Borholla Higher Secondary School

সকলোলৈকে সাদৰেৰে নিমন্ত্ৰণ জনালো 🙏🙏🙏

বৰহোলা উচ্চতৰ মাধ্যমিক বিদ্যালয়ৰ গৌৰৱ, দ্বিতীয়গৰাকী কটনিয়ান অধ্যক্ষ হিচাপে ৰাজ্যৰ আগশাৰীৰ শিক্ষানুষ্ঠান ৰূপে পৰিগণিত হোৱাত অবিৰত প্ৰয়াসেৰে নিজৰ সৰ্বোচ্চ উজাৰি সেৱা আগবঢ়াই সৌ সিদিনা ৩১ মাৰ্চত অৱসৰ গ্ৰহণ কৰা ৰাজ্যিক কৃতী শিক্ষক প্ৰশান্ত কুমাৰ মহন্ত ছাৰ আৰু নাই! মৃত্যু যে জীৱনৰ অন্তিম উপলব্ধি- এই নিষ্ঠুৰ সত্যক স্বীকাৰ কৰি চেন্নাইৰ এপ'ল' হস্পিতেলত আজি পুৱা প্ৰায় চাৰে এঘাৰ বজাত ইহলীলা সম্বৰণ কৰিলে এই শিক্ষানুষ্ঠানৰ অন্যতম শ্ৰেষ্ঠ শিক্ষগুৰুগৰাকীয়ে!
১৯৯০ চনৰ ১৬ মে'ৰ পৰা ২০২৬ চনৰ ৩১ মাৰ্চলৈকে সুদীৰ্ঘ ৩৬ বছৰকাল ইংৰাজী বিষয় বিষয়ৰ বিষয় শিক্ষকৰূপে পাঠদান কৰি সহস্ৰ সহস্ৰ শিক্ষাৰ্থীৰ মনোজগত উদ্ভাসিত কৰি তুলিলে - সকলোৰে অন্তৰৰ একোণত নিগাজি ঠাই ল'লে! ২০১৯ বৰ্ষত যোৰহাট জিলা কৃতী শিক্ষক বটাঁৰে সন্মানিত হোৱা ছাৰে ২০২২ চনত অধ্যক্ষ দ্বায়িত্বভাৰ গ্ৰহণ কৰিছিল।
প্ৰস্তুতি চলি আছিল ২০২৯ চনত অনুষ্ঠিত হ'বলগীয়া বিদ্যালয়ৰ মহাৰজত জয়ন্তী উদযাপনৰ ৰূপৰেখা অংকনৰ! ছাৰৰ বৰ হেঁপাহ আছিল তেওঁৰ কাৰ্য্যকালতে প্ৰাক্তন ছাত্ৰৰ এখন সন্মিলন অনুষ্ঠিত কৰি বৰহোলা অঞ্চলৰ গুণী-জ্ঞানী সুধীবৃন্দ, সকলো সামাজিক-সাংস্কৃতিক অনুষ্ঠানক লগত লৈ এখনি শক্তিশালী উদযাপন সমিতি গঠন কৰি আগবঢ়াৰ! সন্মুখৰ হাইস্কুল শিক্ষান্ত আৰু উচ্চতৰ মাধ্যমিক চুড়ান্ত বৰ্ষৰ পৰীক্ষাৰ সমাপ্তিৰ লগে লগেই