GVHSS Kalpakanchery

05/09/2026

മിടുക്കർക്ക് അഭിനന്ദനങ്ങൾ 👌👍👏

05/09/2026

...ഇന്ന് അധ്യാപകദിനം.. ആത്മസംതൃപ്തിയോട് കൂടി നിർവഹിക്കേണ്ട ഒരു കലയാണ് അധ്യാപനം. തൊഴിലിടങ്ങളിൽ സ്ഥാപനത്തിനകത്ത് നിന്നും പുറത്തുനിന്നും നിരവധി സമ്മർദ്ദങ്ങളും പ്രതിസന്ധികളും നേരിട്ടുകൊണ്ടിരിക്കുന്ന അധ്യാപക സമൂഹത്തിന്റെ സമകാലിക പ്രശ്നങ്ങളെ അനാവരണം ചെയ്ത് കൊണ്ട് ഇന്നത്തെ മാതൃഭൂമി ഓൺലൈനിൽ സ്കൂളിലെ അധ്യാപകൻ ഡോ. വി അബ്ദുല്ലത്തീഫ് എഴുതിയ ലേഖനം 👌👍👌👍

Teachers day highlights the challenges educators face in modern education, emphasizing the need for support, freedom, and training to overcome them.

06/08/2026

കേരളം സഹവർത്തിത്വത്തിന്റെയും സഹിഷ്ണുതയുടെയും നാട്: നജീബ് ഹമൂദ് മുൽക്കാത്ത്

കൽപ്പകഞ്ചേരി: കേരളം സഹവർത്തിത്വത്തിന്റെയും സഹിഷ്ണുതയുടെയും നാടാണെന്നും വിവിധ സംസ്കാരങ്ങളെയും ഭാഷകളെയും ഉൾക്കൊള്ളാനുള്ള വിശാല മനസ്സിന്റെ ഉടമകളാണ് കേരളീയരെന്നും യമനിലെ അമ്രാൻ യൂണിവേഴ്സിറ്റി അസിസ്റ്റന്റ് പ്രൊഫസറും കാലിക്കറ്റ് യൂണിവേഴ്സിറ്റി റിസർച്ച് സ്കോളറുമായ നജീബ് ഹമൂദ് മുൽക്കാത്ത് അഭിപ്രായപ്പെട്ടു.

​കൽപ്പകഞ്ചേരി ഗവ. ഹയർ സെക്കൻഡറി സ്കൂളിൽ ഹൈസ്കൂൾ വിഭാഗം അറബിക് ക്ലബ്ബിന്റെ കീഴിൽ സംഘടിപ്പിച്ച കമ്മ്യൂണിക്കേറ്റീവ് അറബിക് പ്രോഗ്രാമിന്റെയും അറബിക് ക്ലബ്ബിന്റെയും ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

​സ്കൂൾ ഹെഡ്മിസ്ട്രസ് സുബൈദ ഇസുദ്ദീൻ ചടങ്ങിൽ അധ്യക്ഷത വഹിച്ചു. അധ്യാപകരായ ഡോ. വി. അബ്ദുല്ലത്തീഫ്, ഹാരിസ് നദ്‌വി, മുബാരിസ് എം., സഹദ് കെ., മുഹ്സിന അഷറഫ്, ആയിഷ ബാനു, സി അബ്ദുൽ ഹമീദ് , ഹാരിസ് എം. തുടങ്ങിയവർ ചടങ്ങിൽ സംസാരിച്ചു.

01/08/2026

*🟢 കൽപകഞ്ചേരി ജി.വി.എച്ച്.എസ്.എസിൽ പ്രേംചന്ദ്, മുഹമ്മദ് റഫി അനുസ്മരണം സംഘടിപ്പിച്ചു*

ഇന്ത്യൻ സാഹിത്യത്തിലെ ധ്രുവനക്ഷത്രമായ മുൻഷി പ്രേംചന്ദിന്റെയും സംഗീതലോകത്തെ അമരക്കാരൻ മുഹമ്മദ് റഫിയുടെയും സ്മരണാർത്ഥം കൽപകഞ്ചേരി ഗവ. വൊക്കേഷണൽ ഹയർസെക്കൻഡറി സ്കൂളിൽ ഹിന്ദി - ഉറുദു ക്ലബ്ബുകളുടെ സംയുക്ത ആഭിമുഖ്യത്തിൽ അനുസ്മരണ സമ്മേളനവും ഗാനവിരുന്നും സംഘടിപ്പിച്ചു.

