Kls Khandwala Sar High School

ઉત્સવ પ્રિય ખલુ જના: એવું કાલિદાસે કહ્યું છે અને આપણે પણ ઉત્સવ પ્રિય તેથી આગામી આપણા સૌથી મોટા ઉત્સવ *દિવાળી પર્વ* ને વધાવવા અને શાળાની વિદ્યાર્થીનીઓની કલાની નિખાર આપવા શાળાના ભૂતપૂર્વ વિદ્યાર્થીની મંડળ તરફથી રંગોળી સ્પર્ધાનું આયોજન થયું હતું.જેમાં શાળાની વિદ્યાર્થીનીઓએ ખૂબ જ ઉત્સાહભેર ભાગ લીધો હતો. શાળાના ભૂતપૂર્વ વિદ્યાર્થીની મંડળના સભ્યો તરફથી રંગોળી સ્પર્ધા માટેની તમામ સામગ્રીઓ તેમજ ઇનામો માટે આર્થિક સૌજન્ય પ્રાપ્ત થયું હતું. તેમ જ આ સ્પર્ધા માટે નિર્ણાયક તરીકે પણ આ મંડળને સભ્યોએ જ સુંદર કામગીરી બજાવી હતી. શાળાની પ્રાથમિક, માધ્યમિક અને ઉચ્ચતર માધ્યમિક વિભાગની વિદ્યાર્થીનીઓએ તેમની કલાનું સુંદર પ્રદર્શન કર્યું હતું. જેને નિહાળવા માટે આપ સૌને હાર્દિક આમંત્રણ પાઠવીએ છીએ. આ સુંદર આયોજન માટે શાળાના વહીવટી સમિતિના અધ્યક્ષ શ્રી દેવેન્દ્રભાઈ રંગરેજે ભૂતપૂર્વ વિદ્યાર્થીને મંડળના સભ્યો અને સમગ્ર બાલાજી પરિવારને અભિનંદન પાઠવ્યા છે. *સૌને પ્રકાશના પર્વ દિવાળીની શુભેચ્છાઓ અને નૂતન વર્ષના વહાલ ભર્યા મુબારક!*

*બાલાજી ગર્લ્સમાં વાલીઓનો અભૂતપૂર્વ પ્રતિસાદ વાલી મિટિંગમાં 92% હાજરી*
આજરોજ તારીખ 15/10 /2025 ના રોજ અમારી શાળા શ્રીમતી ક.લ.શં. ખાંડવાળા સાર્વજનિક હાઈસ્કૂલ ફોર ગર્લ્સ માં 9 થી 12 ના તમામ ધોરણનુ *વાલી મીટીંગ તથા ઓપન હાઉસનું* આયોજન કરવામાં આવ્યું હતું. જેમાં બોહળા પ્રમાણમાં 92% જેટલા વાલીઓ હાજર રહ્યા હતા. વાલી મિટિંગમાં શાળાના શિક્ષિકો શ્રીમતી સરલાબેન, શ્રીમતી વૈશાલીબેન, શ્રીમતી તેજલબેન, શ્રી કિશોરભાઈ તથા શ્રી કલ્પેશભાઈ દ્વારા ધોરણ 10 અને ધોરણ 12 ના પરિણામ સુધારા અંગે માર્ગદર્શન પૂરું પાડવામાં આવ્યું હતું તથા આચાર્યાશ્રી ડૉ .ફાલ્ગુની પટેલે બોહળી સંખ્યામાં હાજર રહેલા વાલીઓને આવકાર્યા હતા. શાળાની શૈક્ષણિક સિદ્ધિઓ અને પરિણામ અંગે વાલીઓને અવગત કર્યા હતા. આગામી વર્ષ દરમિયાન શ્રેષ્ઠ પરિણામો માટેના શાળાના સંનિષ્ઠ પ્રયાસો અને સહ અભ્યાસ પ્રવૃત્તિઓ ની જાણકારી આપી હતી. વાલી મિત્રોએ પણ સહકાર આપ્યો હતો. ત્યારબાદ વાલીશ્રીઓને પ્રથમ સામાયિકના તથા એકમ કસોટી ના પેપર બતાવ્યા અને તેમાં સહી કરાવવામાં આવી હતી. ત્યારબાદ શાળાના આચાયૉએ સૌ વાલી મિત્રોને દિવાળીની શુભકામનાઓ પાઠવી.

