Maharshi astik sarvajanik high school Godadara,Surat,Gujarat

SSC 2025-26 પરિણામ

મહર્ષિ આસ્તિક સાર્વજનિક હાઈસ્કૂલમાં ‘ક્રાઇમ અવેરનેસ’ સેમિનારનું આયોજન
સુરત: તારીખ 28/01/2026, બુધવારના રોજ ગોડાદરા પોલીસ સ્ટેશન દ્વારા મહર્ષિ આસ્તિક સાર્વજનિક હાઈસ્કૂલ ખાતે વિદ્યાર્થીઓમાં કાયદાકીય જાગૃતિ લાવવાના હેતુથી એક વિશેષ સેમિનારનું સુંદર આયોજન કરવામાં આવ્યું હતું.
કાર્યક્રમની શરૂઆતમાં શાળાની વિદ્યાર્થીનીઓ દ્વારા ઉપસ્થિત પોલીસ અધિકારીઓનું પુષ્પગુચ્છ આપી ભાવભર્યું સ્વાગત કરવામાં આવ્યું હતું. સમગ્ર કાર્યક્રમનું સંચાલન અને એન્કરિંગ કાજલબેન ગામીત દ્વારા કરવામાં આવ્યું હતું. આ પ્રસંગે શાળાના આચાર્ય શ્રી જયેશભાઇ તથા સમગ્ર શિક્ષકગણ ઉપસ્થિત રહી વિદ્યાર્થીઓનો ઉત્સાહ વધાર્યો હતો.

ધોરણ 9 થી 12 ના વિદ્યાર્થીઓને વર્તમાન સમયમાં વધતા જતા ગુનાઓ અને તેનાથી બચવાના ઉપાયો વિશે પોલીસ વિભાગના અધિકારીઓ દ્વારા ઊંડાણપૂર્વક સમજણ આપવામાં આવી હતી:
ASI ઇલાબેન: તેમણે કિશોરાવસ્થામાં થતી ભૂલો અને નાની ઉંમરે અજાણતામાં થઈ જતા ગુનાઓ (Juvenile Delinquency) વિશે વાત કરી, વિદ્યાર્થીઓને સાચા માર્ગે ચાલવા પ્રોત્સાહિત કર્યા.
હેડ કોન્સ્ટેબલ દમયંતીબેન: તેમણે અત્યંત સંવેદનશીલ વિષયો જેવા કે 'ગુડ ટચ અને બેડ ટચ' વિશે માર્ગદર્શન આપ્યું. આ ઉપરાંત, સોશિયલ મીડિયાના માધ્યમથી થતા ગુનાઓ અને 'પોક્સો' (POCSO) એક્ટ વિશે વિગતવાર માહિતી આપી કાયદાકીય રક્ષણની સમજ આપી હતી. તેમણે તાકીદના સમયે ઉપયોગી એવા હેલ્પલાઇન નંબરોની જાણકારી પણ પૂરી પાડી હતી.
કોન્સ્ટેબલ અજીતભાઈ: તેમણે ડિજિટલ યુગમાં વધતા સાયબર ક્રાઇમ વિશે વિદ્યાર્થીઓને જાગૃત કર્યા અને ઓનલાઇન છેતરપિંડીથી કેવી રીતે બચવું તેના વિશે મહત્ત્વની ટિપ્સ આપી હતી.

કાર્યક્રમના અંતે, વિદ્યાર્થીઓને સુરક્ષા અને કાયદાનું ભાથું પીરસવા બદલ શાળા પરિવાર વતી આચાર્યશ્રી અને શિક્ષકોએ પોલીસ ટીમનો હૃદયપૂર્વક આભાર વ્યક્ત કર્યો હતો. આ સેમિનાર વિદ્યાર્થીઓ માટે ખૂબ જ શૈક્ષણિક અને સુરક્ષાની દ્રષ્ટિએ પ્રેરણાદાયી રહ્યો હતો.