​സ്കൂൾ പിടിഎ പ്രസിഡന്റ് ഹാരിസ് എം ചടങ്ങ് ഔദ്യോഗികമായി ഉദ്ഘാടനം ചെയ്തു. ഹെഡ്മിസ്ട്രസ് സുബൈദ ഇസുദ്ദീൻ ചടങ്ങിൽ അധ്യക്ഷത വഹിച്ചു. വയനാട് "ചൂട്ട്" നാടൻ കലാകേന്ദ്രം ഡയറക്ടർ പി.എസ്. ബിനു മീനങ്ങാടി മുഖ്യപ്രഭാഷണം നിർവഹിച്ചു. പ്രേംചന്ദിന്റെ സാഹിത്യ സംഭാവനകളും മുഹമ്മദ് റഫിയുടെ മാസ്മരിക ശബ്ദവും പുതിയ തലമുറയ്ക്ക് പരിചയപ്പെടുത്തേണ്ടതിന്റെ പ്രാധാന്യം അദ്ദേഹം ഊന്നിപ്പറഞ്ഞു.

​പിടിഎ വൈസ് പ്രസിഡന്റ് അക്ബർ മാമ്പ്ര, സ്റ്റാഫ് സെക്രട്ടറി അബ്ദുൽ ഹമീദ് സി, എം. ജമാലുദ്ദീൻ മാസ്റ്റർ, ഫസീം ഷഹബാൻ എന്നിവർ ആശംസകൾ അർപ്പിച്ച് സംസാരിച്ചു. ചടങ്ങിന്റെ ഭാഗമായി വിദ്യാർത്ഥികൾക്കായി സംഘടിപ്പിച്ച പ്രേംചന്ദ് ക്വിസ് മത്സരത്തിലെ വിജയികൾക്കുള്ള സമ്മാനങ്ങളും ചടങ്ങിൽ വിതരണം ചെയ്തു. തുടർന്ന് നടന്ന ഗാനവിരുന്ന് പരിപാടിക്ക് മാറ്റുകൂട്ടി. ഹിന്ദി അധ്യാപിക ഹസീന ടീച്ചർ ആണ് ചടങ്ങിൽ നന്ദി പ്രകാശനം നിർവഹിച്ചത്

*ʟɪᴋᴇ ᴄᴏᴍᴍᴇɴᴛ ꜱᴀᴠᴇ ꜱʜᴀʀᴇ*

18/07/2026

കുറ്റിപ്പുറം ഉപജില്ല അലിഫ് അറബി ടാലന്റ്റ് പരീക്ഷയിൽ UP വിഭാഗത്തിൽ മൂന്നാം സ്ഥാനം 👌👍

18/07/2026

കുറ്റിപ്പുറം ഉപജില്ല അലിഫ് അറബി ടാലന്റ്റ് പരീക്ഷയിൽ HS വിഭാഗത്തിൽ ഒന്നാം സ്ഥാനം 👌👍

18/07/2026

സുബ്രതോ കപ്പ് ഫുട്ബോൾ ടൂർണമെന്റിൽ മികച്ച പ്രകടനം 👌👍👌

16/07/2026

പ്രളയം, ഭൂചലനം, ബോധക്ഷയം, അപകടങ്ങൾ....
കുട്ടികൾ ഇത്തരം സാഹചര്യങ്ങളിൽ പകച്ചു നിൽക്കുന്നവർ ആകരുത്. നേരിടാൻ കരുത്ത് നേടണം. ആത്മവിശ്വാസവും പ്രായോഗിക പരിശീലനവും അവർക്ക് ലഭിക്കണം.
NSS, JRC , Scouts, Guides അംഗങ്ങളായ 60 ഓളം കുട്ടികൾക്ക് സ്കൂളിൽ സംഘടിപ്പിച്ച പരിശീലനത്തിനു ട്രോമാകെയർ ജില്ലാ ട്രെയിനർ ഷമീർ അലി വൈലത്തൂർ ആണ് നേതൃത്വം നൽകിയത്. GVHSS കൽപകഞ്ചേരിയിലെ സ്കൂൾ ജാഗ്രതാ സമിതി മലപ്പുറം ജില്ലാ ട്രോമാകെയർ യൂണിറ്റിന്റെ സഹകരണത്തോടെ നടത്തിയ പരിശീലനം കൽപകഞ്ചേരി ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ പി അബ്ദുല്ലത്തീഫ് ഉദ്ഘാടനം ചെയ്തു.
PTA പ്രസിഡണ്ട് ഹാരിസ് മുതുവാട്ടിൽ, SMC ചെയർമാൻ ഫൈസൽ മയ്യേരി, പ്രിൻസിപ്പൽ രാജേഷ് സാർ, HM ബിന്ദു ടീച്ചർ, സ്റ്റാഫ് സെക്രട്ടറി ഹമീദ് മാസ്റ്റർ എന്നിവർ പ്രസംഗിച്ചു. ജാഗ്രത സമിതി കൺവീനർ ജമാലുദ്ദീൻ മാസ്റ്റർ സ്വാഗതവും സ്കൗട്ട് കാഡറ്റ് അഗസ്റ്റസ് ലെനിൻ നന്ദിയും പറഞ്ഞു.
പ്രതിസന്ധികൾ നേരിടാൻ നമ്മുടെ കുട്ടികളും പ്രാപ്തരാകട്ടെ...

