26/10/2017
കേരളം നിക്ഷേപ സൗഹൃദമോ?
വിദ്യാഭ്യാസ പുസ്തക പ്രസിദ്ധീകരണ രംഗത്ത് കഴിഞ്ഞ 30 വർഷമായി പ്രവർത്തിച്ചുകൊണ്ടിരിക്കുന്ന ഒരു വനിതാ സംരഭകയായ എന്റെ ( അനില ലാസർ ) പ്രിന്റിങ്ങ് പ്രസ്സ് നടത്തിക്കൊണ്ടുപോകുന്നതിന് കഴിഞ്ഞ 4 വർഷമായി അനുഭവിക്കേണ്ടിവന്ന യാതനകൾ വിവരണാതീതമാണ്.
ഇടതുപക്ഷം ഭരിക്കുന്ന പഞ്ചായത്തിൽ പ്രാദേശിക നേതാക്കൾ സ്വാധീനം ചെലുത്തി ലൈസൻസ് പുതുക്കി നൽകാതിരിക്കുക, അധിക വൈദ്യുതി ഉപയോഗത്തിന് NOC അനുവദിക്കാതിരിക്കുക, ജീവനക്കാരെ ഭീഷണിപ്പെടുത്തുകയും മർദ്ദിക്കുകയും ചെയ്ത ഒരാൾക്കെതിരെ നടപടിയെടുക്കാതിരിക്കാനായി രാഷ്ട്രീയ ഇടപെടൽ നടത്തി പോലീസിനെ നിഷ്ക്രിയ രാക്കുക, സമീപസ്ഥരായ കുറച്ച് വീട്ടുകാരെക്കൊണ്ട് കളവായ ആരോപണങ്ങൾ ഉന്നയിച്ച് സ്ഥാപനവുമായി ബന്ധപ്പെട്ടിരിക്കുന്ന സർക്കാർ ഏജൻസികളിൽ പരാതി കൊടുപ്പിക്കുക, സ്ഥാപനം അടച്ചുപൂട്ടിക്കുന്നതിനായി എല്ലാവിധ കുൽസിതപ്രവർത്തനങ്ങളിലും ഏർപ്പെടുക തുടങ്ങിയ പ്രവർത്തികൾ മൂലം വായ്പയും സ്വന്തം മൂലധനവുമടക്കം 6 കോടി മുതൽമുടക്കുള്ള, 70 ഓളം ജീവനക്കാർ ജോലി ചെയ്യുന്ന ഈ സ്ഥാപനം അടച്ചു പൂട്ടേണ്ട ഒരു മാനസികാവസ്ഥയിലാണ് ഞാൻ. ഭരണകക്ഷിയിലുള്ള പ്രമുഖ പാർട്ടിയിലെ പ്രാദേശിക നേതാക്കളെ പ്രീതിപ്പെടുത്തിയാലല്ലാതെ വൃവസായം നടത്തിക്കൊണ്ടു പോകാൻ പറ്റാത്ത ഗതികേടിലാണിപ്പോൾ.
അധികാരസ്ഥാപനങ്ങളിലെല്ലാം പരാതി നൽകിയിട്ടും ഒരു നടപടിയും ഉണ്ടായിട്ടില്ല. ബഹു: ഹൈക്കോടതി ഉത്തരവുകളുടെ പിൻബലത്തിൽ മാത്രമാണ് ഇപ്പോൾ ഈ സ്ഥാപനം പ്രവർത്തിക്കുന്നത്.
വിശദ വിവരങ്ങൾ താഴെ കൊടുത്തിരിക്കുന്നു:
Manorama News TV Jaihind News Mathrubhumi News Mathrubhumi
Vanitha
