Kunjikutty Thampuraty Memorial Govt. Girls HSS Kodungallur

Kunjikutty Thampuraty Memorial Govt. Girls HSS Kodungallur I-3 Creations

21/12/2025

https://chat.whatsapp.com/K5Fr2gIrlCrDXKNXBNwzjr

1896 ൽ സ്ഥാപിതമായി കൊടുങ്ങല്ലൂരിൻ്റെ ഹൃദയമായി മാറി പിൽക്കാലത്ത് കൊടുങ്ങല്ലൂരിൻ്റെ വിപ്ലവകാരി കുഞ്ഞുകുട്ടി തമ്പുരാട്ടിയുടെ നാമദേയത്താൽ അനുഗ്രഹീതമായ ഈ പെൺപള്ളികൂടത്തിൽ നിന്നും പഠിച്ചിറങ്ങിയ നിങ്ങളേവരേയും വീണ്ടും ഈ വിദ്യാലയത്തിലേക്ക് ക്ഷണിക്കുന്നു. വരൂ... ഒന്നാവൂ... ജീവിതത്തിന് നിറപ്പകിട്ടേവൂ...☺️

കെ കെ ടിഎം ഗവ. ഗേൾസ് സ്കൂളിൽ അന്താരാഷ്ട്ര യോഗാദിനാചരണം നടന്നു. വനിതാ ശിശു വികസന വകുപ്പിന്റെ കീഴിൽ പ്രവർത്തിക്കുന്ന സൈക്ക...
25/08/2024

കെ കെ ടിഎം ഗവ. ഗേൾസ് സ്കൂളിൽ അന്താരാഷ്ട്ര യോഗാദിനാചരണം നടന്നു. വനിതാ ശിശു വികസന വകുപ്പിന്റെ കീഴിൽ പ്രവർത്തിക്കുന്ന സൈക്കോ സോഷ്യൽ സ്കൂൾ കൗൺസിലിംഗ് പ്രോഗ്രാമിന്റെ ആഭിമുഖ്യത്തിലാണ് ദിനാചരണ പരിപാടികൾ സംഘടിപ്പിച്ചത്. ശാരീരികവും മാനസികവുമായ ആരോഗ്യത്തിന് യോഗയുടെ ഗുണങ്ങളെ കുറിച്ച് അവബോധം വളർത്തുക എന്ന ലക്ഷ്യത്തോടെയാണ് ഈ ദിവസം ആചരിക്കപ്പെടുന്നത്. സ്കൂൾ കൗൺസിലർ പ്രീതിപോൾ യോഗ ദിന സന്ദേശം നൽകി . ഹൈസ്കൂൾ വിദ്യാർത്ഥിനികൾ അവതരിപ്പിച്ച യോഗാ നൃത്തം ,ചുമർപത്രിക പ്രദർശനം, യോഗ പരിശീലനം എന്നിവ ശ്രദ്ധേയമായി. പി ടി എ പ്രസിഡൻറ് നവാസ് പടുവിങ്കൽ, പ്രധാന അധ്യാപിക ഷൈനി ആന്റോ, സീനിയർ അസിസ്റ്റൻറ് സീന എം, ഉദ്ഘാടന കർമ്മം നിർവഹിച്ച ലീന ടീച്ചർ , നൈസിടീച്ചർ, നിമ്മി ടീച്ചർ, നീലിന ടീച്ചർ ,ലിജി ടീച്ചർ ജാക്സൺ സർ ,അരുൺ സർ , ഷൈൻ സർ ,ശരത് സർ എന്നിവരും പങ്കെടുത്തു.

കെ കെ ടി എം എച്ച്എസ്എസ് ഹയർ സെക്കൻഡറി സ്കൂളിലെ ഗൈഡ്സ് യൂണിറ്റും എക്കോ ക്ലബ്ബും സംയുക്തമായി പ്രകൃതി നടത്തം സംഘടിപ്പിച്ചു....
25/08/2024

