https://www.facebook.com/100575692731633/

Smt.Nirmalatai Thokal Prashala & Junior College Solapur, Solapur (2026)

08/05/2026

💐💐अभिनंदन! 💐💐 अभिनंदन! 💐💐अभिनंदन! 💐💐

*श्रीमती निर्मलाताई ठोकळ प्रशालेचा इयत्ता दहावीचा 100 % निकाल*

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशालेचे माध्यमिक शालांत प्रमाणपत्र परीक्षा(इ.10)फेब्रु/मार्च 2026 चा निकाल 100 टक्के लागला असून प्रशालेतून कुमारी अनुश्री शेवंत कांबळे हिने 96.80 टक्के गुण मिळवून प्रथम, कु. वर्षा विलास गावडे हिने 94.60 टक्के गुण मिळवून द्वितीय तर कु. हर्षदा शशिकांत ढगे हिने 93:00 गुण मिळवून तृतीय क्रमांक पटकाविला.
परीक्षेस प्रशालेतील एकूण 152 विद्यार्थी प्रविष्ट झाले होते. एकूण विद्यार्थ्यांपैकी 8 विद्यार्थ्यांनी 90 टक्के पेक्षा जास्त गुण घेऊन उत्तीर्ण झाले आहेत. त्यात शरयू बेदरे 92.40%,कु. प्रिया भडकुंबे 91.80, कु. वैभवी गुंड 91.20, श्रीनिवास जमादार 91:20, कु.मृणाली माने 91:00 यांचा समावेश आहे. एकूण विद्यार्थ्यांपैकी 57 विद्यार्थी विशेष प्रावीण्यासह उत्तीर्ण झाले असून 71 विद्यार्थी हे प्रथम श्रेणीत तर द्वितीय श्रेणीत 20 विद्यार्थी उत्तीर्ण झाले आहेत.
दहावीतील सर्व यशस्वी विद्यार्थ्यांचे संस्थेचे अध्यक्ष श्री विपिन ठोकळ, उपाध्यक्ष श्री सचिन ठोकळ, संस्थेचे सचिव श्री भिकाजी गाजरे, संचालिका सौ शिल्पाताई ठोकळ, प्राचार्य डी. डी. गाजरे , पर्यवेक्षिका सौ भोसले ए. आर तसेच सर्व शिक्षक व शिक्षकेतर कर्मचारी अभिनंदन केले आहे.

02/05/2026

*श्रीमती निर्मलाताई ठोकळ कनिष्ठ महाविद्यालयाची 12वी उत्कृष्ट निकालाची परंपरा कायम*

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ कनिष्ठ महाविद्यालयाचा *सन 2025-26 चा एच. एस. सी.(12 वी ) चा उत्कृष्ट निकाल* लागला. परीक्षेस एकूण *333* विद्यार्थी विद्यार्थिनी प्रविष्ठ झाले होते. एकूण विद्यार्थ्यांपैकी *79* विद्यार्थी *विशेष प्रविण्य, ** *177** विद्यार्थी प्रथम श्रेणीत तर *71* विद्यार्थी द्वितीय श्रेणीत उत्तीर्ण झाले आहेत.
कनिष्ठ महाविद्यालयातून **विज्ञान शाखेत कु. श्रावणी नडीमेटला हीने 90:33 गुण मिळवून प्रथम* 🥇, *कु. आम्रपाली शेळके हिने 88:67 गुण मिळवून द्वितीय*🥈 तर *चि.समर्थ माने याने 87.50% गुण मिळवून तृतीय क्रमांक*🥉 यांनी पटकविला.
वाणिज्य शाखेत *चि.अनिरुद्ध तोवर याने 81.50% गुण मिळवून प्रथम,*🥇 *चि. हर्ष माने याने 74.33 % गुण मिळवून द्वितीय* 🥈 तर *चि. सार्थक दळवी याने 72.83% गुण मिळवून तृतीय क्रमांक* 🥉यांनी पटकविला.
*कला शाखेत कु. अनुष्का ताकतोडे याने 80.50 % गुण मिळवून प्रथम* 🥇, *आदित्य राठोड याने 77.17 % गुण मिळवून द्वितीय*🥈 तर कु *. प्रतिक्षा सीताफळे हिने 73.50% गुण मिळवून तृतीय क्रमांक*🥉 पटकविला आहे.
सर्व यशस्वी विद्यार्थी विद्यार्थिनींचे संस्थेच्या संस्थेचे अध्यक्ष अँड. श्री.विपीन ठोकळ, उपाध्यक्ष श्री सचिन ठोकळ, सचिव भिकाजी गाजरे, संचालिका सौ. शिल्पाताई ठोकळ प्राचार्य श्री डी. डी. गाजरे तसेच कनिष्ठ महाविद्यालयातील सर्व शिक्षक व शिक्षकेतर कर्मचारी यांनी अभिनंदन केले.

