Dikhowmukh Adarsha High School

11/08/2026

"মৃত্যুটো এটা শিল্প, জীৱনৰ কঠিন শিলত কটা নিৰ্লোভ ভাস্কৰ্য"

দিখৌমুখ আদৰ্শ উচ্চ মাধ্যমিক বিদ্যালয়ৰ প্ৰতিষ্ঠাপক শিক্ষয়িত্ৰী শ্ৰদ্ধাৰ স্বৰ্গীয়া ক্ষীৰদা দত্ত নেওগ বাইদেউৰ বিয়োগত আমি গভীৰ শোক প্ৰকাশ কৰিছোঁ।

আজি বিদ্যালয়ৰ তৰফৰ পৰা আমি তেখেতৰ বাসগৃহত উপস্থিত হৈ পৰিয়ালবৰ্গক শোক প্ৰস্তাৱ প্ৰদান কৰোঁ আৰু তেখেতসকলৰ দুখত সমভাগী হওঁ।

বাইদেউৰ ত্যাগ, নিষ্ঠা আৰু আদৰ্শই আমাৰ বিদ্যালয়খনক আজি এই ঠাইলৈ লৈ আহিছে। তেখেতৰ অৱদান আমি কেতিয়াও পাহৰিব নোৱাৰোঁ।

বাইদেউৰ বিদেহ আত্মাৰ চিৰশান্তি কামনা কৰিলোঁ।

19/07/2026

12/06/2026

"দিখৌমুখ আদৰ্শ উচ্চ মাধ্যমিক বিদ্যালয়ত Integrated Maths and Science Laboratory ৰ শুভ উদ্বোধন"

ৰঘুবাৰী, 12 জুন 2026: সমগ্ৰ শিক্ষা অভিযান, অসমৰ সহযোগত দিখৌমুখ আদৰ্শ উচ্চ মাধ্যমিক বিদ্যালয়, ৰঘুবাৰীত আজি Integrated Maths and Science Laboratory ৰ গৃহ শুভ উদ্বোধন কৰা হয়। অনুষ্ঠানটোৱে বিদ্যালয়খনৰ লগতে সমগ্ৰ অঞ্চলৰ শিক্ষা-জগতত নতুন আশাৰ সঞ্চাৰ কৰে।

অনুষ্ঠানৰ শুভ উদ্বোধন কৰে শিৱসাগৰ জিলাৰ অতিৰিক্ত আয়ুক্ত তথা District Mission Co-ordinator, শিৱসাগৰ, শ্ৰীযুতা মীনাক্ষী পাৰ্মে বাইদেউৱে। বাইদেউৱে Laboratory ৰ গৃহ উদ্বোধন কৰাৰ লগতে সম্পূৰ্ণ গৃহটো পৰ্যবেক্ষণ কৰে। ইয়াৰ পাছত তেখেতে বিদ্যালয়ৰ ৰান্ধনীশালা, লাইব্ৰেৰী তথা বিদ্যালয়ৰ চৌপাশ পৰিদৰ্শন কৰে। বিদ্যালয়খনৰ চাফ-চিকুনতা আৰু পৰিষ্কাৰ-পৰিচ্ছন্নতা দেখি তেখেতে উচ্চ প্ৰশংসা কৰে আৰু সন্তোষ প্ৰকাশ কৰে। লগতে বিদ্যালয়খনৰ বিভিন্ন অভাৱ-অভিযোগ সমূহো গুৰুত্ব সহকাৰে বুজ লৈ সমাধানৰ আশ্বাস দিয়ে।

অনুষ্ঠানৰ এটি সুন্দৰ মুহূৰ্তত কাৱৈমাৰী ক্লাষ্টাৰ মণ্ডল সমল কেন্দ্ৰ সমন্বয়ক শ্ৰীযুত মানস বৰা ছাৰে বিদ্যালয় চৌহদত বৃক্ষ ৰোপণ কৰে। তেখেতে ভাষণ প্ৰসংগত কয় যে দিখৌমুখ আদৰ্শ উচ্চ মাধ্যমিক বিদ্যালয়খনে শৈক্ষিক দিশত দোপতদোপে আগবাঢ়ি গৈছে। শিক্ষক-শিক্ষয়িত্ৰী সকলে দিনে-ৰাতিয়ে কৰা প্ৰচেষ্টা আৰু নিষ্ঠাৰ বাবেই এই অগ্ৰগতি সম্ভৱ হৈছে বুলি তেখেতৰ বক্তব্যত প্ৰকাশ কৰে।

