Kerala PSC Corner

📮 രണ്ടുതവണ കേരള സാഹിത്യ അക്കാദമി അവാർഡ് നേടിയ പാറപ്പുറത്ത് എന്ന തൂലികാനാമത്തിൽ എഴുതിയ കെ.ഈശോ മത്തായിയുടെ ഏതു നോവലാണ് 2026- ലേക്ക് 50 വയസ്സ് തികഞ്ഞത്?

✅ മനസ്സു കൊണ്ട് ഒരു മടക്കയാത്ര

📮 എസ്. കെ പൊറ്റക്കാടിന്റെ ഏതു ചെറുകഥായാണ് 2026 ലേക്ക് 80 വയസ്സ് തികഞ്ഞത്?

✅ ചന്ദ്രകാന്തം

📮 എന്താണ് പണ്ടോറ മിഷൻ?

✅ എക്‌സോപ്ലാനറ്റ് അന്തരീക്ഷത്തെയും അവയുടെ ആതിഥേയ നക്ഷത്രങ്ങളെയും ചിത്രീകരിക്കുന്നതിനായി രൂപകൽപ്പന ചെയ്‌തിരിക്കുന്ന ഒരു ചെറിയ ഉപഗ്രഹമാണ് പണ്ടോറ.

ഒരു വർഷത്തെ ശാസ്ത്ര പ്രവർത്തനങ്ങളിൽ കുറഞ്ഞത് 20 വ്യത്യസ്ത ഗ്രഹങ്ങളെയെങ്കിലും നിരീക്ഷിക്കാൻ ഇത് പദ്ധതിയിട്ടിട്ടുണ്ട്.

📮 എന്താണ് IMAP മിഷൻ?

✅ 2025 സെപ്റ്റംബർ 24 ന് വിക്ഷേപിച്ച IMAP, നമ്മുടെ സൗരയൂഥത്തെ ചുറ്റിപ്പറ്റിയും സംരക്ഷിക്കുകയും ചെയ്യുന്ന സൂര്യൻ സൃഷ്ടിച്ച ഒരു വലിയ കുമിളയായ ഹീലിയോസ്ഫിയറിന്റെ അതിർത്തി നന്നായി മനസ്സിലാക്കാൻ ഗവേഷകരെ സഹായിക്കും.

ഒരു നിശ്ചിത മുഖവിലയോടുകൂടി (Face Value / Denomination) ഇന്ത്യ സർക്കാർ ആദ്യമായി പുറത്തിറക്കിയ വർണ്ണ സ്മാരക നാണയം
(First Colour Commemorative Coin) താഴെ പറയുന്നവയിൽ ഏത് സംഭവവുമായി ബന്ധപ്പെട്ടതാണ്?

ഇന്ത്യൻ റെയിൽവേയിലെ വൈദ്യുതീകരണത്തിന്റെ 100 വർഷം ✅

📮100 രൂപയുടെ സ്മാരക നാണയമാണിത് (Commemorative Coin).

📮നാണയത്തിൽ ഇന്ത്യയുടെ അഭിമാനമായ വന്ദേഭാരത് ട്രെയിനിന്റെ വർണ്ണ ചിത്രം (Colour image) ആലേഖനം ചെയ്തിരിക്കുന്നു. നാണയത്തിൽ '1925-2025' എന്നും രേഖപ്പെടുത്തിയിട്ടുണ്ട്.

📮2022 ഫെബ്രുവരിയിൽ കേന്ദ്ര ധനമന്ത്രി നിർമ്മല സീതാരാമൻ പ്രകാശനം ചെയ്ത 'പഞ്ചതന്ത്രം' (Panchatantra) പ്രമേയമായുള്ള നാണയമാണ് ഇന്ത്യയിലെ ആദ്യത്തെ ഔദ്യോഗിക വർണ്ണ നാണയമായി കണക്കാക്കുന്നത്, ഇത്തരം സുവനീർ നാണയങ്ങൾക്ക് ഒരു മുഖവില (Denomination) ഉണ്ടാകില്ല. അതായത് ഇതിൽ 10 രൂപയെന്നോ 100 രൂപയെന്നോ രേഖപ്പെടുത്തിയിട്ടുണ്ടാകില്ല

ഇന്ത്യയിലെ മണിപ്പൂർ, മിസോറാം സംസ്ഥാനങ്ങളിൽ നിന്നുള്ള 'ബിനെയ് മെനാഷെ' (Bnei Menashe) വിഭാഗക്കാരെ ഇസ്രായേലിലേക്ക് തിരികെ കൊണ്ടുപോകുന്ന പദ്ധതിക്ക് നൽകിയിട്ടുള്ള പേരെന്ത്?

