IUM LP School

19/08/2025

07/12/2024

കട്ടിപ്പാറ പഞ്ചായത്ത് സ്പോർട്സ് മീറ്റ് : ഹാട്രിക്ക് കിരീടം ചൂടി കന്നൂട്ടിപ്പാറ സ്കൂൾ വിസ്മയമായി.
കട്ടിപ്പാറ പഞ്ചായത്ത് LP സ്പോർട്സ് മീറ്റിൽ 97 പോയൻ്റുകൾ നേടി തുടർച്ചയായി മൂന്നാമതും കിരീടം ചൂടി ഹാട്രിക്കടിച്ച് കന്നൂട്ടിപ്പാറ lUM എൽ പി സ്കൂൾ വിസ്മയം തീർത്തു. 2022, 2023 വർഷങ്ങളിലും കന്നൂട്ടിപ്പാറ സ്കൂൾ ചാമ്പ്യൻഷിപ്പ് ഉയർത്തിയിരുന്നു. 25 പോയൻറുകളോടെ നസ്റത്ത് LPS മുത്തോറ്റിക്കൽ രണ്ടാം സ്ഥാനവും 21 പോയൻ്റോടെ GLPS ചമൽ മൂന്നാം സ്ഥാനവും നേടി.
കന്നൂട്ടിപ്പാറ സ്കൂളിലെ മുഹമ്മദ് അയാൻ NC LP മിനി ബോയ്സ് വിഭാഗത്തിലും ഫസാൻ സലിം LP കിഡീസ് വിഭാഗത്തിലും സിയ മെഹറിൻ LP കിഡീസ് കാറ്റഗറിയിലും വ്യക്തിഗത ചാമ്പ്യൻമാരായി സ്കൂളിൻ്റെ അഭിമാനമുയർത്തി.
നിരന്തരപരമായ പരിശീലനവും ശാസ്ത്രീയമായ മോട്ടിവേഷനുമാണ് കുട്ടികളിൽ ശക്തമായ വിജയതൃഷ്ണ വളർത്തിയെടുത്ത് തുടർച്ചയായ വിജങ്ങളിലേക്കെത്തിക്കുന്നതിൻ്റെ രഹസ്യമെന്ന് ചീഫ് പ്രമോട്ടർ എ കെ അബൂബക്കർ കുട്ടിയും ഹെഡ്മാസ്റ്റർ അബുലൈസ് തേഞ്ഞിപ്പലവും പറഞ്ഞു. 12 വർഷത്തിനകം മലയോര ഗ്രാമത്തിൽ നിന്നും ഒരു ഒളിമ്പ്യനെയെങ്കിലും വളർത്തിയെടുക്കുവാൻ വിദ്യാലയം പ്രതിജ്ഞാബദ്ധമാണെന്നും അവർ കൂട്ടിച്ചേർത്തു. ചീഫ് കോച്ച് ഫൈസ് ഹമദാനി, ടീം മാനേജർ കെ.സി ശിഹാബ്, അസി.മാനേജർ ജസീന കെ.പി, കൺവീനർമാരായ കെ.ടി ആരിഫ്,അനുശ്രീ പി പി, കെ കെ ഷാഹിന എന്നിവരെ അവർ മുക്തകണ്ഠം പ്രശംസിച്ചു.
PTA പ്രസിഡണ്ട് ഷംനാസ് പൊയിൽ,MPTA പ്രസിഡണ്ട് സജ്ന നിസാർ,SSG ചെയർമാൻ അലക്സ് മാത്യു, കൺവീനർ കെ കെ സലാം, മുബീർ തോലത്ത്, മാനജിംഗ് കമ്മറ്റി അംഗങ്ങളായ അബ്ദുള്ള മലയിൽ, ലിമ മുഹമ്മദ്, സുബൈർ പെരിങ്ങോട്, ഷമീം വാവാട് , ഡോ.റഹിം കളത്തിൽ, പി.ടി. ഹാരിസ്, സഫീർ പേരാമ്പ്ര,റഹിം മണ്ണിൽ കടവ്, നിയാസ് നെച്ചൂളി,സ്കൂൾ ലീഡർ സയാൻ പി, കെ.പി. മുഹമ്മദലി മുതലായവർ വിജയികളെ അഭിനന്ദിച്ചു.

