https://www.facebook.com/957253990973474/

GUP School Karingappara, Karingappara, Tirur (2026)

15/09/2026

ഇന്ന് കണ്ട സന്തോഷം നിറഞ്ഞൊരു വാർത്ത.മലപ്പുറം കാളികാവ് സ്വദേശി ഡോ. ഇർഷാദ് അലി കെട്ടിട നിർമാണത്തിലും കോൺക്രീറ്റ് പണിയിലും ഹോട്ടലിലുമെല്ലാം ജോലി ചെയ്താണ് പഠിച്ചത്.
ഒടുവിൽ 29-ാം വയസ്സിൽ കോഴിക്കോട് മെഡിക്കൽ കോളജിൽ എംബിബിഎസിന് പ്രവേശനം നേടി... 🔥

ഒരു ഡോക്ടറാകണമെന്ന ആഗ്രഹം മനസ്സിലുണ്ടായിരുന്നു. പക്ഷേ അതിലേക്കുള്ള വഴി അത്ര എളുപ്പമായിരുന്നില്ല. പഠിക്കണം, അതിനൊപ്പം പണവും കണ്ടെത്തണം.

ഇർഷാദിന്റെ യാത്ര തുടങ്ങുന്നത് ഒരു സാധാരണ വിദ്യാർഥിയുടെ ജീവിതത്തിൽ നിന്നാണ്. പഠനത്തിൽ വലിയ മിടുക്കനെന്നൊന്നും പറയാനില്ല. പത്തിലും പ്ലസ് ടുവിലും ജയിക്കാനുള്ള മാർക്ക് നേടുക എന്നതായിരുന്നു ലക്ഷ്യം. അതിന് ശേഷം എന്ത് എന്ന ചിന്തയായിരുന്നു മുന്നിൽ.

വീട്ടിൽ ഇർഷാദിനെ കൂടാതെ മൂന്ന് അനിയന്മാരുണ്ട്. ഉപ്പ അബ്ദുൽ അസീസ് നാട്ടിൽ ചായക്കട നടത്തുന്നു. കുടുംബത്തിൽ ഒരാൾ ഡോക്ടറാകണമെന്നത് വീട്ടുകാരുടെ ആഗ്രഹമായിരുന്നു.... 🥰

എന്നാൽ മെഡിസിന് പഠിക്കാൻ പോയാൽ അതിന്റെ ചെലവ് എങ്ങനെ കണ്ടെത്തുമെന്ന ആശങ്ക ഇർഷാദിനുമുണ്ടായിരുന്നു.

ഒടുവിൽ വീട്ടുകാരുടെ ആഗ്രഹത്തിനൊപ്പം നിൽക്കാൻ തീരുമാനിച്ചു. നാട്ടിലെ ഒരു ഡോക്ടറുടെ പ്രോത്സാഹനവും ലഭിച്ചതോടെ എൻട്രൻസിനുള്ള തയ്യാറെടുപ്പ് തുടങ്ങി.

വീട്ടുകാരെ മാത്രം ആശ്രയിക്കേണ്ടെന്ന് ഇർഷാദ് തീരുമാനിച്ചു. അങ്ങനെയാണ് പഠനത്തോടൊപ്പം ജോലിയും തുടങ്ങുന്നത്.

ഷൊർണൂർ ആയുർവേദ മെഡിക്കൽ കോളജിൽ ബിഎഎംഎസിന് പഠിക്കുമ്പോൾ ഫീസിനായി വിദ്യാഭ്യാസ ലോൺ എടുത്തിരുന്നു. പക്ഷേ ഹോസ്റ്റൽ ഫീസും മറ്റ് ചെലവുകളും കണ്ടെത്തേണ്ടതുണ്ടായിരുന്നു... 🙏

ജോലി തേടിയുള്ള അന്വേഷണം ഒടുവിൽ കോൺക്രീറ്റ് കമ്പനിയിലെത്തിച്ചു. ഒഴിവുസമയങ്ങളിലെല്ലാം അവിടെ ജോലി ചെയ്തു. കെട്ടിട നിർമാണം, കോൺക്രീറ്റ് പണി, ഹോട്ടൽ ജോലി തുടങ്ങി കിട്ടുന്ന ജോലികളെല്ലാം ചെയ്തു. കോൺക്രീറ്റ് ജനലുകളും കട്ടിളകളും നിർമിച്ച് വിൽക്കുന്ന യൂണിറ്റിലും ജോലി ചെയ്തു.

