Women's Education Society, Sangli

वूइमेन्स एज्युकेशन सोसायटीच्या राणी सरस्वतीदेवी कन्या शाळा, मातोश्री सायरबाई चंपालाल बेदमुथा ज्युनियर कॉलेज ऑफ सायन्स व श्रीमती मथुबाई गरवारे कन्या महाविद्यालय मधील आर्ट्स व कॉमर्स या तीनही शाखांचा इयत्ता 12 वी चा निकाल दरवर्षीप्रमाणे याही वर्षी उत्कृष्ट लागला. सर्व यशस्वी विद्यार्थिनींचे हार्दिक हार्दिक अभिनंदन. 🌹🌹

*वुइमेन्स एज्युकेशन सोसायटी, सांगलीची 2024-2029 या सालाकरिता पंचवार्षिक निवडणूक बिनविरोध*

सांगलीतील *वूइमेन्स एज्युकेशन सोसायटी* या नामवंत शैक्षणिक संस्थेची पंचवार्षिक निवडणूक नुकतीच बिनविरोध पार पडली.

*नूतन संचालक मंडळ खालीलप्रमाणे:*

१) श्रीमती डॉ. लता गोविंद देशपांडे - अध्यक्षा

शिक्षण - M.B.B.S.

कार्यक्षेत्र - संस्थेच्या २०१९-२०२४ या कालावधीमध्ये अध्यक्षा म्हणून कामकाज पाहिले तसेच २०२४-२०२९ करिता संस्था अध्यक्षा म्हणून बिनविरोध निवड, सर्वोदय शिक्षण मंडळ, शिशु विकास मंडळ, महात्मा गांधी ग्रंथालय या संस्थांमध्ये पदाधिकारी म्हणून कार्यरत

छंद - सामाजिक कार्याची आवड.

२) श्रीमती स्मिता प्रसाद केळकर - उपाध्यक्षा

शिक्षण - B.Sc. Electronics, Diploma in Computer Science

कार्यक्षेत्र - संस्थेच्या २०१४-२०१९ या कालावधीमध्ये सदस्या म्हणून कामकाज पाहिले, २०१९-२०२४ या कालावधीमध्ये सेक्रेटरी म्हणून कामकाज पाहिले आहे तसेच २०२४-२०२९ करिता संस्था उपाध्यक्षा म्हणून बिनविरोध निवड, नूतन बुद्धिबळ मंडळ खजिनदार पदी कार्यरत, शिवसदन को-ऑपरेटिव्ह सोसायटीच्या महिला संचालक म्हणून कार्यरत, स्वरुपयोग प्रतिष्ठान सांगली केंद्र संचालक पदी कार्यरत, कै. सरस्वतीबाई केळकर स्मृती संस्थेच्या संचालक पदी कार्यरत

छंद - National Chess Arbiter, Thinking out Loud Instagram व page लेखन, वाचन, बुद्धिबळ,
अध्यात्म अभ्यास रुची, योगाभ्यास.

३) श्रीमती यशश्री योगेश आपटे - कार्यवाह

शिक्षण - B.Com.

कार्यक्षेत्र - महाविद्यालयाच्या माजी विद्यार्थिनी, संस्थेच्या २०१९-२०२४ या कालावधीमध्ये सहकार्यवाह म्हणून कामकाज पाहिले आहे, तसेच २०२४-२०२९ करिता संस्था कार्यवाह म्हणून बिनविरोध निवड, Account क्षेत्रामध्ये सध्या कार्यरत

छंद - शैक्षणिक काम, सामाजिक कार्य, वाचन, गायन.

४) श्रीमती गायत्री गजानन कुलकर्णी - सहकार्यवाह

शिक्षण - M.A. M.Ed.

