09/07/2018
ഒരു കൂട്ടം ചെറുപ്പക്കാരെ സ്വപ്നം കാണാൻ പഠിപ്പിച്ച,
പോരാടാൻ പഠിപ്പിച്ച,
പ്രവർത്തിക്കാൻ പഠിപ്പിച്ച ,
വിപ്ലവത്തിന്റെ ഓർമ്മപ്പെടുത്തലാണ് ഇന്നത്തെ പുലരി..
1949 ജൂലൈ മാസം ഒൻപതാം തിയ്യതി ഒരു കൂട്ടം വിദ്യാർഥികളും അധ്യാപകരും ചേർന്ന് ഡൽഹിയിൽ ആരംഭിച്ചു വെച്ച പ്രസ്ഥാനം ഇന്ന് ലോകത്തിലെ തന്നെ ഏറ്റവും വലിയ വിദ്യാർഥി പ്രസ്ഥാനമായി പടർന്ന് പന്തലിച്ചിരിക്കുന്നു. യശ്വന്ത്റാവോ ഖേൽക്കർ എന്ന വീറും വാശിയുമുള്ള അധ്യാപകൻ നീര് കൊടുത്ത വളർത്തിയ സംഘടന ഇന്ന് ഭാരതത്തിന്റെ മുക്കിലും മൂലയിലും ശക്തി പ്രാപിച്ചിരിക്കുന്നു.
കേവലം വിദ്യാർഥി പ്രശ്നങ്ങൾ മാത്രമായിരുന്നില്ല, ദേശീയതയ്ക്കെതിരെ ഉയർന്ന കമ്മ്യൂണിസ്റ്റ്, മാവോയിസ്റ്, ഇസ്ലാമിക് തീവ്രവാദങ്ങൾക്കെതിരെ കടുത്ത പ്രതിഷേധങ്ങൾ സംഘടിപ്പിച്ചുക്കൊണ്ട് വിദ്യാർഥി ഹൃദയങ്ങളിലേക്ക് ഇറങ്ങി ചെന്നു. ഒന്നും രണ്ടുമല്ല, നിരവധി അനവധി പ്രശ്നങ്ങൾ ഏറ്റെടുത്തു വിജയിപ്പിച്ചു. "വിദ്യാർഥികൾ നാളത്തെ പൗരനല്ല, ഇന്നത്തെ പൗരനാണ്" എന്ന് ഓർമ്മപ്പെടുത്തി വിദ്യാർഥി ശക്തി ആണ് രാഷ്ട്ര ശക്തി എന്ന മുദ്രാവാക്യം ഉയർത്തി വ്യക്തി നിർമ്മാണത്തിലൂടെ ലക്ഷ കണക്കിന് വിദ്യാർഥികളെ കൈപിടിച്ചുയർത്തിയ പ്രസ്ഥാനമാണ് എ ബി വി പി.
2008 ൽ കിഷൻഗഞ്ചിലെ റൂയദാസ ഗ്രൗണ്ടിൽ അൻപതിനായിരം വിദ്യാർഥികൾ കൂട്ടം ചേർന്നു. ബംഗ്ലാദേശി നുഴഞ്ഞു കയറ്റത്തിനെതിരെ രാജ്യത്തിന്റെ വിവിധ ഭാഗങ്ങളിൽ നിന്നെത്തിയ വിദ്യാർഥികളുടെ പ്രതിഷേധ സമരം.
സൈനികർക്ക് നേരെ കല്ലെറിയുന്ന, പരസ്യമായി പാക് പതാക ഉയർത്തുകയും, ദേശീയ പതാക കത്തിക്കുകയും ചെയ്യുന്ന കാശ്മീരിന്റെ മണ്ണിൽ ദേശസ്നേഹത്തിന്റെ കാവി വിത്തുകൾ വിതച്ചത് എ ബി വി പി ആണ്.
വിശ്വ വിദ്യാലയങ്ങളിൽ നിന്നുയർന്ന ദേശ വിരുദ്ധ മുദ്രാവാകങ്ങൾക്കും, പരിപാടിക്കും എതിരെ മാസങ്ങളോളം പോരാടിയ സംഘടന.
കേരളത്തിലെ രാഷ്ട്രീയ കൊലപാതകത്തിനെതിരെ രാജ്യത്തിന്റെ വിവിധ ഭാഗങ്ങളിലായി ലക്ഷങ്ങളെ അണിനിരത്തിയ ചലോ കേരള റാലി..
വിദ്യാഭ്യാസ വാണിജ്യ വൽക്കരണത്തിനെതിരെ ഇന്ന് വരെയും പോരാടുന്ന,
വിദ്യാഭ്യാസ സ്ഥാപനങ്ങളിൽ നിലനിൽക്കുന്ന ചെറുതും വലുതുമായ പ്രശ്നങ്ങൾ പരിഹരിക്കാൻ കെൽപ്പുള്ള സംഘടന..