এই সভা আহ্বানৰ পৰিকল্পনা আধৰুৱা হ'ল। প্ৰায় তিনিবছৰমান আগতে সন্মুখীন হোৱা ৰক্তাল্পতা সমস্যাই যেন পুনৰবাৰ আক্ৰান্ত কৰিলে মানুহজনক! ববৰহোলা উচ্চতৰ মাধ্যমিক বিদ্যালয়স্থিত হাইস্কুল শিক্ষান্ত পৰীক্ষাৰ পৰীক্ষাকেন্দ্ৰৰ কেন্দ্ৰাধ্যক্ষৰ দৰে দ্বায়িত্ব নেওচিব নোৱাৰি দূৰণিবটীয়া চিকিৎসা পৰামৰ্শ তথা স্থানীয় পৰীক্ষা-নিৰীক্ষা মাজেৰেই কৰ্মজীৱনৰ অন্তিমটো হাইস্কুল শিক্ষান্ত পৰীক্ষা সুচাৰুৰূপে পৰিচালনাৰ সংকল্পেৰে দেহাই বলে পৰা দিনটোলৈকে যন্ত্ৰণাকাতৰ হৈও দৈনিক আশী কিলোমিটাৰ বাট গাড়ীৰে অহা-যোৱা কৰি থাকিল। অৱশেষত বাঙ্গালোৰস্থিত জী-জোঁৱাইৰ ওচৰলৈ সুচিকিৎসাৰ বাবে যাত্ৰা কৰিলে। তাৰে পৰাই চেন্নাইৰ এপ'ল' হস্পিতেলত ভৰ্তি হৈ দীঘলীয়া চিকিৎসা গ্ৰহণ কৰিলে। ইতিমধ্যে অৱসৰ গ্ৰহণৰ দিন চমু চাপিল। চিকিৎসকৰ অনুমতি সাপেক্ষেই অসুস্থ অৱস্থাৰেই ঘৰলৈ আহি বিদ্যালয় পৰিদৰ্শকৰ কাৰ্যালয়তে নিজৰ দ্বায়িত্বভাৰ ওভতোৱাৰ আনুষ্ঠানিকতা সম্পন্ন কৰি পুনৰ চেন্নাইলৈ চিকিৎসা গ্ৰহণাৰ্থে ঘূৰি গৈছিল। এই কম সময়ৰ ভিতৰতে তেওঁ প্ৰকাশৰ পথত থকা বিদ্যালয়ৰ মুখপত্ৰ 'জিলিকণি' ৰ সম্পাদনাৰ চুড়ান্ত ৰূপদান কৰি দ্বায়িত্বৰ প্ৰতি নিষ্ঠাৰ অনন্য নিদৰ্শন দাঙি ধৰিছে। কোৱা বাহুল্য যে, ছাৰৰ উপস্থিতিত এক বিশেষ উপলক্ষ্যত মুখপত্ৰখনিৰ উন্মোচনৰ অভিলাষ অপূৰ্ণ হৈ ৰ'ল! অপূৰ্ণ হৈ ৰ'ল প্ৰিয় সাহিত্য-চৰ্চাৰ জগতখনলৈ আগবঢ়াব খোজা সংকল্প!
ছাৰৰ বিদেহাত্মাৰ চিৰশান্তি কামনা কৰিলো !!
ঔঁ শান্তি!🙏