संस्थेच्या २०१९-२०२४ या कालावधीमध्ये सदस्या म्हणून कामकाज पाहिले आहे तसेच २०२४-२०२९ करिता संस्था सहकार्यवाह म्हणून बिनविरोध निवड, राणी सरस्वतीदेवी कन्या शाळेच्या सहा. शिक्षिका म्हणून सेवानिवृत्त.

५) श्रीमती नीला सुरेश बोडस - सदस्या

शिक्षण - M.A. Philosophy, M.A. Psychology

संस्थेच्या २०१४-२०१९ या कालावधीमध्ये संस्था सहकार्यवाह तसेच २०१९-२०२४ या कालावधीमध्ये संस्था उपाध्यक्षा म्हणून कामकाज पाहिले आणि २०२४-२०२९ करिता संस्था सदस्या म्हणून बिनविरोध निवड, श्रीमती मथुबाई गरवारे कन्या महाविद्यालयाच्या 32 वर्षे प्राध्यापिका, विभागप्रमुख, उपप्राचार्य पदभार सांभाळून सेवानिवृत्त झाल्या आहेत, सामाजिक कार्यामध्ये त्यांना आवड आहे.

६) श्रीमती मनीषा नरेंद्र गोखले - सदस्या

शिक्षण - Diploma in Civil Engineering

२०१९-२०२४ या कालावधीमध्ये संस्था सदस्या म्हणून कामकाज पाहिले आणि २०२४-२०२९ करिता पुन्हा एकदा संस्था सदस्या म्हणून बिनविरोध निवड, बांधकाम क्षेत्रामध्ये त्या अग्रेसर आहेत, संस्थेचा बांधकाम विभाग अत्यंत चांगल्या पद्धतीने त्या सांभाळत आहेत.

७) श्रीमती विभावरी विठ्ठल राजोपाध्ये - सदस्या

शिक्षण - B.A. D.Ed., B.Ed.

२०१९-२०२४ या कालावधीमध्ये संस्था सदस्या म्हणून कामकाज पाहिले आणि २०२४-२०२९ करिता पुन्हा एकदा संस्था सदस्या म्हणून बिनविरोध निवड, संस्थेच्या श्री. राजाराम रंगलाल सारडा प्राथमिक कन्या शाळेच्या १९८२ ते २०१५ या कालावधीमध्ये मुख्याध्यापिका म्हणून कार्यरत होत्या.

८) श्रीमती डॉ. माधुरी श्रीकांत कात्रे - सदस्या

शिक्षण - M.A. M.P.Ed, M.Phil, PHD

२०२४-२०२९ करिता संस्था सदस्या म्हणून बिनविरोध निवड, ३७ वर्षे श्रीमती मथुबाई गरवारे कन्या महाविद्यालयामधील क्रीडा विभागाच्या प्राध्यापिका राहिल्या आहेत, तसेच २ वर्षे उपप्राचार्य पदाचा कार्यभार सुद्धा सांभाळलेला आहे, जिल्हा व राज्यस्तरावरील विविध क्रीडा संघटनेमध्ये कार्यरत आहेत.

*'वुइमेन्स एज्युकेशन सोसायटी'चा ९१वा वर्धापनदिन मोठ्या उत्साहात साजरा!*

सांगली, (दि. २५ सप्टें.) स्त्री शिक्षणासाठी समर्पित, सांगलीतील सर्वात जुनी शिक्षण संस्था, 'वुइमेन्स एज्युकेशन सोसायटी'चा ९१ वा वर्धापन दिन नुकताच दिनांक २५ सप्टेंबर रोजी बेदमुथा ज्युनिअर कॉलेज ऑफ सायन्स, सांगली येथे उत्साहात संपन्न झाला. यावेळी दि फेडरेशन ऑफ ऑर्गन अँड बॉडी डोनेशनच्या जिल्हा समन्वयक डॉ. हेमा चौधरी या प्रमुख अतिथी म्हणून उपस्थित होत्या.

