05/02/2026
ഒരു നാടകക്കാരൻ്റെ അവസ്ഥ...
നാടക മേഖലയിൽ പ്രവർത്തിക്കുന്ന ഒരാൾ ആ പ്രവർത്തനത്തിനിടയിൽ ഒരു അപകടത്തിൽപ്പെട്ടാൽ ആരുണ്ടാവും സഹായത്തിന് !
സാമ്പത്തികാവസ്ഥ ദുർബ്ബലമാണങ്കിൽ അവരുടെ ചികിത്സയ്ക്ക് സർക്കാർ തലത്തിലെന്തു പദ്ധതിയാണുള്ളത്. ഒരു ഇൻഷ്വറൻസ് പരിരക്ഷയെങ്കിലും ആവശ്യമല്ലേ? കലയും സാഹിത്യവും ഒരു വ്യക്തിഗത ഇടം എന്ന രീതിയിലല്ലല്ലോ ഒരു പരിഷ്കൃത സമൂഹമോ ജനാധിപത്യ ഭരണ സംവിധാനമോ കരുതേണ്ടത്. ഒരു സമൂഹത്തിൻ്റെ നവീകരണത്തിന്, സാംസ്കാരികമായ പുനർനിർമ്മിതിക്ക്, ജനാധിപത്യ സംവിധാനങ്ങളുടെ ശക്തിപ്പെടലിന്, നിലനിൽപ്പിന്, പരിവർത്തനങ്ങൾക്ക്, നാടിൻ്റെ സമകാലികതയെ വരുംതലമുറകൾക്കായുള്ള കരുതിവെയ്പ്പിന് അങ്ങനെയങ്ങനെ കലാസാഹിത്യ പ്രവർത്തനങ്ങളുടെ പ്രാധാന്യത്തെക്കുറിച്ച് നമുക്ക് തെല്ലും ആശങ്കയില്ല ഇല്ല അല്ലേ ? പക്ഷേ അതിലൊരാൾ തൻ്റെ കലാ പ്രവർത്തനത്തിനിടയിൽ ഒരു അപകടത്തിൽപ്പെട്ടാലോ? അയാൾ സാമ്പത്തികാവസ്ഥയുടെ നിസ്സഹായത കൊണ്ട് ചികിത്സ തുടരാനാവാതെ തളർന്ന് കിടന്നാലോ ആരാണൊരു അത്താണി... ഒരു ജനാധിപത്യ സംവിധാനം അതിനു നേരെ കണ്ണടയ്ക്കാൻ പാടില്ല. അയാൾ നിരന്തരം ഒഫിഷ്യലിയും അല്ലാതെയും സഹായം അഭ്യർത്ഥിച്ചു കൊണ്ടിരിക്കയാണ്. അക്കാദമിക്ക് അയാൾ അപേക്ഷ അയച്ചു.
സാംസ്കാരിക വകുപ്പ് ഇക്കാര്യത്തിൽ ഒരു ശ്രദ്ധ കൊടുക്കേണ്ടതല്ലേ.
വെറും 38 വയസ്സു മാത്രമുള്ള ഒരു ചെറുപ്പക്കാരനാണ്.
നാടകത്തിൻ്റെ പ്രാധാന്യം ഏറെ ഉൾക്കൊള്ളേണ്ട ഒരു സർക്കാർ കൂടിയാണിത്. 'നിങ്ങളെന്നെ കമ്യൂണിസ്റ്റാക്കി' എന്ന ഒരു നാടകം ഉണ്ടായി വന്ന കാലത്തെ നാം ഓർക്കണം അല്ലേ? ആ നാടകം, ഒരു സമൂഹത്തിൻ്റെ മാനസിക പരിവർത്തനങ്ങൾക്കായും ഒരു പുതു ഭരണ നിർമ്മിതിക്കായും വഹിച്ച പങ്കിനേയും മറക്കുന്നില്ല. പക്ഷേ നാടകക്കാർ ഇന്നും മുണ്ടു മുറുക്കിയുടുത്ത് നാടകം കളിക്കുന്നുണ്ട് എന്നും അവരിൽ ഭൂരിപക്ഷത്തിനും കർട്ടൻ വീണുകഴിഞ്ഞാൽ പിന്നെ ഇരുട്ടു പരക്കുന്ന ജീവിതവും കൂടിയുള്ളവരാണെന്നു മറന്നു പോകുന്നു.
കേരള സംഗീത നാടക അക്കാദമിയുടെ നാടകത്തിനായി സെറ്റിടുന്നതിനിടയിലാണ് ശരത്' വീഴുന്നത്. അക്കാദമിയുടെ ഭാഗത്തു നിന്നോ സർക്കാരിൻ്റെ ഭാഗത്തു നിന്നോ ഒരു സഹായവും ലഭിച്ചില്ല എന്നതാണ് ശരത് ൻ്റെ സങ്കടം. സർക്കാരിൻ്റെ ഭാഗത്തു നിന്ന് ചികിത്സയ്ക്ക് സഹായം ലഭിക്കണം എന്നാണ് ശരത് ൻ്റെ ആവശ്യം അത് തനിക്കു വേണ്ടി മാത്രമല്ല നാടക മേഖലയിൽ പ്രവർത്തിക്കുന്നവർക്കെല്ലാം കൂടി വേണ്ടിയാണ് എന്നും ശരത് സാരഥി പറയുന്നു. കാരണം നാടക മേഖലയിൽ പ്രവർത്തിക്കുന്ന ഒരാൾക്ക് നാടകപ്രവർത്തനത്തിനിടയിൽ ഒരപകടം സംഭവിച്ചാൽ ഉള്ള അവസ്ഥ ദയനീയമാണ്. ഒരു തരത്തിലുള്ള സുരക്ഷിതത്വവും അവർക്കില്ല, ഇൻഷ്വറൻസ് പരിരക്ഷയോ ഒന്നും തന്നെയില്ല. ശരത് ൻ്റെ ഈ ആവശ്യം ചാനലിൽ സംപ്രേഷണം ചെയ്തു വന്നില്ല. ശരത് ൻ്റെ ഈ അവസ്ഥ കേരള സംഗീത നാടക അക്കാദമിയുടേയും സർക്കാരിൻ്റേയും കണ്ണിൽ പെട്ടെങ്കിൽ എന്ന് ആശിക്കുന്നു.
നാടകാന്തം കവിത്വമല്ല നാടകാന്തം ദാരിദ്ര്യം എന്നതാണ് ശരി ...
- കല സാവിത്രി
Kerala Sangeetha Nataka Akademi Prasanth Narayanan Prasanth Narayanan KALAM