হাইস্কুল শিক্ষান্ত পৰীক্ষাৰ ফলাফল আৰু আমাৰ বিদ্যালয়ঃ-

অৱশেষত ২০২৫-২০২৬ শিক্ষাবৰ্ষৰ হাইস্কুল শিক্ষান্ত পৰীক্ষাৰ ফলাফল ঘোষিত হ'ল! উৎকণ্ঠাৰ ওৰ পৰিল। সামগ্ৰিকভাৱে ৰাজ্যখনৰ উৰ্ত্তীণৰ হাৰ 65ৰ কিছু ওপৰত। এই দিশলৈ চাই আমাৰ বৰহোলা উচ্চতৰ মাধ্যমিক বিদ্যালয়ৰ উত্তীৰ্ণৰ হাৰ যথেষ্ট সন্তোষজনক- 92%ৰ ওপৰত। কিন্তু বিগত দিনবোৰৰ গৌৰৱৰ ওপৰত এয়া যে ধুলিৰ চামনি!!
সোণালী অতীতত ইতিপূৰ্বে বিদ্যালয়খনিয়ে দুটাকৈ বৰ্ষত ৰাজ্যৰ দহখন শ্ৰেষ্ঠ শিক্ষানুষ্ঠানৰ ভিতৰত স্থান দখল কৰিবলৈ সক্ষম হৈছিল। এইবাৰো মুঠ 121 গৰাকী পৰীক্ষাৰ্থীৰ ভিতৰত 120 গৰাকী অবতীৰ্ণ হৈ 111 গৰাকী উত্তীৰ্ণ হৈছে। ইয়াৰে ভিতৰত 7 গৰাকী ষ্টাৰমাৰ্কসহ 32 গৰাকীয়ে প্ৰথম বিভাগত, 70 গৰাকী দ্বিতীয় বিভাগত আৰু 9 গৰাকী তৃতীয় বিভাগত উত্তীৰ্ণ হৈছে। আন 9 গৰাকী অকৃতকাৰ্য হৈ ৰ'ল। হয়তু সেই কেইগৰাকীয়ে পৰীক্ষা পদ্ধতিৰ নতুনত্বৰ সৈতে ফেৰ মাৰিব নোৱাৰিলে!
এইবাৰৰ পৰীক্ষাৰ ফলাফল আমাৰ বাবে এক উল্লেখযোগ্য মাইলৰ খুটিত পৰিণত হৈছে! এক বিশেষ কৃতিত্বৰে- মহাৰজত জয়ন্তী উদযাপনৰ প্ৰাকমুহুৰ্তত বিদ্যালয়খনিৰ ইতিহাসত নজীৰ সৃষ্টি কৰি এগৰাকী নহয়, দুগৰাকীকৈ ছাত্ৰীয়ে অসমীয়া বিষয়ত ৰাজ্যখনৰ ভিতৰতে সৰ্বোচ্চ নম্বৰ লাভ কৰি বৰহোলা উচ্চতৰ মাধ্যমিক বিদ্যালয়ৰ গৌৰৱ বৃদ্ধি কৰিলে। মাতৃভাষাৰ দৰে বিষয়ত 100 ৰ ভিতৰত 100 নম্বৰ লাভ কৰি কৃতিত্ব অৰ্জন কৰা ছাত্ৰী প্ৰকৃষ্টা বৰাই মুঠ 450 নম্বৰেৰে ষ্টাৰ অৰ্জন কৰে। আনগৰাকী ছাত্ৰী ৰিছা ভাগৱতীয়ে এই দুঃসাধ্য সাধনেৰে মুঠ 440 নম্বৰেৰে প্ৰথম বিভাগত উত্তীৰ্ণ হৈ দৃষ্টান্ত ৰাখিলে। তেওঁলোকৰ লগতে আন 18 গৰাকীয়ে অসমীয়া বিষয়ত লেটাৰমাৰ্ক লাভ কৰিছে। এই দুয়োগৰাকী ছাত্ৰীলৈ বিশেষভাৱে অভিনন্দন জ্ঞাপন কৰাৰ লগতে উত্তীৰ্ণ সকলো পৰীক্ষাৰ্থীলৈ বিদ্যালয়ৰ তৰফৰপৰা আন্তৰিক অভিনন্দন জ্ঞাপন কৰিছোঁ!
🌷❣🌷

ঋতুকালীনঃ
💌💌💌
এইবাৰ খৰাং দীঘলীয়া যদিও ইতিমধ্যে প্ৰায়বোৰ গছেই কুঁহিপাত মেলিছে। পৰহিৰ পাতলীয়া বৰষুণজাকে জীপাল কৰিবলৈ সক্ষম নহ'লেও আমলখিজোপাৰ আঘাতপ্ৰাপ্ত ঠেঙনিদুটাতহে আগতীয়াকৈ কোঁহ মেলা দেখা পালোঁ! ৰহস্যময় প্ৰকৃতিৰ ইও এক আশ্বৰ্যৰে বিষয় নহয়নে?
💞💞💞
সকলোলৈকে শুভ অপৰাহ্ন জনালোঁ!💕💚💕