મહર્ષિ આસ્તિક સાર્વજનિક હાઈસ્કૂલમાં 77માં પ્રજાસત્તાક દિનની ભવ્ય ઉજવણી
તારીખ: 26 જાન્યુઆરી, 2026
સ્થળ: મહર્ષિ આસ્તિક સાર્વજનિક હાઈસ્કૂલનું પટાંગણ
ખાતે 77માં પ્રજાસત્તાક પર્વની ખૂબ જ ઉત્સાહ અને દેશભક્તિના માહોલમાં ઉજવણી કરવામાં આવી હતી. આ પ્રસંગે શાળા પરિવાર, ટ્રસ્ટી મંડળ અને ગ્રામજનો મોટી સંખ્યામાં ઉપસ્થિત રહ્યા હતા.

કાર્યક્રમના મુખ્ય મહેમાન તરીકે ધોરણ-12માં પ્રથમ ક્રમે ઉત્તીર્ણ થયેલ તેજસ્વી વિદ્યાર્થી પરદેશી રોશન ઉપસ્થિત રહ્યા હતા. મંચ પર શાળાના પ્રમુખશ્રી ગંભીરસિંહ ડોડીયા, ઉપપ્રમુખશ્રી કાંતિભાઈ પટેલ, મંત્રીશ્રી હસમુખભાઇ પટેલ તેમજ ટ્રસ્ટી ગણ બિરાજમાન હતા.

શાળાના આચાર્યશ્રી જયેશભાઈ પરમાર દ્વારા પ્રાસંગિક વક્તવ્ય સાથે તમામ મહેમાનોનું શાબ્દિક સ્વાગત કરવામાં આવ્યું હતું. ત્યારબાદ પ્રમુખશ્રી, મંત્રીશ્રી અને ટ્રસ્ટી ગણને પુષ્પગુચ્છ આપી ભાવભીનું સન્માન કરવામાં આવ્યું હતું.

* મુખ્ય મહેમાન પરદેશી રોશન: તેમણે વિદ્યાર્થીઓને પરીક્ષામાં સારા ટકા કેવી રીતે મેળવી શકાય તેની સચોટ સમજૂતી આપી હતી. પોતાના અનુભવો શેર કરી તેમણે અન્ય વિદ્યાર્થીઓને પ્રોત્સાહિત કર્યા હતા.

* શાળાના પ્રમુખશ્રી ગંભીરસિંહ ડોડીયાએ પોતાના વક્તવ્યમાં દેશભક્તિનું મહત્વ સમજાવી વિદ્યાર્થીઓને ઉજ્જવળ ભવિષ્ય માટે આશીર્વચન પાઠવ્યા હતા.

સાંસ્કૃતિક કાર્યક્રમો
પ્રાથમિક વિભાગના નાના ભૂલકાઓએ વિવિધ કૃતિઓ રજૂ કરીને રાષ્ટ્રભાવના ઉજાગર કરી હતી. એકથી એક ચડિયાતી કૃતિઓ અને દેશભક્તિના ગીતો પરના નૃત્યોએ ઉપસ્થિત તમામ પ્રેક્ષકોને મંત્રમુગ્ધ કરી દીધા હતા.

સમગ્ર કાર્યક્રમનું સુંદર એન્કરિંગ અને સંચાલન શાળાના શિક્ષિકા બહેનો કાજલબેન ગામીત અને ફાલ્ગુનીબેન ચૌધરી દ્વારા કરવામાં આવ્યું હતું.
કાર્યક્રમના અંતે પ્રાથમિક વિભાગના આચાર્યશ્રી જયેશભાઇ પટેલ એ આ કાર્યક્રમને સફળ બનાવવા બદલ સૌનો આભાર માન્યો હતો.

ધોરણ 10 ના વિધાર્થીઓ માટે માર્ગદર્શન શિબિર

જિલ્લા કક્ષાના બાળ વૈજ્ઞાનિક પ્રદર્શન 2025માં મહર્ષિ આસ્તિક શાળાનું પ્રદર્શન

જિલ્લા શિક્ષણ અને તાલીમ ભવન, સુરત ખાતે તા. 8 થી 10 ડિસેમ્બર 2025 દરમિયાન આયોજિત **સુરત જિલ્લા કક્ષાના બાળ વૈજ્ઞાનિક પ્રદર્શન**માં મહર્ષિ આસ્તિક સાર્વજનિક હાઈસ્કૂલ, ગોડાદરા એ પોતાની પ્રતિભાનો પરિચય આપ્યો!

