DES's English Medium School , Shirur, Plot No. 356-357, Baburao Nagar, Shirur (2026)

20/10/2025

Happy Diwali To All Parents , Students and Teachers.

20/10/2025

विद्यारंभ संस्कार विधी

Photos from DES's English Medium School , Shirur 's post

17/08/2025

शिरूर मध्ये विद्यार्थ्यांसाठी विज्ञान मंडळाची सुरुवात : डॉ. मोहिते यांच्या हस्ते उद्घाटन.
शिरूर येथील सर्व शाळांमधील विद्यार्थ्यांसाठी डेक्कन स्कूल च्या पुढाकाराने विज्ञान मंडळाची सुरुवात आज 2 ऑगस्ट रोजी आचार्य प्रफुल्ल चंद्र राय यांच्या जन्मजयंती च्या निमित्ताने करण्यात आली. या वेळी ज्येष्ठ संशोधक व सावित्रीबाई फुले पुणे विद्यापीठाचे विज्ञान विभागाचे माजी अधिष्ठाता प्राचार्य डॉ के सी मोहिते यांनी शिरूर मधील विविध शाळांमधून आलेल्या विद्यार्थ्यांशी संवाद साधला व विद्यार्थ्यांच्या प्रश्नांना उत्तरे दिली. कार्यक्रमाची सुरुवात मान्यवरांच्या हस्ते दिपप्रज्वलन व आचार्य प्रफुल्ल चंद्र राय यांच्या प्रतिमेस पुष्पहार अर्पण करून झाली. शाळेच्या स्थानिक सल्लागार समितीचे सदस्य श्री. सुधाकर पोटे व श्री. व्ही डी कुलकर्णी यांच्या हस्ते डॉ. मोहिते यांचा सत्कार करण्यात आला. यानंतर डॉ. मोहिते यांनी अनेक प्रसिद्ध शास्त्रज्ञांचे व शोधाचे रंजक किस्से सांगून विद्यार्थ्यांच्या मनात कुतूहल निर्माण केले. मुलांनीही उत्स्फूर्तपणे विज्ञान विषयक अनेक प्रश्न विचारले. मुलांनी सतत स्वतःला प्रश्न विचारत राहिले पाहिजे व भरपूर वाचन केले पाहिजे असे डॉ. मोहिते यांनी नमूद केले. डेक्कन स्कूल चे प्राचार्य डॉ. समीर ओंकार यांनी विज्ञान मंडळाच्या स्थापनेची मागची भूमिका विषद केली. विज्ञान मंडळाच्या माध्यमातून प्रत्येक महिन्याला विज्ञानावर आधारित एका कार्यक्रमाचे आयोजन करण्यात येणार असून या मध्ये शास्त्रज्ञांशी हितगुज, विज्ञान कथा वाचन, सायन्स फिल्म फेस्टिवल, प्रयोगातून विज्ञान असे विविध उपक्रम सर्व शाळांमधील विद्यार्थ्यांसाठी आयोजित करण्यात येणार आहेत. या वेळी व्यासपीठावर पोदार इंटरनॅशनल स्कूल चे प्राचार्य नीरज राय, बालाजी विश्वविद्यालयाचे प्राचार्य विनायक म्हसवडे, गणेश मराठे, शिक्षक प्रतिनिधी सौ. जयश्री दांडगे, पालक शिक्षक संघाचे उपाध्यक्ष श्री महादेव भाटकर, सह सचिव सौ किशोरी लगड आदी मान्यवर उपस्थित होते. डेक्कन स्कूल मधील शिक्षिका सौ सोनाली लोखंडे यांनी सूत्रसंचालन केले. सौ कोमल सुतार यांनी आभार मानले. श्री. लहू धारजे, सौ. रूपाली चंडालिया यांनी कार्यक्रमाचे आयोजन केले. कार्यक्रमाच्या शेवटी आचार्य प्रफुल्ल चंद्र राय यांच्या जीवनावर आधारित चित्रफीत दाखविण्यात आली.

17/08/2025

शिरूर नगरपरिषदेने आयोजित केलेल्या आंतरशालेय समूहगीत स्पर्धेत डेक्कन स्कूल चा प्रथम क्रमांक. महाराष्ट्र लोकसेवा आयोगाचे माजी अध्यक्ष श्री. किशोर राजे निंबाळकर यांच्या हस्ते प्रथम क्रमांकाचे बक्षीस देऊन शाळेचा सन्मान.
शाळेतील संगीत शिक्षिका संगीता कुलवंत, सखाराम पुरी यांनी केले विद्यार्थ्यांना मार्गदर्शन.
संक्षिप्त निकाल
प्रथम क्रमांक: डेक्कन स्कूल शिरूर.
द्वितीय क्रमांक : पोदार इंटरनॅशनल स्कूल, शिरूर
तृतीय क्रमांक: बालाजी विश्व विद्यालय, शिरूर
उत्तेजनार्थ क्रमांक: आर एम धारिवाल स्कूल शिरूर