01/05/2026

श्रीमती निर्मलाताई ठोकळ प्रशालेत महाराष्ट्र दिन व कामगार दिन साजरा

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशाला व कनिष्ठ महाविद्यालय येथे 1 मे 2026 रोजी महाराष्ट्र दिन व कामगार दिन साजरा करण्यात आला. याप्रसंगी कार्यक्रमाचे अध्यक्ष म्हणून संस्थेचे सचिव श्री भिकाजी गाजरे तर प्रमुख उपस्थिती म्हणून निवृत्त प्राध्यापक घोळवे सर, डॉ. प्रा. देवदत्त खजूरकर, ग्रामसेवक महादेव सूर्यवंशी व प्राचार्य श्री डी गाजरे यांची उपस्थिती होती.
महाराष्ट्र दिनानिमित्त ध्वजारोहण करण्याचा मान इयत्ता 9वी तील गुणवंत विद्यार्थि कुमारी आदिती काटमोरे, समीक्षा आमणे व चि. श्रेयस असय्या यांना मिळाला. सुरवातीस राष्ट्रीय गीत वंदे मातरम घेण्यात आले. ध्वजरोहाणानंतर राष्ट्रध्वजास राष्ट्रगीताने मानवंदना देण्यात आले. त्यानंतर महाराष्ट्राचा स्वाभिमान किर्ती महती व्यक्त होणारे महाराष्ट्राचे राज्यगीत सामूहिकपणे म्हणण्यात आले.
कार्यक्रमात यानंतर उपस्थित मान्यवरांचे स्वागत सत्कार करण्यात आले. तसेच महाराष्ट्र दिनाचे औचित्य साधून इयत्ता 9वी तील तिन्ही तुकड्या मधून प्रथम, द्वितीय, तृतीय क्रमांक आलेल्या कुमारी आदिती काटमोरे, समीक्षा आमणे व चि. श्रेयस असय्या यांचे संस्थेचे सचिव मा. श्री भिकाजी गाजरे यांच्या हस्ते सत्कार करून त्यांचे अभिनंदन करण्यात आले.
यावेळी कार्यक्रमास प्रमुख उपस्थिती म्हणून लाभलेले श्री. घोळवे सर तसेच प्रा.डॉ. श्री खजूरकर सर यांनी शाळेने आयोजित केलेल्या शिस्तबद्ध कार्यक्रमाचे कौतुक केले. अध्यक्षीय भाषणात श्री. भिकाजी गाजरे यांनी सर्वांना महाराष्ट्र दिनाच्या व कामगार दिनाच्या शुभेच्छा दिल्या.
कार्यक्रमाच्या यशस्वी आयोजनाबद्दल संस्थेचे अध्यक्ष अँड. विपीन ठोकळ, उपाध्यक्ष श्री. सचिन ठोकळ व संचालिका सौ. शिल्पाताई ठोकळ यांनी अभिनंदन केले. कार्यक्रमासाठी प्राचार्य डी डी गाजरे यांचे मार्गदर्शन लाभले. कार्यक्रमाचे सूत्रसंचालन सौ. चव्हाण पी. एच. यांनी केले तर आभार प्रदर्शन सौ. पवार व्ही. आर. यांनी केले.

24/04/2026

स्व.निर्मलाताई ठोकळ यांची 88वी जयंती रक्तदान शिबीर व विविध उपक्रमांनी साजरी !

