18/01/2020
आंतरराष्ट्रीय प्रशिक्षक रहीमुद्दीन शेख यांची न्यू इंग्लिश स्कूल ला सदिच्छा भेट.
खेळाडूंना दिले प्रत्यक्ष रग्बी खेळाचे प्रशिक्षण.
भारतीय रग्बी संघाचे प्रशिक्षक तसेच आंतरराष्ट्रीय प्रशिक्षक रहीमुद्दीन शेख सर यांनी न्यू इंग्लिश स्कूल शाळेच्या विद्यार्थ्यांना रग्बी खेळाचे प्रशिक्षण दिले व मार्गदर्शन केले.यावेळी सातारा जिल्हा रग्बी फुटबॉल असोसिएशनचे अध्यक्ष वीरभद्र कावडे सर,उपाध्यक्ष प्रा मनोज चव्हाण सर,शाळेचे शाळा प्रमुख शिवले सर,रग्बी प्रशिक्षक ऋतुराज घाटगे सर,सुधाकर गुरव सर ,संग्रामजीत उथळे सर उपस्थित होते.
या कार्यक्रमासाठी रहीम उद्दीन शेख यांनी उपस्थित खेळाडूंना मार्गदर्शन करताना सांगितले की या खेळात तुम्हाला शाळेच्या वतीने चांगले मार्गदर्शन मिळत आहे ही सुवर्णसंधी तुम्हाला करियर घडविण्यासाठी मोलाची आहे.यावेळी शाळेचे मुख्याध्यापक सुनील शिवले सर यांनी आज पर्यंत या शाळेतून आंतरराष्ट्रीय-राष्ट्रीय आणि राज्यपातळीवर खेळाडू चमकले हाच वसा आपण पुढे घेऊन संस्थेचे नाव उज्वल करा आपल्या खेळासाठी सर्व ती मदत करण्याचे शाळेचे आहे.यावेळी स्लाईड शो मधून शेख सरांनी नामांकित संघातील सामन्यातील काही अटकली पडद्यावर दाखवून उपस्थितांना माहिती दिली या कार्यक्रमात शाळेच्या वतीने सर्व मान्यवरांचा शाल श्रीफळ देऊन सत्कार करण्यात आला तसेच ऋतुराज घाटगे सरांनी शेख सरांना श्रीमंत छत्रपती शिवाजी महाराजांची मूर्ती भेट दिली.
गेल्या तीन वर्षापासून शाळेमध्ये रग्बी खेळाचा नियमित सराव होत असून आतापर्यंत सात मुली व चार मुले यांनी राज्यस्तरावर तर एका मुलीने राष्ट्रीय स्तरावर शाळा माऊली चे नाव उज्वल केले आहे. अशी माहिती रग्बी खेळाचे मार्गदर्शक ऋतुराज घाटगे सरांनी उपस्थितांना दिली.
कार्यक्रमाचे आभार प्रदर्शन संदीप जाधव यांनी केले शाळेच्या मैदानावर रहीमुद्दीन शेख यांनी खेळाडूंना मैदानावर खेळताना कोणत्या कसबी वापरायच्या समोरच्या खेळाडूला कसे चकवायचे याबाबत स्वतः खेळून दाखवत मार्गदर्शन केले यावेळी वीरभद्र कावडे यांनी शाळेच्या वतीने रग्बी खेळासाठी होणाऱ्या कायमस्वरूपी सहकार्याबद्दल शाळेचे ऋण व्यक्त केले आणि खेळाडूंना शुभेच्छा दिल्या.
यावेळी परभणी येथे होणाऱ्या राज्यस्तरीय रग्बी स्पर्धेमध्ये सातारा संघाचे प्रतिनिधित्व करणाऱ्या शाळा माऊलीच्या सिद्धी पिसाळ, वेदिका जाधव ,वैष्णवी जाधव ,प्रेरणा डांगरे,कुणाल साळुंखे.कुणाल बेलकर ,
वरद रेळेकर विद्यार्थ्यांचा सत्कार करण्यात आला. तसेच गुजरात येथे होणाऱ्या राष्ट्रीय शालेय स्पर्धेत महाराष्ट्र संघामध्ये निवड झालेली कुमारी प्रांजली दीपक शेडगे हिचा सत्कार करण्यात आला व शुभेच्छा दिल्या.
=============================================