कार्यक्रमाची सुरुवात बेदमुथा कॉलेज मधील विद्यार्थिनींच्या संस्थागीताने झाली. 'वुइमेन्स एज्युकेशन सोसायटी'च्या अध्यक्षा मा. डॉ. लताताई देशपांडे यांनी कार्यक्रमाचे स्वागत व प्रास्ताविक करतांना संस्थेच्या कार्याची रूपरेषा मांडली. स्थापनेपासूनच केवळ स्त्री शिक्षणासाठी समर्पित संस्थेचा आज वटवृक्ष झाला आहे. संस्थेच्या आजवरच्या वाटचालीचा, कार्याचा आढावा मांडला. त्याचप्रमाणे संस्थेतील प्रत्येक व्यक्ती, संस्थेचा घटक महत्त्वाचा असून संस्था मोठी झाली तरच आपण मोठे होऊ;असे मत व्यक्त केले. संस्थेच्या विकासात, प्रगतीमध्ये ज्या ज्या व्यक्तींचा हातभार लागला त्या सर्वांचे त्यांनी या निमित्ताने स्मरण केले. संस्था विकासात सर्वांचे सामुहिक प्रयत्न कसे आवश्यक आहेत ही बाब त्यांनी अधोरेखित केली.

यावेळी कार्यक्रमाचे प्रमुख अतिथी, दि फेडरेशन ऑफ ऑर्गन अँड बॉडी डोनेशनच्या जिल्हा समन्वयक डॉ. हेमा चौधरी यांनी, लोकांमध्ये अवयवदाना बाबत जागरूकतेतचा अभाव असल्याचे सांगितले. अनेक स्वयंसेवी संस्था आणि सार्वजनिक संस्था याबाबत जनजागृती करत आहेत. पण समजुती व रुढींमुळे लोकांमध्ये अवयव दानाचा उदात्त हेतू दिसून येत नाही. अवयव दान कोण करू शकतं? कोण अवयवदान करू शकत नाही? अवयव दानासाठी कुठे संपर्क साधावा? समाजात अवयवादानाची गरज का आहे? इ. प्रश्नांचा उहापोह केला. तद्वतच अवयव दानाचे व्हिडिओ 'झुंज' , 'मानवता हाच धर्म' दाखवून मोलाचे मार्गदर्शन केले. त्वचा दानामुळे अनेक भाजलेल्या रुग्णांना जीवनदान मिळू शकते. मेंदू मृत अवयव दानामुळे अनेकांना जीवनदान मिळू शकते. 'अवयव हे दागिने आहेत , ते जाळू नका तर दान करा.' असे आवाहन केले.

या वर्धापन दिनाच्या निमित्ताने प्रमुख अतिथींच्या हस्ते संस्थेतील निवृत्त कर्मचाऱ्यांचा सत्कारही करण्यात आला. यामध्ये वरिष्ठ महाविद्यालयाचे, माजी प्राचार्य डॉ. आर. जी. कुलकर्णी, डॉ. वर्षा गायकवाड, प्रा. अस्मिता केळकर, प्रा. डॉ. एम. एस.जोशी तर रा.स.कन्या शाळेच्या, माजी मुख्याध्यापिका श्रीमती धनश्री करमरकर, श्रीमती युथिका तेंडुलकर, श्रीमती वंदना हुळबत्ते तसेच सौ. सीताबाई मिरजकर पूर्व प्राथमिक शाळेतून श्रीमती शुभदा जावडेकर, श्रीमती सुनंदा पाटील यांचा सेवानिवृत्ती निमित्त सत्कार करण्यात आला.