इंदिरा ज्ञानवर्धिनी सोलापूर या संस्थेच्या संस्थापक अध्यक्षा, माजी आमदार स्व. निर्मलाताई शंकरराव ठोकळ यांची 88 वी जयंती श्रीमती निर्मलाताई ठोकळ प्रशाला व कनिष्ठ महाविद्यालय सोलापूर या ठिकाणी विविध उपक्रमांनी साजरा.
स्व. निर्मलाताई ठोकळ यांच्या जयंतीनिमित्त अभिवादनाच्या कार्यक्रमास उदघाट्क म्हणून सोलापूर महानगरपालिकेच्या उपमहापौर सौ ज्ञानेश्वरी देवकर, कार्यक्रमाचे अध्यक्ष म्हणून इंदिरा ज्ञानवर्धिनी सोलापूर संस्थेचे अध्यक्ष अँड.विपिन ठोकळ तर प्रमुख पाहुणे म्हणून श्री सुभाष राठोड तर संस्थेचे सचिव श्री भिकाजी गाजरे, अँड. श्री. वरुण ठोकळ, प्राचार्य श्री डी. डी. गाजरे यांची प्रमुख उपस्थिती होती.
प्रथमत : मान्यवरांच्या उपस्थितीत दिपप्रज्वलन व 'ताईंच्या' प्रतिमचे पूजन करून कार्यक्रमाचे उदघाट्न करण्यात आले. मान्यवरांच्या स्वागत सत्कारानंतर 'ताईंच्या' वाढदिवसानिमित्त आयोजित रंगभरण स्पर्धेतील यशस्वी विद्यार्थ्यांना प्रमुख मान्यवरांच्या हस्ते प्रमाणपत्र व सन्मान चिन्ह देऊन सन्मानित करण्यात आले. प्रशालेतील कु. वैभवी शेंडगे व कु. रेणुका कोळी यांनी आपल्या भाषणातून, मनोगतातून स्व. निर्मलाताई ठोकळ यांच्या कार्यावर प्रकाश टाकला.
उपमाहापौर सौ. ज्ञानेश्वरी देवकर यांनी ताईंच्या कार्याचा गौरव करत शाळेच्या उपक्रमबद्दल कौतुक केले. "समाजातील गोर गरीब जनतेच्या पाल्यांच्या शिक्षणाची सोय व्हावी व त्यांनी शिक्षणाच्या माध्यमातून स्वतः ची प्रगती करावी या उदात्त भावनेतून ताईनी संस्थेची, शाळेची स्थापना केली व आज विविध ठिकाणी संस्थेचे विद्यार्थी मोठ्या पदावर कार्य करताना आपल्याला दिसत आहेत. " असे मत अध्यक्षीय भाषणात अँड. विपीन ठोकळ यांनी व्यक्त केले. त्यानंतर सर्व मान्यवरांच्या हस्ते विद्यार्थ्यांना मिठाई वाटण्यात आली.
त्यानंतर अश्विनी ग्रामीण वैद्यकीय महाविद्यालय अंतर्गत रक्त संकलन केंद्र यांच्या सहकार्याने भव्य रक्तदान शिबिराचे आयोजन करण्यात आले होते त्याचे उदघाटन ही सर्व मान्यवरांच्या उपस्थितीत करण्यात आले. या शिबिरात मोठ्या संख्येने माजी विद्यार्थी, पालक, शिक्षक शिक्षिका, संस्था व शाळेवर प्रेम आसणारे जागरूक नागरिक यांनी रक्तदान करून ताईंना खऱ्या अर्थाने अभिवादन केले.
कार्यक्रमाचे कुशल नियोजन प्राचार्य श्री. डी. डी. गाजरे यांच्या मार्गदर्शनाखाली केले गेले. कार्यक्रमाचे सूत्रसंचालन श्री. जकवडर एस. एन यांनी केले तर आभार प्रदर्शन श्री शेख वाय. जी. यांनी केले.

09/03/2026

श्रीमती निर्मलाताई ठोकळ प्रशालेत जागतिक महिला दिनानिमित्त निर्मल नारी सन्मान 2026 या पुरस्काराचे थाटात वितरण!

