળા પરિવારનો એસ.ટી.ટી.કોલેજ વતી આભાર માન્યો હતો. તાલીમાર્થીઓએ ઇન્ટર્નશીપ કાર્યક્રમ માં કરેલ સરસ કાર્ય કરવા બદલ અભિનંદન પાઠવ્યા હતા.

12/08/2025

https://www.instagram.com/p/DNQNKvvxJsf/?utm_source=ig_web_button_share_sheet&igsh=cm4zbHp0N2JnamFm

11/07/2025

* એસ.ટી.ટી. કોલેજ,વિસનગર મા ફિલ્મ દર્શન કાર્યક્રમ યોજાયો.*
શ્રી યુગાચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ. ટી. ટી કોલેજ, વિસનગર માં તારીખ.11/07/2025 ના રોજ "સિતારે જમી પર" ફિલ્મ દર્શન કાર્યક્રમનું આયોજન કર્યું હતું. જેમાં તાલીમાર્થીઓ માટે સ્પેશિયલ શો ગોઠવવામા આવ્યો હતો. જેમાં સેનેલાઇટ સિનેમામાં સર્વે તાલીમાર્થીઓ અને સ્ટાફ જોડાયો હતો. ફિલ્મ પુરી થયા બાદ તેના પર ચર્ચા કરી તેના શીખવાના પાસ વિશે સમજ આપી હતી. વિધાર્થી સ્નો લર્નર હોય કે પછી ડિસેબલ પણ શિક્ષક પોતાની ઇચ્છાશક્તિ થી તેનામાં આમૂલ પરિવર્તન લાવી શકે છે તેમજ તેનામાંથી પણ કઈ નવું આપણને પણ શીખવા મળે છે. વિધાર્થીઓ સાથે ભાવાત્મક જોડાણ કેળવી અશક્ય ને પણ શક્ય બનાવી શકાય છે. જેવા વિચાર સાથે ફિલ્મ નિહાળી તાલીમાર્થીઓ ઉત્સાહિત થયા હતા. સંસ્થા મે. ટ્રસ્ટી સમીરભાઈ દેસાઈ એ આયોજનમાં સરસ સહયોગ આપ્યો હતો. કૉલેજના આચાર્ય ડૉ. અશોક જે. દેસાઈ અને સ્ટાફ દ્વારા ફિલ્મ દર્શન માટે સહયોગ બદલ સિનેમાના સંચાલક મિતેશભાઈ નો આભાર માન્યો હતો.

10/07/2025

એસ ટી ટી કોલેજ ,વિસનગર માં તારીખ ૧૦/૦૭/૨૦૨૫ ના રોજ ગુરુ પૂર્ણિમાની ભવ્ય ઉજવણી કરવામાં આવી હતી . જેમાં તાલીમાર્થીઓ એ ઉત્સાહ પૂર્વક ભાગ લીધો હતો કાર્યક્રમની શરૂઆત પ્રાર્થના અને સરસ્વતી વંદના થી કરવામાં આવી હતી.આચાર્યશ્રી અને અધ્યાપકશ્રીઓનું ફૂલ અને કુમ કુમ તિલક કરી સ્વાગત કરવામાં આવ્યું હતું તાલીમાર્થિઓએ ગુરુ છે સત્ય ગુરુ છે સાર્થક ,તમે મારા હૈયાના હાર .ગુરુ વિષે નું વક્તવ્ય ,ગુરુ પ્રત્યે આપણું કર્તવ્ય ,જેવા વિષય ઉપર સુંદર રજૂઆત કરી હતી . પરકૃતિ મેરા જીવન મેં આપકા મહત્વ ગુરુ ગુણ સાગર જેવી પરકૃતિઓ રજુ કરી હતી. ગુરુ શિષ્ય નું નાટક રજુ કરી સુંદર સંદેશો આપ્યો હતો. કોલેજના આચાર્ય ડો.અશોક જે દેસાઈ એ ગુરુનું મહત્વ અને તેમનું માર્ગદર્શન કેવી રીતે બની શકે તે અન્વયે સરસ માહિતી રજુ કરી હતી. કોલેજ ના મેનેજીંગ ટ્રસ્ટી શ્રી સમીરભાઈ દેસાઈ એ તાલીમાર્થીઓ ને આશીર્વચન આપ્યા હતા. કન્વીનર ડો.વી.આર.વસૈયા દ્વારા કાર્યક્રમનું સરસ આયોજન કર્યું હતું. કાર્યક્રમની આભારવિધિ ડો.જે.પી.મોદી દ્વારા કરવામાં આવી હતી. સર્વે અધ્યાપકોએ શુભકામનાઓ આપી હતી. કાર્યક્રમનું સફળ સંચાલન રિયાબેન અને બીનલબેન દ્વારા કરવામાં આવ્યું હતું .

