https://www.facebook.com/102365068881325/

Tangkhul TUI

Home
India
Ukhrul
Tangkhul TUI

Shanglak kahaiya Tangkhul Tui hi manakazemkhuilaga Khawon-Kashonna mashungrik matui kala kapiranu.

19/07/2025

RINGKAPHA PAO

Ql. Iknguira L Shimray d/o Stone L shimrayna kakapi THEIYO kachi lairik hi aja Rev. Zaklei Kapingna Launch samihaira.
Iknguira L. Shimray hi Lairik kakapili ningsanglak kahai kala Tangkhul Tui pharihai phalungra kachili malung changda ot kasa Hunphun Lashiyo akhana.
Imaram khanuithot lairik kakapi ningkasang bingli katomlaksei💪🏻
Hearty Congratulations Iknguira LS⁩ 🎊

Lairik hi Iwui Bookstore wino, Prologue Bookstore Viewland kala Pettigrew Book house, Awontang li samphangpaira.

11/07/2024

N. LUIKHAMNA KAPIMI HAIKASA THE TANGKHUL NAGA "KHARAR TUI" WUI EINA KHUIKASHOK TANGKHUL TUI KAKHALAT KHANI AKHA YANGRUMSA.

1) Ābung : āsham makakā ākhong, ot sangkhavai ākhur kakā ākhong (Lidless container)
*Chancham: Hormi eina Ramlung hila ābung eina āsham thālakli!

2) Āchok-āchai: yang pangshap (strength)
*Chancham; Ramngamva āchok- āchai mazangmada thing chila mangava̱rar mara.

3) Ādung: (hangdung) ngalei kachui apam
*Chancham: Ādung chieina kangashān yanglu khui chi matheirarni khala?

4) Āhik : makapang, ācho (chaff)
*Chancham: Mā hiya mapanglakmali, āhik mānglikho!

5) Ākha -ārāi kasa̱ : Kazat kakā, phasā makaphā (Ill health, Debility)
*Chancham: Ākha ārai kasa̱ mibinga maokpei ngayaomana.

6) Ākum-ānā : K*m kachida, zingkum peida (all year round)
*Chancham: Ākum-ānā Ina nashi shimkhur li yangkasang chi ningkashi theilu.

10/07/2024

MANGKHAP PHANIT
- Kharkhui Raleng

Luisāo luishom, theimachi pāimachi lingkupser kahaiwui thili kumkhawui alungli phanit khalalei zaikora saser, mayonserhailaga Marang kachāng hili hina khamang kashai kakupanada khamayona phanit hili "MANGKHAP PHANIT" hoya.
Luisāo luishom kupser kahai eina Kha̱ chiwui Āwunga kala Hangva̱ Wungnao bingna langshi samihaowa.
Kachang khani kathum kumva̱ kumvāzāt panglak eina ngaheisangda pheipāngla masit tittit haoda khanan-khanā raikhui khavai khalākala matei, vāhongnaola matei kachichawui khalalei athishurda MANGKHAP phanit hili khamor chātlak eina phāshak kala kachichashi luiyamli hargui shunvāda sāla, khorla Āmeowa li vāpha̱da āthei ārai lingsang kahai chi arema mangasā khavai (heiun ungkhavai) vāsuihaiya.

Phanit alungli leila kashunglak eina ngapha̱sāi. Lei ngapha̱ thangva ruichumnao bingla kala khami kharā bingla ngathor zimik kashok eina Leingaphali vada yorkhui ngarok kala lokhui ngaroka. Hithanga ot makhalo kala ot makhayora bingla shanvāi chonvāi mathasek eina shaksālaga rāyangpama.
S. Kānreina kahang "Achalakhawui lei khanganong chithada arui thotva masarar mana kala makāngaphan phayaimana. Apong akhali phaningakha, hikathawui apongli aruihonwui Tangkhul mithotli khararthotwui Tangkhulna shākha shida thangmeimei. Hi Ina hangshapa kaje Iwui mik eina achalakhawui eina sakhara Lei khangapha chi thuikathei mang maningla thuikazangla thuizanga".

Mangkhap hiliya phanitna chilala lumshilao masaphalungmana. K*mkhali zaki kachi kashak kaza chotlak eina ngaransang kahai hi kachikathava mazakhuila mawon sathui kahaila leihaoda kharingra kharingzat ngayarkaza neida ringphalak eina shakzarumda mangkhapa.
Shimli pamlaga khamor chatlak eina phāshak phazāda māthei māreng, ngasotnao bingli khor, zam ngatha̱mang kala han ngatha̱shailaga khami khara binglila ra̱shak shirei khuimida shim ngānchiri eina kapam chimaya.

