Smart school

എന്റെ ജീവിതം തന്നെയാണ് എന്റെ സന്ദേശം എന്ന് പറഞ്ഞ മഹാത്മാ ഗാന്ധി അത് സ്വജീവിതം കൊണ്ട് തെളിയിച്ചു. സ്വാതന്ത്യത്തിനായി പോരാടിയ ഒരു ജനതയെ അഹിംസയിലൂടെ മുന്നോട്ടു നയിക്കാനും, അവര്‍ക്ക് മാര്‍ഗ ദര്‍ശിയായി നിലകൊളളാനും ഗാന്ധിജിയ്ക്ക് കഴിഞ്ഞു. വര്‍ത്തമാനകാലത്ത് ഗാന്ധിജിയുടെ നയങ്ങളും വാക്കുകളും ആ മഹത് വ്യക്തിയുടെ മഹത്വം ഒന്നുകൂടി ഓരോ ഭാരതിയനെയും ഓര്‍മ്മപ്പെടുത്തുകയാണ്.
പ്രണാമം 🙏

ഗാന്ധിജയന്തി ആശംസകള്‍!!

ബാപ്പുജിയുടെ സ്മരണ
കഥകളായും കുഞ്ഞു
കവിതകളായും കുരുന്നുകള്‍
ശ്രേഷ്ഠമാക്കി.

ടീച്ചർ ട്രെയിനിങ് വിദ്യാർത്ഥികൾ
ഗാന്ധിജിയുടെ ജീവചരിത്രം
കുട്ടികൾക്കു മനസ്സിലാകും വിധം ലളിത ഭാഷയിൽ പകർന്നു
നൽകിയത് ഏറെ നന്നായിരുന്നു.

അദ്ധ്വാനമില്ലാത്ത സമ്പത്ത്
മനസാക്ഷിയില്ലാത്ത ആഹ്ലാദം
സ്വഭാവ വൈശിഷട്യമില്ലാത്ത വിജ്ഞാനം
മാനുഷികതയില്ലാത്ത ശാസ്ത്രം
ത്യാഗമില്ലാത്ത ആരാധന
തത്വദീക്ഷണയില്ലാത്ത രാഷ്ട്രീയം
എന്നിവ വര്‍ജ്ജിക്കപ്പെടേണ്ടതാകുന്നു
മഹാത്മജിയുടെ അര്‍ത്ഥവത്തായ ഈ വാക്കുകൾ കാലിക പ്രാധാന്യമേറിയ വയാണ്. .

സമാധാനത്തിലൂടെ സൂര്യനസ്തമിക്കാത്ത സാമൃാജ്യത്തെ മുട്ടുകുത്തിച്ച് ഭാരതത്തിന് സ്വാതന്തന്ത്യം നേടിത്തന്ന മഹാനുഭാവന്റെ ജന്‍മദിനം.

വാക്കുകള്‍ക്ക് ആയുധങ്ങളെക്കാള്‍ മൂര്‍ച്ചയുണ്ടെന്ന് നമ്മേ മനസ്സിലാക്കിത്തന്ന ബാപ്പുജി.

രവീന്ദൃനാഥടാഗോര്‍ മഹാത്മാ എന്നു വിളിച്ചാദരിച്ചു, ആ ആദരവ് ലോകം മുഴുവന്‍ ഏറ്റെടുത്തു.
ഗാന്ധിജി നമ്മുടെ മനസ്സുകളില്‍ ജീവിച്ചിരുന്നെങ്കില്‍ തീവ്രവാദവും അക്രമവും അസഹിഷ്ണുതയും ഇത്രകണ്ട് വര്‍ദ്ധിക്കുമായിരുന്നോ? ഇതിനൊരുത്തരം കണ്ടെത്താന്‍ ഈ ഗാന്ധിജയന്തി ദിനത്തിലെങ്കിലും നമ്മുക്ക് ചിന്തിക്കാം .🙏

സത്യമേവ ജയതേ....