শ্ৰদ্ধাভাজনেষু
জয় জয়তে আন্তৰিক অভিনন্দন গ্ৰহণ কৰিব ! আপোনাক জনাবলৈ পাই অতি আনন্দিত হৈছো যে বৰহোলা অঞ্চলৰ প্ৰাণকেন্দ্ৰস্বৰূপ শিক্ষাৰ কঠিয়াতলী বৰহোলা উচ্চতৰ মাধ্যমিক বিদ্যালয়ে ইতিমধ্যে ৰূপালী জয়ন্তী (১৯৭৮) আৰু সোণালী জয়ন্তী (২০০৫) সফলতাৰে অতিক্ৰম কৰি আগন্তুক ২০২৯ বৰ্ষত গৌৰৱোজ্জ্বল মহাৰজত জয়ন্তী উদযাপনৰ দিশত অগ্ৰসৰ হৈছে। এই মহান ঐতিহাসিক ক্ষণৰ সাক্ষী হৈ ৰ'বলৈ পৰমপিতাই আমাৰ সকলোকে সৌভাগ্যবান কৰি তোলক, অফুৰন্ত কৰ্মশক্তি আৰু উৎসাহ-উদ্দীপনাৰে উজ্জীৱিত কৰি তোলক- আজি এই মুহুৰ্তত এয়াই আমাৰ প্ৰাৰ্থনা।
মহোদয়,
এই আপাহতে আপোনাৰ ওচৰত নিবেদন জনাওঁ যে উক্ত মহাৰজত জয়ন্তী উদযাপনৰ উদ্দেশ্য আগত ৰাখি বিভিন্ন দিশৰ প্ৰস্তুতিৰ ক্ষেত্ৰত প্ৰাক্তন ছাত্ৰ-ছাত্ৰীসকলৰ অংশগ্ৰহণ অৱধাৰিতভাৱে অপৰিহাৰ্য্য। সেয়েহে আমাৰ এই মহান শিক্ষানুষ্ঠানটিৰ ৭১ তম প্ৰতিষ্ঠা দিৱসৰ দিনটোতে বিদ্যালয় চৌহদস্থিত মুক্তিযোদ্ধা ৰূপেশ্বৰ পাঠক সোঁৱৰণি প্ৰেক্ষাগৃহত এখনি প্ৰাক্তন শিক্ষাৰ্থী সকলৰ এখনি সমাৰোহ আহ্বান কৰা হৈছে। অহা ০৫ এপ্ৰিল, ২০২৫ তাৰিখ শণিবাৰে অনুষ্ঠিতব্য প্ৰতিষ্ঠা দিৱসৰ বৰ্ণাঢ্য কাৰ্যসূচীৰ লগতে জেউতি চৰোৱাকৈ আয়োজিত উক্ত সমাৰোহত আপোনাৰ অংশগ্ৰহণৰ লগতে বহুমূলীয়া দিহা-পৰামৰ্শেৰে আমাৰ আহ্বায়কমণ্ডলীক উদ্বুদ্ধ কৰি তুলিবহি বুলি আমি একান্তই আশাবাদী হৈ ৰ'লো।
পত্ৰৰ জৰিয়তে জনোৱা নিমন্ত্ৰণত ৰৈ যোৱা নিমন্ত্ৰণজনিত ক্ৰটিমাৰ্জনাৰ প্ৰাৰ্থনাৰে-

