Sangli Shikshan Sanstha, Sangli

सांगली शिक्षण संस्थेचे माजी उपाध्यक्ष कै. जनार्दन लिमये यांचे आज द्वितीय पुण्यस्मरण...
ज्या सभागृहात लिमये सरांच्या उपस्थितीमध्ये अनेक सभा झाल्या, ज्या सभागृहात अनेक धोरणात्मक निर्णय घेतले गेले त्या संस्थेच्या कार्यालयातील सभागृहाचे आज "कै. जनार्दन भास्कर लिमये संचालक सभागृह" असे नामकरण लिमये सरांचे मित्र आणि संस्थेचे सभासद मा. श्री. प्रसाद जोग यांच्या हस्ते करण्यात आले. या सभागृहासाठी संस्थेचे माजी अध्यक्ष मा. श्री. नितीन खाडिलकर यांनी देणगी दिली. या समारंभासाठी संस्थेचे अध्यक्ष मा. आर्कि. श्रीराम कुलकर्णी, उपाध्यक्ष मा. श्री. विजय भिडे, कार्यवाह मा. श्री. शिरीष गोसावी, श्री. सुहास करंदीकर, माजी कार्यवाह श्री. शशिकांत देशपांडे, श्री. केदार खाडिलकर यांच्यासोबत सर्व संचालक व व काही शाळांचे मुख्याध्यापक हजर होते. या कार्यक्रमाची काही क्षणचित्रे...

सांगली शिक्षण संस्थेच्या बालकलारंजन विभागामार्फत 'बालकलारंजन बालनाट्य महोत्सव २०२५' नुकताच संपन्न झाला. महाराष्ट्र राज्य बालनाट्य स्पर्धेत सहभागी होणाऱ्या संस्थेच्या शाळांना रंगीत तालीम मिळावी या उद्देशाने या महोत्सवाचे आयोजन केले जाते. तसेच यानिमित्ताने 'कै. गंगाधर वामन तथा मोहनराव खाडिलकर यांचे स्मरणार्थ बालनाट्य स्पर्धा' आयोजित केली जाते. या महोत्सवात २०० च्या वर विद्यार्थी मित्रांचा सहभाग होता. १४ शाळांच्या बालनाट्याचे काही चित्रक्षण....

संस्थेच्या वर्धापनदिनाच्या निमित्ताने पटवर्धन हायस्कूल शाळेच्या जवळ असलेल्या इमारतीचे डॉ. जी. एस. जोशी विभाग असे नामकरण व्याख्याते मा. श्री. शरदराव कुंटे यांच्या हस्ते करण्यात आले.

सांगली शिक्षण संस्थेच्या वर्धापन दिनाच्या निमित्ताने दिनांक २ व ३ डिसेंबर २०२५ रोजी गुरुवर्य केशवरावजी दीक्षित व्याख्यानमाला झाली. त्याचे काही चित्रक्षण...

संस्थेच्या ११२ व्या वर्धापन दिन कार्यक्रमातील पहिले पुष्प 'निसर्गगीते' कार्यक्रमाचे live प्रक्षेपण

सांगली शिक्षण संस्था १११ वा वर्धापन दिन सोहळा २०२५ - निसर्गगीते । मराठी गीतांचा कार्यक्रम Enjoy the videos and music you love, upload original content, and share it all with friends, family, and the world on YouTube.

सांगली शिक्षण संस्थेच्या ११२ व्या वर्धापन दिनाच्या कार्यक्रमातील आज पहिले पुष्प सादर झाले. यामध्ये संस्थेतील आजी विद्यार्थ्यांचा 'निसर्गगीते' हा मराठी गीतांचा कार्यक्रम सादर झाला. या कार्यक्रमाचे उद्घाटन संस्थेचे मा. अध्यक्ष आर्कि. श्रीराम कुलकर्णी आणि संस्थेचे उपाध्यक्ष मा. विजय भिडे यांच्या हस्ते झाले. यावेळी संस्थेचे कार्यवाह, मा. श्री. शिरीष गोसावी उपस्थित होते.

६४ व्या महाराष्ट्र राज्य नाट्य स्पर्धेत सांगली शिक्षण संस्था सादर करीत आहे २ अंकी मराठी नाटक 'अंतराळ जंक्शन'

नाटक पाहण्यासाठी जरूर या. बाकी तपशील पुढे...

सांगली शिक्षण संस्थेच्या १४ शाळा यावर्षी महाराष्ट्र राज्य बालनाट्य स्पर्धेत सहभाग घेणार..

यंदाच्या वर्षी शासनाच्या होणाऱ्या बालनाट्य स्पर्धेत संस्थेच्या एकूण १४ शाळा सहभागी होणार आहेत. तसेच शासनाच्या होणाऱ्या मराठी राज्य नाट्य स्पर्धा तसेच संस्कृत नाट्य स्पर्धा यामध्येही संस्था सहभाग घेणार आहे. आज अशा एकूण १६ संहितांचे पूजन संस्थेचे मा. अध्यक्ष, आर्कि. श्रीराम कुलकर्णी आणि बालकलारंजन विभागाचे अध्यक्ष मा. श्री. नितीन खाडिलकर यांच्या हस्ते झाले. यावेळी संस्थेचे संचालक मा. श्री. विपीन कुलकर्णी तसेच संस्थेचे कार्यवाह मा. श्री. शिरीष गोसावी सर उपस्थित होते.

नाटकासोबत विद्यार्थ्यांना थोडीशी चित्रपट विषयाशी ओळख व्हावी, कॅमेराची माहिती व्हावी या उद्देशाने बालकलारंजन नाट्य शिबिरामध्ये श्री. महेश डिग्रजकर यांचे मार्गदर्शन झाले. शिबिरात नाटक विषय शिकवताना त्याच्या अनुषंगाने व्यायाम, नाट्य खेळ याचेही प्रशिक्षण दिले जात आहे.

सांगली शिक्षण संस्थेच्या बालकलारंजन विभागामार्फत होणारे बालकलारंजन बालनाट्य शिबिराची सुरुवात काल दि. १ जून २०२५ रोजी झाली. यामध्ये पहिले ३ दिवस प्रसिद्ध नाट्य प्रशिक्षक श्री. संजय हळदीकर यांचे मार्गदर्शन होणार आहे. शिबिराच्या पहिल्या दोन दिवसाचे चित्रक्षण....