അക്ഷര മുറ്റത്തെക്കു കൈ പിടിച്ചു നടത്തിയ ഗുരുക്കൻ മാർക്കായി ഒരു ദിനം..
അറിവിന്റെ പാതയിൽ വെളിച്ചമായി നിന്ന എല്ലാ അധ്യാപകരെയും സ്നേഹത്തോടെ ആദരപൂർവ്വം സ്മരിക്കുന്ന ദിനം

നമ്മുടെ രാജ്യത്തെ പാശ്ചാത്യ സംസ്കാരവും പാശ്ചാത്യ വത്‌ക്കരണവും കടന്നാക്രമിച്ചു കൊണ്ടിരിക്കുമ്പോൾ കുടുംബ ബന്ധങ്ങളുടെ മൂല്യ ശോഷണങ്ങളും അപചയങ്ങളും തടയാൻ അധ്യാപകർക്ക് നല്ലൊരു പങ്കു വഹിക്കാനുണ്ട്
കാരണം നാളത്തെ തലമുറയെ ഉത്തമ മനുഷ്യരാക്കി വളർത്തി എടുക്കുവാൻ ഉത്തരവാദിത്വപെട്ടവരാണ് അധ്യാപകർ.

സെപ്തംബർ 5 അധ്യാപക ദിനമാണ്. വർഷാവർഷം ഡോ.എസ്.രാധാകൃഷ്ണന്റെ ജൻമദിനമാണ് നാം അധ്യാപക ദിനമായി ആഘോഷിക്കാറുള്ളത്. അധ്യാപകർ ഭാവിയുടെ ശിൽപികളാണല്ലോ. ആ ശിൽപികളോട് ഡോ.എസ്.രാധാകൃഷ്ണനുണ്ടായിരുന്ന സ്നേഹവും ആദരവും കൊണ്ടാണ് തന്റെ ജൻമദിനം ആഘോഷിക്കാൻ വന്ന സ്നേഹിതരോട് ആ ദിവസം അധ്യാപക ദിനമായി ആചരിക്കാൻ അദ്ദേഹം ആഹ്വാനം ചെയ്തത്. ഈ വർഷവും അങ്ങനെ അധ്യാപനത്തിന്റെ മഹത്വമുത്ഘോഷിച്ചു കൊണ്ട് പതിവു പരിപാടികൾ മാത്രമായവസാനിപ്പിക്കുമോ ഈ ദിനം?
ചരിത്രത്തിലെന്നും ഒരു ‘ഗുരു’വുണ്ടായിരുന്നു. എല്ലാ ചരിത്ര നിർമ്മിതികൾക്ക് പിന്നിലും എക്കാലവും ആ ഗുരു മറഞ്ഞു കിടക്കുന്നുണ്ട്. ലോകത്തെ നശിപ്പിക്കുന്ന ബോംബുണ്ടാക്കുന്ന മനുഷ്യന്റെ പിന്നിലും യുദ്ധാനന്തരം സമാധാന സന്ദേശവുമായിറങ്ങുന്ന മനുഷ്യന്റെ പിന്നിലും അവരെ പഠിപ്പിച്ച അനേകം അധ്യാപകരുണ്ട്. അല്ലെങ്കിൽ ഒരു ഗുരുവുണ്ട്. ലോകത്തിലെ എല്ലാ വഴികളിലും അവരുടെ നിഴലുകളുണ്ട്‌!
ദ്രോണരുടെ കീഴിൽ അഭ്യസനം നേടാൻ ആഗ്രഹിച്ച ഏകലവ്യൻ പോലും നിഷേധാനന്തരം ആ ഗുരുവിനെ സങ്കൽപ്പിച്ചു കൊണ്ടാണ് തന്റെ വിദ്യാഭ്യാസം തുടങ്ങിയത്. ഒടുക്കം തന്റെ പെരുവിരൽ പോലും ആ വിദ്യയെ മുഴുവൻ സ്വായത്തമാക്കാൻ പ്രേരകമായ ഗുരുവിനു മുന്നിൽ സമർപ്പിക്കുന്നത് ഗുരുവിനോടുള്ള ആദരവ് കൊണ്ടാണ്. ആ ആദരവിന് ഇതിഹാസങ്ങളോളം വേരുകളുണ്ട്. ആ വേര് നമ്മളിലൂടെ ഭാവിയിലേക്കും പടരേണ്ടതുണ്ട്. പെരുവിരൽ മുറിച്ചു വാങ്ങിയല്ല. ഒരു ചെറുവിരൽ കൊണ്ടെങ്കിലും കൈത്താങ്ങായി.