*બાલાજી ગર્લ્સ શાળા પરિવાર દ્વારા શિક્ષક દિનની અનોખી રીતે ઉજવણી*
નમસ્કાર ! આજરોજ તારીખ 3/9/ 2025 ના રોજ અમારી શાળા શ્રીમતી ક.લ.શં. ખંડવાળા સાર્વજનિક હાઈસ્કૂલ ફોર ગર્લ્સ માં શિક્ષક દિનની અનોખી રીતે ઉજવણી કરવામાં આવી જેમાં વિદ્યાર્થીનીઓએ તમામ શિક્ષકો નો દિવસ દરમિયાન નો કાર્યભાર સંભાળ્યો તથા સેવકભાઈ અને કલાકૅ મિત્રોનો પણ તમામ વિદ્યાર્થીનીઓએ જ કાર્યભાર સંભાળ્યો તથા વિશિષ્ટ શાળાના આચાયૉ ડૉ. ફાલ્ગુનીબેન પટેલ દ્વારા તમામ શિક્ષકો, સેવક ભાઈઓ તથા વ્યવસાયલક્ષી શિક્ષકો તથા સફાઈ કામદાર બહેનો ને પણ ટ્રોફી અને સ્મૃતિ ભેટ આપી સન્માનિત કરવામાં આવ્યા. આ રીતે ઉજવણી તો કોઈ અનોખી શાળામાં જ કરવામાં આવે જે છે બાલાજી ગર્લ્સ હાઇ સ્કૂલ.શાળાના આચાર્યશ્રીએ પોતાના વક્તવ્યમાં વિદ્યાર્થીનીઓને શિક્ષકોનું જીવનમાં અદકેરુ મહત્વ સમજાવ્યું અને મારા શિક્ષકો મારું સ્વાભિમાન એવું કહી શિક્ષકો પ્રત્યે કૃતજ્ઞતા વ્યક્ત કરી અને શાળાની સિદ્ધિ માટે શિક્ષકો જ મુખ્ય ભૂમિકા ભજવે છે ઉભાર પૂર્વક જણાવ્યું.તથા શાળાના શિક્ષક શ્રીમતી સરલાબેન ચૌધરી તથા કિશોરભાઈ પટેલે નિર્ણાયક તરીકેની કપરી ભૂમિકા ભજવી હતી. અને શ્રીમતી નયનાબેન પીઠડીયાએ આ કાર્યક્રમનું આયોજન કર્યું હતું. તથા સમગ્ર કાર્યક્રમનું સંચાલન વિદ્યાર્થીનીઓ દ્વારા સફળતાપૂર્વક કરવામાં આવ્યું. શાળાના આચાયૉ.ડૉ. ફાલ્ગુનીબેન પટેલ દ્વારા તમામ કાર્યક્રમનું માર્ગદર્શન આપવામાં આવ્યું હતું.

નમસ્કાર!
આજરોજ તારીખ 2 /9/2025 અમારી શાળા શ્રીમતી ક.લ.શં. ખાંડવાળા સાર્વજનિક હાઈસ્કૂલ ફોર ગર્લ્સ માં *ગણપતિ બાપાને અશ્રુભીની આંખે ભાવભરી વિદાય*
આજે આધુનિક ટેકનોલોજી અને AIના સમયમાં વિદ્યાર્થીનીઓમાં ધર્મ પ્રત્યે પ્રીતિ વધે ભારતીય સંસ્કારોનું સંવર્ધન થાય તે હેતુસર અનોખી રીતે ગણેશોત્સવનું આયોજન થયું હતું. અને આજે સાત દિવસ બાદ અત્યંત ભાવપૂર્વક ગણપતિ દાદાને 108 દિવાની આરતી અને થાળ સાથે પૂજા વિધિ કર્યા બાદ શાસ્ત્રોક્ત રીતે ગણપતિદાદાને ભારે હૃદયે આંખમાં અશ્રુ સાથે વિદાય આપવામાં આવી. સાથે પર્યાવરણ ની સુરક્ષાના હેતુસર માટીની બનાવેલી મૂર્તિનું વિસર્જન શાળાના પરિસરમાં જ કરવામાં આવ્યું. અને વિદ્યાર્થીનીઓને સર્જન અને વિસર્જન નો ભાવાર્થ સ્પષ્ટ કરવામાં આવ્યો. ગણપતિ બાપા મોરિયા ફુરચા વરસી લવ કરીયાના નારા સાથે સમગ્ર વાતાવરણ ગુંજી ઉઠ્યું હતું. આ સમગ્ર આયોજન ઉચ્ચતર માધ્યમિક વિભાગના શિક્ષિકા શ્રીમતી મનીષાબેન બેડસે દ્વારા કરવામાં આવ્યું હતું. અને આ કાર્યક્રમ શાળાના આચાર્યા ડૉ. ફાલ્ગુનીબેન પટેલ ના માર્ગદર્શન હેઠળ થયું હતું.