तसेच व विशेष उपलब्धी प्राप्त केलेल्या, वरिष्ठ महाविद्यालयातील प्राचार्य डॉ. अनिल सुगते, प्रा. डॉ. धनश्री देशपांडे, प्रा. डॉ. उर्मिला क्षीरसागर, प्रा. डॉ. भावना मारू; गरवारे एमबीए इन्स्टिट्यूटचे प्रा. सिद्धार्थ पाटील; बेदमुथा ज्यु. कॉलेज ऑफ सायन्सचे प्रमुख प्रा. श्री. निर्भयकुमार विसपुते, प्रा. श्रीमती अश्विनी पाचोरे आणि राणी सरस्वतीदेवी कन्या शाळेच्या श्रीमती प्रांजली प्रदीप कुलकर्णी श्री. विजय उंटवाले यांचाही सत्कार करण्यात आला.

प्रमुख अतिथी यांचा परिचय संस्थेच्या मा. उपाध्यक्षा श्रीमती नीलाताई बोडस यांनी केला. आभार संस्थेच्या मा. कार्यवाह श्रीमती स्मिताताई केळकर यांनी मानले. या कार्यक्रमासाठी संस्थेच्या माजी अध्यक्षा श्रीमती मेधाताई भागवत, मा. सहकार्यवाह श्रीमती यशश्री आपटे तसेच संस्थेचे सर्व मा. संचालक श्रीमती मनीषा गोखले, श्रीमती विभावरी राजोपाध्ये, श्रीमती गायत्री कुलकर्णी त्याचप्रमाणे संस्थेच्या सर्व विद्याशाखांचे प्रमुख आणि प्राध्यापक, शिक्षक व शिक्षकेतर सहकारी उपस्थित होते. कार्यक्रमाचे सूत्रसंचालन श्रीमती ऋचा नातू यांनी केले.

🎀 वुइमेन्स एज्युकेशन सोसायटी संचलित राणी सरस्वतीदेवी कन्या शाळा , सांगली. 🎀
🏅🏆 *उज्वल यशाची परंपरा कायम* 🏆🏅
*इ. १०वी बोर्ड परीक्षेचा निकाल ९५.३२%*
✨✨✨✨✨✨✨✨✨✨
🏆प्रथम पाच क्रमांकाचे मानकरी🏆
🥇कु. शिंदे केतकी संग्राम ९५.८०%
🥈कु.पाटील ब्राम्ही सतिश ९५.००%
🥉कु.वाटेगांवकर आदिती राजेंद्र ९४.००%
🎖️कु.पाटील गौरी अरविंद ९३.६०%
🎖️कु. मोहिते समिक्षा दिपक ९३.४०%
🎖️कु. ननवरे वैष्णवी नवनाथ ९३.४०%
✨✨✨✨✨✨✨✨✨✨
*संस्कृत १०० पैकी १०० गुण प्राप्त विदयार्थीनी*
*१.कु. पाटील ब्राम्ही सतिश*
*२. कु.ननवरे वैष्णवी नवनाथ*
*विशेष प्राविण्य प्राप्त श्रेणीत - ५८ विद्यार्थीनी*
*प्रथम श्रेणी प्राप्त ७० विद्यार्थीनी*
*द्वितीय श्रेणी प्राप्त ५५ विद्यार्थींनी*
💐💐💐💐💐💐💐💐💐

सर्व यशस्वी विद्यार्थीनींचे संस्थेचे सर्व संचालक मंडळ, मुख्याध्यापिका, उपमुख्याध्यापक, पर्यवेक्षक, सर्व शिक्षक व शिक्षकेतर सहकारी यांचे वतीने हार्दिक अभिनंदन!!!
💐💐💐💐💐💐💐💐💐

*आपल्या वुइमेन्स एज्यूकेशन सोसायटी सांगलीच्या श्रीमती मथुबाई गरवारे कन्या महाविद्यालय तसेच राणी सरस्वतीदेवी कन्या शाळा व मातोश्री सायरबाई चंपालाल बेदमुथा ज्युनिअर कॉलेज ऑफ सायन्स या दोन्ही विभागामधील इयत्ता 12 वी चा निकाल पुढील प्रमाणे:*