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशाला व कनिष्ठ महाविद्यालय सोलापूर येथे 8 मार्च जागतिक महिला दिनानिमित्त कार्यक्रमाचे आयोजन करण्यात आले होते. याप्रसंगी कार्यक्रमाचे अध्यक्ष म्हणून संस्थेचे माजी आमदार श्री दिलीपरावजी माने , प्रमुख पाहुणे म्हणून सो. म. पा. चे विद्यमान उपमहापौर सौ. ज्ञानेश्वरी देवकर, उपशिक्षणाधिकारी (प्राथ.) जि. प. सोलापूरचे मा. सौ. स्मिता नडीमेटला, सहा. पोलिस निरीक्षक सौ. स्वरांजली खामकर,तर प्रमुख उपस्थिती म्हणून इंदिरा ज्ञानवर्धिनी सोलापूर या संस्थेचे सचिव मा. श्री. भिकाजी गाजरे, व्याख्याते व माजी निवृत्त प्राध्यापक डॉ.श्री. श्री भिमाशंकर बिराजदार, प्राचार्य श्री. डी. डी. गाजरे यांची प्रमुख उपस्थिती होती.
सुरुवातीस कार्यक्रमाचे अध्यक्ष व मान्यवरांच्या हस्ते स्त्रिशक्तीच्या प्रतिमांना पुष्पहार अर्पण करून दिपप्रज्वलनाने कार्यक्रमाचे उदघाटन करण्यात आले. नंतर स्वागतगीताने मान्यवरांचे शब्द सुमनानीं केल्यानंतर प्रमुख पाहुण्यांचे,मान्यवरांचे स्वागत सत्कार करण्यात आला. त्यानंतर जागतिक महिला दिनाचे औचित्य साधून विविध क्षेत्रात उल्लेखनीय कार्य करणाऱ्या तसेच माता पालकांना ' निर्मल नारी सन्मान 2026' ने सन्मानित करण्यात आले. यावेळी मान्यवरांच्या हस्ते शाळेच्या विविध उपक्रमांची, उपलब्धीची माहिती असणाऱ्या सकाळ NiE विशेष पुरवणी अंकाचे अनावरण करण्यात आले. पुरस्कारार्थी माता पालकामध्ये सौ. चंद्रभागा भडंगे, सिताबाई आदलिंगे, जिजाबाई पाटणकर, कस्तुरबाई कांबळे, सप्पव्वा कट्टीमनी, रुक्मिणी काळे, तनुजा गुंड यांचा समावेश होता तर डॉक्टर सौ.सारिका होमकर,सौ.नंदिनी जानकर, सौ. ललिता बडे , कु. ज्ञानेश्वरी भोसले यांचा समावेश विविध क्षेत्रातील पुरस्कारार्थी मध्ये होता.
या कार्यक्रमाप्रसंगी सौ. अश्विनी चव्हाण यांनी महिलांचा 365 दिवस सन्मान केला पाहिजे अशी इच्छा व्यक्त केली. माता पालकांचा सन्मान करणारी ठोकळ प्रशाला ही एक आदर्श शाळा असल्याचे मत उपमहापौर सौ. ज्ञानेश्वरी देवकर यांनी व्यक्त केले. डॉ. सारिका होमकर यांनी महिलांनी आपली जबाबदारी पार पडताना आपल्या आरोग्याची तपासणी करून योग्य त्या वेळी त्याचे निदान केले पाहिजे असे मत व्यक्त कार्यक्रमाचे अध्यक्ष श्री दिलीपराव माने यांनी आज महिला प्रत्येक क्षेत्रात पुढे असून ते कोठेही कमी पडत नाही असे मत व्यक्त करून सर्वांना महिला दिनाच्या दिनानिमित्त शुभेच्छा दिल्या. सदर कार्यक्रमास 600 हुन अधिक महिला पालकांची उपस्थिती होती. कार्यक्रमानंतर मातापालकासाठी भोजनाची व्यवस्था करण्यात आली होती.
कार्यक्रमास प्राचार्य श्री डी. डी. गाजरे यांचे मार्गदर्शन लाभले. कार्यक्रमाचे सूत्रसंचालन सौ. पूनम चव्हाण यांनी केले तर आभार प्रदर्शन सौ. गायकवाड व्ही. एस. यांनी केले. संस्थेचे अध्यक्ष अँड श्री विपीन ठोकळ, संस्थेचे उपाध्यक्ष . श्री.सचिन ठोकळ, संचालिका सौ. शिल्पाताई ठोकळ यांनी नियोजनबाद्ध कार्यक्रमाबद्दल शाळेचे अभिनंदन केले.

19/02/2026

श्रीमती निर्मलाताई ठोकळ प्रशालेतील बालचित्रकारांच्या चित्रांना इंडिया आर्ट खुला आसमान व मावळा प्रतिष्ठान आयोजित आंतरराष्ट्रीय शिवचरित्र चित्रोत्सव चित्रकला स्पर्धेत पुरस्कार!
पुरस्कार, बक्षीस प्राप्त विद्यार्थ्यांचा शाळा व संस्थेच्या वतीने मनः पूर्वक अभिनंदन!