കെ കെ ടി എം എച്ച്എസ്എസ് ഹയർ സെക്കൻഡറി സ്കൂളിലെ ഗൈഡ്സ് യൂണിറ്റും എക്കോ ക്ലബ്ബും സംയുക്തമായി പ്രകൃതി നടത്തം സംഘടിപ്പിച്ചു. രാവിലെ 11:00 മണിക്ക് പ്രധാനാധ്യപിക ഷൈനി ജോസ് പ്രകൃതി നടത്തത്തിന് ആശംസകൾ നേർന്നു. സ്കൂളിൽ നിന്ന് കൊടുങ്ങല്ലൂരിൻ്റെ സമീപ പ്രദേശമായ ഉഴുവത്തു കടവിലേക്കായിരുന്നു അധ്യാപകരും വിദ്യാർഥികളും അടങ്ങുന്ന സംഘം യാത്ര തിരിച്ചത്. പരിസ്ഥിതിയെ അറിഞ്ഞും മനസ്സിലാക്കിയും നടത്തിയ യാത്രയിൽ കണ്ടൽ കാടിനെ കുറിച്ചും പുഴയെ കുറിച്ചും ധാരാളം അറിവ് കുട്ടികൾക്ക് ലഭിച്ചു. അധ്യാപകരായ ബിൻസി, ശ്രീജ, ബിന്ദ്യ എന്നിവർ യാത്രയിൽ പങ്കെടുത്തു.

കൊടുങ്ങല്ലൂർ മുനിസിപ്പൽ ലൈബ്രറി സന്ദർശിച്ച് വായനദിനം സമ്പുഷ്ടമാക്കി കൊച്ചു വായനക്കാർ. മുനിസിപ്പൽ ലൈബ്രറിയിൽ നടന്ന വായന പ...
25/08/2024

കൊടുങ്ങല്ലൂർ മുനിസിപ്പൽ ലൈബ്രറി സന്ദർശിച്ച് വായനദിനം സമ്പുഷ്ടമാക്കി കൊച്ചു വായനക്കാർ. മുനിസിപ്പൽ ലൈബ്രറിയിൽ നടന്ന വായന പക്ഷാചരണത്തിൻ്റെ ഉദ്ഘാടനത്തോടനുബന്ധിച്ച് പ്രത്യേക ക്ഷണപ്രകാരമാണ് കുട്ടികൾ ലൈബ്രറിയിൽ എത്തിയത്. വിശിഷ്ടാതിഥിയായ പ്രശസ്ത എഴുത്തുകാരൻ ടി.കെ ഗംഗാധരൻ്റെ വായനാനുഭവങ്ങളും ജീവിതാനുഭവങ്ങളും കുട്ടികൾക്ക് പ്രചോദനമേകുന്നതായിരുന്നു. ചടങ്ങ് ഉദ്ഘാടനം ചെയ്ത നഗരസഭ ചെയർപേഴ്സൺ ടി.കെ ഗീതയുടെ നേതൃത്വത്തിൽ കുട്ടികൾ വായനദിന പ്രതിജ്ഞ ചൊല്ലി. നഗരസഭയുടെ കീഴിലുള്ള ഈ ലൈബ്രറിയിൽ നിന്നും കുട്ടികൾക്കും പുസ്തകങ്ങൾ എടുത്ത് വായിക്കാൻ അവസരം ഒരുക്കിത്തരണമെന്ന് ഭാരവാഹികളോട് ദേവിക ജവഹർ അഭ്യർത്ഥിച്ചു. മികച്ച വായനക്കാരായ 25 കുട്ടികളാണ് നിലീന ടീച്ചറുടെയും നിമ്മി ടീച്ചറുടെയും നേതൃത്വത്തിൽ ലൈബ്രറി സന്ദർശിച്ചത്.

ലിറ്റിൽ കൈറ്റ്സ് 24-27 ബാച്ചിലേക്കുള്ള അഭിരുചി പരീക്ഷ 15/6/24 ശനിയാഴ്ച രാവിലെ 10 മണിക്ക് സ്കൂൾ കമ്പ്യൂട്ടർ ലാബിൽ വച്ച് ന...
25/08/2024

