03/05/2016
എവിടെ പോയിരുന്നു നിങ്ങൾ ... !അഴിമതിയും ഇലക്ഷനും സരിതയും , എല്ലാവരും തിരക്കിന്റെ പിടിയിൽ ആയിരിക്കും അല്ലെ ..... !! ?
പെരുമ്പാവൂരിൽ കഴിഞ്ഞ വ്യാഴാഴ്ച ഒരു ജിഷ മരിച്ചിരുന്നു , മാധ്യമങ്ങൾ ആ വാർത്ത ഇതുവരെ കണ്ടില്ല , രാഷ്ട്രിയക്കാർ തിരഞ്ഞെടുപ്പിന്റെ തിരക്കിലായിരുന്നു , പോലിസ് ഇരുട്ടിൽ തപ്പുകയാണ് , നിങ്ങൾക്ക് അറിയേണ്ടേ എങ്ങനെ ആണെന്ന് ജിഷയെ കൊന്നത് എന്ന്
"ജിഷമോളുടെ മാറിടത്തിലും കഴുത്തിലുമായി പതിമൂന്ന് ഇഞ്ച് ആഴത്തിലുള്ള രണ്ടു മുറിവുകളാണ് ഉണ്ടായിരുന്നത് . ജനനേന്ദ്രിയത്തില് ഇരുമ്പു ദണ്ഡ് കുത്തിക്കയറ്റിയിരുന്നു വയര് കത്തികൊണ്ടു കീറി കുടല്മാല പുറത്തുചാടിയിരുന്നു , ആണി പറിക്കുന്ന ഇരുമ്പ് കമ്പി കൊണ്ട് അടിയേറ്റ് മൂക്ക് തെറിച്ചുപോയിരുന്നു "
ഒരു പുറമ്പോക്ക് ഭൂമിയിൽ ഒറ്റമുറി വീട്ടിൽ നിന്നും വക്കീൽ ആവുവാൻ പഠിച്ചവൾ ,ആ കുട്ടി ജീവിതത്തെ കുറിച്ച് എത്ര സ്വപ്നം കണ്ടിരിക്കും , അച്ഛൻ ഉപേക്ഷിച്ച അമ്മയെ പൊന്നുപ്പോലെ നോക്കണം , വിവാഹം കഴിക്കണം, കുട്ടികൾ, കുടുംബം , ജോലി ... !! അല്ല അതൊക്കെ എന്തിനാ നമ്മൾ ചിന്തിക്കുന്നെ അല്ലെ , വാ നമ്മുക്ക് വല്ല രാഷ്ട്രിയവും ചർച്ച ചെയ്യാം .. !!
രാഷ്ട്രിയക്കാരോട് : തെരുവോരത്ത് താമസിക്കുന്ന ഒരു കുടുംബം ആണ് വോട്ട് ലിസ്റ്റിൽ പേരും ചിലപ്പോൾ കാണില്ല , അത് കൊണ്ട് ആ വഴി പോയി സമയം കളയേണ്ട , ഉള്ള നേരം വോട്ട് പിടിക്കാൻ വിനയോഗിക്കുക
മാധ്യമക്കാരോട് : കൊന്നതിന്റെ രീതി വെച്ച് ഒരു ക്രൈ സീരിയൽ സ്റ്റോറി കുറച്ച് മസാല എല്ലാം ചേർത്ത് എഴുതി പിടിപ്പിക്ക് നല്ല റീച്ച് കിട്ടും
പോലീസിനോട് : നിങ്ങൾ പ്രതിയെ പിടിച്ചാലും ഇല്ലേലും , കാശായി ഒന്നും ആ വീട്ടുക്കാർ തരില്ല അതുകൊണ്ട് അവിടെ ഒന്ന് മുഖം കാണിച്ച് വേഗം മടങ്ങിയാൽ , ഹെൽമെറ്റ് വേട്ടയ്ക്ക് ഇറങ്ങി പത്ത് കാശ് ഉണ്ടാക്കാം
നമ്മളോട് : വീട്ടിൽ വിളിക്കുക നമ്മുടെ പെങ്ങളും അമ്മയും സുഖമായി ഇരിക്കുന്നോ എന്ന് തിരക്കുക , അതോർത്ത് ആശ്വസിക്കുക ..