আহ্বায়কমণ্ডলীৰ হৈ

বুদ্ধীন্দ্ৰনাথ হাজৰিকা, সভাপতি
ড৹ ৰাণা বৰা, কাৰ্যকৰী সভাপতি
প্ৰদীপ ৰাজখোৱা, উপ-সভাপতি
পদ্ম ৰাজখোৱা, উপ-সভাপতি
কল্যাণ হাজৰিকা, উপ-সভাপতি
নবীন শইকীয়া, উপ-সভাপতি
ৰঞ্জিত সন্দিকৈ, উপ-সভাপতি
দিপাংক বৰা, উপ-সভাপতি
দিগন্ত বৰা, প্ৰধান সম্পাদক
দীপাংকৰ পূজাৰী , সম্পাদক
যামিনী মোহন বৰুৱা, সম্পাদক
প্ৰদ্যুম্ন চুতীয়া , সম্পাদক
দেবজিত সোনোৱাল, সম্পাদক
ছত্ৰজিৎ যাদব, সম্পাদক
অমৰ সিং পিন্সা, সম্পাদক
ধৰ্মেন্দ্ৰ বৰা, সম্পাদক
অমল সোনোৱাল, সম্পাদক
আল্পনা হাজৰিকা, সম্পাদক
ড৹ শিৱাণী ফুকন, সম্পাদক
মাধুৰ্য পাঠক, সম্পাদক
অজয় শইকীয়া, সম্পাদক
দিপাংক ৰ শইকীয়া, সম্পাদক

প্ৰাক্তন ছাত্ৰ কোষ, বৰহোলা উচ্চতৰ মাধ্যমিক বিদ্যালয়

সভাৰ স্থান: মুক্তিযোদ্ধা ৰূপেশ্বৰ পাঠক সোঁৱৰণি প্ৰেক্ষাগৃহ, বৰহোলা উচ্চতৰ মাধ্যমিক বিদ্যালয় চৌহদ
দিনাংক: ০৫-০৪-২০২৫
সময়: পুৱা ১১:০০ বজাত

প্ৰতিজন জেষ্ঠ কণিষ্ঠ আৰু সহপাঠীৰ জ্ঞতাৰ্থে আগবঢ়ালো ।

সময় বাগৰি বৰহোলা উচ্চতৰ মাধ্যমিক বিদ্যালয়খনিয়ে গৌৰৱোজ্জল ৭০ বছৰ অতিক্ৰম কৰিলে। গতিকে বিদ্যালয়খনিৰ মহাৰজত জয়ন্তী নিচেই সমাগত। সেয়েহে আমি বিদ্যালয়খনিৰ মহাৰজত জয়ন্তী উদযাপন কৰাৰ সিদ্ধান্ত গ্ৰহণ কৰিছোঁ। ১৯৫৪ চনৰ পৰা এতিয়ালৈকে বিদ্যালয়খনৰ প্ৰাক্তন ছাত্ৰ ছাত্ৰী,শুভাকাংক্ষী তথা বিদ্যালয়ৰ লগত জড়িত সকলোৰে দিহা পৰামৰ্শ বিচাৰিছোঁ। লগতে আপোনালোকৰ যদিহে বন্ধু বান্ধৱী সহিতে বৰ্ষ অনুযায়ী কোনো WhatsApp গ্ৰুপ আছে তেন্তে সেই গ্ৰুপ সমূহত এই বাৰ্তাটি প্ৰেৰণ কৰিবলৈ আহ্বান জনালোঁ। প্ৰয়োজন সাপেক্ষে তলত উল্লেখ কৰা ফোন নম্বৰকেইটাৰ যিকোনো এটা আপোনালোকৰ গ্ৰুপৰ লগত সন্নিৱিষ্ট কৰি ল'ব। আমি আশা কৰিছোঁ যাতে বিদ্যালয়ৰ লগত জড়িত যিকোনো ব্যক্তি আৰু প্ৰতিগৰাকী প্ৰাক্তন ছাত্ৰ ছাত্ৰীয়ে বিদ্যালয়খনৰ এই শুভ সংবাদ লাভ কৰে।
যোগাযোগৰ বাবে:-
১. অধ্যক্ষ 97062 30899
2. উপাধ্যক্ষ 86385 00136
3. প্ৰাক্তন উপাধ্যক্ষ 943-548-9623
🙏🙏ধন্যবাদ 🙏🙏

