Shree Vishnuprasad Trivedi Primary School

🎉 શિક્ષક દિવસ – ૨૦૨૫
📍 શ્રી વિષ્ણુપ્રસાદ ત્રિવેદી પ્રાથમિક શાળા - ૦૨

“શિક્ષક કેવળ પાઠ નહીં ભણે... જીવન જીવવાનું શીખવે.”

શિક્ષક દિવસ નિમિત્તે આજે અમારી શાળામાં એક ખાસ અને ભાવનાત્મક ઉજવણી કરવામાં આવી. દિવસની સૌથી અનોખી વાત એ રહી કે વિદ્યાર્થીઓએ પોતે શિક્ષક બનીને વર્ગો સંભાળ્યા! 👩‍🏫👨‍🏫

🔸 વિદ્યાર્થીઓએ પોતાના મનગમતા શિક્ષકોની ભૂમિકા ભજવી. બાળપણ આજે કલમ અને વિચારથી ખુલ્લા આકાશમાં ઉડાન ભરતા જોઈ શકાયું. વિદ્યાર્થીઓએ જાતે પાઠશાળાનું વાતાવરણ સંભાળ્યું અને શિક્ષકના રૂપમાં ધૈર્ય, સમજદારી અને જવાબદારીનું સુંદર પ્રદર્શન કર્યું.

🔹 આ અનુભવ દ્વારા દરેક બાળકના મનમાં શિક્ષક માટેનો આદર અને પ્રેમ વધુ ઊંડો થયો. શિક્ષક બનીને તેઓએ સમજ્યું કે "શિક્ષક હોવું એ મોટું કામ છે – તે પ્રેમ, શિસ્ત અને સમર્પણથી ભરેલું કાર્ય છે."

🌺 આજે વિદ્યાર્થીઓ શિક્ષક બન્યા અને શિક્ષકના હૃદય સુધી પહોંચી ગયા.

💐 અમારી શાળાના તમામ અદ્દભૂત શિક્ષકોને “શિક્ષક દિવસ” નિમિત્તે હાર્દિક અભિનંદન અને ધન્યવાદ.

📸 અમારી આજેની ખાસ ક્ષણોને તસવીરોમાં ઝલકાવી રહ્યાં છીએ – એક દિવસ, અનેક યાદો...

Various Activities for the awareness about Paris Olympics 2024

આપણા સૌને વહાલી એવી શ્રી વિષ્ણુપ્રસાદ ત્રિવેદી પ્રાથમિક શાળા ક્રમાંક - 02 ખાતે યોજાઈ શાળા પંચાયતની ચૂંટણી.

આપણા દેશના લોકશાહી પર્વ એટલે કે ચૂંટણી અંગે વિદ્યાર્થીઓમાં જાગૃતતા ફેલાય એ અભિગમ સાથે શાળા પંચાયતની ચૂંટણીનું આયોજન કરવામાં આવ્યું.
આ ચૂંટણીમાં ધોરણ 3 થી 8 ના બાળકોએ બેલેટ પેપર દ્વારા ઉત્સાહપૂર્વક મતદાન કર્યું. શાળાના આચાર્યશ્રી તેમજ તમામ શિક્ષકો દ્વારા પણ મતદાન કરવામાં આવ્યું.

બાળ સાંસદમાં મહામંત્રી તરીકે 4 તેમજ ઉપમંત્રી તરીકે 5 ઉમેદવારો ઊભા રહ્યા હતા. દરેક ઉમેદવારોએ વિદ્યાર્થી તેમજ શિક્ષકોને જણાવ્યું કે પોતે શાળાના વિકાસ માટે શું કરવા માંગે છે.

મત ગણતરી કરવામાં આવી. મહામંત્રી તેમજ ઉપમંત્રી તરીકે વિજેતા થનાર વિદ્યાર્થી મિત્રોના નામ જાહેર કરવામાં આવ્યા. ત્યારબાદ વિવિધ સમિતિઓની પણ રચના કરવામા આવી.

આમ, ઉમેદવારી નોંધાવવી, ચૂંટણી પ્રચાર, મતદાન, મત ગણતરી તેમજ પરિણામ - આ તમામ પાસાઓથી વિદ્યાર્થીઓને અવગત કરવા માટે તેમજ વિદ્યાર્થીઓમાં લીડરશીપના ગુણ નો વિકાસ કરવા માટે શાળા પંચાયતની ચૂંટણીનું સુપેરે આયોજન થયું. આ પ્રક્રિયા દરમિયાન ઉપરોક્ત તમામ હેતુઓ સારી રીતે સિદ્ધ થયા.

આપણા સૌની માનીતી શ્રી વિષ્ણુ પ્રસાદ ત્રિવેદી પ્રાથમિક શાળા ક્રમાંક - 2 આજે બધા વર્તમાન પત્ર ના પહેલા પાના ઉપર ચમકી ઉઠી છે. આ સિદ્ધિનો યશ સૌ શિક્ષકો, વિદ્યાર્થીઓ તેમજ વહાલા વાલી ગણને જાય છે.
આ જ રીતે આપણે સૌ ભેગા મળીને શાળાની પ્રગતિ માટે હર હંમેશ સહિયારો પ્રયાસ કરતા રહીએ.