പൊടിയും സിമന്റും വിയർപ്പും നിറഞ്ഞ ആ ദിവസങ്ങൾ ഇർഷാദിന്റെ ജീവിതത്തെ തന്നെ മാറ്റി.

കൂടെ പഠിച്ചിരുന്നവർ അവധി ആഘോഷിക്കുമ്പോൾ പലപ്പോഴും ഇർഷാദ് ജോലിയിലായിരിക്കും.... 🙏

സാധാരണ കുടുംബത്തിൽ നിന്നുള്ള ഒരാൾക്ക് വലിയ ലക്ഷ്യങ്ങളിലേക്ക് എത്താനാകില്ലെന്ന് പറഞ്ഞ് പരിഹസിച്ചവരുമുണ്ടായിരുന്നു. പക്ഷേ ആ വാക്കുകൾ പിന്മാറാനുള്ള കാരണമായില്ല.

മറിച്ച് ലക്ഷ്യത്തിലെത്തണമെന്ന വാശി കൂട്ടി.
ഇതിനിടെയാണ് മുജീബ് എന്നയാൾ ഇർഷാദിന് വലിയ പിന്തുണയാകുന്നത്.... ❤️

ജോലി ചെയ്തിരുന്ന സ്ഥാപനത്തിൽ സാധനങ്ങൾ വാങ്ങാനെത്തിയിരുന്ന മുജീബ്, ചെറുപ്പക്കാരനായ ഇർഷാദ് കഠിനമായി ജോലി ചെയ്യുന്നത് ശ്രദ്ധിച്ചിരുന്നു.

ഒരിക്കൽ അദ്ദേഹം പറഞ്ഞു: “മോനെ, പഠിച്ച് രക്ഷപ്പെടാൻ നോക്ക്. ഇതുമായി നിന്നാൽ എന്നും ഇങ്ങനെ പോകേണ്ടിവരും.”

അപ്പോഴാണ് താൻ ബിഎഎംഎസ് പഠിക്കുകയാണെന്ന കാര്യം ഇർഷാദ് അദ്ദേഹത്തോട് പറയുന്നത്.... 😊

ജോലി ചെയ്താണ് പഠിക്കുന്നതെന്ന് അറിഞ്ഞതോടെ മുജീബിന് വലിയ സന്തോഷമായി. അവധി ദിവസങ്ങളിൽ ജോലി ചെയ്യാനുള്ള കൂടുതൽ അവസരങ്ങളും അദ്ദേഹം ഒരുക്കിക്കൊടുത്തു.

നാല് വർഷം കഠിനാധ്വാനം ചെയ്താണ് ബിഎഎംഎസ് പൂർത്തിയാക്കിയത്. ജോലി ചെയ്തുകൊണ്ടുള്ള പഠനമായതിനാൽ കോഴ്സ് പൂർത്തിയാക്കാൻ കുറച്ച് അധികസമയം വേണ്ടിവന്നു.... 🙏

ചില പേപ്പറുകൾ വീണ്ടും എഴുതേണ്ടിയും വന്നു. ഒടുവിൽ 2016ൽ ആരംഭിച്ച പഠനം ഡോ. ഇർഷാദ് അലി എന്ന പേരിലേക്ക് എത്തിച്ചു.... 🥰🔥

പക്ഷേ അവിടെയും സ്വപ്നം അവസാനിച്ചില്ല.
ആയുർവേദ ഡോക്ടറായി ജോലി ചെയ്തപ്പോഴും എംബിബിഎസ് എന്ന ആഗ്രഹം മനസ്സിൽ ബാക്കിയുണ്ടായിരുന്നു.

