Gramika

01/10/2026

ഇ.കെ.ദിവാകരൻ പോറ്റി വായനശാല
#നോവലിസ്റ്റ്_ടി_കെ_ഗംഗാധരൻ
||| ഗ്രാമികയോടൊപ്പം |||

കേരള സാഹിത്യ അക്കാദമി സമഗ്ര സംഭാവന പുരസ്കാര ജേതാവായ മുതിർന്ന എഴുത്തുകാരനാണ് ടി.കെ.ഗംഗാധരൻ.
മുൻ പട്ടാള ഉദ്യോഗസ്ഥനായ അദ്ദേഹം പട്ടാള ജീവിതം പ്രമേയമാക്കി ബാരക്ക് ഉൾപ്പടെ ഏതാനും നോവലുകളും മുസിരിസിൻ്റെ ചരിത്ര പശ്ചാത്തലത്തിലുള്ള നോവലുകളുമടക്കം ഒട്ടേറെ കൃതികൾ രചിച്ചിട്ടുണ്ട്. എൺപത് പിന്നിട്ട പ്രായത്തിലും സാഹിത്യ സപര്യയിൽ സജീവമായ അദ്ദേഹം സ്വന്തം ഗ്രാമത്തിൽ സ്വയം പണം മുടക്കി സ്ഥലം വാങ്ങി വായനശാല ഉൾപ്പെടുന്ന ഒരു സാഹിത്യ പഠന കേന്ദ്രം സഹൃദയർക്കായി സമർപ്പിച്ചിരിക്കുന്നു. സാഹിതീഗ്രാമികയുടെ ആഭിമുഖ്യത്തിൽ കഴിഞ്ഞ വർഷം അദ്ദേഹത്തിന് ആദരം നൽകിയിരുന്നു. തൻ്റെ മുഴുവൻ രചനകളോടൊപ്പം മറ്റേതാനും മികച്ച പുസ്തകങ്ങളും ഗ്രാമിക ആരംഭിക്കുന്ന വായനശാലക്ക് സംഭാവന ചെയ്ത നോവലിസ്റ്റ് ടി.കെ.ഗംഗാധരനോട് നന്ദിയും കടപ്പാടും രേഖപ്പെടുത്തുന്നു.

30/09/2026

30/09/2026

ഇ.കെ.ദിവാകരൻ പോറ്റി സ്മാരക വായനശാല
കവി ചന്ദ്രശേഖരൻ എം.ജി. ഗ്രാമികയോടൊപ്പം.
കവിയും വിവർത്തകനുമായ എം.ജി.ചന്ദ്രശേഖരൻ മാഷിൻ്റെ കൂട്ടുമുറുക്ക് കവിതാ സമാഹാരത്തിൻ്റെ പ്രകാശന വേദിയിൽ വച്ച് അദ്ദേഹം ഗ്രാമിക ആരംഭിക്കുന്ന വായനശാലയിലേക്ക് മികച്ച കുറേ പുസ്തകങ്ങൾ കൈമാറി. പ്രിയനന്ദനൻ,
ബാബു സക്കറിയ, രതീഷ് പാണ്ടനാട്,
അംബി കുടമാളൂർ സമീപം.
ഗ്രാമികയുടെ നന്ദിയും കടപ്പാടും.

27/09/2026

ഇ.കെ.ദിവാകരൻ പോറ്റി സ്മാരക വായനശാല
#സെബാസ്റ്റ്യൻ ||| ഗ്രാമികയോടൊപ്പം |||
എണ്ണത്തിൽ കുറവെങ്കിലും ശ്രദ്ധേയമായ 'ഒട്ടേറെ കവിതകൾ മലയാളത്തിന് നൽകിയ കവി സെബാസ്റ്റ്യൻ എന്നും ഗ്രാമികയുടെ സുഹൃത്താണ്. പുസ്തക പ്രസിദ്ധീകരണ മേഖലയിലും ശ്രദ്ധേയനായ സെബാസ്റ്റ്യൻ
ഇ.കെ ദിവാകരൻ പോറ്റി സ്മാരക വായനശാലക്ക് ഏതാനും കനപ്പെട്ട ഗ്രന്ഥങ്ങൾ സംഭാവന ചെയ്തു.
സെബാസ്റ്റ്യനോടുള്ള നന്ദി പ്രകാശിപ്പിക്കുന്നു.

