শ্ৰমিক নেতা গজেন তাঁতী আদৰ্শ বিদ্যালয়

গত ইং 06/12/2025 তাৰিখ শনিবাৰে শিক্ষক-শিক্ষয়িত্ৰী আৰু ছাত্ৰ-ছাত্ৰীৰ সহযোগত কাজিৰঙা অভিমুখে শিক্ষামূলক ভ্ৰমণৰ উদ্দেশ্যে যোৱা কেইখনমান স্হিৰ চিত্ৰ

আজি ৫ চেপ্তেম্বৰ শিক্ষক দিৱস । মহান মণিষী ড° সৰ্বপল্লী ৰাধাকৃষ্ণণৰ জন্মবাৰ্ষিকী । তেখেতক সশ্ৰদ্ধ প্ৰণিপাত জনাইছো। সমগ্ৰ ভাৰতবৰ্ষত আজিৰ দিনটোত শিক্ষক দিৱস হিচাপে পালন কৰা হয়। আমাৰ বিদ্যালয়ো তাৰ ব্যতিক্ৰম নহয় । ছাত্ৰ-ছাত্ৰী সকলৰ উৎসাহ উদ্দীপনাৰ লগতে আনন্দ-উল্লাহৰ মাজেৰে বিদ্যালয়ত উদযাপন কৰাৰ কেইটিমান মুহূৰ্ত ।

সদ্যঘোষিত ২০২৫ বৰ্ষৰ হাইস্কুল শিক্ষান্ত পৰীক্ষাত আমাৰ অতি মৰমৰ ছাত্ৰ চৰিফুল ইচলামে অসমীয়া, সাধাৰণ বিজ্ঞান, সমাজ বিজ্ঞান আৰু ভূগোল বিষয়ত লেটাৰ নম্বৰসহ মুঠ ৪৭৯ (৭৯.৬৭%) নম্বৰ লাভ কৰি উত্তীৰ্ণ হৈ বিদ্যালয় পৰিয়ালক গৌৰৱান্বিত কৰিলে ।
বিদ্যালয়ৰ সম্পূৰ্ণ ফলাফল -
মুঠ অৱতীৰ্ণ - ২৭ গৰাকী
মুঠ উত্তীৰ্ণ - ১৭ গৰাকী
প্ৰথম বিভাগ - ১ গৰাকী
দ্বিতীয় বিভাগ - ১২ গৰাকী
তৃতীয় বিভাগ - ৪ গৰাকী
(উত্তীৰ্ণৰ শতকৰা হাৰ - ৬২.৯৬%)

#গুণোৎসৱ,২০২৫
তাং : ২২/০১/২০২৫
বিদ্যালয় শিক্ষাৰ গুণগত মান নিশ্চিতকৰণৰ উদ্দেশ্যে চৰকাৰে গ্ৰহণ কৰা দীৰ্ঘকালীন আৰু সুসংহত পৰিকল্পনাৰ অংশস্বৰূপে আজি আমাৰ বিদ্যালয়তো "গুণোৎসৱ,২০২৫"ৰ বহিঃমূল্যায়ন সফলতাৰে সম্পন্ন হয় । বহিঃ মূল্যায়ক হিচাপে উপস্হিত থাকে শ্রীযুত হেমেন্দ্র ঠেঙ্গাল, সহকাৰী অধ্যাপক, ৰাজনীতি বিজ্ঞান বিভাগ, নন্দনাথ শইকীয়া মহাবিদ্যালয়, তিতাবৰ । সহ শিক্ষয়িত্ৰী কমলাক্ষি শইকীয়াৰ তত্বাৱধানত ছাত্ৰ-ছাত্ৰী সকলে প্ৰস্তুত কৰা বিদ্যালয়ৰ প্ৰাচীৰ পত্ৰিকা "শিৰীষ",(৩য় বৰ্ষ, ২য় সংখ্যা), সহ শিক্ষক ত্ৰিলোচন গগৈৰ তত্বাৱধানত প্রস্তুত কৰা হাতে লিখা আলোচনী "অগ্ৰগামী" বহিঃ মূল্যায়ক মহোদয়ে আজি উন্মোচন কৰে ।