অনুষ্ঠানৰ আৰম্ভণিতে কনিষ্ঠ অভিযন্তা, সমগ্ৰ শিক্ষা, শিৱসাগৰ, শ্ৰীযুত মুজামিল হুছেইন চাৰে অসমীয়াৰ হিয়াৰ আমঠু শিল্পী জুবিন গাৰ্গৰ প্ৰতিছৱিত বন্তি প্ৰজ্বলন কৰে। JE ছাৰে ভাষণত কয় যে এই আধুনিক Laboratory খন ছাত্ৰ-ছাত্ৰীয়ে যদি সঠিকভাৱে ব্যৱহাৰ কৰে, তেন্তে তেওঁলোক নিশ্চয়কৈ উপকৃত হ’ব। বিজ্ঞান আৰু গণিতৰ প্ৰতি তেওঁলোকৰ কৌতুহল বহুগুণে বৃদ্ধি পাব বুলি তেখেতে মত প্ৰকাশ কৰে।

বিদ্যালয় পৰিচালনা ও উন্নয়ন সমিতিৰ সভাপতি শ্ৰীযুত পুনিৰাম ডাৰিগ ছাৰৰ সভাপতিত্বত অনুষ্ঠিত হোৱা সভাখনত বিদ্যালয়ৰ সহঃ শিক্ষয়িত্ৰী শ্ৰীযুতা ববী নেওগ দত্ত বাইদেউৱে অনুষ্ঠানটোৰ আঁত ধৰে।

অনুষ্ঠানৰ উদ্দেশ্য বাখ্যা কৰি বিদ্যালয়ৰ ভাৰপ্ৰাপ্ত প্ৰধান শিক্ষক (শৈক্ষিক), শ্ৰীযুত অৰূপ জ্যোতি নেওগ ডাঙৰীয়াই কয় যে নতুন শিক্ষা নীতি 2020 ৰ লগত সংগতি ৰাখি হাতে-কামে বিজ্ঞান-গণিত শিকোৱাৰ বাবেই এই Laboratory গৃহ নিৰ্মাণ কৰা হৈছে। ইয়াৰ জৰিয়তে ছাত্ৰ-ছাত্ৰীৰ যুক্তিবাদী চিন্তা আৰু সৃষ্টিশীলতা বিকাশ পাব বুলি তেখেতে আশা প্ৰকাশ কৰে।

অনুষ্ঠানত বিদ্যালয়ৰ SMDC ৰ সভাপতিকে প্ৰমুখ্য কৰি সদস্য সকল, অভিভাৱক আৰু স্থানীয় ৰাইজৰ লগতে বিদ্যালয়ৰ সমূহ শিক্ষক-শিক্ষয়িত্ৰী আৰু ছাত্ৰ-ছাত্ৰী উপস্থিত থাকে।

আজিৰ এই Laboratory উদ্বোধনে দিখৌমুখ আদৰ্শ উচ্চ মাধ্যমিক বিদ্যালয়ৰ শৈক্ষিক মানদণ্ড উচ্চতাৰ শিখৰত লৈ যাব বুলি সকলো আশাবাদী।

ধন্যবাদেৰে...

05/06/2026

🌍 বিশ্ব পৰিৱেশ দিৱস ২০২৬ উদযাপন 🌿
দিখৌমুখ আদৰ্শ উচ্চ মাধ্যমিক বিদ্যালয়, আমগুৰি, শিৱসাগৰ*

"ধৰিত্ৰী মাতৃক সেউজীয়া কৰাৰ সংকল্পৰে..."