പുതിയ സമൂഹ നിർമ്മാണവുമായി, രാഷ്ട്ര നിർമ്മാണവുമായി ബന്ധപ്പെട്ട് നാമെപ്പോഴും കേൾക്കുന്ന പദമാണ് അധ്യാപനം. ഒരു സ്കൂളു തുറക്കുമ്പോൾ നൂറു ജയിലുകൾ അടക്കുന്നു എന്നത് കേവലമൊരു മഹത് വാക്യമല്ല. മറിച്ച് അനേകജനതയെ മാറ്റിമറിച്ച അധ്യാപകരുടെ ചരിത്ര ജീവിതത്തെ അടയാളപ്പെടുത്തിയ വാക്യം കൂടിയാണ്. നമ്മളെപ്പോഴും പറയാറില്ലേ അധ്യാപകൻ സമൂഹത്തിൽ മാതൃകയാകണമെന്ന്. എല്ലാ മനുഷ്യരും മാതൃകയാവേണ്ടവർ തന്നെയാണ്. പക്ഷെ അധ്യാപകന്റെ ജീവിതത്തിന്റെ കാര്യത്തിൽ മാത്രമാണ് ഒരു സമൂഹം എപ്പോഴും ‘മാതൃക’യെക്കുറിച്ച് നിർബന്ധം പുലർത്താറുള്ളത്. കാരണം അവർ കുട്ടികളുടെ രണ്ടാം രക്ഷിതാക്കളാണ്. ഭാവിയെ നിർമ്മിക്കുന്നവരാണ്. സ്വാധീനിക്കപ്പെടുന്നവരാണ്. അവരുടെ കൈയും പിടിച്ച് ഒപ്പം നടക്കേണ്ടണ്ടവരാണ് കുട്ടികൾ. ആ കൈവിട്ടാണ് കുട്ടികൾ പിന്നീട് ആകാശം തൊടുന്നത്!

നിങ്ങളൊരു കഥയോ ശാസ്ത്രമോ പഠിപ്പിക്കുമ്പോൾ എത്രയെത്ര ജീവിതങ്ങളെപ്പറ്റി അവരോട് പറഞ്ഞിട്ടുണ്ടാവും. എത്രയെത്ര സാരോപദേശകഥകൾ എഴുതിക്കൊടുത്തിട്ടുണ്ടാവും.

‘ഭോഗങ്ങളെല്ലാം ക്ഷണപ്രഭാ ചഞ്ചലം
വേഗേന നഷ്ടമാമായുസ്സുമോർക്ക നീ ‘ എന്നൊക്കെ ക്ലാസിൽ പാടിപ്പഠിപ്പിച്ചിട്ടുണ്ടാകില്ലേ അവരെ. എന്നാൽ പാഠാനന്തരം മർത്ത്യ ജൻമം ക്ഷണഭംഗുരമാണെന്ന് എല്ലാ അധ്യാപകർക്കും എനിക്കുൾപ്പടെ ശരിക്കും മനസ്സിലായിട്ടുണ്ട്.

മാതാവും പിതാവും കഴിഞ്ഞാല്‍ നാം അറിയാതെ നമ്മളില്‍ സ്വാധീനo ചെലുത്തുന്നവരാണ് അദ്ധ്യാപകര്‍ , "മാതാപിതാഗുരു ദൈവം".

