05/06/2026
தீவிர அரசியலில் இருந்து சிறிது காலம் விலகி இருக்க அண்ணாமலை முடிவு?
பாஜகவில் இருந்து வெளியேறி அண்ணாமலை அவர்கள் தனி கட்சி தொடங்க இருப்பதாகவும் தனி இயக்கம் தொடங்க இருப்பதாகவும் கடந்த சில நாட்களாகவே செய்திகள் இறக்கை கட்டி பறக்கின்றன.
இந்த சூழ்நிலையில் இன்று மதியம் 12:00 மணி அளவில் சமூக ஊடகம் வாயிலாக மனம் திறந்து பேச இருப்பதாக அவர் தெரிவித்துள்ளார்.
ஆனால் என்னை பொருத்தவரை அவர் இன்றைய தினம் சமூக ஊடகங்கள் வாயிலாக பேசும் போது தீவிர அரசியலில் இருந்து சிறிது காலம் விலகி இருக்கப் போகிறேன் என அறிவிப்பார் என்று தோன்றுகிறது.
ஏனென்றால் மற்றவர்கள் சொல்வது போல ஒரு தனி கட்சியோ அல்லது தனி இயக்கமோ தொடங்குவது என்றால் அனைத்து செய்தியாளர்களையும் கூட்டி தன்னுடைய அடுத்த கட்டங்கள் தான் இந்த முடிவை எடுத்ததற்கான காரணம் என்ன அரசியல் கட்சி தொடங்கப் போகிறேன் அதனுடைய கொள்கை என்னவாக இருக்கப் போகிறது என்பது தொடர்பான விஷயங்கள் அனைத்தையும் தெளிவாக கூறினால் தான் அது மக்களிடம் போய் சென்று சேரும்.
மேலும் செய்தியாளர்கள் எழுப்பக்கூடிய அனைத்து கேள்விகளுக்கும் பதில் அளித்து சந்தேகங்களை நிவர்த்தி செய்ய முடியும்.
கட்சி தொடங்குவது என்பது உண்மையில் மிகப் பெரிய ஒரு நகர்வு அல்லது முடிவு.
பெரும் எதிர்பார்ப்பை ஏற்படுத்தி இருக்கக்கூடிய அப்படிப்பட்ட ஒரு நிகழ்வை செய்தியாளர் சந்திப்பை நிகழ்த்தி அறிவிக்காமல் வெறுமனே சமூக ஊடகங்கள் வாயிலாக எந்தவிதமான கருத்தையும் எதிர்கொள்ளாமல் சொல்ல வந்த விஷயத்தை மட்டும் சொல்லிவிட்டு அல்லது அறிவித்துவிட்டு செல்வது என்பது சாத்தியமல்ல.
எனவே இவற்றை வைத்து பார்க்கும் போது அவர் தீவிர அரசியலில் இருந்து சிறிது காலம் ஒதுங்கி இருப்பது என்றும் ஒன்று அல்லது இரண்டு ஆண்டுக்குப் பின்னர் நாடாளுமன்ற தேர்தல் சமயத்தில் தம்முடைய அடுத்த கட்ட நகர்வுகள் இருக்கும் என்பதை அறிவிப்பார் என எனக்கு தோன்றுகிறது.
இது தான் நடக்கும் என்று கூறவில்லை.
ஆனால் இப்படித்தான் இருக்கும் என்று என்னுடைய மனதுக்கு தோன்றுகிறது.
பார்க்கலாம்...