*श्रीमती मथुबाई गरवारे कन्या महाविद्यालय*-

*कला शाखा (मराठी माध्यम) - 72.77%*

*वाणिज्य शाखा (मराठी माध्यम) - 90.62℅*

*वाणिज्य शाखा (इंग्रजी माध्यम) - 97.33℅*

* राणी सरस्वतीदेवी कन्या शाळा व मातोश्री सायरबाई चंपालाल बेदमुथा ज्युनिअर कॉलेज ऑफ सायन्स*-

*98.78℅*

*सर्व यशस्वी विद्यार्थिनींचे संस्थेचे सर्व संचालक मंडळ, प्राचार्य, मुख्याध्यापिका, पर्यवेक्षक, सर्व शिक्षक व शिक्षकेतर सहकारी यांच्यावतीने हार्दिक हार्दिक अभिनंदन 💐💐 व पुढील वाटचालीसाठी खूप खूप शुभेच्छा 👍👍*

*सर्व यशस्वी विद्यार्थिनींनी BBA व BCA प्रवेशासाठी आपल्या संस्थेच्या श्रीमती मथुबाई गरवारे कन्या महाविद्यालयामध्ये त्वरित संपर्क साधावा.*

आपल्या वुइमेन्स एज्युकेशन सोसायटी संस्थेच्या विविध विद्याशाखांमध्ये सन 2024-25 या वर्षाची प्रवेश नोंदणी सुरू झालेली आहे.

*सर्व विद्यार्थिनींनी आपली नावे लवकरात लवकर नोंदवावीत.*

दिनांक: 29-11-2023

*रा. स. क. शाळा व मातोश्री सायरबाई चंपालाल बेदमुथा ज्युनियर काॅलेज ऑफ सायन्स, सांगली*.

*आपल्या महाविद्यालयामध्ये शालेय वार्षिक क्रीडा स्पर्धेचे व गुरूवर्य ना. ल. खाडिलकर* *स्मृतिप्रीत्यर्थ घेण्यात येणाऱ्या* *बुध्दीबळ स्पर्धेचे उद्घाटन* *आपल्या संस्थेच्या माननीय कार्यवाह सौ. स्मिताताई केळकर मॅडम यांच्या हस्ते करण्यात आले.

याप्रसंगी शाळेचे उप-मुख्याध्यापक* श्री. मिलिंद कुलकर्णी सर, ज्युनिअर विभागाचे प्रमुख श्री. निर्भयकुमार विसपुते सर , क्रीडा विभाग प्रमुख श्री. वैभव पाटील, क्रीडा विभाग सहाय्यक श्री. रोगे सर, सर्व शिक्षक व शिक्षकेतर सहकारी व विद्यार्थिनी उपस्थित होत्या*.

वुइमेन्स एज्युकेशन सोसायटीचा 90 वा वर्धापन दिन उत्साहात संपन्न…!