ഒരു നല്ല അദ്ധ്യാപകന്‍ മെഴുകുതിരി പോലെയാണ് അന്യര്‍ക്ക് വെളിച്ചം പകര്‍ന്നുകൊണ്ട് സ്വയംഇല്ലാതാകുന്നുവെന്ന് പറയാറുണ്ട്.
പാഠ്യഭാഗങ്ങള്‍ക്കപ്പുറം വിദ്യാര്‍ത്ഥികളുടെ മനസ്സിലേക്കിറങ്ങി ചെല്ലുമ്പോഴാണ് പ്രിയപ്പെട്ട അദ്ധ്യാപകനാകുന്നത്.
തന്റെ ശിഷ്യന്‍മാരില്‍ നിന്ന് ഒന്നും പഠിയ്ക്കാത്തവര്‍ ഒരു നല്ലഅദ്ധ്യാപകനാകുന്നില്ല എന്നാണ് ഗാന്ധിജി പറഞ്ഞിട്ടുളളത്.

കുട്ടികളെ സമൂഹനന്‍മയ്ക് ഒതകുന്ന രീതിയില്‍ നല്ലവരായി വളര്‍ത്തിയെടുക്കാനും അവരിലെ വിവിധങ്ങളായ കഴിവുകളെ കണ്ടെത്തി പ്രോത്സാഹിപ്പിക്കുകയെന്ന ലക്ഷ്യം നേടിയെടുക്കാനും എല്ലാ അദ്ധ്യാപകര്‍ക്കും സാധിയ്ക്കട്ടെ എന്ന് ആശംസിക്കുന്നു.

വിദ്യപകര്‍ന്നു നല്‍കുന്നവര്‍ ആരായാലും അവരെല്ലാം അദ്ധ്യാപകരാണ് അതിനാല്‍ അവരെ ജീവിതത്തിലുടനീളം സ്നേഹിയ്ക്കുക ബഹുമാനിക്കുക!'" അതാണവര്‍ക്കു നല്‍കാവുന്ന ഏറ്റവും വലിയ ഗുരദക്ഷിണ.

"ആദരവോടെ സ്നേഹത്തോടെ
അധ്യാപക ദിനാശംസകൾ" !

The way you teach
The knowledge you share
The care you take
The love you shower
Makes you
The world's Best teacher.

ഗുരു പ്രണാമം !

ഏവർക്കും സ്വാതന്ത്ര്യദിനാശംസകൾ !

"എഴുപത്തിമൂന്നാം ജന്മദിനത്തിലേക്കു ഭാരതം... എന്റെ ജന്മദേശം. സ്വാതന്ത്ര്യദിനാഘോഷത്തിന്റെ പ്രധാന്യo തന്നെ , സ്വതന്ത്ര രാഷ്ട്രത്തിൽ നമുക്ക് സ്വതന്ത്രമായി ജീവിക്കാൻ വേണ്ടി സ്വജീവൻ ബലിയർപ്പിച്ച സ്വാതന്ത്ര്യസമരസേനാനികളെ ഓർമ്മിക്കുക എന്നതിലാണ് . ആ മഹാത്മാക്കൾക്കെല്ലാം അർപ്പിക്കുന്ന ആദരാഞ്ജലിയാണ് ഈ ആഘോഷം. സ്വാതന്ത്ര്യസമരസേനാനികളുടെ വീരകൃത്യങ്ങൾ വിവരിക്കുന്നതിനും ബ്രിട്ടീഷ് ഭരണത്തിൽ നിന്ന് നമ്മുടെ രാജ്യത്തെ മോചിപ്പിച്ചതിന് നന്ദി പറയുന്നതിനുമാണ് ഈ ദിവസം നടക്കുന്ന വിവിധ സാംസ്കാരിക പരിപാടികളുടെ ലക്ഷ്യം തന്നെ.

സ്വാതന്ത്ര്യത്തിന്റെ ആത്മാവിനെ ആഘോഷിക്കുക
രാഷ്ട്രത്തെ സേവിക്കാൻ യുവതലമുറയെ പ്രചോദിപ്പിക്കുക.
പ്രാണനേക്കാൾ വലുതായി പിറന്ന നാടിന്റെ മാനവും സ്വാതന്ത്ര്യവുമെന്നു ചിന്തിച്ച്‌ ജീവത്യാഗം ചെയ്ത ധീര ജവാന്മാർക്ക്, ദേശാഭിമാനികൾക്ക് പ്രണാമമർപ്പിച്ചു കൊണ്ട്‌
ഒരേ ഒരിന്ത്യ ഒരൊറ്റ ജനത എന്നതിലൂടെ അഭിമാനിക്കാം മഹാമാരിയെ പ്രതിരോധിക്കാൻ ജാഗ്രതയോടെ രാജ്യത്തിനൊപ്പം നിൽക്കാം
വന്ദേമാതരം"..🙏

