Kavi premanad primary school wadi 32

આજરોજ તારીખ 12/6/2025 ના રોજ કવિ પ્રેમાનંદ પ્રાથમિક શાળા બપોર વાડી 32 માં નવા શૈક્ષણિક સત્ર ના આરંભમાં વાલી મીટીંગ નું આયોજન કરવામાં આવેલ હતું. વાલીઓ સાથે વાલીઓના ઘણા પ્રશ્નો અંગે ચર્ચા કરવામાં આવેલ હતી. ઉપરાંત SMC ની પણ રચના કરવામાં આવી.

કવિ પ્રેમાનંદ પ્રાથમિક શાળા બપોર વાડી 32 માં બાળકોને દાતા તરફથી નોટબુક બેગ અને પેન્સિલ રબર ની કીટ નો વિતરણ કરવામાં આવ્યું હતું.

પ્રકૃતિ માટે એક પગલું… "એક પેડ માં કે નામ"

ભારત માતા મંદિર શ્રી મહારુદ્ર હનુમાન શિક્ષા એવમ સેવા સંસ્થાન દ્વારા નગર પ્રાથમિક શિક્ષણ સમિતિ સંચાલિત કવિ પ્રેમાનંદ પ્રાથમિક શાળા ખાતે વિશ્વ પર્યાવરણ દિવસ નિમિત્તે સ્કૂલના મેદાનમાં વૃક્ષારોપણનું આયોજન કરાયું હતું.
તે પ્રસંગે સંસ્થાના પ્રમુખ શ્રી ભાર્ગવભાઈ ભટ્ટ, સમિતિના અધ્યક્ષશ્રી નિશીથભાઈ દેસાઈ, ઉપાધ્યક્ષા શ્રીમતી અંજનાબેન ઠક્કર,સમિતિના સભ્યશ્રીઓ,વાલી સભ્ય શ્રી જીગ્નેશભાઈ પરીખ તથા સંસ્થાના કાર્યકરો તેમજ શાળાના શિક્ષકો, બાળકો ઉપસ્થિત રહ્યા હતા.

આજરોજ તારીખ 3/5/2025 ના રોજ શાળા ના શિક્ષક શ્રી કમળાબેન સોલંકી એ વયનિવૃત્તિ ના લીધે વિદાઈ લીધી હતી.

પોતાની કારકિર્દી દરમિયાન તેમણે કરેલ કામગીરી માટે તથા તેમના સરળ સ્વભાવ માટે શાળા પરિવાર તેમને હંમેશા યાદ રાખશે.
તેમનું આગળનું જીવન તંદુરસ્ત અને સુખમય બની રહે એવી જ પ્રભુને પ્રાર્થના.

આજરોજ શાળામાં નગર પ્રાથમિક શિક્ષણ સમિતિ સભ્ય શ્રી જીગ્નેશભાઈ પરિખે પરિણામ વિતરણની કામગીરીમાં હાજરી આપી વિદ્યાર્થીઓને પ્રોત્સાહન પૂરું પાડ્યું હતું. સારી સફળતા મેળવનાર વિદ્યાર્થીઓને અભિનંદન પાઠવ્યા હતા તથા આગળ અભ્યાસ માટે યોગ્ય માર્ગદર્શન પૂરું પાડ્યું હતું.

આજરોજ કવિ પ્રેમાનંદ પ્રાથમિક શાળામાં CET તથા NMMS પરીક્ષામાં પાસ થયેલા વિદ્યાર્થીઓ તથા રાજ્યકક્ષાએ મેરીટ માં આવેલ વિદ્યાર્થીઓને નગર પ્રાથમિક શિક્ષણ સમિતિ સભ્ય શ્રી જીગ્નેશભાઈ પરીખ
તેમજ વોર્ડ 15 કોર્પોરેટર શ્રી આશિષભાઈ જોશી તથા પારૂલબેન પટેલ દ્વારા ઇનામ આપી વિદ્યાર્થીઓને સિદ્ધિ હાસલ કરવા બદલ અભિનંદન પાઠવવામાં આવ્યા.

આજરોજ કવિ પ્રેમાનંદ પ્રાથમિક શાળામાં માનનીય મુખ્યમંત્રી શ્રી ભૂપેન્દ્રભાઈ પટેલ શાળા વ્યવસ્થાપન સમિતિ સાથે સંવાદ કાર્યક્રમનું આયોજન કરવામાં આવ્યું. બાયસેગ પ્રસારણ દ્વારા લાઈવ પ્રસારણ નિહાળવામાં આવ્યું .જેમાં માનનીય મુખ્યમંત્રી શ્રી દ્વારા નવા શૈક્ષણિક સત્ર થી શાળા વ્યવસ્થાપન સમિતિની પુનઃરચના અને સામાજિક ભાગીદારી થકી વાલીઓના પ્રતિનિધિત્વ દ્વારા ગુણવત્તા યુક્ત શિક્ષણ માં યોગદાન બાબતે માર્ગદર્શન પૂરું પાડવામાં આવ્યું.
સદર કાર્યક્રમમાં નગર પ્રાથમિક શિક્ષણ સમિતિ સભ્ય શ્રી જીગ્નેશભાઈ પરીખ તથા વોર્ડ 15 કોર્પોરેટર શ્રી આશિષભાઈ જોશી અને પારુલ બેન પટેલ ની વિશેષ ઉપસ્થિતિએ ઉત્સાહમાં વધારો કર્યો .

CET 2025 મા લેવાયેલ પરીક્ષામાં મેરીટ માં આવનાર બાળકો... અભિનંદન...

NMMS 2025 ની લેવાયેલ પરીક્ષામાં મેરીટ માં આવનાર વિદ્યાર્થિનીઓ....
શાળા પરિવાર આપને ખુબ ખુબ અભિનંદન પાઠવે છે.

NMMS 2025 ની પરીક્ષામાં પાસ થયેલ વિધાર્થિનીઓ... અભિનંદન....