24/09/2026

ഇ.കെ.ദിവാകരൻ പോറ്റി സ്മാരക വായനശാല
||| ഗ്രാമികയോടൊപ്പം ||| #പ്രൊഫ_ജി_ഉഷാകുമാരി
എഴുത്തുകാരിയും പ്രഭാഷകയുമായ പ്രൊഫ.ജി.ഉഷാകുമാരി പലവട്ടം ഗ്രാമികയുടെ വേദികളിൽ പങ്കെടുത്തിട്ടുണ്ട്. കൊടുങ്ങല്ലൂർ ഗവ.കെ.കെ.ടി.എം. കോളെജ് മലയാള വിഭാഗം മേധാവിയായി ഈ വർഷം വിരമിച്ച ടീച്ചർ
സ്വന്തം കൃതികൾ ഉൾപ്പെടെ ഏതാനും കനപ്പെട്ട കൃതികൾ ഗ്രാമികയുടെ വായനശാലക്ക് സംഭാവനയായി നൽകി. കൂട്ടത്തിൽ തൻ്റെ ജീവിതപങ്കാളി ബാബുരാജ് ഭഗവതിയും (ഫോട്ടോയിൽ ഒപ്പം) സുഹൃത്തും ചേർന്ന് എഡിറ്റ് ചെയ്ത ഇസ്‌ലാമോഫോബിയ റിപ്പോർട്ട് എന്ന കൃതിയും.
ഗ്രാമികയുടെ നന്ദിയും കടപ്പാടും അറിയിക്കട്ടെ.

23/09/2026

2026 സെപ്തംബർ 25 വെള്ളിയാഴ്ച
3 മണിക്ക് ഗ്രാമികയിൽ
കവിയും വിവർത്തകനുമായ എം.ജി.ചന്ദ്രശേഖരൻ്റെ കവിതാ സമാഹാരം
#കൂട്ടുമുറുക്ക്
#പ്രിയനന്ദനൻ പ്രകാശനം ചെയ്യുന്നു.
കവിയും നോവലിസ്റ്റുമായ #മനോജ്_കുറൂർ പുസ്തകം ഏറ്റുവാങ്ങും.
കവി ബാബു സക്കറിയ പുസ്തകം പരിചയപ്പെടുത്തും.
വി.കെ.സുബൈദ, എൻ.പി.സന്ധ്യ,
ഇമ്മാനുവൽ മെറ്റിൽസ്, ദുർഗ്ഗാപ്രസാദ്,
രതീഷ് പാണ്ടനാട് എന്നിവർ ആശസകൾ അർപ്പിക്കും.
സാഹിതീഗ്രാമികയുടെ സഹകരണത്തോടെ നടത്തുന്ന പരിപാടിയിലേക്ക് മുഴുവൻ സുഹൃത്തുക്കളേയും സ്വാഗതം ചെയ്യുന്നു.

22/09/2026

ഇ.കെ.ദിവാകരൻ പോറ്റി സ്മാരക വായനശാല
#ഗ്രാമികയോടൊപ്പം
#തുമ്പൂർ_ലോഹിതാക്ഷൻ
ഏതാനും വർഷങ്ങളായി ലോകസാഹിത്യത്തെ മലയാളത്തിലേക്ക് പറിച്ചുനടുന്ന ദൗത്യത്തിൽ ഏർപ്പെട്ടിരിക്കുന്ന തുമ്പൂർ ലോഹിതാക്ഷനാണ് ഇക്കഴിഞ്ഞ വർഷം വിവർത്തന സാഹിത്യത്തിനുള്ള ദിവാകരൻ പോറ്റി സ്മാരക പുരസ്കാരം നാം നൽകിയത്. പുരസ്കാരത്തുക അതേ വേദിയിൽവച്ചു തന്നെ ഗ്രാമികയുടെ പുതിയ സംരംഭമായ വായനശാലക്ക് അദ്ദേഹം സംഭാവനയായി നൽകുകയുണ്ടായി . ഇപ്പോഴിതാ താൻ വിവർത്തനം ചെയ്ത മുഴുവൻ പുസ്തകങ്ങളും കൂടാതെ തൻ്റെ ഗ്രന്ഥശേഖരത്തിലെ മറ്റ് മികച്ച കുറെ പുസ്തകങ്ങളും വായനശാലക്കുവേണ്ടി അദ്ദേഹം സംഭാവന നൽകിയിരിക്കയാണ്. ലോഹിതാക്ഷൻ മാസ്റ്ററോടുള്ള *ഗ്രാമികയുടെ നന്ദിയും കടപ്പാടും അറിയിക്കട്ടെ.*