**SVS કક્ષાના વિજેતા **, ધોરણ 11 (A) ના બે તેજસ્વી વિદ્યાર્થીઓ:

- *કાર નીલ જીગ્નેશભાઈ*
- *જીંજાળા જયદીપ વલ્લભભાઈ*

એ "વિકસિત નવીન ટેકનોલોજી" વિષય હેઠળ **સ્માર્ટ રોડ** પર આધારીત કૃતિ રજૂ કરી અને જિલ્લા કક્ષાએ શાળાનું ગૌરવપૂર્વક પ્રતિનિધિત્વ કર્યું.

આ સફળતાના પાયામાં રહેલા માર્ગદર્શક વિજ્ઞાન શિક્ષકો:
- *શ્રી જીગ્રેશભાઈ પ્રજાપતિ*
- *શ્રીમતી અર્ચનાબેન સોલંકી*
- *શ્રીમતી શીલાબેન મિસ્ત્રી*
એ વિદ્યાર્થીઓને દિશા, પ્રેરણા અને વૈજ્ઞાનિક દ્રષ્ટિકોણથી સમૃદ્ધ માર્ગદર્શન આપ્યું.

શાળાના આચાર્ય **શ્રી જયેશભાઈ પરમાર**, પ્રમુખશ્રી, મંત્રીશ્રી તથા સમગ્ર શાળા પરિવાર તરફથી વિજેતા વિદ્યાર્થીઓ અને માર્ગદર્શક શિક્ષકોને હાર્દિક અભિનંદન પાઠવવામાં આવે છે.

ચિત્રકલામાં વિજેતા

https://youtu.be/FEG2k-yqgNE

મહર્ષિ આસ્તિક હાઈસ્કૂલનું આંતરરાષ્ટ્રીય કલા મંચ પર ગૌરવશાળી પ્રદર્શન Enjoy the videos and music you love, upload original content, and share it all with friends, family, and the world on YouTube.

https://youtu.be/dJuOasqbjWA

મહર્ષિ આસ્તિક હાઈસ્કૂલનું આંતરરાષ્ટ્રીય કલા મંચ પર ગૌરવશાળી પ્રદર્શન

રંગોત્સવ સેલિબ્રેશન દ્વારા આંતરરાષ્ટ્રીય સ્તરની કલા સ્પર્ધામાં શાળાના વિદ્યાર્થીઓને અભિનંદન!

મહર્ષિ આસ્તિક સાર્વજનિક હાઈસ્કૂલ ગોડાદરા, સુરતનું ગૌરવશાળી પ્રદર્શન

તાજેતરમાં રંગોત્સવ સેલિબ્રેશન દ્વારા આયોજિત રાષ્ટ્રીય સ્તરની કલા સ્પર્ધામાં મહર્ષિ આસ્તિક સાર્વજનિક હાઈસ્કૂલ, ગોડાદરાના વિદ્યાર્થીઓએ સુંદર પ્રદર્શન કરીને શાળા અને સમગ્ર સુરત શહેરનું ગૌરવ વધાર્યું છે.
શાળાના કુલ 154 વિદ્યાર્થીઓએ આ પ્રતિષ્ઠિત સ્પર્ધામાં ભાગ લીધો હતો. આ ઉત્કૃષ્ટ પ્રદર્શનના પરિણામે, તેમાંથી 53 વિદ્યાર્થીઓની પ્રથમ રાષ્ટ્રીય કક્ષાની સ્પર્ધા માટે પસંદગી કરવામાં આવી હતી, અને હવે આ તમામ 53 વિદ્યાર્થીઓ આંતરરાષ્ટ્રીય કલા સ્પર્ધા માટે પસંદગી પામીને શાળાની કીર્તિને વૈશ્વિક ફલક પર લઈ જશે.

