Jamia Ahle Hadees Pahlipora

اگرچہ مساجد اور دیگر رفاہی و دینی امور میں اہلِ ایمان ہمیشہ پیش پیش رہتے ہیں، تاہم عید جیسے مقدس اور بابرکت موقع پر مستحقین اور ضرورت مند افراد کی توقعات اہلِ خیر سے مزید وابستہ ہو جاتی ہیں۔

لہٰذا آپ تمام معزز بھائیوں اور بہنوں سے مؤدبانہ گزارش ہے کہ اپنی مسجد اور اہلِ حاجت افراد کا خصوصی طور پر خیال رکھیں۔

بارک اللہ فیکم جمیعاً

بلند پایہ مالکی فقیہ اور محدث امام ابو المطرف القَنَازعى القرطبى رحمه الله فرماتے ہیں :

”میں نے ایک عید مصر میں کی۔ لوگ نمازِ عید کے بعد اپنے اپنے اہتمامات کو چل دییے اور میں دریائے نیل پر آ بیٹھا۔ میرے پاس کھانے کو کچھ نہیں تھا، سوائے ترمُس (beans کی ایک قسم) کے جو رومال میں باندھ رکھے تھے۔ میں دریا کے کنارے بیٹھ کر ترمس کھانے لگ گیا اور اس کے چھلکے نیچے ڈھلوان کی جانب پھینکتا رہا۔ دل میں کہہ رہا تھا، بھلا آج مصر میں مجھ سے بھی زیادہ کسمپرسی کی عید کسی کی ہو گی؟! جب میں نے اپنی سوچوں سے سر اٹھایا تو دیکھا، ایک شخص میرے پھینکے گئے چھلکے اٹھا کر کھا رہا ہے۔ میں سمجھ گیا کہ یہ اللہ کی طرف سے تنبیہ ہے، اور فوراً اللہ کا شکر بجا لایا۔“

(المغرب في حلى المغرب لابن سعيد المغربي : 171/1)

قاضی علی بن عبدالعزيز الجرجانی رحمہ اللہ (٣٩٢ھ) کے اشعار ہیں :

وَلَمْ أَبْتَذِلْ فِي خِدْمَةِ الْعِلْمِ مُهْجَتِي
لِأَخْدُمَ مَنْ لَاقَيْت لَكِنْ لِأُخْدَمَا

میں نے علم کی خاطر اپنا خونِ دل اس لیے نہیں راکھ کیا تھا کہ دوسروں کی چاکری کرنے لگوں، بلکہ اس لیے کہ دوسرے میرے پاس آئیں۔

أَأَشْقَى بِهِ غَرْسًا وَأَجْنِيهِ ذِلَّةً
إذًا فَاتِّبَاعُ الْجَهْلِ قَدْ كَانَ أَحْزَمَا

کیا میں نے علم کا بیج بونے میں اس لیے جان کھپائی کہ ذلت کا پودا کاشت کروں؟! پھر تو جاہل رہ جانا بہت عقل مندی کا فیصلہ تھا۔

وَلَوْ أَنَّ أَهْلَ الْعِلْمِ صَانُوهُ صَانَهُمْ
وَلَوْ عَظَّمُوهُ فِي النُّفُوسِ لَعُظِّمَا

اگر اہلِ علم اس علم کی حفاظت کرتے تو یہ ان کی حفاظت کرتا، اور اگر اہلِ علم دلوں میں اس کی عظمت بٹھاتے تو بیٹھ جاتی!

وَلَكِنْ أَهَانُوهُ فَهَانَ وَدَنَّسُوا
مُحَيَّاهُ بِالْأَطْمَاعِ حَتَّى تَجَهَّم

مگر انہوں نے خود علم کو رُسوا کیا سو وہ ہو گیا، اور انہوں نے علم کے حسین مکھڑے کو دنیا کی لالچ مَل مَل کر بدنما کر دیا۔

(أدب الدنيا والدين للماوردي : ٨٣)

Please be informed of tonight's offline tafseer class
Sunday,24 May 2026
Venue: Jamia Ahle Hadees Pahlipora
Timings: Namaz e Maghrib onwards

امام زہری رحمہ اللہ فرماتے ہیں : ”علم اور اہلِ علم کی توہین ہے کہ استاد کو پڑھانے کیلیے گھر بلایا جائے۔“

(مسند المؤطا للجوهري : ١١٢)

بخاری کے گورنر نے امام بخاری رحمہ اللہ کو پیغام بھیجا کہ میرے پاس تشریف لائیں تاکہ میں آپ کی کتابیں سنوں۔ امام صاحب نے قاصد سے فرمایا : ”میں علم کو ذلیل نہیں کرتا کہ لوگوں کے دروازوں پر لے جاؤں۔ اگر آپ کو ضرورت ہے تو میرے گھر یا میری مجلس میں آ جانا۔“

(تاريخ بغداد : ٣٤٠/٢)

We would like to inform you that the schedule for the Eid-ul-Adha prayers is as follows:

For Males only : 7:30 Am

For Females only : 8:30 Am

From the administration of Jamia Ahle Hadees Pahlipora

”بعض اوقات انسان اپنے رب کے شوق میں بے طرح تڑپنے لگتا ہے اور اس تڑپ کا مداوا کرنے کیلیے حج و عمرہ کے علاوہ کوئی راستہ نہیں ہوتا۔“

(حجة الله البالغة للدهلوي : ١٤٢)