ദളിത്, പിന്നോക്ക വിഭാഗക്കാരുടെ സ്കോളർഷിപ്പ് വർധിപ്പിക്കാനുള്ള, ഹോസ്റ്റൽ സൗകര്യങ്ങൾ മെച്ചപ്പെടുത്താനുള്ള, അവരുടെ ഉന്നമത്തിനായുള്ള പോരാട്ടത്തിന് തുടക്കം കുറിച്ച സംഘടന.
സ്ത്രീ ഉന്നമനം - സംഘടനയിൽ നേതൃനിരയിൽ സ്ത്രീകളെ കൊണ്ട് വന്ന് സമൂഹത്തിനു മാതൃകയായ സംഘടന.
നോർത്ത് ഈസ്റ്റ് സംസ്ഥാനങ്ങളിലെ വിദ്യാർത്ഥികൾക്ക് ഇന്ത്യയുടെ വൈവിധ്യങ്ങളെ പരിചയപ്പെടുത്തിയ സംഘടന.
തിങ്ക് ഇന്ത്യ, മെഡിവിഷൻ, അഗ്രിവിഷൻ, ജിഗ്നാസ തുടങ്ങി ഒട്ടേറെ ചെറു ഗ്രൂപ്പുകളെ രൂപീകരിച്ചു വിദ്യാർഥികൾക്ക് കൂടുതൽ ശ്രദ്ധ നൽകിയ സംഘടന.
ഭാരതത്തിലെ 90 % വിദ്യാഭ്യാസ സ്ഥാപങ്ങളിലും യൂണിറ്റുകൾ തുടങ്ങി, ജനാധിപത്യ രീതിയിലുള്ള തിരഞ്ഞെടുപ്പുകളിൽ മത്സരിച്ചു വിജയം നേടിയ സംഘടന.
ഇന്ന് ഈ നാട്ടിലെ വിദ്യാർഥികൾ, അവരുടെ ഇത്തിരി പ്രശ്നങ്ങൾ പോലും ചെന്ന് പറയുന്നത് അഖിൽ ഭാരാതീയ വിദ്യാർഥി പരിഷത്തിന്റെ പ്രതിനിധികളോടാണ്. അവരുടെ പ്രതീക്ഷകൾക്ക് ഒപ്പം വളർന്ന സംഘടന വന്ന വഴികൾ അത്ര എളുപ്പമുള്ളതായിരുന്നില്ല.
കേരളത്തിൽ മാത്രം എത്ര പ്രവർത്തകരാണ് കൊല്ലപ്പെട്ടത്.
പമ്പയാറ്റിലെ അനുവിന്റെയും, സുജിത്തിന്റെയും, കിം കരുണാകരന്റെയും നിലവിളികൾ ഒടുങ്ങിയിട്ടില്ല.
ബിംബിയുടെയും, ദുർഗാദാസിന്റെയും, മുരുകാനന്ദന്റെയും നെഞ്ചിലെ കനൽ അണഞ്ഞിട്ടില്ല.
ചെങ്ങന്നൂരിലെ വിശാലിന്റെയും, കണ്ണൂരിലെ സച്ചിന്റെയും രക്തം ഉണങ്ങിയിട്ടില്ല..
ഓരോ കാമ്പസുകളിലും ഇടതുപക്ഷ വിദ്യാർഥി സംഘടനകളും, ഇസ്ലാമിക തീവ്രവാദികളും അഴിച്ചു വിടുന്ന അക്രമങ്ങളെ ഒറ്റയ്ക്ക് നിന്ന് പോരാടാൻ നിശ്ചയിച്ചിറങ്ങിയവർ.
കൈയ്യും, കാലും, തലയും പൊട്ടി ആശുപത്രി കിടക്കയിൽ ബോധമില്ലാതെ മാസങ്ങളോളം കിടക്കേണ്ടി വന്നപ്പോഴും ആരോടും പരാതി പറയാത്തവർ.
പോക്കറ്റിലെ ഊണ് കഴിക്കേണ്ട കാശ് കൊണ്ട് സംഘടന പ്രവർത്തനം നടത്താൻ ഊക്കുള്ളവർ.
പേരിന് ഒന്നും രണ്ടും പേരും മാത്രമുള്ള ക്യാമ്പസുകളിൽ കാവിക്കൊടി ഉയർത്താൻ ചങ്കൂറ്റമുള്ളവർ..
ഈ യാത്ര ഇനിയും തുടരുകയാണ്..
വീടും നാടും ഉപേക്ഷിച്ചു നൂറു കണക്കിന് ആളുകൾ സംഘടനയുടെ ലക്ഷ്യവും പേറി നമ്മുക്കിടയിലൂടെ നടന്നു പോകുന്നുണ്ട്..
ആ നിശബ്ദ വിപ്ലവത്തിന്റെ പേരാണ് - എ ബി വി പി
ഇന്ന് ABVP യുടെ സ്ഥാപകദിനം..
ദേശീയ വിദ്യാർത്ഥി ദിനം..
