07/05/2025
ആരാണ് സോഫിയ ഖുറേഷി എന്ന് ഗൂഗിൾ ചെയ്തു നോക്കി.
ഇന്ത്യൻ സേനയുടെ സിന്ദൂർ ഓപ്പറേഷന്റെ വിശദമായ വിവരം മാധ്യമങ്ങൾക്ക് മുന്നിൽ ഇന്ന് പങ്ക് വെച്ചത് കേണൽ സോഫിയ ഖുറേഷിയാണ്. ഒമ്പത് ഇടങ്ങളിൽ നടത്തിയ സൈനിക നീക്കത്തിന്റെ വിശദ വിവരങ്ങൾ വീഡിയോ ഡിസ്പ്ളേയിലൂടെ അവർ പങ്ക് വെക്കുന്നത് കണ്ടപ്പോൾ തോന്നിയ കൗതുകമാണ് ഗൂഗിൾ നോക്കാൻ പ്രേരിപ്പിച്ചത്.
ഒരു അന്താരാഷ്ട്ര സൈനിക അഭ്യാസ ക്യാമ്പിൽ ഇന്ത്യൻ സേനയെ നയിച്ച ആദ്യ വനിത ഓഫീസർ എന്നാണ് ഗൂഗിൾ നൽകുന്ന വിവരം. ബയോ കെമിസ്ട്രിയിൽ ബിരുദാനന്തര ബിരുദമുള്ള ഇന്ത്യൻ സേനയിലെ കേണൽ. 2016 ൽ പൂനയിൽ വെച്ച് നടന്ന 17 രാജ്യങ്ങൾ പങ്കെടുത്ത ആസിയാൻ സൈനിക ക്യാമ്പിൽ നാല്പത് അംഗ ഇന്ത്യൻ സേനാവിഭാഗത്തെ നയിച്ചത് സോഫിയ ആയിരുന്നു. 17 രാജ്യങ്ങളിൽ നിന്നുള്ള ലീഡിങ് കമാണ്ടർമാരിലെ ഏക വനിത.
യു എൻ സമാധാന സേനയിൽ ഇന്ത്യയെ പ്രതിനിധീകരിച്ച പരിശീലകരിൽ ഒരാൾ കൂടിയാണ് സോഫിയ. 24 വർഷമായി സൈനിക സേവനം തുടരുന്ന സോഫിയ 2006 ൽ കോംഗോയിലെ ഇന്ത്യൻ മിഷന്റെ ഭാഗമായിരുന്നു .ഒരു സൈനിക കുടുംബമാണ് സോഫിയയുടേത്, മേജർ താജുദ്ധീൻ ഖുറേഷിയാണ് ഭർത്താവ്.
പഹൽഗാമിൽ തങ്ങളുടെ കൺമുന്നിൽ വെച്ച് ജീവിതത്തിലെ ഏറ്റവും പ്രിയപ്പെട്ടവർ വെടിയേറ്റ് വീഴുന്നത് കണ്ട ഹിമാൻഷി നർവാളിനേയും ആരതിയേയും പോലുള്ള വനിതകൾക്ക് ആശ്വാസവും ആത്മവിശ്വസവും പകരുന്നുണ്ടായിരിക്കും വനിതകളായ സോഫിയ ഖുറേഷിയും വിംഗ് കമാണ്ടർ വ്യോമിക സിങ്ങും നടത്തിയ ഇന്നത്തെ ആർമി ബ്രീഫിംഗ്.
ബഷീർ വള്ളിക്കുന്ന് ✍️✍️
03/05/2025
21/06/2023
01/11/2020
31/10/2020
29/10/2020
29/10/2020
29/10/2020
11/04/2019