14/06/2025
*SFI चे १९ वे सोलापूर जिल्हा अधिवेशन उत्साहात संपन्न*
सोलापूर (ता. १३) : स्टुडंट्स फेडरेशन ऑफ इंडिया (एसएफआय) चे १९ वे सोलापूर जिल्हा अधिवेशन काल शुक्रवार दिनांक १३ जून २०२५ रोजी एसएफआय कार्यालय समाज मंदिर, दत्त नगर सोलापूर येथे संपन्न झाले. अधिवेशनाची सुरुवात एसएफआयचा स्वतंत्र, लोकशाही, समाजवाद हा झेंडा फडकावून व डॉ. बाबासाहेब आंबेडकर यांना अभिवादन करून झाली.
अधिवेशनाचे उद्घाटन एसएफआयचे राज्य सचिव सोमनाथ निर्मळ यांनी संबोधित केले तर अधिवेशन उद्घाटन सत्राच्या अध्यक्षस्थानी अतुल फसाले होते. प्रास्ताविक मल्लेशम कारमपुरी आणि सूत्रसंचालन राहुल जाधव यांनी केले.
अधिवेशनाच्या प्रतिनिधी सत्रात संघटनेचा कार्यात्मक, संघटनात्मक, आंदोलनात्मक आणि शैक्षणिक परिस्थितीचा आढावा घेणारा अहवाल मांडण्यात आला. त्याआधी शोक ठराव घेऊन आदरांजली वाहण्यात आली. अधिवेशनात वेगवेगळे ठराव पारित करण्यात आले. नवीन शैक्षणिक धोरण २०२० रद्द करा, मराठी शाळा बंदी व शाळा दत्तक योजनेच्या विरोधात लढा तीव्र करा, विद्यार्थिनी व महिला अत्याचार विरोधी लढा तीव्र करा असे तीन ठराव एकमताने या अधिवेशनात पारित करण्यात आले. आणि जिल्हा अधिवेशनात १० वी आणि १२ वी परीक्षा पास झालेल्या ६ विद्यार्थिनी आणि विद्यार्थ्यांचा सत्कार करण्यात आले.
या अधिवेशनाने एसएफआयची ११ सदस्यांची नवीन जिल्हा कमिटीची निवड केली. यामध्ये *एसएफआयचे नवनिर्वाचित जिल्हा अध्यक्ष म्हणून अतुल फसाले आणि जिल्हा सचिव म्हणून मल्लेशम कारमपुरी यांची एकमताने निवड करण्यात आली. जिल्हा उपाध्यक्षपदी विजय साबळे तसेच जिल्हा सहसचिवपदी श्रुतिका बल्ला यांची निवड करण्यात आली. जिल्हा कमिटी सदस्य म्हणून तौसिद कोरबु, प्रतीक जाधव, मुजीब शेख, अफान मुल्ला, महेश गुंडला, अमोल गुंडू, शुभम अलदर यांची निवड* करण्यात आली आहे.
या अधिवेशनात राहुल जाधव, विश्वजीत बिराजदार, दत्ता हजारे, अनिल बोगा, रोहित सावळगी, प्रशांत आडम, प्रिया कीर्तने, नेहा वाघमोडे, उमेश पांढरे, रोहित धोत्रे, सोनाली कुंभार आदी निवृत्त घेतले असून अधिवेशन समारोप प्रसंगी माजी जिल्हा सहसचिव राहुल जाधव यांनी मनोगत व्यक्त केले.
नवनिर्वाचित जिल्हा सचिव यांनी मनोगत व्यक्त केले. आणि जिल्हा अध्यक्ष अतुल फसाले यांनी समारोप केले. 'हम होंगे कामयाब' या गीताने अधिवेशनाचा सांगता करण्यात आली.
•••