21/06/2023

*കന്നൂട്ടിപ്പാറ സ്കൂളിൽ പഠനോപകരണ നിർമ്മാണ ശിൽപ്പശാല നടത്തി.*

കട്ടിപ്പാറ : ഒന്ന്, രണ്ട് ക്ലാസുകളിലെ കുട്ടികളുടെ രക്ഷിതാക്കൾക്കായി നടത്തിയതിന്റെ തുടർച്ചയായി കന്നൂട്ടിപ്പാറ ഐ യു എം എൽ പി സ്കൂളിൽ മൂന്ന്, നാല് ക്ലാസുകളിലെ വിദ്യാർത്ഥികളുടെ രക്ഷിതാക്കൾക്ക് വേണ്ടിയും പഠനോപകരണ നിർമ്മാണ ശിൽപശാല സംഘടിപ്പിച്ചു.
രക്ഷിതാക്കളുടെ നൈസർഗികമായ കഴിവുകളെയും ശേഷികളെയും ചെത്തിമിനുക്കി ശാക്തീകരിച്ച് , പഠന പ്രക്രിയയിൽ ഗുണപരമായി ഉപയോഗപ്പെടുത്തുക എന്നതാണ് ശിൽപശാലയുടെ ലക്ഷ്യമെന്ന് ശിൽപ്പശാല ഉദ്ഘാടനം ചെയ്തു കൊണ്ട് പ്രധാനാധ്യാപകൻ അബുലൈസ് തേഞ്ഞിപ്പലം പറഞ്ഞു. പിടിഎ പ്രസിഡണ്ട് നൗഷാദ് ആറ്റു സ്ഥലം അധ്യക്ഷം വഹിച്ചു. ശിഹാബ് പുതുപ്പാടി സ്വാഗതവും കെ.ടി ആരിഫ് നന്ദിയും പറഞ്ഞു. രക്ഷിതാക്കളുടെ മികച്ച പ്രാതിനിധ്യവും പ്രകടനവും പരിപാടിയുടെ മികവ് തെളിയിച്ചു. SSK ഈ വർഷം പരിചയപ്പെടുത്തിയ ഈ പ്രവർത്തനം എന്തുകൊണ്ടും അഭിനന്ദനാർഹമാണെന്നും ഇതിന് തുടർച്ചകൾ അനിവാര്യമാണെന്നും രക്ഷിതാക്കൾ ഒന്നടങ്കം അഭിപ്രായപ്പെട്ടു.കെ.പി ജസീന ടീച്ചർ, ഫൈസ് ഹമദാനി, ടി. ഷബീജ്, ദിൻഷ ദിനേശ്, പി.പി.തസലീന, എം നിഷാന , ഇ പി മുൻസില മുതലായവർ നേതൃത്വം നൽകി.

07/06/2023

🌱World Environment Day🌱
♦️I U M LPS KANNOOTTIPPARA ♦️
https://youtu.be/7Ng5FQoy3c8

07/06/2023

*വർണ്ണച്ചിറകിലേറി കന്നൂട്ടിപ്പാറ വിംഗ്സിൽ പ്രവേശനോത്സവം* .

കട്ടിപ്പാറ: കുരുന്നുകൾ ആവേശത്തേരിലേറി ആടിയും പാടിയും അവിസ്മരണീയമാക്കിയ കന്നൂട്ടിപ്പാറ വിംഗ്സ് ഇംഗ്ലീഷ് മീഡിയം പ്രി- പ്രൈമറി സ്ക്കൂളിന്റെ 2023 - 24 അധ്യയന വർഷത്തെ പ്രവേശനോത്സവം വാർഡ് മെമ്പറും ചീഫ് പ്രമോട്ടറുമായ എ കെ അബൂബക്കർ കുട്ടി ഉദ്ഘാടനം ചെയ്തു. 12 വർഷം മുമ്പ് എളിയ നിലയിൽ തുടക്കമിട്ട വിംഗ്സിന്റെ വളർച്ച മലയോര ഗ്രാമത്തിന്റെ വിദ്യാഭ്യാസ സ്വപ്നങ്ങളുടെയും കഠിനമായ പരിശ്രമങ്ങളുടെയും നേർസാക്ഷ്യമാണെന്ന് അദ്ദേഹം പറഞ്ഞു. കന്നൂട്ടിപ്പാറ ഐ യു എം എൽ പി സ്കൂൾ ഹെഡ് മാസ്റ്റർ അബുലൈസ് തേഞ്ഞിപ്പലം അധ്യക്ഷം വഹിച്ചു. ഓരോ കുട്ടിയും കഴിവുകളുടെ നിറ കുംഭങ്ങളാണെന്നും അവ കണ്ടെത്തി പരിപോഷിപ്പിക്കലാണ് പ്രധാനമെന്നും അദ്ദേഹം ചൂണ്ടിക്കാട്ടി.
വിക്ടേഴ്സ് ചാനൽ ഫെയിം സായി ശ്വേത ടീച്ചർ മുഖ്യാതിഥിയായിരുന്നു. കുട്ടികളുമായി സല്ലപിച്ചും കഥ പറഞ്ഞും പാട്ടു പാടിയും അവർ നിറമുള്ള മുഹൂർത്തങ്ങൾ സമ്മാനിച്ചു. മാനജിംഗ് കമ്മറ്റിയംഗങ്ങളായ ഇ കെ മുഹമ്മദ്, പി ടി ഹാരിസ്, അലക്സ് മാത്യു, കെ കെ സലാം, പി. സജീന, പി.ബി. പ്രബിത മുതലായവർ സംസാരിച്ചു. കുട്ടികളുടെ കലാപരിപാടികൾ ചടങ്ങിന് മാറ്റേകി.
ഷാഹിന കേയക്കണ്ടി, എ കെ സഫ്നിദ, ഷാബിയ, കെ.പി. ജസീന, ദിൻഷ ദിനേശ്, കെ.സി ശിഹാബ്, ഫൈസ് ഹമദാനി, ടി. ഷബീജ്, പി.പി.തസലീന, നസീം പി ഇബ്രാഹിം, എം. നിഷാന , ഇ പി മുൻസില, കെ.പി.മുഹമ്മദലി മുതലായവർ നേതൃത്വം നൽകി.

21/10/2022

Congratulations

13/10/2022

Congratulations -Lp School

13/10/2022

Team KANNOOTTIPPARA IUM- LP SCHOOL താമരശേരി സബ് ജില്ല ശാസ്ത്രോത്സവത്തിൽ പങ്കെടുത്ത ശേഷം…