ഓപ്പറേഷൻ വിംഗ്സ് ഓഫ് ഡോൺ' (Operation Wings of Dawn) ✅

📮ബി.സി 722-ൽ അസീറിയൻ ആക്രമണത്തെ തുടർന്ന് ഇസ്രായേലിൽ നിന്ന് പലായനം ചെയ്ത ഇവർ അഫ്ഗാനിസ്ഥാൻ, ടിബറ്റ്, ചൈന വഴി ഇന്ത്യയുടെ വടക്കുകിഴക്കൻ സംസ്ഥാനങ്ങളായ മണിപ്പൂരിലും മിസോറാമിലും എത്തിച്ചേർന്നു. മണിപ്പൂരിൽ ഇവർ കുക്കി വിഭാഗത്തിന്റെ ഒരു ഉപവിഭാഗമായാണ് കണക്കാക്കപ്പെടുന്നത്.

ന്യൂസിലൻഡുമായുള്ള വ്യാപാരക്കരാറിൽ ഇന്ത്യൻ കർഷകരെ സംരക്ഷിക്കുന്നതിനായി എത്ര ശതമാനം ഉൽപ്പന്നങ്ങളെയാണ് നികുതിയിളവിൽ നിന്നും ഇന്ത്യ ഒഴിവാക്കിയത്?

29.97% ✅

📮ന്യൂസിലൻഡിൽ നിന്നുള്ള 70.03% ഉൽപ്പന്നങ്ങൾക്ക് ഇന്ത്യ നികുതിയിളവ് നൽകും. എന്നാൽ ഇന്ത്യൻ കർഷകരെ സംരക്ഷിക്കുന്നതിനായി പാൽ, വെണ്ണ, ചീസ്, ആപ്പിൾ, ഉള്ളി തുടങ്ങിയവ ഉൾപ്പെടുന്ന 29.97% ഉൽപ്പന്നങ്ങളെ നികുതിയിളവിൽ നിന്നും ഇന്ത്യ ഒഴിവാക്കിയിട്ടുണ്ട്.

📮കേന്ദ്ര വാണിജ്യ-വ്യവസായ മന്ത്രി പീയൂഷ് ഗോയലും ന്യൂസിലൻഡ് വ്യാപാര മന്ത്രി ടോഡ് മക്ലേയും (Todd McClay) ചേർന്ന് ന്യൂഡൽഹിയിലെ ഭാരത് മണ്ഡപത്തിൽ വെച്ചാണ് കരാർ ഒപ്പുവെച്ചത്.

📮ഇന്ത്യയിൽ നിന്നുള്ള കയറ്റുമതിക്ക് ന്യൂസിലൻഡിൽ 100% നികുതിയിളവ് ലഭിക്കും.

📮സ്വതന്ത്ര വ്യാപാരക്കരാർ (Free Trade Agreement - FTA): ​രണ്ടോ അതിലധികമോ രാജ്യങ്ങൾ തമ്മിലുള്ള ഇറക്കുമതി-കയറ്റുമതി നികുതികൾ (Tariffs), ക്വാട്ടകൾ എന്നിവ പരമാവധി ഇല്ലാതാക്കുകയോ കുറയ്ക്കുകയോ ചെയ്തുകൊണ്ട് വ്യാപാരം പ്രോത്സാഹിപ്പിക്കുന്നതിനുള്ള ഔദ്യോഗിക കരാറാണിത്

ലഡാക്കിൽ അടുത്തിടെ പ്രഖ്യാപിച്ച 5 പുതിയ ജില്ലകൾ കൂടി ഉൾപ്പെടുമ്പോൾ, നിലവിൽ ലഡാക്കിലെ ആകെ ജില്ലകളുടെ എണ്ണം എത്രയാണ്?

7 ✅

📮ലഡാക്കിൽ 5 പുതിയ ജില്ലകൾ കൂടി രൂപീകരിച്ചു. നുബ്ര (Nubra), ഷാം (Sham), ചാങ്താങ് (Changthang), സാൻസ്കർ (Zanskar), ദ്രാസ് (Drass) എന്നിവയാണ് പുതിയ ജില്ലകൾ.