പ്രാർത്ഥനകൾ കൊണ്ട് നിറയുന്ന ഈ പുണ്യദിനത്തിൽ നേരുന്നു സ്നേഹത്തോടെ ബലിപെരുന്നാൾ ദിനാശംസകൾ.

കിളികൾ പറന്നകന്നുപോയൊരീ കിളിക്കൂട്ടിൽ കൂടണയാ കിളികളുടെ കിളിക്കൊ ഞ്ചലുകൾക്കായ് കുഞ്ഞു പൂമ്പാറ്റകളെ കൺനിറയെ കാണാൻ കണ്ണുതുറന്ന് കാതോർത്തി പനിനീർപ്പൂക്കളും അരുളിയും മന്ദാരവും പിന്നെ ഈ ഞാനും...
ഇത്തിരികുഞ്ഞൻ വൈറസിനെ എത്രയും വേഗം ഓടിച്ചു കളഞ്ഞിട്ട് നമ്മുടെ ആഹ്ളാദദിനങ്ങളെ മടക്കി തരേണമേ എന്നപ്രാത്ഥനയോടെ...കാത്തിരിപ്പിന്റെ മടുപ്പിക്കുന്ന നാഴികകൾ എണ്ണി തിട്ടപ്പെടുത്തുന്നു... ഈ സമയവും കടന്നുപോകുമെന്ന പ്രത്യാശയോടെ... !

കിളികൾ പറന്നകന്നുപോയ ഈ കിളിക്കൂട്ടിൽ കൂടണയാ കിളികളുടെ കിളിക്കൊ ഞ്ചലുകൾക്കായ് കുഞ്ഞി ക്കിളികളെ കൺനിറയെ കാണാൻ കണ്ണുതുറന്ന് , കാതോർത്ത് പനിനീർപ്പൂക്കളും അരുളിയും മന്ദാരവും പിന്നെ ഈ ഞാനും... !

ഇത്തിരികുഞ്ഞൻ വൈറസിനെ എത്രയും വേഗം മടക്കി വിളിച്ചിട്ട് നമ്മുടെ ആഹ്ളാദദിനങ്ങളെ മടക്കി തരേണമേ എന്നപ്രാർത്ഥനയോടെ...
കാത്തിരിപ്പിന്റെ മടുപ്പിക്കുന്ന നാഴികകൾ എണ്ണി തിട്ടപ്പെടുത്തുന്നു...
ഈ സമയവും കടന്നുപോകുമെന്ന പ്രത്യാശയോടെ... !