കുറച്ചുകാലം നാട്ടിലെ ക്ലിനിക്കിൽ ജോലി ചെയ്ത ശേഷം വീണ്ടും പഠിക്കാനുള്ള ആഗ്രഹം വീട്ടുകാരോട് പറഞ്ഞു. ഒരിക്കൽ കൂടി കുടുംബം ഇർഷാദിനൊപ്പം നിന്നു... 😊

നീറ്റിനായി വീണ്ടും പഠിച്ചു. റിസർവേഷൻ വിഭാഗത്തിൽ രണ്ടാം റാങ്ക് നേടി. അങ്ങനെ കോഴിക്കോട് മെഡിക്കൽ കോളജിൽ എംബിബിഎസിന് പ്രവേശനം ലഭിച്ചു.... ❤️

വർഷങ്ങൾക്ക് മുമ്പ് മനസ്സിൽ കണ്ടിരുന്ന മറ്റൊരു സ്വപ്നം 29-ാം വയസ്സിൽ യാഥാർഥ്യമായി.

ഇനി മുന്നിൽ അഞ്ച് വർഷത്തെ പുതിയ പഠനകാലമാണ്. പഠനം പൂർത്തിയാക്കി സാധാരണക്കാരെയും നിരാലംബരെയും ചേർത്തുനിർത്തുന്ന ഒരു ഡോക്ടറാകണമെന്നാണ് ഇർഷാദിന്റെ ആഗ്രഹം.... 😍

ആയുർവേദത്തിൽ നിന്ന് അലോപ്പതിയിലേക്കുള്ള യാത്രയ്ക്കും അതേ ലക്ഷ്യം തന്നെയാണ്.
ആഗ്രഹിച്ചാൽ മാത്രം പോരാ, അതിനായി അധ്വാനിക്കണം. വഴിയിൽ എത്ര കല്ലും മുള്ളും വന്നാലും നടക്കുന്നത് നിർത്തരുത്. വിയർപ്പിൽ നിന്ന് സ്റ്റെതസ്കോപ്പിലേക്കുള്ള ഡോ. ഇർഷാദ് അലിയുടെ യാത്ര അതാണ് പറയുന്നത്..... ❤️
Cdt :മനോരമ ന്യൂസ്‌

03/12/2025

വിശ്രമജീവിതം നയിക്കുന്ന പൂർവ്വഗുരുക്കളെത്തേടി ഞാനുമെൻ്റെ സഹപാഠികളായ കൂട്ടുകാർ നാരായണനും അലവിക്കുട്ടിയും വിജയനുംകൂടി ഇന്നലെയൊരു യാത്രപോയി.
ആദ്യം എറണാകുളത്തുള്ള ആർട്ടിസ്റ്റ് ജോർജ്ജ്സാറിനെ പിന്നീട് ആലപ്പുഴയിലുള്ള ശശീധരൻ മാസ്റ്ററെ.
നാലര പതിറ്റാണ്ടിനപ്പുറമുള്ള ഓർമ്മയുടെ അറകൾ ഓരോന്നായി തുറന്നു ചികഞ്ഞെടുത്ത തൂവാലകൾ പൊടിതട്ടി കുടഞ്ഞെടുക്കാൻ ഏറെ പാടുപെട്ടെങ്കിലും ഇനിയും ഓർമ്മകൾ മങ്ങാത്ത കാലംവരെ അത്തറ്പൂശി സൂക്ഷിക്കാൻ വിധത്തിലതൊരു വർണ്ണത്തൂവാല .തന്നെയായി.

# കാലവും ജീവിതവും മാറുമ്പോഴും ചില ബന്ധങ്ങൾമാത്രം നിത്യമാണ്.
ഗുരുക്കൻമാരുടെ സ്നേഹവും പാഠങ്ങളുംപോലെ.,

മൊയ്തീൻ കരിങ്കപ്പാറ😌