24/06/2025

એસ.ટી.ટી. કોલેજ,વિસનગર મા થયેલ વિશ્વ યોગ દિવસની ઊજવણી.*
શ્રી યુગાચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ. ટી. ટી કોલેજ, વિસનગર માં તારીખ.21/06/2025 ના રોજ 11 માં વિશ્વ યોગ દિવસ (Yog for One Earth One Health)ની ઊજવણી કરવામાં આવી. જેમા નવયુગ શિશુ નિકેતન કેમ્પસ ની તમામ સંસ્થાઓ સાથે સંકલન કરી સ્ટાફ અને તાલીમાર્થીઓ એ યોગ કર્યા હતા. સંસ્થાના મે. ટ્રસ્ટી સમીરભાઈ દેસાઈ. સંચાલક તૃષાબેન દેસાઈ એ વિશ્વ યોગ દિવસ ની શુભકામનાઓ પાઠવી હતી. કોલેજના આચાર્ય.ડો. અશોક જે. દેસાઇ અને સ્ટાફ પરિવારે રોજ યોગ કરવા અને તંદુરસ્ત રહેવા યોગ નું મહત્વ સમજાવ્યું હતું.
કાર્યક્રમનું સંચાલન ડો. વિમળાબેન પટેલ દ્વારા કરવામાં આવ્યું હતું.

05/05/2025

05/05/2025

** એસ.ટી.ટી. કોલેજ,વિસનગર નો
IntangiblSaturday@Vadnagar
ની શિક્ષણ ટુર યોજાઈ**
શ્રી યુગાચાર્ય સ્વામી પ્રણવાનંદજી કેળવણી ટ્રસ્ટ સંચાલિત એસ. ટી. ટી કોલેજ, વિસનગર માં તારીખ.૩-૦૫-૨૦૨૫ શનિવારના રોજ Intangible Saturday@Vadnagar ની શિક્ષણ ટુર યોજાઈ હતી. જેમાં અતુલ્ય ભારત ની ટીમ દ્વારા સરસ આયોજન થયું હતું. જેમાં તાલીમાર્થીઓ અને સ્ટાફ ઉત્સાહ પૂર્વક જોડાયા હતા. સંસ્થાના મે.ટ્રસ્ટીશ્રી સમીરભાઈ જે.દેસાઈ એ સરસ સહયોગ આપી શિક્ષણ ટુર માં સહયોગ આપ્યો હતો. અતુલ્ય વારસો અંતર્ગત હેરીટેજ ટુર હાટકેશ્વર મંદિરે થી શરુ થઇ હતી. જેમાં હેરીટેજ વોક કરી હતી જેમાં બૌદ્ધ પ્રતિમા, બુદ્ધ ગુફાઓ, જૈન મંદિર શર્મિષ્ઠા તળાવ, કિર્તીતોરણ અને પુસ્તકાલય ની તેમજ વડનગરની નાની ગલીઓ માં ચાલીને વિવિધ વિરાસતો ની માહિતી મેળવી હતી. જ્યાં અતુલ્ય ભારતની ટીમ ના રોનકભાઈ અને ગાઈડ મીતાબેન દ્વારા વિગતવાર માહિતી આપતા હતા. પ્રેરણા શાળા ની મુલાકાત કરી હતી. પ્રેરણા શાળા માં થતા વિવિધ પ્રકલ્પો અને તેમાં થતી પ્રવૃતિઓની વિગતવાર સમજ મેળવી હતી. વડનગરની વાવ અને તેની ભવ્યતા અંગે માહિતી આપી હતી. જ્યાં સંગીત કાર્યક્રમ , મેજીકલ શો તેમજ સાહિત્ય અંગે ના વિવિધ કાર્યક્રમોનું સુંદર આયોજન થયું હતું. વડનગર ટુરીઝમ ના શ્રી. પ્રીતમસર દ્વારા સાંસ્કૃતિક વારસા અંગે તેમજ વડનગરની ભવ્યતા અંગે સમજ આપી હતી. અતુલ્ય ભારત ટીમના રોનક્ભાઈ સતત અમારી સાથે રહી માર્ગદર્શન આપ્યું હતું. ગાઈડ મીતાબેને વડનગરના દરેક સ્થળની ઝીણવટભરી માહિતી તાલીમાર્થીઓને આપી હતી. તાલીમાર્થીઓએ પોતાના વિચારો રજુ કરી આજના દિવસને યાદગાર બનાવ્યો હતો અને અતુલ્ય વારસો જાળવવાની અને તેનું સંરક્ષણ કરવાનો સંકલ્પ કર્યો હતો. બપોર બાદ “ Archaeological Experiential Museum” નિહાળ્યું હતું. જેમાં વડનગરની વિરાસતની ઝાંખી નિહાળી સૌ આંનદિત થયા હતા. કોલેજનો સ્ટાફ સક્રિય રીતે જોડીને ટુરનું સમયબદ્ધ આયોજન કર્યું હતું. કોલજના આચાર્ય ડો.અશોક જે. દેસાઈ દ્વારા વડનગર ટુરીઝમ ની સમગ્ર ટીમનો કોલેજ પરિવાર વતી આભાર માન્યો હતો. સંસ્થાના મે.ટ્રસ્ટીશ્રી સમીરભાઈ જે.દેસાઈ એ સાથ સહકાર આપી ટુરને સફળ બનાવી હતી.

27/03/2025