13/07/2026

ഹരികൃഷ്ണൻ സാർ തിരിച്ചു പോകുമ്പോൾ

കഴിഞ്ഞ 9 വർഷമായി സ്കൂളിൽ നിറഞ്ഞു നിന്ന, ഹൈസ്കൂളിലെ കെമിസ്ട്രി അധ്യാപകൻ. പ്രോഗ്രാമുകളിൽ അനൗൺസർ ആയും സ്കൂളിന്റെ അച്ചടക്കം നിലനിർത്തുന്നതിൽ ജാഗരൂകനായും ക്യാമറക്കണ്ണുകളുമായി പരിപാടികൾ ഒപ്പിയെടുക്കുന്ന ഫോട്ടോഗ്രാഫറായും ഗൗരവമാർന്ന ശബ്ദത്തിൽ സ്ഫുടമായി റിപ്പോർട്ടിംഗ് വീഡിയോകൾ തയ്യാറാക്കിയും സ്കൂളിനെ ലൈവ് ആക്കിയ ഹരി സാർ മാതൃവിദ്യാലയമായ പൂളമംഗലം ഹൈസ്കൂളിലേക്ക് തിരിച്ചു പോവുകയാണ്. സ്കൂളിലെ വ്യത്യസ്ത പ്രവർത്തനങ്ങൾ ഒരുമിച്ച് ചേർത്ത് തയ്യാറാക്കിയ മഷിത്തണ്ട് എന്ന ഓൺലൈൻ സപ്ലിമെന്റ് സാറിന്റെ മാത്രം ആശയവും നിർമിതിയും ആയിരുന്നു. ദിവസവും കുട്ടികൾ മൈക്കിലൂടെ വായിച്ചു കേൾപ്പിക്കുന്ന വാർത്തകൾ അവർക്കായി തയ്യാറാക്കി പ്രിന്റ് ചെയ്തു കൊണ്ടുവന്നിരുന്നത് സാർ ആയിരുന്നു എന്ന് പലർക്കും അറിയില്ല...
പ്രിയപ്പെട്ട ഹരി സാർ, മറക്കാനാവില്ല അങ്ങയുടെ സേവനങ്ങളെ....
ഒപ്പം കൊച്ചു കൊച്ചു തമാശകളുമായി സ്റ്റാഫ് റൂമിലും സ്റ്റാഫ് ഗ്രൂപ്പിലും നടത്തിയ ഇടപെടലുകൾ.....
മാതൃവിദ്യാലയത്തിലും തുടർ ജീവിതത്തിലും എല്ലാവിധ ഭാവുകങ്ങളും ഉണ്ടാകട്ടെ എന്ന് ഹൃദയപൂർവ്വം ആശംസിക്കുന്നു.
🙏🙏🙏