ലിറ്റിൽ കൈറ്റ്സ് 24-27 ബാച്ചിലേക്കുള്ള അഭിരുചി പരീക്ഷ 15/6/24 ശനിയാഴ്ച രാവിലെ 10 മണിക്ക് സ്കൂൾ കമ്പ്യൂട്ടർ ലാബിൽ വച്ച് നടന്നു. ഒരു സെർവർ കമ്പ്യൂട്ടറിലും 20 ക്ലൈന്റ് കമ്പ്യൂട്ടറുകളിലുമായാണ് പരീക്ഷ നടന്നത്. അഭിരുചി പരീക്ഷയിൽ ലോജിക്കൽ - ഗണിതം, പ്രോഗ്രാമിംഗ് ; 5, 6, 7 ക്ലാസുകളിലെ ഐടി പാഠപുസ്തകം, ഐടി മേഖലയിലെ പൊതുവിജ്ഞാനം എന്നീ നാല് വിഭാഗങ്ങളിൽ നിന്നുള്ള ചോദ്യങ്ങളാണ് ഉണ്ടായത്. ഒരു വിദ്യാർത്ഥിക്ക് ലോജിക്കൽ - ഗണിതം വിഭാഗത്തിൽനിന്ന് ആറും പ്രോഗ്രാമിംഗ് വിഭാഗത്തിൽനിന്ന് നാലും ഐടി പാഠപുസ്തകം ഐടി മേഖലയിലെ പൊതുവിജ്ഞാനം എന്നിവയിൽ നിന്ന് 5 വീതവും ചോദ്യങ്ങളാണ് ലഭിച്ചത്. രജിസ്റ്റർ ചെയ്ത 51 കുട്ടികളിൽ 41 കുട്ടികൾ പരീക്ഷ ചെയ്തു. പൂർണ്ണമായും സോഫ്റ്റ് വെയർ ഉപയോഗിച്ച് ചെയ്ത പരീക്ഷ അരമണിക്കൂർ ആണ് ഉണ്ടായത്. ഓരോ കുട്ടിക്കും 20 ചോദ്യങ്ങൾ വീതമാണ് ലഭിച്ചത്. ഈ പരീക്ഷയുടെ മൂല്യനിർണ്ണയം കൈറ്റ് ആണ് നടത്തുന്നത്. 25% മാർക്ക് നേടുന്ന എല്ലാ കുട്ടികളേയും ലിറ്റിൽ കൈറ്റ്സിലേക്ക് തിരഞ്ഞെടുക്കപ്പെടും. അംഗങ്ങളാക്കുന്ന കുട്ടികൾക്ക് കമ്പ്യൂട്ടർ അടിസ്ഥാനമായ നൂതന മേഖലകളിൽ പരിശീലനങ്ങൾ ലഭിക്കും.

കൊടുങ്ങല്ലൂർ കെ.കെ.ടി.എം ഗവൺമെൻ്റ് ഗേൾസ് സ്കൂളിൽ മൈലാഞ്ചിയിടൽ നടന്നു. നല്ല പാഠം യൂണിറ്റിന്റെ ആഭിമുഖ്യത്തിലാണ് പരിപാടി സം...
25/08/2024

കൊടുങ്ങല്ലൂർ കെ.കെ.ടി.എം ഗവൺമെൻ്റ് ഗേൾസ് സ്കൂളിൽ മൈലാഞ്ചിയിടൽ നടന്നു. നല്ല പാഠം യൂണിറ്റിന്റെ ആഭിമുഖ്യത്തിലാണ് പരിപാടി സംഘടിപ്പിച്ചത്. ബക്രീദിന് മുന്നോടിയായി ജൂൺ 15-ാം തിയതി ശനിയാഴ്ചയാണ് മയിലാഞ്ചി മൊഞ്ച് നടത്തിയത്. പ്രധാനാധ്യാപിക ശ്രീമതി ഷൈനി ജോസിന്റെ കൈകളിൽ മൈലാഞ്ചിയിട്ടുകൊണ്ട് ആഘോഷങ്ങൾക്ക് തുടക്കം കുറിച്ചു. സ്നേഹത്തിന്റെയും ത്യാഗത്തിന്റെയും സന്ദേശം ഓർമ്മിപ്പിക്കുന്ന പെരുന്നാൾ ദിനത്തിന് മുന്നോടിയായി നടത്തിയ മൈലാഞ്ചിമൊഞ്ചിൽ പങ്കെടുക്കാൻ ആവേശത്തോടെയാണ് കുട്ടികൾ എത്തിയത്. അധ്യാപകർക്കും സഹപാഠികൾക്കും കുട്ടികൾ മൈലാഞ്ചി അണിയിച്ച് സ്നേഹം പങ്കുവെച്ചു. പി.ടി.എ പ്രസിഡണ്ട് ശ്രീ. നവാസ് പടുവിങ്ങൽ, മാതൃ സംഗമം പ്രസിഡണ്ട് ശ്രീമതി ജിൻസി സമീർ.സീനിയർ അസിസ്റ്റൻ്റ് ശ്രീമതി. എം. സീന , നല്ല പാഠം കോർഡിനേറ്റർമാരായ ശ്രീമതി നിമ്മി മേപ്പുറത്ത്, എസ് .നിലീന , അധ്യാപകരായ അരുൺ പീറ്റർ, ഒ എസ് ഷൈൻ, ടി.കെ സുജാത, ആരിഫ , ശ്രീജ, സി.ബി സുധ എന്നിവരും കുട്ടികളുടെ സന്തോഷത്തിൽ പങ്കുചേരാൻ എത്തിയിരുന്നു.