19/02/2026

श्रीमती निर्मलाताई ठोकळ प्रशालेत विविध उपक्रमांनी शिवजन्मोत्सव साजरा!

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशाला व कनिष्ठ महाविद्यालय सोलापूर याठिकाणी छत्रपती शिवाजी महाराज यांच्या जयंतीनिमित्त शिवजन्मोत्सव साजरा करण्यात आला. या कार्यक्रमास अध्यक्ष प्राचार्य श्री दत्तात्रय गाजरे तर प्रमुख पाहुणे म्हणून माजी सहाय्यक गटविकास अधिकारी श्री. मल्हारी बनसोडे उपस्थिती होती.
महाराजांच्या प्रतिमेस पुष्पहार अर्पण करून दीपप्रज्वलनाने कार्यक्रमाची सुरुवात करण्यात आली.त्यानंतर मान्यवरांच्या हस्ते आरती करण्यात आली. कार्यक्रमात कु रेणुका कोळी, कु. सांगलीकर प्रणिती, कु. वैभवी शेंडगे महाराजांबद्दल आपल्या भावना भाषणातून व्यक्त केल्या. कु. लांडगे जान्हवी हिने शिवगर्जना सादर करून वातावरण शिवमय केले. इयत्ता 8वी तील विद्यार्थिनींनी 'घडू दे नवी ही कथा आता राजा' हे गीत सादर करून उपस्थितांची मने जिंकली.
कार्यक्रमाविषयी बोलताना कार्यक्रमाचे प्रमुख पाहुणे श्री मल्हारी बनसोडे यांनी शिवरायांच्या व्यक्तिमत्वतील विविध पैलूबद्दल, अष्टपैलू व्यक्तिमत्वबद्दल माहिती दिली. कार्यक्रमाचे अध्यक्ष, प्राचार्य श्री दत्तात्रय गाजरे यांनी थोर राजे छत्रपती शिवाजी महाराज यांच्या सारख्या महापुरुषांच्या जयंतीच्या कार्यक्रमातून त्यांच्या जीवनातील विविध गुण विद्यार्थ्यांनी घ्यावे असे आवाहन केले.
उपक्रमाबद्दल संस्थेच्या संस्थेचे अध्यक्ष अँड. श्री.विपीन ठोकळ, उपाध्यक्ष श्री सचिन ठोकळ, सचिव भिकाजी गाजरे, संचालिका सौ. शिल्पाताई ठोकळ यांनी प्राचार्य डी. डी. गाजरे सर व सर्व शिक्षकांचे अभिनंदन केले.या कार्यक्रमास प्राचार्य श्री डी डी गाजरे यांचे कुशल मार्गदर्शन लाभले. कार्यक्रमाचे सूत्रसंचालन सौ. चव्हाण पी. एच यांनी केले तर आभार सौ. जाधव ए. यु. यांनी केले.

12/02/2026

श्रीमती निर्मलाताई ठोकळ प्रशालेतील 10वी च्या विद्यार्थ्यांचा निरोप समारंभ उत्साही वातावरणात संपन्न