*શાળાનું નામ:-શ્રીમતી ક.લ.શં. ખાંડવાળા સાર્વજનિક હાઈસ્કૂલ ફોર ગર્લ્સ.*
"આપણી શાળા-આપણુ સ્વાભિમાન" અંતર્ગત તારીખ.1/9/2025 ને સોમવારના રોજ અમારી શાળાની પ્રાર્થના સભામાં બપોરે 12 : 20 કલાકે શાળાના હિતમાં વિદ્યાર્થીનીઓ પાસે સંકલ્પો લેવડાવવામાં આવ્યા હતા. આ સંકલ્પો વિદ્યાર્થીનીઓની શાળા પ્રત્યે નિષ્ઠા, પ્રતિબધદ્ધતા વધે એવી અપેક્ષા શાળા પરિવાર તરફથી રાખવામાં આવી હતી તથા શાળા એ સરસ્વતીનું મંદિર છે અને બાળકના ચરિત્ર ઘડતર અને કારકિર્દી સ્થાપિત કરવા માટે નું પ્રથમ પગથિયું છે વ્યક્તિ જીવનમાં સફળતાની કેટલીય ઊંચી સીડી પ્રાપ્ત કરે પ્રાપ્ત કરે પરંતુ તે પોતાની શાળાને કદી ભૂલતો નથી તેથી શાળા પ્રત્યે એક અલગ ભાવ એક અલગ લાગણી વિદ્યાર્થીનીઓ સાથે જોડાયેલ રહે તેવા હેતુસર "મારી શાળા-મારું સ્વાભિમાન" એ મિશન માટે સૌને કટિબદ્ધ કરવામાં આવ્યા.શાળાના શિક્ષક શ્રીમતી સરલાબેન ચૌધરી એ વિદ્યાર્થીનીઓ પાસે સંકલ્પ લેવડાવ્યા હતા. આ કાર્યક્રમ શાળાના આચાર્યા ડૉ. ફાલ્ગુનીબેન પટેલના માર્ગદર્શન હેઠળ કરવામાં આવ્યો હતો.

તારીખ 1/9/2025 ના રોજ અમારી શાળા શ્રીમતી ક.લ.શં. ખાંડવાળા સાર્વજનિક હાઈસ્કૂલ ફોર ગર્લ્સ માં ગણેશોત્સવ નિમિત્તે 56 ભોગ નું આયોજન કરવામાં આવ્યું હતું.જેમાં પ્રસાદ માટે ધોરણ 9 થી 12 ની વિદ્યાર્થીનીઓ અને શાળાના સ્ટાફ મિત્રો દ્વારા વિવિધ વાનગીઓ ધરાવવામાં આવી હતી. અત્યંત ભક્તિ, ભાવપૂર્વક આરતી થાળ દ્વારા આ સુંદર આયોજન કરવામાં આવ્યું હતું. અને આ સંપૂર્ણ સમગ્ર કાર્યક્રમ ઉચ્ચતર માધ્યમિક વિભાગના શિક્ષિકા મનીષાબેન બેડસેએ ખૂબ જ ઉત્સાહપૂર્વક જોડાયા હતા. અને વિદ્યાર્થીનીઓમાં ભક્તિરસ નો પદાપણૅ પણ કર્યું હતું. આ સમગ્ર કાર્યક્રમ શાળાના આચાર્યા ડૉ. ફાલ્ગુનીબેન પટેલના માર્ગદર્શન હેઠળ યોજવામાં આવ્યો હતો.

થીમ બેઝ એસેમ્બલી...
થીમ ‌:-શ્રાવણ માસ..

SGFI અંતર્ગત અંડર 17 અને અંડર 19 ખોખોમાં પ્રથમ ક્રમે વિજેતા બાલાજી ગર્લ્સ..

મેડિકલ ચેકઅપ..