12/08/2022
കേരള പൊതു വിദ്യാഭ്യാസ വകുപ്പ് ഹയർ സെക്കന്ററി നാഷണൽ സർവീസ് സ്കീം രണ്ടാം വർ ഷ വോളന്റിയർമാർക്കായുള്ള സപ്തദിന സഹവാസ ക്യാംപ് , സ്വാതന്ത്ര്യാമൃതം 2022 -2022 ആഗസ്റ്റ് 12-)o തീയതി മുതൽ 18ാം തീയതി വരെ നടക്കും. ‘ആസാദി കാ അമൃത മഹോത്സവ് ‘, എന്ന പേരിൽ ഭാരതത്തിന്റെ 75ാം സ്വാതന്ത്ര്യ ദിനം ആചരിയ്ക്കുന്നതിനെ പ്രതിപാദ്യ വിഷയമാക്കിയാണ് ഈ വർഷത്തെ ഹയർ സെക്കന്ററി നാഷണൽ സർവീസ് സ്കീം സപ്ത ദിന സഹവാസ ക്യാമ്പുകൾ സംഘടിപ്പിയ്ക്കുന്നത്.
സപ്തദിന ക്യാമ്പിന്റെ കോട്ടയം ജില്ലാതല ഉദ്ഘാടനം വാഴൂർ എസ്.വി.ആർ.എൻ.എസ്സ്.എസ്സ്. ഹയർ സെക്കണ്ടറി സ്കൂളിൽ വെച്ച് വാഴൂർ ഗ്രാമ പഞ്ചായത്ത് പ്രസിഡന്റ് ശ്രീ വി.പി.റെജി ഉദ്ഘാനം ചെയ്തു.
ക്യാമ്പിനോട് അനുബന്ധിച്ച് നടത്തുന്ന *കൽപ്പകം* എന്ന പദ്ധതിയുടെ ഉദ്ഘാടനം നായർ സർവ്വീസ് സൊസൈറ്റി ഡയറക്ടർ ബോർഡ് അംഗം അഡ്വ: എം എസ് മോഹൻ തെങ്ങിൻ തൈ നട്ട് നിർവ്വഹിച്ചു.
സ്കൂൾ പ്രിൻസിപ്പാൾ ശ്രീമതി ബി. ദേവിജ, ഹെഡ്മിസ്ട്രസ്സ് ശ്രീമതി ഇന്ദുലേഘ എം , നാഷണൽ സർവ്വീസ് സ്കീം ജില്ലാ കൺവീനർ ശ്രീ രാഹുൽ ആർ,ശ്രീ രാജേഷ് ജി, പ്രോഗ്രാം ഓഫീസർ ശ്രീമതി ബിന്ദു ബി നായർ ,ശ്രീ വി.ആർ മനോജ്, ശ്രീ ശ്രീകാന്ത് റ്റി.വി. എന്നിവർ സംസാരിച്ചു.