इंदिरा ज्ञानवर्धिनी सोलापूर संचालित श्रीमती निर्मलाताई ठोकळ प्रशालेत शैक्षणिक वर्ष 2025-26 मधील इ.10वी च्या विद्यार्थ्यांचा निरोप समारंभ आयोजित करण्यात आला होता. या निरोप समारंभाच्या कार्यक्रमास अध्यक्ष म्हणून संस्थेचे उपाध्यक्ष श्री सचिन ठोकळ, प्रमुख पाहुणे म्हणून सोलापूर महाराष्ट्र ग्रामीण बँकेचे व्यवस्थापक श्री सचिन सावंत, तर संस्थेचे सचिव श्री भिकाजी गाजरे, संचालिका शिल्पाताई ठोकळ, प्राचार्य श्री डी डी गाजरे यांची प्रमुख उपस्थिती होती.
सुरुवातीस सरस्वतीच्या प्रतिमेस पुष्पाहार अर्पण करून तसेच दीप प्रज्वलन करून कार्यक्रमाचे उदघाटन करण्यात आले त्यानंतर .इ 8वी च्या विद्यार्थिनींच्या मधुर स्वागत गीतानंतर मान्यवरांचे स्वागत सत्कार करण्यात आले.इ. 10 वी तील विद्यार्थिनी कु. नारायणी शेंडगे, चि साईस्वरूप बंकापूर यांनी शाळेविषयी, शिक्षकांविषयी व आपल्याला आलेल्या अनुभवाविषयी भावना व्यक्त केल्या.
शाळेसाठी प्रिंटिंगची व्यवस्था व्हावी यासाठी शैक्षणिक वर्ष 2025-26 च्या इ 10वी अ ब क च्या विद्यार्थी विद्यार्थ्यांकडून कोनिका कंपनीचे साधारण 60 हजार रू किंमतीचे प्रिंटर मशीन भेट देण्यात आले. त्या मशिनचे मान्यवरांच्या हस्ते अनावरण करण्यात आले. इ.10 वी च्या विद्यार्थी विद्यार्थिनींनी इ.5वी ते 9च्या विद्यार्थ्यांना अध्यापन करण्याचे कार्य केले. विद्यार्थ्यांनी भविष्यात आपला ध्येय काय आहे हे ठरवून त्याप्रमाणे अभ्यास करावा असे मत महाराष्ट्र ग्रामीण बँक, सैफुल शाखेचे व्यवस्थापक श्री सचिन सावंत यांनी व्यक्त केले. 10वी च्या विद्यार्थ्यांची त्यांच्यामागील विद्यार्थ्यांसाठी व शाळेसाठी काहीतरी उपयुक्त वस्तू भेट देण्याची संकल्पना अभिनंदनीय असून विद्यार्थ्यांना येणाऱ्या परीक्षेच्या शुभेच्छा उपमाहापौर सौ. ज्ञानेश्वरी देवकर यांनी दिल्या. नेहमी शाळेच्या गणवेशात दिसणाऱ्या विद्यार्थी विद्यार्थिनींना आज रंगबिरंगे पोषाखात पाहताना ते मोठे दिसत असल्याचे सांगूनं खुप आनंद झाल्याचे संचालिका सौ. शिल्पाताई ठोकळ यांनी व्यक्त केले. "विद्यार्थ्यांनी चांगला अभ्यास करून आपल्या पालकांच्या, शिक्षकांच्या अपेक्षाचीं पूर्ती करावी " असे मत उपाध्यक्ष श्री सचिन ठोकळ यांनी व्यक्त केले.
या कार्यक्रमाच्या निटनेटक्या आयोजनाबद्दल संस्थेचे अध्यक्ष अँड. श्री.विपीन ठोकळ, उपाध्यक्ष श्री सचिन ठोकळ, सचिव भिकाजी गाजरे, संचालिका सौ. शिल्पाताई ठोकळ यांनी विद्यार्थी व शाळेचे अभिनंदन केले. या कार्यक्रमासाठी इ.9वी च्या विद्यार्थ्यांनी सहकार्य केले. कार्यक्रमानंतर विद्यार्थ्यांसाठी स्नेहभोजनाचे आयोजन करण्यात आले होते.
या कार्यक्रमासाठी प्राचार्य श्री डी. डी. गाजरे यांचे मार्गदर्शन लाभले. कार्यक्रमाची प्रस्तावना कु. सौंदर्या गायकवाड, सूत्रसंचालन कु. श्रावणी शटगार, सौ. चव्हाण पी. एच. यांनी तर आभार प्रदर्शन चि. प्रज्वल टिंगरे यांनी केले. कार्यक्रम यशस्वी करण्यासाठी इ 10 वीचे वर्गशिक्षक श्री. शेख वाय. जी., सौ. गायकवाड व्ही. एस. आणि श्री सुरवसे ए पी तसेच सर्व शिक्षक शिक्षिका, शिक्षकेतर कर्मचारी यांनी परिश्रम केले.