আজি ৫ জুন, ২০২৬ তাৰিখে আমাৰ বিদ্যালয়ত "বিশ্ব পৰিৱেশ দিৱস" দিনজোৰা কাৰ্যসূচীৰে উলহ-মালহেৰে উদযাপন কৰা হয়।

আজিৰ কাৰ্যসূচীসমূহ:

১. গছপুলি ৰোপণ অভিযান:
শিক্ষক-শিক্ষয়িত্ৰী আৰু ছাত্ৰ-ছাত্ৰীৰ উৎসাহপূৰ্ণ অংশগ্ৰহণেৰে বিদ্যালয় চৌহদত পৰিৱেশ-বন্ধুত্বপূৰ্ণ গছপুলি ৰোপণ কৰা হয়। প্ৰতিজোপা পুলিৰ সুৰক্ষাৰ বাবে জালীৰ ব্যৱস্থা কৰা হৈছে।

২. পৰিৱেশ সজাগতা কুইজ প্ৰতিযোগিতা:
"পৰিৱেশ আৰু জলবায়ু পৰিৱৰ্তন" বিষয়ত অনুষ্ঠিত কুইজত ছাত্ৰ-ছাত্ৰীসকলে দলীয়ভাৱে অংশগ্ৰহণ কৰি পৰিৱেশ সম্পৰ্কীয় গভীৰ জ্ঞানৰ পৰিচয় দিয়ে।

৩. পৰিৱেশ সজাগতাৰ নাটক:
আমাৰ ছাত্ৰ ছাত্ৰীসকলে "গছ কাটিলে কি হয়?", "প্লাষ্টিক বৰ্জন কৰোঁ" আদি শ্ল’গানৰ প্লে-কাৰ্ড লৈ এখন মননশীল চুটি নাট প্ৰদৰ্শন কৰে। নাটকৰ জৰিয়তে গছৰ প্ৰয়োজনীয়তা আৰু প্লাষ্টিকৰ অপকাৰিতা সকলোৰে আগত তুলি ধৰা হয়।

আমাৰ উদ্দেশ্য:
"Ek Ped Maa Ke Naam 2.0" আৰু "Mission LiFE" ৰ আদৰ্শৰে অনুপ্ৰাণিত হৈ ছাত্ৰ-ছাত্ৰীৰ মাজত প্ৰকৃতিৰ প্ৰতি দায়বদ্ধতা আৰু বহনক্ষম জীৱনশৈলীৰ সজাগতা বৃদ্ধি কৰাই আমাৰ মূল লক্ষ্য।

আজিৰ বাৰ্তা:
"গছ ৰুওঁ, পৃথিৱী জীয়াওঁ।
প্লাষ্টিক বৰ্জন কৰোঁ, সেউজ ধৰা গঢ়োঁ।"

এই মহৎ কাৰ্যসূচী সফল কৰি তোলা প্ৰতিগৰাকী শিক্ষক, শিক্ষয়িত্ৰী আৰু মৰমৰ ছাত্ৰ-ছাত্ৰীক বিদ্যালয় পৰিয়ালৰ তৰফৰ পৰা আন্তৰিক ধন্যবাদ আৰু অভিনন্দন জনালোঁ। 🙏

আহক, আমি সকলোৱে মিলি আমাৰ ধৰিত্ৰীক সেউজ আৰু সুৰক্ষিত কৰি ৰাখোঁ।

📍 স্থান: দিখৌমুখ, শিৱসাগৰ, অসম
তাৰিখ: ০৫ জুন, ২০২৬

21/05/2026

বিদ্যালয়ৰ অষ্টম শ্ৰেণীৰ ছাত্ৰ শ্ৰী ভাৰ্গৱ সাধনিদাৰে প্ৰায়ে বিৰতিৰ সময়ত লগ সমনীয়াৰ সৈতে গছৰ তলত বহি বাঁহী বজাই থাকে। কোনো গুৰুৰ ওচৰত এতিয়ালৈকে বাঁহী শিকিবলৈ যোৱা নাই বুলি আজি জনাইছে। বাঁহী বজাবলৈ চেষ্টা কৰি থকা ছাত্ৰ জনক সকলোৱে আশীৰ্বাদ কৰিব দেই।

28/02/2026

২০২৪-২০২৫ বৰ্ষৰ হাইস্কুল শিক্ষান্ত পৰীক্ষাত সুখ্যাতিৰে উৰ্ত্তীণ হৈ বিদ্যালয়লৈ গৌৰৱ কঢ়িয়াই অনা প্ৰাক্তন ছাত্ৰ ছাত্ৰীসকলক আজি সম্বৰ্ধনা জনোৱা হয়।

