Darasgah Faiz ul Quran Heffkuri Shopian

انالله واناالیہ راجعون حضرت اقدس قاری محمد آزاداستاددرسگاہ فیض القرآن ہفکری شوپیان کے والد محترم نور اللہ مرقدہ کی وفات حسرت آج صبح پیش آیا.اس پر اپنی جانب سے نیز درسگاہ کے تمام اراکین شورای,کارکنانِ درسگاہ اور خدام کی جانب سے قاری صاحب کی خدمت میں تعزیت مسنونہ پیش کرتا ہوں.اللہ رب العزت قاری صاحب اورقاری صاحب کے دیگر متعلقیناور محبین کو صبر جمیل کی توفیق عطا فرمایے.اور حضرت مرحوم کو اعلی علیین میں مقام بلند نصیب فرمایے.آمین. شرکائے غم اراکین و محبین درسگاہ فیض القرآن ہفکری

مفتی تقی عثمانی صاحب نے ایک طالب علم سے سوال پوچھا کہ آپ علم کس لیے حاصل کرنا چاہتے ہیں کیا مقصد ہے علم حاصل کرنے کا؟
طالب علم نے جواب دیا کہ دین کی خدمت کرنے کے لیے۔

اس پر مولانا تقی عثمانی صاحب نے فرمایا کہ یہ بھی شیطان کی طرف سے ایک مغالطہ ہے۔ خوب سمجھ لیجیے کہ علم حاصل کرنے کا مقصد اصلاح نفس ہونا چاہئے۔ دوسروں کی اصلاح تب کرسکیں گے جب خود اپنی اصلاح ہوگی۔ اگر اصلاح نفس کی نیت کے بغیر علم حاصل کیا تو اس میں برکت نہیں ہوگی، وہ علم بے نور ہوگا۔ اس لیے امام بخاری رحمه الله نے ابتداء میں اصلاح نیت والی حدیث لائی کہ سب سے پہلے اپنی نیت درست کر لو، ورنہ پڑھنے پڑھانے کا کوئی فائدہ نہیں۔

: صدقہ فطر / فطرانہ کے مصارِف وہی ہیں جو زکوٰۃ کے ہیں، یعنی جن کو زکوٰۃ دے سکتے ہیں اُنہیں صدقہ فطر دے سکتے ہیں اور جنہیں زکوٰۃ نہیں دے سکتے اُنہیں فطرانہ بھی نہیں دے سکتے، سوائے عامل کے کہ اُس کے لیے زکوٰۃ ہے فطرہ نہیں۔ مصارِف میں سے بہتر یہی ہے کہ فقراء و مساکین کو ترجیح دی جائے، اِس لیے کہ نبی اکرم صلی اللہ علیہ وآلہ وسلم کا اِرشاد ہے :

أغْنُوْهُمْ فِیْ هَذَا الْيَوْمِ.

دارقطنی، السنن، 2 : 152، رقم :67

بسم اللّہ الرّحمن الرحیم. خیرکم من تعلم القرآن وعلمہ (الحدیث) اللہ رب العزّت کی ذات سے قوی امید ہے کہ آپ سبھی حضرات بخیروعافیت ہوں گے آپ کو یہ جان کر بے حدمسرت وشادمانی ہو گی کہ آپکی محبوب درسگاہ فیض القُرآن بنہ پورہ ہفکری متصل جامع مسجد عمر رضی اللہ تعالٰی عنہ کی چودہ طالبات نے ناظرہ قرآن پاک مکمل اور عم پارہ باتجوید حفظ مکمل کیا ہے. اسلیئے مسجد کمیٹی والوں نے یہ طے کیا کہ بتاریخ 28اکتوبر بروز جمعتہ المبارک قبل از نماز جمعہ ان طالبات کی حوصلہ افزائی کی جاۓ گی. اس بابرکت اور نورانی مجلس میں طالبات کے والدین کو بالخصوص، اور عوام الناس کو بالعموم دعوتِ شرکت دی جاتی ہے کہ وقتِ مقررہ (ایک بجے) مسجد عمر میں پہنچ کر ثواب دارین حاصل کریں.مستورات کے لیے مسجد کے دوسری منزل پر انتظام کیا گیا ہے. ہمیں امید ہے کہ آپ ہماری اس عاجزانہ دعوت پر تشریف لا کر مجلس کے رونق کو زینت بخشیں گے. شبِ گُریزاں ہوگی آخر جلوہ خورشید سے یہ ہفکری معمور ہو گا نغمہ توحید سے الداعی الی الخیر اراکینِ کمیٹی جامع مسجد عمر رضی اللہ عنہ ہفکری. نوٹ پروگرام کا وقت ٹھیک 12.50سے لیکر 1.45منٹ تک رہے گا.