05/10/2017
ദ്വിദിന ക്യാമ്പ് , "ദീപ്തം 2017 " സമാപിച്ചു.
കുളപ്പുള്ളി : ഗവ: വൊക്കേഷണൽ ഹയർ സെക്കന്ററി സ്ക്കൂൾ NSS Unit -ന്റെ ആഭിമുഖ്യത്തിൽ ഗാന്ധി ജയന്തിയോടനുബന്ധിച്ച് നടത്തിയ ദ്വിദിന സഹവാസ ക്യാമ്പ് "ദീപ്തം 2017" സമാപിച്ചു. വാർഡ് കൗൺസിലർ ശ്രീമതി പി. എ റജുല സമാപന സമ്മേളനം ഉദ്ഘാടനം ചെയ്തു. ക്യാമ്പിൽ 50-ഓളം വളണ്ടിയേഴ്സിന്റെ മനോഭാവരൂപീകരണപ്രവർത്തനങ്ങൾ നടത്തി. കൂടാതെ, പൊതു വിദ്യാഭ്യാസ സംരക്ഷണ യജ്ഞം വിഭാവനം ചെയ്യുന്ന ജൈവ വൈവിധ്യ ഉദ്യാനത്തിന്റെ പ്രാരംഭ പ്രവർത്തനത്തിന്റെ ഭാഗമായി മാതൃഭൂമി - നന്മ സഹകരണത്തോടെ ആയുർവേദ ഔഷധത്തോട്ടം/ ബട്ടർഫ്ലൈ പാർക്ക് നിർമ്മാണവും സമാരംഭിച്ചു. ക്യാമ്പ് സമാപന സമ്മേളനത്തിൽ നാഷണൽ യൂത്ത് അവാർഡ് വിന്നർ ശ്രീ ടി. എച്ച് ഫിറോസ് ബാബു, അധ്യാപകരായ നന്മ കോ-ഓർഡിനേറ്റർ ശ്രീ. പ്രദീപ് പി ആർ, ശ്രീമതി. ഉമാദേവി. വി, ടി. എൻ. ശ്രീജ, പ്രോഗ്രാം ഓഫീസർ ശ്രീ. പി ഹരി ശങ്കർ എന്നിവർ സംസാരിച്ചു. വളണ്ടിയർ സെക്രട്ടറി വിനായക് അശോകൻ നന്ദി പറഞ്ഞു.
