23/03/2022
P A Muhammad Riyas Chief Minister's Office, Kerala
ബഹുമാനപ്പെട്ട കേരള പൊതുമരാമത്ത് വകുപ്പുമന്ത്രിക്ക്. പേരാമ്പ്ര സെന്റ് മീരാസ് പബ്ലിക് സ്കൂൾ വിദ്യാർഥികൾ നൽകുന്ന നിവേദനം:
സർ,
കോഴിക്കോട് ജില്ലയിലെ പേരാമ്പ്ര ഗ്രാമപഞ്ചായത്തിൽ ഉൾപ്പെടുന്ന എരഞ്ഞി അമ്പലം - മലപ്പാടിക്കണ്ടി താഴെ റോഡിന്റെ
ശോചനീയാവസ്ഥയിലേക്ക് അങ്ങയുടെ ശ്രദ്ധ ക്ഷണിക്കുന്നു.
അനേകം കുടുംബങ്ങളുടെ ഏകയാത്രാമാർഗ്ഗമായ ഈ റോഡ് ഗതാഗതയോഗ്യമല്ലാതായിത്തീർന്നിട്ട് വർഷങ്ങളായി. 2001 ൽ ടാറിംഗ് നടത്തിയതിനു ശേഷം ഇതുവരെ റീടാറിംഗ് നടന്നിട്ടില്ല. ആയിരത്തി ഇരുന്നുറോളം വിദ്യാർഥികൾ പഠിക്കുന്ന ഞങ്ങളുടെ വിദ്യാലയത്തിന്റെയും ഏക ഗതാഗത മാർഗം ഈ റോഡാണ്.. കാൽ നടയാത്രപോലും ദുഷ്കരമായിത്തീർന്ന ഈ റോഡ് വലിയ അപകടഭീഷണിയാണ് ഉയർത്തുന്നത്. ഈ പ്രശ്നം പലതവണ അധികൃതരുടെ ശ്രദ്ധയിൽപ്പെടുത്തിയെങ്കിലും ഇതുവരെ കാര്യമായ നടപടികളൊന്നും കൈക്കൊണ്ടിട്ടില്ല.
സുഗമവും സുരക്ഷിതവുമായ പൊതുഗതാഗതം ഉറപ്പു നൽകുന്ന അങ്ങയുടെ പ്രവർത്തനശൈലിയിൽ ഞങ്ങൾക്ക് വലിയ പ്രതീക്ഷയുണ്ട്. അതുകൊണ്ടു തന്നെ ഈ പ്രശ്നപരിഹാരത്തിനായി അങ്ങയ്ക്ക് എന്തെങ്കിലും ചെയ്യാൻ കഴിയുമെന്ന് ഉറച്ചു വിശ്വസിക്കുന്നു.
ഈ പ്രശ്നത്തിന്റെ ഗൗരവം കണക്കിലെടുത്ത് , റോഡ് ഗതാഗതയോഗ്യമാക്കാനുള്ള അടിയന്തരനടപടികൾക്ക് നിർദ്ദേശം നൽകണമെന്ന് വിനീതമായി അപേക്ഷിക്കുന്നു.
എന്ന് ,
വിശ്വസ്തതയോടെ,
സ്കൂൾ ലീഡർ
സെന്റ് മീരാസ് പബ്ലിക് സ്കൂൾ