07/07/2026

കഴിഞ്ഞ 22 വർഷങ്ങളായി GVHSS കൽപ്പകഞ്ചേരിയുടെ നെടുംതൂണുകളായി പ്രവർത്തിച്ച 3 പേർ HM പ്രമോഷൻ ലഭിച്ച് പുതിയ സ്കൂളുകളിലേക്ക് കുടിയേറുമ്പോൾ...
ഏറെ വിഷമത്തോടെ അവർക്ക് എല്ലാവിധ അഭിനന്ദനങ്ങളും..
പുതിയ സ്കൂളുകളുടെ അമരത്തിരുന്ന് പുതിയ ചരിത്രങ്ങൾ തീർക്കാൻ നിങ്ങൾക്കാകട്ടെ എന്ന് ഹൃദയപൂർവ്വം ആശംസിക്കുന്നു.
CV ബഷീർ മാസ്റ്റർ, സുനിത ടീച്ചർ, ജിബി മാസ്റ്റർ,
പ്രിയപ്പെട്ടവരേ,
മറക്കാനാകില്ല ഈ സ്കൂളിന്റെ പുരോഗതിയിൽ നിങ്ങൾ നിർവഹിച്ച സേവനങ്ങൾ🙏🙏🙏
UP വിഭാഗത്തിൽ അധ്യാപകരായി 2004 ലാണ് മൂന്നുപേരും നമ്മുടെ സ്കൂളിൽ എത്തിയത്.
UP വിഭാഗം തലവൻ, PTA യിലെ സ്റ്റാഫ് പ്രതിനിധി, സ്കൂൾ ബസ് പൊതുമരാമത്ത്, നൂൺ മീൽസ്, സ്കൂൾ ടൂർ, എസ് ആർ ജി, ഇങ്ങനെ വ്യത്യസ്തങ്ങളായ ചുമതലകൾ ഏറ്റെടുത്ത് നിർവഹിച്ച പ്രിയപ്പെട്ട ബഷീർ സാർ സാമൂഹ്യശാസ്ത്രമാണ് പ്രധാനമായും പഠിപ്പിച്ചിരുന്നത്. തിരൂരങ്ങാടി PSMO കോളേജിൽ നിന്നും ബിരുദം നേടിയ അദ്ദേഹം പൊളിറ്റിക്സിൽ ബിരുദാനന്തര ബിരുദവും നേടിയിട്ടുണ്ട്. കോട്ടക്കൽ GUPS ലെ പ്രധാനാധ്യാപകൻ ആയാണ് സ്ഥാനക്കയറ്റം.

ഇംഗ്ലീഷിൽ ബിരുദാനന്തര ബിരുദധാരിയായ സുനിത ടീച്ചർ യുപി വിഭാഗത്തിൽ ഇംഗ്ലീഷ് അധ്യാപികയായാണ് കുട്ടികളുടെ മുമ്പിൽ കൂടുതലും എത്തിയത്. ആവശ്യമാകുമ്പോൾ പത്താം ക്ലാസുകാർക്ക് വരെ ഇംഗ്ലീഷ് പാഠങ്ങളുമായി ടീച്ചർ എത്തി.
PTA സ്റ്റാഫ് പ്രതിനിധി, സ്റ്റാഫ് ഡെപ്യൂട്ടി സെക്രട്ടറി എന്നിങ്ങനെ വിവിധ മേഖലകളിൽ പ്രവർത്തിക്കുന്നതോടൊപ്പം. ടീച്ചർ ഇക്കഴിഞ്ഞ ജൂലൈ 1 മുതൽ പൊന്നാനി ഉപജില്ലയിലെ GLPS കാഞ്ഞിരമുക്കിലെ പ്രധാനാധ്യാപികയാണ്.

സ്കൂളിലെ പൂർവ്വ വിദ്യാർത്ഥി കൂടിയായ ജിബി സാർ സയൻസ്, സോഷ്യൽ സയൻസ് അധ്യാപകൻ എന്ന നിലയിൽ മാത്രമല്ല കുട്ടികൾക്ക് പരിചയമുള്ളത്. സ്കൗട്ട്, ഗൈഡ്സ് കുട്ടികളോടൊപ്പം പദയാത്രകളിലും ക്യാമ്പുകളിലും ഊർജ്ജസ്വലനായി ഓടിനടന്ന ജിബി സാർ നമ്മുടെ സ്കൂളിലേക്ക് വരുന്നതിനുമുമ്പ് 5 വർഷം കല്ലത്തിച്ചിറ ജി എൽ പി സ്കൂളിൽ ജോലി ചെയ്തിട്ടുണ്ട്. ഇപ്പോൾ സ്കൗട്ട് തിരൂർ DOC കൂടി ആണ്. എൻജിനീയറിങ് ഡിപ്ലോമയും MCA യോഗ്യതയുമുള്ള അദ്ദേഹം ദീർഘകാലമായി സ്കൂളിലെ UPSITC ആയിരുന്നു. ഇപ്പോൾ വേങ്ങര സബ് ജില്ലയിലെ ചെറുകുന്ന് GLP സ്കൂളിലാണ് പ്രധാനാദ്ധ്യാപകനായി ചുമതലയേറ്റിട്ടുള്ളത്.

ഒരിക്കൽ കൂടി പ്രിയപ്പെട്ട 3 പ്രധാന അധ്യാപകർക്കും ഹൃദയം നിറഞ്ഞ അഭിനന്ദനങ്ങൾ ആശംസകൾ പ്രാർത്ഥനകൾ🙏🙏🙏