17/08/2025

डेक्कन स्कूल मध्ये अग्निहोत्र संस्कार संपन्न
शिरूर येथील डेक्कन स्कूल मध्ये श्रावणी सोमवारी विद्यार्थ्यांसाठी अग्निहोत्र संस्कार कार्यक्रमाचे आयोजन करण्यात आले होते. सूर्या पासून आपल्याला ऊर्जा व अन्न प्राप्त होते. म्हणूनच सूर्याविषयी कृतज्ञता व्यक्त करण्यासाठी व विद्यार्थ्यांनी नियमितपणे सूर्योपासना करावी या साठी अग्निहोत्र संस्काराचे आयोजन करण्यात आले होते. या वेळी डेक्कन स्कूल मधील इयत्ता चौथी चे विद्यार्थी व पालक पारंपारिक वेशात उपस्थित होते. कार्यक्रमाच्या सुरुवातीस विद्यार्थ्यांचे औक्षण करून व त्यांना अग्निहोत्र संस्कारासाठी आशिर्वाद देण्यात आले. शाळेतील शिक्षक श्री. सखाराम पुरी यांनी अग्निहोत्राचे आध्यात्मिक महत्त्व विषद केले. शाळेचे मुख्याध्यापक डॉ समीर ओंकार यांनी अग्निहोत्रमागील वैज्ञानिक भूमिका संदर्भासह मांडली. इयत्ता आठवी, नववी व दहावीच्या विद्यार्थ्यांनी केलेल्या मंत्रोपचाराच्या उद्घोषात होमकुंडात अग्नि प्रज्वलित करण्यात आला व त्यानंतर मंत्रोपचारात सूर्यासाठी आहुती अर्पण करण्यात आल्या. या नंतर शांतीमंत्र पठणाने कार्यक्रमाचा समारोप झाला. या प्रसंगी शाळेच्या स्थानिक सल्लागार समितीचे सदस्य श्री. सुधाकर पोटे व श्री. व्हि . डी. कुलकर्णी , शाळेचे प्राचार्य डॉ. समीर ओंकार, शिक्षक प्रतिनिधी सौ. जयश्री दांडगे व मोठ्या संख्येने पालक उपस्थित होते. इयत्ता चौथीच्या वर्गशिक्षिका सौ. शीतल ढवळे यांनी कार्यक्रमाचे नियोजन केले. अनेक पालकांनी या संस्कारमय कार्यक्रमाचे कौतुक केले.

17/08/2025

डेक्कन स्कूल मध्ये स्वातंत्रदिनाचा उत्साह.
शिरूर येथील डेक्कन स्कूल मध्ये भारताचा ७९ वा स्वातंत्र्य दिन उत्साहात साजरा करण्यात आला. या वेळी निवृत्त लष्करी अधिकारी श्री. शांतारामजी शिंदे यांच्या हस्ते ध्वजवंदन करण्यात आले. यावेळी मुलानी देशभक्तीपर गीते, योगासने , मानवी मनोरे आदी चित्तथरारक कवायती सादर केल्या. इयत्ता दुसरी व तिसरीतील चिमुकल्यांनी भगतसिंग, वीर सावरकर, लोकमान्य टिळक , सरोजनी नायडू आदी देशभक्तांच्या वेशभूषा परिधान करून नाट्य छटा सादर केल्या. या वेळी शाळेचे मुख्याध्यापक डॉ समीर ओंकार, सुधाकर पोटे, व्हि डी कुलकर्णी, संध्या कुलकर्णी, गणेश मराठे, महादेव भाटकर, किशोरी लगड, जयश्री दांडगे आदी मान्यवरांसह मोठ्या संख्येने पालक उपस्थित होते.

14/08/2025

You all are Cordially invited for the programme.
# Flag Hoisting@ desemsshirur.edu.in

14/08/2025

देशभक्तीपर समूहगीताच्या माध्यमातून राष्ट्रीय एकात्मता, देश प्रेम, देशभक्ती निर्माण होण्यास मदत : किशोरराजे निंबाळकर

DailyNewsPost24 Latest Trending Marathi News Portal

01/08/2025

27/07/2025

कारगिल विजय दिनाच्या निमित्ताने आज ( 26 जुलै 2025) डेक्कन स्कूल शिरूरच्या विद्यार्थ्यांनी कारगिल युद्धात प्रत्यक्ष सहभागी असणारे निवृत्त कॅप्टन प्रभाकर थेऊरकर यांची भेट घेऊन त्यांच्याशी संवाद साधला. या वेळी मुलींनी त्यांच्या घराबाहेर रांगोळी काढली. त्यांना औक्षण करून सपत्नीक सत्कार करण्यात आला. कॅप्टन थेऊरकर यांनी कारगिल युद्धाचे रंजक वर्णन केले व विद्यार्थ्यांना सैन्यदलात सहभागी होण्याचे आवाहन केले.

DES's English Medium School , Shirur

Share

Location

Category

Contact the school

Website

Address