2024-25 അധ്യയന വർഷത്തെ വിദ്യാരംഗം കലാസാഹിത്യ വേദി രൂപീകരിച്ചു. ഓരോ ക്ലാസിൽ നിന്നും 2 കൺവീനർമാരെ തെരഞ്ഞെടുക്കുകയും അവരിൽ ...
25/08/2024

2024-25 അധ്യയന വർഷത്തെ വിദ്യാരംഗം കലാസാഹിത്യ വേദി രൂപീകരിച്ചു. ഓരോ ക്ലാസിൽ നിന്നും 2 കൺവീനർമാരെ തെരഞ്ഞെടുക്കുകയും അവരിൽ നിന്നും സ്കൂൾ കൺവീനറെ നിശ്ചയിക്കുകയും ചെയ്തു. 14/6/2024 വെള്ളിയാഴ്ച നടന്ന രൂപീകരണയോഗം പ്രധാനാധ്യാപിക ശ്രീമതി ഷൈനി ജോസ് ഉദ്ഘാടനം ചെയ്തു. വിദ്യാരംഗം കലാ സാഹിത്യവേദിയുടെ പ്രാധാന്യത്തെക്കുറിച്ച് സീനിയർ അധ്യാപിക ശ്രീമതി എം. സീന സംസാരിച്ചു. ശ്രീമതി വിമല തോമസ് കലാസാഹിത്യ വേദിയുടെ പ്രവർത്തനങ്ങളെ അഭിനന്ദിക്കുകയും തുടർന്നുള്ള പ്രവർത്തനങ്ങൾക്ക് ആശംസ നേരുകയും ചെയ്തു. വായനാദിനവുമായി ബന്ധപ്പെട്ട് വിദ്യാരംഗം കലാസാഹിത്യവേദിയുടെ നേതൃത്വത്തിൽ വൈവിധ്യമായ പരിപാടികൾ ആസൂത്രണം ചെയ്ത് നടപ്പിലാക്കണമെന്നും നിരന്തര വായനയെ പ്രോത്സാഹിപ്പിക്കാൻ ക്ലാസിൽ ലൈബ്രറി ഒരുക്കണമെന്നും ലൈബ്രറി ചുമതല വഹിക്കുന്ന എസ് നിലീന കുട്ടികളെ അറിയിച്ചു. കോഡിനേറ്റർ ശ്രീമതി സി ബി സുധ സ്വാഗതം പറഞ്ഞ ചടങ്ങിന് സ്കൂളിലെ മികച്ച വായനക്കാരിൽ ഒരാളായ കുമാരി ബാലവർമ്മ നന്ദി അറിയിച്ചു.

