02/06/2013
ആശംസകള്
ഒന്നാംക്ലാസിലെത്തുന്ന കുരുന്നുകൾക്കും അഞ്ചാം ക്ലാസിലെ പുതിയ കൂട്ടുകാർക്കും മറ്റെല്ലാ കൂട്ടുകാർക്കും പുതിയ അധ്യയന വർഷത്തിലേയ്ക്ക് സ്വാഗതം
-----------------------------------------------------------------------------
പുതിയ ബാഗ്, പുതിയ കുട, പുതിയ പുസ്തകങ്ങള്, പുതിയ യൂണിഫോം. ഈ പുത്തനുണര്വിന്റെ നിറവില് ഒരു പുതിയ മേച്ചില്പ്പുറം തേടി നടന്നകന്നവരാണ് ഒരിക്കല് നമ്മളും. പുതു മഴയുടെ ലഹരിയില് ഉയര്ന്നു വരുന്ന പുതു മണ്ണിന്റെ ഉന്മാദഗന്ധത്തെ ആസ്വദിക്കാത്തവര് നമ്മളില് ആരും തന്നെ ഉണ്ടാവുകയുമില്ല. ചാറ്റല് മഴയുള്ള ദിവസം ടീച്ചര് കാണാതെ ജനലിലൂടെ പുറത്തേക്ക് നോക്കിയിരിക്കാന്...
സ്കൂള്... അന്നതൊരു കാരാഗ്രഹമായി തോന്നിയിരുന്നെങ്കിലും ഇന്നത്രയും നൈര്മല്യമേറിയ സ്ഥലം വേറെയില്ല എന്നതാണ് സത്യം. അവിടെ എല്ലാം നിഷ്കളങ്കമായിരുന്നു. കരച്ചിലും, വഴക്കും, പേടിയും, കുസൃതിയും, ശാസനയും, ലാളനയും അങ്ങനെ എല്ലാം. കൂട്ടത്തില് മറ്റൊരു ലോകത്തെപ്പറ്റിയുള്ള തിരിച്ചറിവും...
Learn a lot ...
Wishes
