Naadvalay Art Culture Gurukul

I Will Accumpning with Shri. Mohan Pendse and Dr. Prakash Chitnis in the thanes prestigious Musical Concert “UNITY”

ओम शांती… खरंच आज सिमाताई नाही आहेत हे खरं वाटतच नाही.
सर्व शिष्यांनी आपल्या परीने मनोगत व्यक्त केले आहे.
आम्हा सर्व शिष्यांवर आईसारखे प्रेम करणाऱ्या आमच्या गुरुमाता,
आज आमच्यात जरी शरीररूपी नसल्या तरी आशीर्वादरूपी त्या आमच्या
बरोबर सतत आहेत, यात शंका नाही.

आमच्या सर्वच गुरुबंधूंचा ताईं बरोबरचा अनुभव काही वेगळा नसावा.
आम्ही जरी विश्वनाथ दादांकडे शिकत असलो तरी सिमाताईंचा
क्लास चाललेल्या खोलीत गेल्याशिवाय आमची परिक्रमा पूर्णच व्हायची नाही.

मी साधारण 2006/2007 च्या सुमारास सरांकडे शिकण्यास सुरुवात केली.
माझी सांगीतिक सहकारी प्रतिमा गोगटे हिचे सहकार्य त्या वेळेस मला लाभले.
सरांकडे तबला शिकत असतानाच हार्मोनियमची संगत करण्याची सुवर्णसंधी
आम्हा शिष्यांना ताईंमुळे मिळत गेली.

पं. विश्वनाथ दादा आणि ताई यांची सांगीतिक देवाणघेवाण कमालीची होती.
आम्हाला ताई ठेक्याचे संगतीतील महत्त्व समजावून सांगत,
आणि विश्वनाथ दादांच्या समेच्या किंवा ठेक्यातील इतर
मात्रेतील वजनाच्या वैशिष्ट्यांकडे तुम्ही लक्ष द्या असे आवर्जून सांगायच्या.

आमच्या या सिमाविश्व गुरुकुलमध्ये सरांनी आणि ताईंनी एक पोषक वातावरण
सतत निर्माण केले. त्यामुळे जी कुशलता प्रत्येकात आहे
ती वाढवण्याचे काम अविरत दोघांनीही केले.

मी ताईं बद्दल बोलण्यात खूपच लहान आहे.
माझ्या परीने माझे विचार मी मांडण्याचा प्रयत्न केला आहे.
ताई, आपण केलेले काम हे अतुलनीय आहे.
संवादिनी या वाद्याचा जेथे तेथे उल्लेख होईल,
तिथे तिथे ताई आपले नाव हे अग्रणी घेतले जाईल यात शंका नाही.

माझ्या बोलण्यात काही चूक झाली असेल तर कृपया मला क्षमा करावी.
माझ्या तोकड्या बुद्धीला जे मनापासून वाटले ते मी व्यक्त केले.

पुन्हा एकदा ताईंना मनापासून नमस्कार करतो…
भावपूर्ण श्रद्धांजली.

Happy Republic Day