കൊടുങ്ങല്ലൂർ കെ.കെ.ടി.എം ഗവൺമെൻ്റ് ഗേൾസ് സ്കൂളിൽ ജൂൺ 12ന് ബാലവേല വിരുദ്ധ ദിനമായി ആചരിച്ചു. അഞ്ചു വയസ്സു മുതൽ 17 വയസ്സ് വ...
25/08/2024

കൊടുങ്ങല്ലൂർ കെ.കെ.ടി.എം ഗവൺമെൻ്റ് ഗേൾസ് സ്കൂളിൽ ജൂൺ 12ന് ബാലവേല വിരുദ്ധ ദിനമായി ആചരിച്ചു. അഞ്ചു വയസ്സു മുതൽ 17 വയസ്സ് വരെയുള്ള കുട്ടികൾക്ക് സാധാരണ ബാല്യം ഉറപ്പുവരുത്തുന്നതിന്റെ പ്രാധാന്യം ഓർമ്മപ്പെടുത്താനും ബാലവേലയ്ക്കെതിരായ അവബോധം സൃഷ്ടിക്കാനുമാണ് ഈ ദിനം ആചരിക്കുന്നത്. സൈക്കോ സോഷ്യൽ സ്കൂൾ കൗൺസിലിംഗ് യൂണിറ്റിന്റെ ആഭിമുഖ്യത്തിൽ സംഘടിപ്പിച്ച ലോക ബാലവേല വിരുദ്ധ ദിനത്തോടനുബന്ധിച്ച് സ്കൂളിൽ ബോധവൽക്കരണ പരിപാടികൾ സംഘടിപ്പിച്ചു . സ്കൂൾ അസംബ്ലിയിൽ വച്ച് സ്കൂൾ കൗൺസിലർ ശ്രീമതി പ്രീതി പോൾ ബാലവേല വിരുദ്ധ ദിന സന്ദേശം നൽകി . തുടർന്ന് 5 c ക്ലാസിലെ കുമാരി ദേവി കൃഷ്ണ ബാലവേല വിരുദ്ധ ദിന പ്രതിജ്ഞ ചൊല്ലിക്കൊടുത്തു. സീനിയർ അസിസ്റ്റൻറ് ശ്രീമതി എം.സീന ആശംസകൾ അർപ്പിച്ചു സംസാരിച്ചു. അധ്യാപകരായ ശ്രീമതി ലിജി കെ എം , ശ്രീമതി സാബിറ എം എസ് ,ശ്രീമതി വിമല തോമസ്, ശ്രീമതി ബിസീന, ശ്രീമതി എസ് നിലീന ,ശ്രീ ജാക്സൺ യു ജി ,ശ്രീ ഒ എസ് ഷൈൻ എന്നിവരും പങ്കെടുത്തു.

2024-25 അധ്യായന വർഷത്തെക്കുള്ള സ്റ്റു‍ഡന്റ് പോലിസ് കേഡറ്റിൽ‍ ചേരുന്നതിനു വേണ്ടിയുള്ള മുഖ്യ എഴുത്ത് പരീക്ഷ 12ആം തീയതി ബുധ...
25/08/2024

2024-25 അധ്യായന വർഷത്തെക്കുള്ള സ്റ്റു‍ഡന്റ് പോലിസ് കേഡറ്റിൽ‍ ചേരുന്നതിനു വേണ്ടിയുള്ള മുഖ്യ എഴുത്ത് പരീക്ഷ 12ആം തീയതി ബുധനാഴ്ച രാവിലെ 10:30ന് നടന്നു. 90 കുട്ടികളാണ് എസ്പിസിയിലേക്ക് ചേരുന്നതിനു വേണ്ടിയുള്ള പരീക്ഷ എഴുതിയത്. സിപിഒ എം സീന, എസിപിഒ വിമൽ വർഗീസ്, അധ്യാപകരായ ജിയ സെബാസ്റ്റ്യൻ, ഒ എഫ് ഫിലിപ്പ് എന്നിവർ പരീക്ഷയ്ക്ക് നേതൃത്വം നൽകി. കൊടുങ്ങല്ലൂർ പോലീസ് സ്റ്റേഷനിലെ തോമാച്ചൻ സാർ പരീക്ഷ കേന്ദ്രം സന്ദർശിച്ചു. എഴുത്തു പരീക്ഷയിൽ 100 മാർക്കിന്റെ 50 ഒബ്ജറ്റീവ് ടൈപ്പ് ചോദ്യങ്ങളാണ് ഉൾപ്പെടുത്തിയിരുന്നത്. ഒരു മണിക്കൂർ ദൈർഘ്യമുള്ള എഴുത്തു പരീക്ഷ രാവിലെ 10:30 ന് ആരംഭിച്ച് കൃത്യം 11:30 ന് അവസാനിക്കുകയും ചെയ്തു. എഴുത്ത് പരീക്ഷയെ തുടർന്ന് പതിനാലാം തീയതി കോട്ടപ്പുറം ചേരമാൻ പെരുമാൾ മൈതാനത്ത് വച്ച് കായിക ക്ഷമത പരീക്ഷ നടത്തി. എസ് പി സി എൽ ചേരാൻ അപേക്ഷ നൽകിയ എല്ലാ വിദ്യാർത്ഥിനികളും രാവിലെ 10 മണിക്ക് ഗ്രൗണ്ടിൽ എത്തിച്ചേർന്നു. എല്ലാ കുട്ടികളും മികച്ച പ്രകടനമാണ് കാഴ്ചവച്ചത്.