সময় বাগৰি বৰহোলা উচ্চতৰ মাধ্যমিক বিদ্যালয়খনিয়ে গৌৰৱোজ্জল ৭০ বছৰ অতিক্ৰম কৰিলে। গতিকে বিদ্যালয়খনিৰ মহাৰজত জয়ন্তী নিচেই সমাগত। সেয়েহে আমি বিদ্যালয়খনিৰ মহাৰজত জয়ন্তী উদযাপন কৰাৰ সিদ্ধান্ত গ্ৰহণ কৰিছোঁ। ১৯৫৪ চনৰ পৰা এতিয়ালৈকে বিদ্যালয়খনৰ প্ৰাক্তন ছাত্ৰ ছাত্ৰী,শুভাকাংক্ষী তথা বিদ্যালয়ৰ লগত জড়িত সকলোৰে দিহা পৰামৰ্শ বিচাৰিছোঁ। লগতে আপোনালোকৰ যদিহে বন্ধু বান্ধৱী সহিতে বৰ্ষ অনুযায়ী কোনো WhatsApp গ্ৰুপ আছে তেন্তে সেই গ্ৰুপ সমূহত এই বাৰ্তাটি প্ৰেৰণ কৰিবলৈ আহ্বান জনালোঁ। প্ৰয়োজন সাপেক্ষে তলত উল্লেখ কৰা ফোন নম্বৰকেইটাৰ যিকোনো এটা আপোনালোকৰ গ্ৰুপৰ লগত সন্নিৱিষ্ট কৰি ল'ব। আমি আশা কৰিছোঁ যাতে বিদ্যালয়ৰ লগত জড়িত যিকোনো ব্যক্তি আৰু প্ৰতিগৰাকী প্ৰাক্তন ছাত্ৰ ছাত্ৰীয়ে বিদ্যালয়খনৰ এই শুভ সংবাদ লাভ কৰে।
যোগাযোগৰ বাবে:-
১. অধ্যক্ষ 97062 30899
2. উপাধ্যক্ষ 86385 00136
3. প্ৰাক্তন উপাধ্যক্ষ 943-548-9623
🙏🙏ধন্যবাদ 🙏🙏

সকলোলৈকে সুপ্ৰভাত জনাইছোঁ!🙏
আপোনালোক সকলোৰে অৱগত যে আমাৰ শিক্ষাগুৰু, বৰহোলা উচ্চতৰ মাধ্যমিক বিদ্যালয়ৰ প্ৰথম গৰাকী উপাধ্যক্ষ তথা বৰহোলা সেউজী কাননৰ প্ৰতিষ্ঠাপক সভানেত্ৰী বীণা হাজৰিকা বাইদেউৰ যোৱা ৯|৯|২০২৪ তাৰিখে বৈকুণ্ঠপ্ৰয়াণ ঘটিল। তদুপলক্ষে অহা ৯|১০|২০২৪ তাৰিখ বুধবাৰে তেখেতৰ বৰহোলা-বছাৰ স্বামীগৃহত এষাৰি পৰম মঙ্গলময় নাম আৰু এখনি স্মৃতিচাৰণ সভাৰ আয়োজন কৰা হৈছে। বৰহোলা উচ্চতৰ মাধ্যমিক বিদ্যালয় আৰু বৰহোলা সেউজী কানন শাখা সাহিত্য সভাৰ যৌথ উদ্যোগত আয়োজিত উক্ত সভাতে সদ্যপ্ৰয়াত বীণা হাজৰিকা বাইদেউৰ অনুকৰণীয় ব্যক্তিত্ব আৰু অবিস্মৰণীয় প্ৰজ্ঞাৰ ৰোমন্থনেৰে স্মৃতিঅৰ্ঘ্যৰে সজাই তোলা স্মৰণিকা "ঝংকাৰিত বীণাৰ অনুৰণন " উন্মোচন কৰা হ'ব।
সেয়ে, আপোনালোকৰ সহৃদয় উপস্থিতি আৰু দিহা-পৰামৰ্শ একান্তভাৱে কামনা কৰা হ'ল ।

সেৱাৰে-
যামিনী মোহন বৰুৱা,
সম্পাদক,
সম্পাদনা সমিতি,
স্মৰণিকা- ঝংকাৰিত বীণাৰ অনুৰণন

https://www.facebook.com/100002777592868/posts/7401418413294005/?app=fbl