28/02/2026

ৰাষ্ট্ৰীয় বিজ্ঞান দিৱস উদযাপন
২৮ ফেব্ৰুৱাৰী, ২০২৬

27/02/2026

Bhagyalakshmi Anchalik Sishu Kalyan Kendra ৰ সৌজ্যনত Eco and Youth Club ৰ নডেল শিক্ষক সকলক কেঁচুসাৰৰ প্ৰস্তুতিৰ প্ৰশিক্ষণ ১২ আৰু ১৩ মাৰ্চ ,২০২৫ বৰ্ষতে প্ৰদান কৰা হৈছিল। কেঁচুসাৰৰ বাবে বিদ্যালয় সমূহলৈও বিভাগৰ ফালৰ পৰা ১০,০০০ টকা প্ৰদান কৰা হৈছিল। উক্ত ধনৰাশি সঠিকভাৱে খৰছ কৰাৰ নিমিত্তে বিদ্যালয়ত কেঁচুসাৰৰ বাবে এটা ৩/১০ ফুটৰ এটা টেংকী আৰু দুটাকৈ চেম্বাৰ প্ৰস্তুত কৰা হয়।
দিখৌমুখ জনজাতি উচ্চ মাধ্যমিক বিদ্যালয় আৰু দিখৌমুখ উচ্চতৰ মাধ্যমিক বিদ্যালয়ৰ Eco and Youth Club ৰ সহযোগত দিখৌমুখ আদৰ্শ উচ্চ মাধ্যমিক বিদ্যালয়ৰ প্ৰাংগণত আজি কেঁচুসাৰ প্ৰস্তুতিৰ এক কৰ্মশালা আয়োজন কৰা হৈছিল। উক্ত কৰ্মশালাত সমল ব্যক্তি হিচাপে শিৱসাগৰ বিশ্ববিদ্যালয়ৰ প্ৰৱক্তা শ্ৰীযুত নৱ জ্যোতি বৰা ডাঙৰীয়াক নিমন্ত্ৰণ জনোৱা হৈছিল। আমাৰ নিমন্ত্ৰণ ৰক্ষা কৰি বৰা দেৱে কেঁচুসাৰ কেনেদৰে প্ৰস্তুত কৰিব পাৰি সেই সম্পৰ্কে ছাত্ৰ ছাত্ৰী সকলক বুজাই দিয়াৰ লগতে হাতে কামে ছাত্ৰ ছাত্ৰী সকলৰ সৈতে মিলি টেংকীত কেঁচু আৰু খাদ্য দিয়ে। আজিৰ অনুষ্ঠানটিত দিখৌমুখ উচ্চতৰ মাধ্যমিক বিদ্যালয়ৰ অধ্যক্ষা শ্ৰীযুতা চম্পা দাস ডাঙৰীয়ানীয়ে সভাপতিত্ব কৰি সভাখন সাফল্যমণ্ডিত কৰি তোলে। দিখৌমুখ জনজাতি উচ্চ মাধ্যমিক বিদ্যালয়ৰ জ্যেষ্ঠ শিক্ষক তথা Eco and Youth Club ৰ নডেল শিক্ষক শ্ৰদ্ধাৰ শ্ৰীযুত পুলক সাউদ ছাৰে বিদ্যালয়ৰ প্ৰায় ২০ গৰাকী ছাত্ৰ ছাত্ৰীৰ সৈতে উপস্থিত হৈ অনুষ্ঠানটো সফল কৰি তোলাত সহায় কৰে। দিখৌমুখ উচ্চতৰ মাধ্যমিক বিদ্যালয়ৰ সহঃ শিক্ষক আৰু Eco and Youth Club ৰ নডেল শিক্ষক শ্ৰীযুত পাৰ্থ নাথ ছাৰে আৰু বিনয় চেতিয়া ছাৰেও প্ৰায় ২০ গৰাকী ছাত্ৰ ছাত্ৰীৰ হৈছে আজিৰ অনুষ্ঠানত অংশগ্ৰহণ কৰে।

২৭-০২-২০২৬

26/02/2026

Self defence

26/02/2026

সপ্তধাৰা