സ്കൂൾ ലൈബ്രറിയുടെ സുഗമമായ നടത്തിപ്പിനു വേണ്ടി ക്ലാസ് ലൈബ്രേറിയന്മാരെ തിരഞ്ഞെടുത്തു. 20000ത്തോളം പുസ്തകങ്ങളുള്ള സ്കൂൾ ലൈബ...
25/08/2024

സ്കൂൾ ലൈബ്രറിയുടെ സുഗമമായ നടത്തിപ്പിനു വേണ്ടി ക്ലാസ് ലൈബ്രേറിയന്മാരെ തിരഞ്ഞെടുത്തു. 20000ത്തോളം പുസ്തകങ്ങളുള്ള സ്കൂൾ ലൈബ്രറി‍ പരിപാലിക്കാൻ ക്ലാസ് ലൈബ്രേറിയന്മാരുടെ സഹായം അത്യാവശ്യമാണ്. ഓരോ ക്ലാസിലെയും മികച്ച വായനക്കാരായ രണ്ടു വിദ്യാർത്ഥികളെയാണ് ലൈബ്രേറിയന്മാരായി തെരഞ്ഞെടുത്തത്. വീട്ടിൽ വായിച്ചു കഴിഞ്ഞ പുസ്തകങ്ങൾ ഉപയോഗിച്ച് ഓരോ ക്ലാസിലും ലൈബ്രറി സജ്ജമാക്കി. നിരന്തര വായന ലക്ഷ്യം വച്ചു കൊണ്ടാണ് ക്ലാസ് ലൈബ്രറി സജ്ജമാക്കിയത്. സ്കൂളിലെ എല്ലാ കുട്ടികളും വായനയുടെ ലോകത്തിലൂടെ സഞ്ചരിക്കണം എന്ന ലക്ഷ്യമാണ് ഇത്തരം പ്രവർത്തനത്തിന് കാരണമായതെന്ന് ലൈബ്രറി ചാർജ് വഹിക്കുന്ന നിലീന ടീച്ചർ പറഞ്ഞു. ഓരോ ക്ലാസിലും ക്ലാസ് ലൈബ്രറി ഒരുക്കിയിട്ടുണ്ടെന്ന് ഉറപ്പുവരുത്തേണ്ടത് ക്ലാസ് ലൈബ്രേറിയന്മാരുടെ ചുമതലയാണെന്നും ടീച്ചർ കൂട്ടിച്ചേർത്തു.

വായനയെ പരിപോഷിപ്പിക്കുന്നതിനും അഭിരുചിക്കനുസരിച്ച് ഓരോ കുട്ടിക്കും പുസ്തകങ്ങൾ തെരഞ്ഞെടുക്കുന്നതിനും വേണ്ടി കുട്ടികൾക്ക് ...
25/08/2024