📮ഇതിനുമുമ്പ് ലേ (Leh), കാർഗിൽ (Kargil) എന്നീ രണ്ട് ജില്ലകൾ മാത്രമായിരുന്നു ലഡാക്കിൽ ഉണ്ടായിരുന്നത്. പുതിയ 5 ജില്ലകൾ കൂടി വന്നതോടെ ലഡാക്കിലെ ആകെ ജില്ലകളുടെ എണ്ണം 7 ആയി ഉയർന്നു.

📮ലെഫ്റ്റനന്റ് ഗവർണർ: വിനയ് കുമാർ സക്സേന

Static GK 👇

📮രൂപീകരണം: 2019 ഓഗസ്റ്റ് 5-ന് ആർട്ടിക്കിൾ 370 റദ്ദാക്കിയതിന് ശേഷം, 2019 ഒക്ടോബർ 31-നാണ് ജമ്മു കശ്മീർ സംസ്ഥാനത്തെ വിഭജിച്ച് ലഡാക്ക് ഒരു കേന്ദ്രഭരണ പ്രദേശമായി (Union Territory) രൂപീകരിച്ചത്.

📮ലേ (Leh) ആണ് ലഡാക്കിന്റെ തലസ്ഥാനം.

📮ഇന്ത്യയിലെ ഏറ്റവും വലിയ കേന്ദ്രഭരണ പ്രദേശമാണ് ലഡാക്ക്.

📮 "ഇന്ത്യയുടെ ശീതമരുഭൂമി" (Cold Desert of India) എന്ന് വിളിക്കുന്നു

അടുത്തിടെ വാർത്തകളിൽ ഇടംനേടിയ, സൈബർ സുരക്ഷയ്ക്ക് വലിയ ഭീഷണിയാകുമെന്ന് മുന്നറിയിപ്പ് നൽകപ്പെട്ട 'ക്ലോഡ് മിത്തോസ്' (Claude Mythos) ഏത് കമ്പനിയുടെ നിർമ്മിതബുദ്ധി (AI) മോഡലാണ്?

ആന്ത്രോപിക് (Anthropic) ✅

📮അമേരിക്കൻ എ.ഐ കമ്പനിയായ 'ആന്ത്രോപിക്' വികസിപ്പിച്ചെടുത്ത ഏറ്റവും പുതിയ നിർമ്മിതബുദ്ധി മോഡലാണിത്. സാധാരണ ചാറ്റ്ബോട്ടുകളിൽ നിന്ന് വ്യത്യസ്തമായി, കമ്പ്യൂട്ടർ സിസ്റ്റങ്ങളിലെയും സോഫ്റ്റ്‌വെയറുകളിലെയും സൈബർ സുരക്ഷാ പിഴവുകൾ (Vulnerabilities) വളരെ വേഗത്തിലും കൃത്യതയിലും കണ്ടെത്താൻ ഇതിന് കഴിയും.

📮ക്ലോഡ് മിത്തോസ് എന്ന മോഡൽ വളരെ ശക്തവും അപകടകാരിയുമായതിനാൽ കമ്പനി ഇത് പൊതുജനങ്ങൾക്കായി ഔദ്യോഗികമായി പുറത്തിറക്കിയിട്ടില്ല. ഹാക്കർമാരുടെ കൈകളിൽ എത്തിയാൽ വലിയ സൈബർ ആക്രമണങ്ങൾക്ക് ഇത് കാരണമാകും.

📮പ്രൊജക്റ്റ് ഗ്ലാസ്സ് വിങ് (Project Glass Wing):
ഗൂഗിൾ, ആപ്പിൾ തുടങ്ങിയ 40-ലധികം മുൻനിര കമ്പനികളുമായി ചേർന്ന് സോഫ്റ്റ്‌വെയറുകളിലെ പിഴവുകൾ ഹാക്കർമാർ കണ്ടെത്തുന്നതിന് മുൻപ് തന്നെ പരിഹരിക്കുന്നതിനായി ആന്ത്രോപിക് ആരംഭിച്ച സുരക്ഷാ പദ്ധതിയാണ് 'പ്രൊജക്റ്റ് ഗ്ലാസ്സ് വിങ്'

SIPRI റിപ്പോർട്ട് പ്രകാരം 2025-ൽ ലോകത്ത് പ്രതിരോധ മേഖലയ്ക്കായി ഏറ്റവും കൂടുതൽ തുക ചെലവഴിച്ച രാജ്യങ്ങളിൽ ഇന്ത്യയുടെ സ്ഥാനം എത്രയാണ്?