ജൂണ് 19 വായനാദിനo. മലയാളിയെ വായനയുടെ ലോകത്തിലേക്ക് കടന്നുവരാൻ ഏറെ പ്രേരിപ്പിച്ച സാക്ഷരതാ പ്രവർത്തനത്തിനും ഗ്രന്ഥശാലാ പ്രസ്ഥാനത്തിനും അടിത്തറപാകിയ പി. എൻ. പണിക്കരുടെ ചരമദിനം. അദ്ദേഹത്തോടുള്ള ആദരസൂചകമായി ജൂൺ 19 വായനാദിനമായി ആചരിക്കുന്നു.
പുസ്തകങ്ങളില്ലാത്ത മുറി ആത്മാവില്ലാത്ത ശരീരം പോലെയാണെന്ന് സിസറോ അഭിപ്രായപ്പെട്ടത് ശരി തന്നെ. എഴുത്ത്, വായന, ആസ്വാദനം എന്നിവയുടെ ലോകം താഴ്വാരങ്ങളും, പർവ്വതങ്ങളും, ജലാശയങ്ങളും ആകാശവും ഒക്കെ തിങ്ങി നിറഞ്ഞു നിൽക്കുന്ന ഭൂവിഭാഗം പോലെ. പുസ്തകങ്ങൾ സന്തോഷത്തിന്റെയും പ്രചോദനത്തിന്റെയും അലകൾ സൃഷ്ടിക്കുന്നു ദുഖങ്ങ ളെ ഘനീഭവിപ്പിക്കുന്നു. ഭൂതകാലത്തെയും വർത്തമാനകാലത്തെയും ഭാവികാലത്തെയും ഒന്നിച്ചു വരച്ചു കാട്ടുന്നു. ഒപ്പം മാനസിക ഉന്മേഷം, സമ്മർദ്ദം കുറയൽ, അറിവ്, പദസമ്പത്ത്, ഓർമ്മശക്തിയുടെ വികാസം, ശക്തമായ വിശകലനശേഷി, ശ്രദ്ധയും ഏകാഗ്രത എഴുതാൻഉള്ള കഴിവ്, ഇവയെല്ലാം പ്രധാനം ചെയ്യുന്നു. അതിനാൽ കുറച്ചു സമയം പുസ്തകമൊന്നു തുറക്കാം അതിലൂടെ ആത്മാവിനെ തുറക്കാം വായന നമ്മിൽ മരിക്കാതിരിക്കാൻ ശ്രമിക്കാം. വായനയെ സുഹൃത്തായി കൂടെ കൂട്ടാം.

പുസ്തകങ്ങൾ കുട്ടികളുടെ കൂട്ടുകാരാവണം. അവരെ അറിയാനും അവർക്കറിയാനുമുള്ള വേദിയാണ് വായന. വായന മനുഷ്യനെ ഒരു സാമൂഹിക ജീവിയായി മാറ്റുന്നു.
കുട്ടികളുടെ പ്രായത്തിനനുസരിച്ചാവണം അവർക്ക് പുസ്തകങ്ങൾ കൊടുക്കേണ്ടത്.
അക്ഷരങ്ങളും അക്കങ്ങളും അവരുടെ കൂട്ടുകാരാകണം.

നിർബന്ധിച്ചു വായിപ്പിക്കാതെ താല്പര്യത്തോടുകൂടി വായന ലോകത്തേക്ക് കുട്ടികളെ കൈ പിടിച്ചു കയറ്റണം. അവർക്ക് മികച്ചത് എന്ന് തോന്നുന്ന പുസ്തകങ്ങളാവണം അവർക്കായി സമ്മാനിക്കേണ്ടത്. കളിപ്പാട്ടങ്ങളും ഛായങ്ങളും കൂടെ ഒരു പുസ്തകവും അവർക്കായി വാങ്ങിക്കണം. പിറന്നാളിനും വിശേഷ ദിവസങ്ങളിലും പുസ്തകങ്ങളാവണം അവർക്ക് സമ്മാനിക്കേണ്ടത്. ‘ചുട്ടയിലേ ശീലം ചുടലവരെ’, എന്ന് പറയുമ്പോലെ കുഞ്ഞുനാളിൽ അവരിൽ വായന വളർത്തി തുടങ്ങിയാൽ വലുതാകുമ്പോൾ അതൊരു ശീലമായി അവർക്കൊപ്പം വളരും.

Learning Plans & Strategies

Early teachers should prepare a daily e-Learning Plan which is a combination of-

One online class per day with learners for not more than an hour.
Follow -up activities to be done by parents at home
Topic-wise e-content (downloadable or links) for practice by the learners under parental supervision. These could be rhymes to sing along, learning games, animated stories, drills for math and spellings, quizzes and worksheets that can be done online or downloaded and printed.
The teacher’s online interaction with young learners will comprise of sharing expected behaviour during online class, lesson for the day, and a brief description of the activities which the parents will do with their child. These activities should be staggered throughout the day to keep the learners gainfully occupied. Parents must be present during all sessions.

" Let's think about the environment together,
Plant a tree Today.Think green Go green...."

SMARTKIDZ KANIYAPURAM

To teach our kids what they need to know online, we have to talk to them off line.....

A... new... begining...