വായനയെ പരിപോഷിപ്പിക്കുന്നതിനും അഭിരുചിക്കനുസരിച്ച് ഓരോ കുട്ടിക്കും പുസ്തകങ്ങൾ തെരഞ്ഞെടുക്കുന്നതിനും വേണ്ടി കുട്ടികൾക്ക് ലൈബ്രറി കാർഡ് വിതരണം ചെയ്തു. ക്ലാസിലേയ്ക്ക് പുസ്തകങ്ങൾ നൽകിയിരുന്നപ്പോൾ പല കുട്ടികൾക്കും ലൈബ്രറി കാണാനുള്ള അവസരം കിട്ടിയിരുന്നില്ല. മാത്രമല്ല കുട്ടികൾക്ക് ഇഷ്ടമുള്ള പുസ്തകം തെരഞ്ഞെടുക്കാനുള്ള അവസരവും കുറവായിരുന്നു. എല്ലാ കുട്ടികളെയും ലൈബ്രറിയിലേയ്ക്ക് എത്തിക്കുക എന്ന ലക്ഷ്യത്തോടെയാണ് ഇത്തവണ ലൈബ്രറി കാർഡ് നൽകിയത്. കഴിഞ്ഞവർഷത്തെ മികച്ച വായനക്കാരായ മിടുക്കികൾക്ക് പി.ടി.എ പ്രസിഡണ്ട് ശ്രീ. നവാസ് പടുവിങ്ങൽ ലൈബ്രറി കാർഡ് നൽകി തുടക്കം കുറിച്ചു. പ്രധാനാധ്യാപിക ശ്രീമതി. ഷൈനി ജോസ്, സീനിയർ അസിസ്റ്റൻ്റ് ശ്രീമതി എം. സീന,ലൈബ്രറി ചുമതല വഹിക്കുന്ന ശ്രീമതി. എസ്. നിലീന , സ്റ്റാഫ് സെക്രട്ടറി ശ്രീമതി നിമ്മി മേപ്പുറത്ത്, അധ്യാപകരായ ലിജി സോജൻ , വിമല തോമസ് എന്നിവർ ചടങ്ങിൽ സന്നിഹിതരായിരുന്നു.

ഉപയോഗശൂന്യമായ പേനകൾ ഇനി പെൻബോക്സിലേയ്ക്ക്. പരിസ്ഥിതിയെ സംരക്ഷിക്കണമെന്ന ലക്ഷ്യത്തോടെ തുടക്കം കുറിച്ച പരിപാടികളിൽ ഒന്നാണ്...
25/08/2024

ഉപയോഗശൂന്യമായ പേനകൾ ഇനി പെൻബോക്സിലേയ്ക്ക്. പരിസ്ഥിതിയെ സംരക്ഷിക്കണമെന്ന ലക്ഷ്യത്തോടെ തുടക്കം കുറിച്ച പരിപാടികളിൽ ഒന്നാണ് പെൻബോക്സ് പദ്ധതി. ഉപയോഗശൂന്യമായ പേനകൾ ചുറ്റുപാടിലേയ്ക്ക് വലിച്ചെറിയാതെ പെൻബോക്സിൽ നിക്ഷേപിച്ച് ഹരിതകർമ്മ സേനയ്ക്ക് കൈമാറുകയാണ് ഈ പദ്ധതിയിലൂടെ ചെയ്യുന്നത്. ഓരോ ക്ലാസിൽ നിന്നും ഉപയോഗശൂന്യമായ പേനകൾ നല്ല പാഠം അംഗങ്ങൾ ശേഖരിക്കുകയും അത് പെൻബോക്സിൽ നിക്ഷേപിക്കുകയും ചെയ്തു. ഇതിന് തുടക്കം കുറിച്ചു കൊണ്ടുള്ള പരിപാടിയിൽ പ്രധാനാധ്യാപിക ശ്രീമതി ഷൈനി ജോസ് പി ടി എ പ്രസിഡണ്ട് ശ്രീ നവാസ് പടുവിങ്ങൽ നല്ലപാഠം കോർഡിനേറ്റർമാരായ നിമ്മി മേപ്പുറത്ത് ,എസ് നിലീന പി ടി എ വൈസ് പ്രസിഡണ്ട് ശ്രീ.പി.ബി. രഘു എന്നിവർ പങ്കെടുത്തു. തുടർന്ന് നല്ലപാഠം അംഗങ്ങളായ കുട്ടികൾ ക്ലാസുകൾ തോറും കയറി ഉപയോഗശൂന്യമായ പേനകൾ ശേഖരിച്ചു.

Address

Uthamapalayam

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm
Saturday 9am - 5pm

Telephone

+919497473792

Website

Alerts

Be the first to know and let us send you an email when Kunjikutty Thampuraty Memorial Govt. Girls HSS Kodungallur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category