അഞ്ചാം സ്ഥാനം ✅

📮ആഗോള സൈനിക ചെലവിന്റെ 3.2% ആണ് ഇന്ത്യയുടേത്. 2024-നെ അപേക്ഷിച്ച് 2025-ൽ ഇന്ത്യയുടെ സൈനിക ചെലവിൽ 8.9% വർദ്ധനവ് ഉണ്ടായിട്ടുണ്ട്. കഴിഞ്ഞ വർഷം പാകിസ്ഥാനെതിരെ ഇന്ത്യ നടത്തിയ 'ഓപ്പറേഷൻ സിന്ദൂർ' (Operation Sindoor) പശ്ചാത്തലത്തിൽ, സൈന്യത്തെ എപ്പോഴും യുദ്ധസജ്ജമാക്കി നിർത്തുന്നതിനായി നടത്തിയ അടിയന്തര ആയുധ സംഭരണങ്ങളാണ് ഈ വർദ്ധനവിന് ഒരു പ്രധാന കാരണം.

📮പട്ടികയിലെ ആദ്യ മൂന്ന് രാജ്യങ്ങളായ അമേരിക്ക, ചൈന, റഷ്യ എന്നിവർ ചേർന്ന് ആകെ 1,480 ബില്യൺ ഡോളർ ചെലവഴിച്ചു. ഇത് ലോകത്തെ ആകെ സൈനിക ചെലവിൻ്റെ 51% വരും

സെൻസസ് നടപടികൾ എളുപ്പമാക്കുന്നതിനും ജനങ്ങളെ സഹായിക്കുന്നതിനുമായി
ഓഫീസ് ഓഫ് ദി രജിസ്ട്രാർ ജനറൽ ആൻഡ് സെൻസസ് കമ്മീഷണർ പുറത്തിറക്കിയ ദേശീയ ടോൾ ഫ്രീ ഹെൽപ്പ്‌ലൈൻ നമ്പർ?

1855 ✅

📮സെൻസസ് 2027-മായി ബന്ധപ്പെട്ട സംശയങ്ങൾ ദുരീകരിക്കുന്നതിനും മാർഗ്ഗനിർദ്ദേശങ്ങൾ നൽകുന്നതിനുമായി 1855 എന്ന ദേശീയ ടോൾ ഫ്രീ നമ്പർ എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും നിലവിൽ വന്നു.

📮2027 സെൻസസിന്റെ പ്രത്യേകത:
ഇത് ഇന്ത്യയിലാകെ നടക്കുന്ന 16-ാമത്തെ സെൻസസും, സ്വാതന്ത്ര്യത്തിന് ശേഷം നടക്കുന്ന 8-ാമത്തെ സെൻസസുമാണ്.

കേരള വനംവകുപ്പ് പാമ്പുകളെക്കുറിച്ചുള്ള വിവരങ്ങൾക്കും രക്ഷാപ്രവർത്തനങ്ങൾക്കുമായി പുറത്തിറക്കിയ 'SARPA' എന്ന മൊബൈൽ ആപ്ലിക്കേഷൻ്റെ പൂർണ്ണരൂപം എന്താണ്?

Snake Awareness, Rescue and Protection App ✅

Static GK 👇

പാമ്പിൻ വിഷത്തിൻ്റെ വകഭേദങ്ങൾ

📮ന്യൂറോടോക്സിക് (Neurotoxic): നാഡീവ്യൂഹത്തെ (Nervous system) ബാധിക്കുന്ന വിഷം. ഉദാഹരണത്തിന് മൂർഖൻ, ശംഖുവരയൻ എന്നിവയുടെ വിഷം.

📮ഹീമോടോക്സിക് (Hemotoxic): രക്തത്തെയും രക്തക്കുഴലുകളെയും ബാധിക്കുന്ന വിഷം. ഉദാഹരണത്തിന് അണലി, ചുരുട്ടമണ്ഡലി എന്നിവയുടെ വിഷം.

📮ഉരഗങ്ങളെയും (Reptiles) ഉഭയജീവികളെയും കുറിച്ചുള്ള പഠനശാഖയാണ് ഹെർപ്പറ്റോളജി (Herpetology). പാമ്പുകളെക്കുറിച്ച് മാത്രമുള്ള പഠനം ഓഫിയോളജി (Ophiology) എന്നും അറിയപ്പെടുന്നു.