16/09/2025

इंदिरा ज्ञानवर्धिनी सोलापूर या संस्थेच्या संस्थापिका माजी आमदार व श्रीमती निर्मालाताई ठोकळ प्रशाला व क. महाविद्यालयातील सर्व विद्यार्थ्यांच्या आवडत्या 'आजी ' श्रीमती निर्मलाताई शंकरराव ठोकळ यांचे आज दि. 16.09.2025 रोजी दु :खद निधन झाले.
सोलापुरात इंदिरा ज्ञानवर्धिनी, महाराष्ट्र शिक्षण प्रसारक मंडळ बाळे, राष्ट्रविकास मंडळ अशा विविध शैक्षणिक संस्थेमधून तळगाळातील, सर्वसामान्यांना परवडेल अशा शाळा, क. महाविद्यालययातून लाखो विद्यार्थ्यांसाठी शिक्षणणाची दारे त्यांनी उघडून शैक्षणिक क्षेत्रात अतुलनीय कार्य केले.
त्यांच्या पवित्र आत्म्यास शतशः नमन!
🙏🏻💐💐भावपुर्ण श्रद्धांजली 💐💐🙏🏻

07/09/2025

श्रीमती निर्मलाताई ठोकळ प्रशाला व क. महाविद्यालय गणेशोत्सव मंडळाची 'गणरायाची ' भव्य सवाद्य मिरवणूक उत्साहात संपन्न!

इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशाला व कनिष्ठ महाविद्यालय सोलापूर येथील गणेशोत्सव मंडळाच्या वतीने गणरायाची महापूजा, आरती व भव्य सवाद्य विसर्जन मिरवणूक काढण्यात आली.
यावेळी शाळेतील गणेशोत्सव मंडळाच्या गणरायाची महापूजा पोलीस निरीक्षक गुन्हे विभाग श्री. सुशांत वराळे यांच्या शुभ हस्ते तसेच संस्थेचे उपाध्यक्ष मा.श्री सचिन ठोकळ, संस्थेच्या संचालिका सौ. शिल्पाताई ठोकळ, संस्थेचे सचिव मा. श्री भिकाजी गाजरे यांच्या प्रमुख उपस्थितीत संपन्न झाली. यावेळी प्राचार्य श्री डी. डी गाजरे, श्री. मोहनराव घोडके, आदी यांची प्रमुख उपस्थिती होती.
महापुजेनंतर मान्यवरांचा स्वागत सत्कार करण्यात आला. त्यांनंतर 'गणपती बाप्पा मोरया' च्या जय घोषात गणरायाची विसर्जन मिरवणूक काढण्यात आली. हि मिरवणुक शाळेतून आंबेडकर चौक - शिवाजी सोसायटी - रामलिंग सोसायटी- इंदिरा नगर - विजापूर नाका - आय टी आय., संभाजी तलाव या मार्गाने काढण्यात आली.
मिरवणुकीचे मुख्य आकर्षण म्हणजे विविध पारंपरिक वाद्याचे पथके! या मिरवाणुकीत भव्य लेझीम पथक, झांज पथक , ढोल पथक, टिपऱ्या पथक, झेंडा पथक, आदिवासी नृत्य पथक यांचा समावेश होता. प्रत्येक पथकातील विद्यार्थी विद्यार्थिनीचे एक सारख्या , तालबद्ध व लयबद्ध सादरीकरण व त्यांचे लक्ष वेधून घेणारे वेशभूषा परिसरातील नागरिकांचे लक्ष आकर्षित करून घेत होते. शाळेच्या सर्व पथकाच्या उत्कृष्ठ सादरीकारण केल्या बद्दल विजापूर नाका मध्यवर्ती गणेशोस्तव मंडळाकडून प्रमाणपत्र व सन्मान चिन्ह देऊन सन्मानित करण्यात आले , तसेच सर्व स्तरातून कौतुक व अभिनंदन करण्यात आले.
या गणेश विसर्जनाची सांगता विजापूर नाका, संभाजी तलाव याठिकाणी करण्यात आली. श्री गणरायाचे विधिवत विसर्जन संभाजी तलावात करण्यात आले. विद्यार्थ्यांचे सादरीकरण पाहण्यासाठी हजारोंच्या संख्येने पालक, परिसरातील नागरिक, अबाल वृद्ध उपस्थित होते. विद्यार्थ्यांना शेवटी महाप्रसाद वाटप करण्यात आले.
या कार्यक्रमाचे अचूक नियोजन व मार्गदर्शन प्राचार्य श्री डी डी गाजरे यांनी केले. गणेशोशोत्सव मंडळाचे अध्यक्ष श्री सुरवसे ए. पी., उपाध्यक्ष श्री. स्वप्निल माने. सचिव श्री अमोल घनाते, खजिनदार पवार एस.पी, मिरवणूक प्रमुख श्री फराडे ए. व्ही., श्री. आनंद ढगे तसेच या मंडळातील सर्व सदस्यांनी आणि प्रशालेतील सर्व शिक्षक शिक्षिका शिक्षकेतर कर्मचारी यांनी परिश्रम घेतले.
उत्कृष्ट मिरवणूक सादरीकरणाबद्दल संस्थेच्या संस्थापक अध्यक्षा श्रीमती निर्मलाताई ठोकळ, संस्थेचे अध्यक्ष श्री विपिन ठोकळ, उपाध्यक्ष श्री सचिन ठोकळ, संस्थेचे सचिव श्री भिकाजी गाजरे, संचालिका सौ शिल्पा ठोकळ यांनी शाळेचे कौतुक व अभिनंदन केले.