Achalakha Mangkhap hi kathada mayonsa khala kachi lairikli pakhuilaga kala khararnao bingli ngahan maronlaga aruihon Ina Hunphun wuili teomeikha ngaheo khayang chitharan Mangkhap phanit khamayon hi Hunphun Hanga̱ Wungnaona langshi samida phanit hitharan mayonra kachi yaruili vaomalanmi haowa kala sā tāithatlaga maningakha sārei zangshai ngaroklaga phanit hili ngasamkhui ngaroka.
Khareli harkho yangda Āmeowali kapha̱ kala suikahai chi aja̱ Khorumshimli Ithumwui heiun ungkhavai Vareli mingzāiya. Achalakha Mangkhap phanitli Leingapha̱ kasa chi ajava matheilui mana kha atam atamli Vareshi lāā khangahan hi khuika ngarokdalei.
Awo-ayi ngarāna mayonrā kasa Tangkhul ngashan, phanit phanao Ithum mayonsa.
Mangkhap Phanit ringphameiranu.

KAKHALAT TEOMEIKHA
1) Marang: July
2) Langshi sami haowa : Kakmi haowa (atam kak-khami)
3) K*mva̱ kumvāzāt: K*mkhali zaki kachi zat/kashak kaza
4) Ngaheisangda; Ngaransangda/ngarangkasang
5) Pheipang masit tittit (Pheipang khamasit) : Ot panglak eina sahaoda panghui/pheihui khangahi (pangringkor/pheiringkor ngalem chili ahui kashok)
6) Khanan-khanā raikhui khavai: Phasa kachot kakhanang raikhui khavai
7) Suikahai: Khokharum/seiha kasa
8) Leingapha:Market
9) Mathei māreng : Relatives/Kin
10) Khorumshim : Church

REFERENCES:
1) Wung (Tangkhul) Naga Okthot Mayonza by T. Luikham, ex. MLA
2) Tangkhul Ringphatyan by S. Kanrei Shaiza, Retired Master, Ukhrul Government High School 1970

28/11/2023

Ima Tangkhul Tui tamphoklui haosei😊

EAR RING : UNRA
RING: PANGYORA
NECKLACE: JA
BELT: SHANNEIRA

05/08/2022

𝙈𝘼𝙃𝘼𝙍𝙇𝙀𝙈: Ngashun ngaya zingrot khangasam maleila zimiksho mati thang rolaga maharthing kathi/kaja khuikhara zingrot (mathei-haoyang atamli)

𝙈𝘼𝙄𝙆𝙃𝘼𝙍𝙀𝙊: Mash*tkasang otsak sakachithei, kakasir.

31/07/2022

LEMKAHAI: Thingakan kahai, shiman kahai, maleilui kachi. (Extinct)
Chancham: achalakha Shongfawon tarara theikho kha ara lemkahai thali, matheilak thura.

REK KASA : Ot masangaimada awor kasa (to evade work/duties/responsibilities)
Chancham: Atao nala rek kasava marnalikho yo. 😁

27/07/2022

PAMRI-PAMRA MAKACHI: Khikha akha khalei wuivang pamlala mapam kapai.
(Restlessness/Fidgetiness)

PANGPUITA KAHAI: Pang eina singlaga tatung kahai.

26/07/2022

ONKACHEI : Khangachei, ngachei kahai. (Exchange)
Chancham: Iwui lairik akha aya zimiksho officeli onchei haowa.

24/07/2022

NĀSHĀT : Khangazekli, kashā katheiwui shākhi.
(Witness)
NGACHĀNLĀKA: Phāyada kaso, ming kazat mina khangazek.
(Famous for good quality)

21/07/2022

MAKAMKEI: Matemkak, Khak khangai
Chancham: Ishaniva makamkei eina chan ngazekshilaka.
MAKHEI NGAYEI KHAVAI: Ngathum khavai, ngathum pamsa khavai,
ayar vakhavai (ngachir ngashui khavai)

19/07/2022

LĀRAR: Mafa̱kathui rarkahai shanao
(Spinster)
LUNGKHARĀP: Ngacheekazar, malung makazang (Coward)

Address

Ukhrul
795142

Website

facebook.com

Alerts

Be the first to know and let us send you an email when Tangkhul TUI posts news and promotions. Your email address will not be used for any other purpose, and you can unsubscribe at any time.

Contact The School

Send a message to Tangkhul TUI:

Want your school to be the top-listed School/college in Ukhrul?