Government Sec. and Higher Sec. School, Navi Pardi

28/01/2026

🏵️ નિયમિત નિમણૂકના પૂરાં પગારના આદેશો એનાયત 👏🏻👏🏻👏🏻

જિલ્લા શિક્ષણાધિકારીશ્રીની કચેરી, સુરતના સીધા નિયંત્રણ હેઠળની સરકારી માધ્યમિક તથા ઉચ્ચતર માધ્યમિક શાળાઓમાં ફરજ બજાવતા શિક્ષક ભાઈઓ અને બહેનોને આજે માનનીય કલેકટરશ્રી સૌરભ પારઘી સાહેબના વરદ હસ્તે નિયમિત નિમણૂકના પૂરાં પગારના આદેશો એનાયત કરવામાં આવ્યા.

આ ગૌરવપૂર્ણ પ્રસંગે જિલ્લા શિક્ષણાધિકારીશ્રી ડૉ. ભગીરથસિંહ પરમારની પ્રેરક હાજરી હતી.

આપણી સરકારી માધ્યમિક અને ઉચ્ચતર માધ્યમિક શાળા નવી પારડીના 2 સારસ્વત શિક્ષકો શ્રી રાજેશભાઈ જાની અને શ્રી ગોપીબેન પાઠકને આ પ્રસંગે પૂરા પગારમાં સમાવેશ તથા માનનીય સુરત જિલ્લા કલેક્ટરશ્રીના હસ્તે આદેશો મળ્યા.
બંન્ને શિક્ષકમિત્રોને આચાર્યશ્રી ડૉ. સંગીતાબેન કે. મિસ્ત્રી અને સમગ્ર શાળા પરિવાર ખૂબ ખૂબ અભિનંદન સાથે શુભેચ્છાઓ પાઠવે છે . આપ ઉત્તરોતર પ્રગતિ કરો અને આપણી શાળાના વિધાથીર્ઓને ગગનચુંબી સિધ્ધિઓ પ્રાપ્ત કરવા નિમિત્તે બનો એવી આશા.
અભિનંદન.
-*********************-
ડૉ. સંગીતાબેન કે. મિસ્ત્રી
આચાર્ય(વર્ગ-2)
સ. મા અને ઉ. મા શાળા નવીપારડી તા કામરેજ જિ સુરત.
✨📚

28/01/2026

28/01/2026

આજરોજ સરકારી માધ્યમિક અને ઉચ્ચતર માધ્યમિક શાળા, નવી પારડી, તા કામરેજ, જી. સુરત ખાતે માનનીય સુરત જિલ્લા શિક્ષણાધિકારીશ્રી ડૉ. ભગીરથસિંહ પરમાર સાહેબ, શિક્ષણ નિરીક્ષક મીતાબેન ગોસ્વામી તથા મદદનીશ શિક્ષણ નિરીક્ષકો શ્રી દેવરાજભાઈ ઉકાણી અને શ્રી નીતેશભાઈ જોશી દ્વારા શાળાની મુલાકાત લેવામાં આવી હતી.

આ મુલાકાત દરમિયાન શાળાના આચાર્યશ્રી (વર્ગ-2 ) ડૉ.સંગીતાબેન મિસ્ત્રી દ્વારા તમામ મહેમાનોનું ઉમળકાભેર સ્વાગત અને અભિવાદન કરવામાં આવ્યું હતું.

માનનીય જિલ્લા શિક્ષણાધિકારી, સુરત સાહેબે શાળાની કાર્યપદ્ધતિ, શૈક્ષણિક વ્યવસ્થા તથા શાળા પરિસરના શિસ્તબદ્ધ અને સુખદ વાતાવરણથી આનંદ વ્યક્ત કર્યો હતો. સાથે જ આવનાર બોર્ડ પરીક્ષાઓ માટે તમામ વિદ્યાર્થીઓને શુભેચ્છા અને શુભકામનાઓ પાઠવી હતી.

23/01/2026

સરકારી માધ્યમિક અને ઉચ્ચતર માધ્યમિક શાળા, નવી પારડી, તા કામરેજ જિલ્લો સુરત નું ગૌરવ

બેટી બચાવો બેટી પઢાઓ યોજના અંતર્ગત નવી પારડી માધ્યમિક અને ઉચ્ચતર માધ્યમિક શાળાની દીકરીઓનું જિલ્લા કલેકટરશ્રીની કચેરી અને મહિલા અને બાળ અધિકારી, સુરત દ્વારા સન્માન

🌸 રાષ્ટ્રીય બાલિકા દિવસની ઉજવણી,સુરત 🌸

મહિલા અને બાળ વિકાસ વિભાગ, સુરત તથા શિક્ષણ વિભાગના સંયુક્ત ઉપક્રમે
“બેટી બચાવો, બેટી પઢાવો” યોજના અંતર્ગત તા.-22/01/2025ના રોજ જિલ્લા સેવા સદન–૨, સુરત ખાતે રાષ્ટ્રીય બાલિકા દિવસની ઉજવણી કરવામાં આવી.

કાર્યક્રમનું અધ્યક્ષસ્થાન માનનીય કલેક્ટર તથા જિલ્લા મેજિસ્ટ્રેટ, સુરત ડૉ. સૌરભ પારધી સાહેબે શોભાવ્યું હતું. માનનીય કલેક્ટર સાહેબે પોતાના પ્રાસંગિક વક્તવ્યમાં દીકરીઓને શિક્ષણ દ્વારા આત્મનિર્ભર બની સમાજમાં ટોર્ચ બનવા માટે પ્રેરણા આપી.
મહિલા અને બાળ અધિકારી, સુરત શ્રી આર. એન. ગામીત દ્વારા કાર્યક્રમને અનુરૂપ ઉદબોધન કરવામાં આવ્યું.

આ પ્રસંગે ધોરણ 10 અને 12માં ઉત્તમ પ્રદર્શન કરનાર દીકરીઓને પ્રશસ્તિ તથા પ્રોત્સાહક ભેટ આપી સન્માનિત કરવામાં આવી. જેમાં આપણી શાળાની 3 દીકરીઓ 10 માં શ્રેષ્ઠ પ્રદર્શન માટે સન્માનિત કરવામાં આવી. પ્રથમ ક્રમે દિશા ડિમ્પલભાઈ પટેલ, બીજા ક્રમે અંકિતા અશ્વિનભાઈ નાયકા,ત્રીજા ક્રમે આરાધના તુલસીભાઈ પરમાર નું સન્માન કરવામાં આવ્યું. સમગ્ર શાળા પરિવાર તેઓને ખૂબ ખૂબ અભિનંદન પાઠવે છે.

ડૉ. સંગીતાબેન કે. મિસ્ત્રી
ગેઝેટેડ અધિકારી.
(MA,MED,MPhil., Phd, NET in education.,)
ગુજરાત શિક્ષણ સેવા વર્ગ - 2
આચાર્યશ્રી, સરકારી માધ્યમિક અને ઉચ્ચતર માધ્યમિક શાળા નવી પારડી, તા- કામરેજ, જિ- સુરત

✨ બેટી બચાવો, બેટી પઢાવો – સશક્ત દીકરી, સશક્ત ભારત ✨