23/08/2025

श्रीमती निर्मलाताई ठोकळ प्रशालेत पर्यावरणपूरक गणेश मूर्ती निर्मिती कार्यशाळा संपन्न
इंदिरा ज्ञानवर्धिनी सोलापूर संचलित श्रीमती निर्मलाताई ठोकळ प्रशाला व सकाळ NIE यांच्या संयुक्त विद्यमाने पर्यावरणपूरक गणेशमूर्ती निर्मिती कार्यशाळा आयोजित करण्यात आली होती.
सदर कार्यशाळेत आनंदी विभुते व वैशाली गुंड यांनी निसर्गात उपलब्ध पर्यावरण पूरक माती चा उपयोग करून पर्यावरणपूरक गणेशमूर्ती गणपती म्हणजेच इको फ्रेंडली गणपतीची निर्मिती कशी करावी याचे स्टेप बाय स्टेप प्रात्यक्षिक करून दाखवले. वाढते जलप्रदूषण लक्षात घेता पर्यावरण पूर्वक गणेश निर्मिती किती आवश्यक आहे हे प्रात्यक्षिकाच्या माध्यमातून विद्यार्थ्यांना सांगितले.
प्रशालेतील विद्यार्थ्यांनी गणेश मूर्ती निर्मिती प्रात्यक्षिकाचे काळजीपूर्वक निरीक्षण करून उपलब्ध करून देण्यात आलेल्या पर्यावरण पूरक मातीचा वापर करून फारच कमी वेळेत गणेशाची मूर्ती बनवली व इको फ्रेंडली गणेश मूर्ती निर्मितीचा आनंद लुटला यावेळेस आपल्या घरी पर्यावरणपूर्वक गणेशाची प्रतिष्ठापना करण्याची शपथ घेतली.
संस्थेच्या संस्थापक अध्यक्षा श्रीमती निर्मलाताई ठोकळ, अध्यक्ष श्री विपिन ठोकळ, उपाध्यक्ष श्री सचिन ठोकळ, सचिव श्री भिकाजी गाजरे, संचालिका शिल्पाताई ठोकळ यांनी सदर पर्यावरणपूरक गणेश मूर्ती निर्मिती कार्यशाळा आयोजनाबद्दल व पर्यावरण संवर्धनाच्या दिशेने एक पाऊल टाकल्याबद्दल शाळेचे, व सर्वांचे कौतुक व अभिनंदन केले.
सदर कार्यशाळेसाठी नियोजन व मार्गदर्शन प्राचार्य श्री डी. डी. गाजरे यांचे लाभले. सदर कार्यक्रमाचे सूत्रसंचालन श्री जकवडर एस. एन. यांनी केले. तर कार्यशाळा यशस्वी होण्यासाठी सहशिक्षक श्री रमणशेट्टी एन.,सी.श्री आनंद ढगे, सौ. कारंडे एम एन., सौ. धवण व्ही जी., सौ जाधव ए यू यांसह सर्व शिक्षक शिक्षकेतर कर्मचाऱ्यांनी परिश्रम घेतले.

Smt.Nirmalatai Thokal Prashala & Junior College Solapur

08/05/2026

02/05/2026

01/05/2026

24/04/2026

09/03/2026

19/02/2026

19/02/2026

12/02/2026

16/09/2025

07/09/2025

23/08/2025

Address

Website

Alerts

Contact The School

Shortcuts

Share

Category

Listing takedown request