वुइमेन्स एज्युकेशन सोसायटी या आपल्या संस्थेचा 90 वा वर्धापन दिन सोमवार, दिनांक 25 सप्टेंबर, 2023 रोजी दुपारी 3.30 वाजता राणी सरस्वतीदेवी कन्या शाळा व मातोश्री सायरबाई चंपालाल बेदमुथा ज्युनियर कॉलेज ऑफ सायन्स या विभागामधील श्रीमती सरोजदेव पडळकर सभागृहामध्ये अतिशय उत्साहात संपन्न झाला.
या कार्यक्रमासाठी प्रमुख अतिथी म्हणून आपल्या व्यवसायाच्या माध्यमातून भारताच्या संरक्षण क्षेत्रात तसेच अवकाश संशोधनात विशेष कामगिरी बजावणारे सांगलीतील प्रसिद्ध उद्योजक मा. श्री. संदीपजी सोले उपस्थित होते.
तसेच मंचावर संस्थेच्या अध्यक्षा मा. डॉ. लताताई देशपांडे, उपाध्यक्षा मा. नीलाताई बोडस, माजी अध्यक्षा व संचालिका मा. मेधाताई भागवत, कार्यवाह मा. स्मिताताई केळकर, सहकार्यवाह मा. यशश्री आपटे, संचालिका मा. मनीषा गोखले, मा. विभावरी राजोपाध्ये, मा. अपर्णा कोल्हटकर, मा. प्राचार्य डॉक्टर आर. जी. कुलकर्णी, मा. डॉ. राजेंद्र भागवत उपस्थित होते.
कार्यक्रमाची सुरुवात संस्था गीताने करण्यात आली. या सुमधुर संस्था गीताने सर्वांची मने जिंकली. त्यानंतर संस्थेच्या अध्यक्षा मा. डॉ. लताताई देशपांडे यांनी कार्यक्रमाचे स्वागत व प्रास्ताविक केले. आपल्या प्रास्ताविकात त्यांनी संस्थेच्या 90 वर्षांच्या वाटचालीचा आढावा घेत संस्थेच्या प्रगतीबद्दल माहिती दिली. उपस्थित सर्वांना 90 व्या संस्था वर्धापन दिनाच्या शुभेच्छा दिल्या. तसेच संस्थेच्या माजी कार्यवाह मा. उषाताई कुलकर्णी, मा. सुमनताई गाडगीळ आदींच्या शुभेच्छा संदेशांचाही उल्लेख केला. कार्यक्रमाचे प्रमुख अतिथी व व्यासपीठावरील मान्यवरांचे चाफ्याचे फुल देऊन स्वागत करण्यात आले. त्यानंतर मा. मेधाताई भागवत यांनी प्रमुख अतिथी सांगलीतील प्रसिद्ध उद्योजक मा. श्री. संदीपजी सोले यांचा अत्यंत सुंदर शब्दात परिचय करून दिला.
प्रमुख अतिथींच्या हस्ते संस्थेतील निवृत्त व विशेष गौरव प्राप्त कर्मचाऱ्यांचा सत्कार करण्यात आला. यामध्ये राणी सरस्वतीदेवी कन्या शाळेच्या निवृत्त मुख्याध्यापिका मा. सौ. सुनिता माने, श्रीमती मथुबाई गरवारे कन्या महाविद्यालयातील वरिष्ठ विभागातील प्रा. डॉ. उर्मिला क्षीरसागर, प्रा. डॉ. संदीप दळवी, प्रा. डॉ. विनायक होनमोरे, तर कनिष्ठ विभागातील शिक्षक श्री. वैभव पाटील व मातोश्री सायरबाई चंपालाल बेदमुथा ज्युनियर कॉलेज ऑफ सायन्स सांगली मधील शिक्षक श्री. निर्भयकुमार विसपुते, श्रीमती उज्वला पाटील त्याचप्रमाणे राणी सरस्वतीदेवी कन्या शाळेतील शिक्षिका श्रीमती वंदना हुळबत्ते, श्रीमती संगीता पाटील, श्री. रामचंद्र ब्रम्हे तसेच श्री. राजाराम रंगलाल सारडा प्राथमिक कन्या शाळेच्या कर्मचारी श्रीमती जयश्री पाटील आणि सौ. सीताबाई मिरजकर पूर्व प्राथमिक कन्या शाळेच्या मा. मुख्याध्यापिका श्रीमती विदुला ओक यांचा सत्कार करण्यात आला. यानंतर श्रीमती मथुबाई गरवारे कन्या महाविद्यालयातील प्रा. डॉ. उर्मिला क्षीरसागर यांनी प्रातिनिधिक मनोगत व्यक्त केले.