મુખ્ય વિજેતાઓ અને તેમની સિદ્ધિઓ:
પ્રાચી મુકેશ શેટ્ટે ધોરણ 9અ કલરિંગ કોમ્પિટિશન કેમલ કલરિંગ કીટ વિથ ગોલ્ડ મેડલ પ્રાપ્ત થયો.
ચુનારા ઊર્મિ સંજય ધોરણ 12 બ સ્કેચિંગ કોમ્પિટિશનમાં ફાઇવ સ્ટાર બ્રિલિયન્ટ આર્ટ એવોર્ડ,વિથ સિલ્વર મેડલ પ્રાપ્ત થયો છે
જાન્વી આંનદભાઇ મોરે ધોરણ 9બ હેન્ડરાઈટિંગ કોમ્પિટિશનમાં આર્ટ મેરિટ એવોર્ડ અને ટ્રોફી પ્રાપ્ત થયાં છે
અન્ય મહત્વપૂર્ણ સિદ્ધિઓમાં

નેશનલ ગોલ્ડ મેડલ એવોર્ડ 28 વિદ્યાર્થીઓ ને પ્રાપ્ત થયાં
નેશનલ સિલ્વર મેડલ એવોર્ડ 15 વિદ્યાર્થીઓને પ્રાપ્ત થયો અને
નેશનલ બ્રોન્ઝ મેડલ એવોર્ડ 9 વિદ્યાર્થીઓ ને પ્રાપ્ત થયાં છે

આ ભવ્ય સફળતા બદલ રંગોત્સવ સેલિબ્રેશનના ચેરમેન અને ફાઉન્ડર, શ્રી જગદીશચંદ્ર દાતેએ શાળાના આચાર્ય, સમર્પિત શિક્ષકગણ અને વિદ્યાર્થીઓના વાલીઓને હાર્દિક અભિનંદન પાઠવ્યા હતા અને તેમની અથાગ મહેનતને બિરદાવી હતી.

શાળાના પ્રિન્સિપાલ શ્રી જયેશભાઇ પરમાર અને ટ્રસ્ટીગણનો આભાર વ્યક્ત કરવામાં આવ્યો હતો.
ખાસ કરીને, શાળાના આર્ટ ટીચર શ્રી હેતલકુમાર પટેલના વિશેષ પ્રયત્નોની સરાહના કરવામાં આવી હતી

આચાર્યશ્રીનો સંદેશ:
"આ સફળતા અમારા વિદ્યાર્થીઓની મહેનત, શિક્ષકોના માર્ગદર્શન અને વાલીઓના સહયોગનું પરિણામ છે. આંતરરાષ્ટ્રીય સ્તરે જઈને તેઓ શાળાનું નામ વધુ રોશન કરશે તેવી અમને પૂરી આશા છે."

વિદ્યાર્થીઓની સિદ્ધિઓ ઉપરાંત, શાળાએ શિક્ષણ અને કલા ક્ષેત્રે પણ વિશેષ સન્માન મેળવ્યું છે:
શાળાને એક્ટિવિટી એક્સેલેન્સ એવોર્ડ થી નવાજવામાં આવ્યા.
ચિત્ર શિક્ષકને કલાના ઉત્કૃષ્ટ યોગદાન બદલ રેને મેગ્રીટ એવોર્ડ એનાયત.
આચાર્યશ્રીને શ્રી જયેશભાઈ પરમારને ઉત્તમ નેતૃત્વ બદલ લીડરશીપ એજ્યુકેશન એવોર્ડ એનાયત કરવામાં આવ્યા છે.

આંતરરાષ્ટ્રીય સ્પર્ધામાં પણ વિદ્યાર્થીઓ આ જ ઉત્સાહ સાથે ભાગ લે અને વધુ સિદ્ધિઓ મેળવે તેવી શાળાના આચાર્યશ્રી,શાળાના પ્રમુખશ્રી, મંત્રીશ્રી, ટ્રસ્ટીશ્રી તેમજ સમગ્ર શાળા પરિવારે શાળાના વિદ્યાર્થીઓને આ ઉત્કૃષ્ટ પ્રદર્શન બદલ હૃદયપૂર્વકની શુભેચ્છાઓ પાઠવી છે.