09/03/2026
యత్ర నార్యస్తు పూజ్యంతే రమంతే తత్ర దేవతాః
(ఎక్కడైతే స్త్రీలు గౌరవించబడతారో, అక్కడ దేవతలు కొలువై ఉంటారు.)
సనాతన ధర్మంలో స్త్రీని కేవలం శక్తిగా మాత్రమే కాదు, సాక్షాత్తు పరమాత్మ విభూతిగా ఆరాధిస్తాం. శ్రీమద్భగవద్గీతలో కృష్ణ పరమాత్మ స్వయంగా ఇలా సెలవిచ్చారు.
కీర్తిః శ్రీర్వాక్చ నారీణాం స్మృతిర్మేధా ధృతిః క్షమా
స్త్రీలలో ఉండే కీర్తి, శ్రీ (ఐశ్వర్యం), వాక్కు, స్మృతి, మేధస్సు, ధృతి (స్థిరత్వం), క్షమ అనే ఏడు గుణాలు నా స్వరూపాలేనని సాక్షాత్తు భగవంతుడే చెప్పాడు.
సుమేధా హైస్కూల్ వ్యవస్థాపకులైన మన డైరెక్టర్ మేడం గారు తమ స్నేహసుధ రెడీమేడ్ డ్రెస్సెస్ అండ్ మెటీరియల్స్ స్థాపించి దాదాపుగా 25 సంవత్సరాలు దానిని విజయవంతంగా నడిపి మహిళా శక్తిని, వారి అకుంఠిత పట్టుదలను లోకానికి చాటారు. ఎందరో మహిళలకు శిక్షణనిచ్చి , జీవనోపాధి కల్పించి ఎంతో మందిలో స్ఫూర్తిని రగిలించారు.
ప్రకాశంజిల్లా ఉత్తమ యువపారిశ్రామికవేత్తగా 2004లో వీరందున్న పురస్కారం, ఆ తర్వాత ఆంధ్రప్రదేశ్ ప్రభుత్వప్రతినిధిగా అంతర్జాతీయ మహిళా యువ పారిశ్రామిక వేత్తల సమావేశంలో వారి భాగస్వామ్యం మరువలేనివి.
అదే సమయంలో 2003 లో స్నేహసుధ అసోసియేషన్ అనే స్వచ్ఛంద సంస్థను ఏర్పాటు చేసి తమ స్వంత నిధులతో ఎన్నో సామాజిక మరియు విమెన్ ఎంపవర్మెంట్ కార్యక్రమాలు చేపట్టి విజయవంతంగా నిర్వహించారు.
2005 లో సుమేధా ఎడ్యుకేషనల్ సొసైటీని, సుమేధా హైస్కూల్ ను స్థాపించి గత 21 సంవత్సరాలుగా గ్రామీణప్రాంతాల విద్యార్ధినీ విద్యార్థులకు ఉత్తమ విలువలతో కూడిన విద్యను అందిస్తూ ఎందరో విద్యార్ధినీ విద్యార్థుల బంగారు భవితకు బాటలు పరిచారు.
సుమేధా హైస్కూల్ లో మొదటి నుండి దాదాపుగా 90%మంది మహిళలకే భోధన మరియు బోధనేతర బాధ్యతలను అప్పగించి మహిళల అభ్యున్నతికి అలుపెరుగక, సాయశక్తుల కృషిచేస్తున్న మహిళా శిరోమణి మన సుమేధా హైస్కూల్ డైరెక్టర్ మేడం Prameeladevi Kellampalli గారికి సుమేధా హైస్కూల్ వలపర్ల సిబ్బంది యావన్మంది తమ హృదయపూర్వక శుభాకాంక్షలు తెల్పుతూ ద్విగుణీకృత ఉత్సాహంతో మీ నాయకత్వంలో, మార్గదర్శకత్వంలో పనిచేస్తూ ముందుకెళ్తామని ఆశావహ దృక్పథంతో మరియు ఆత్మవిశ్వాసంతో తెలియచేస్తున్నాము.🙏🙏💐💐💐
సుమేధా హైస్కూల్ మహిళా సిబ్బంది నిరవధికంగా, విజయవంతంగా ఉత్తమవిద్యను నేర్పుతూ గత రెండు దశాబ్దాలుగా సాగిస్తున్న జ్ఞానయజ్ఞం మరియు భావితరాల భవితలను తీర్చిదిద్ధుతున్న సేవాయజ్ఞం సమాజానికి తద్వారా దేశానికి అందిస్తున్న వెలకట్టలేని సేవ. ఈ మహిళామణుల పాత్ర వెలకట్టలేనిది. గత 21 సంవత్సరాలుగా సుమేధా స్కూల్ ప్రయాణంలో భాగ స్వామ్యులై మీరందరూ చేస్తున్న ఈ ప్రయాణం మిగిలిన వారందరికీ ఎంతో ప్రేరకం మరియు స్ఫూర్తిదాయకం. ఈ సందర్భంగా మీకందరికీ 'మహిళా దినోత్సవ' శుభాకాంక్షలు.💐💐💐💐🎂🎂🎊🎉🎊