सर्वांच्या सत्कारानंतर कार्यक्रमाचे प्रमुख अतिथी, प्रसिद्ध उद्योजक मा. श्री. संदीपजी सोले यांनी उपस्थित श्रोत्यांशी संवाद साधला. मा. श्री. संदीपजी सोले आपल्या मनोगतात म्हणाले की "प्रत्येक माणसाला एक संधी येते. त्या संधीचे सोने करणे आपल्या हातात असते. आपण कोणते काम करतो हे महत्त्वाचे नाही, पण त्या कामात किती आत्मीयतेने काम करतो आणि त्यात अधिकाधिक ज्ञान घेऊन किती प्राविण्य मिळवतो, तज्ञ होतो यावर यश अवलंबून आहे". पुढे बोलताना ते म्हणाले की, सांगलीत कंपनीची सुरुवात 1997-98 च्या दरम्यान झाली. अथक परिश्रमाने कंपनी नावारुपाला आणली. अगदी सुरुवातीच्या काळात तव्याला कोटिंग करून देण्यापासून आज मोठमोठी कामे कंपनीकडे येतात. सुरुवातीला ISRO आणि भारताच्या संरक्षण विभागाच्या काही मिसाईल्स यांच्या सुट्ट्या भागांची निर्मिती केली. त्यासाठी लागणारी पुरेशी यंत्रणा उपलब्ध नव्हती. त्यासाठी अत्यावश्यक बाबी फॅक्टरीमध्ये नव्याने तयार करून घेतल्या व कामास सुरुवात केली. यासाठी 30 वर्षांची मेहनत करावी लागली. ही जी रॉकेट लॉन्चर्स बनवली जातात त्यांचा वापर संरक्षण खात्यासाठी लागणारी क्षेपणास्त्रे बनवण्यासाठी केला जातो. पुढे संवाद साधताना ते म्हणाले की पृथ्वी, अग्नी, आकाश, ब्रह्मोस, त्रिशूल, प्रलय, पिनाका यांसारख्या मिसाईल्स मध्ये बेसिक सिस्टीम एकच वापरली. रॉकेट लॉन्चर चे काही भाग तयार करण्यात आले. यापूर्वी पीएसएलव्ही अंतराळ यानासाठी याच ठिकाणी सुटे भाग तयार करण्यात आले. गगन यानासाठी वापरण्यात येणारी उपकरणे तयार करण्यात आली. तसेच श्रीहरीकोटा येथील अंतराळ केंद्रावरून चांद्रयान-3 चंद्राच्या दिशेने यशस्वीपणे झेपावले, त्याच्या रॉकेटचे पार्टस, कोटिंगचे महत्वपूर्ण काम याच फॅक्टरीत पार पडले. हे इतके मोठे पार्ट्स श्रीहरीकोटा येथून आणणे, त्याचे येथे कोटिंग करणे आणि पुन्हा त्यांची वाहतूक करून ते श्रीहरीकोटा येथे पोहोचवणे, हा खूप खूपच मोठा चॅलेंजिंग जॉब होता. ही मोहीम खूपच मोठी असल्यामुळे वेळेचे खूप महत्त्व होते. प्रत्येक गोष्ट नेटकी करणे, एकाच वेळी दोन-तीन जॉब चे काम करणे, त्यांचे रेकॉर्ड ठेवणे ही सर्व कामे अगदी काटेकोरपणे आम्ही जवळपास अर्ध्या वेळेत पूर्ण केली. यासाठी मुलगा निहार व मित्रांची कामगिरी नेत्र दीपक ठरली. तसेच सांगलीकरांच्या प्रेमामुळेच आमच्या कंपनीचे अधिक कौतुक होऊन प्रसिद्धी मिळाली.
माननीय अतिथींचे कार्य हे सर्व उपस्थितांना प्रेरणादायी ठरले.
कार्यक्रमाचे आभार संस्थेच्या कार्यवाह मा. श्रीमती स्मिताताई केळकर यांनी व्यक्त केले. या कार्यक्रमाचे सूत्रसंचालन श्रीमती प्रांजली कुलकर्णी यांनी केले.

याप्रसंगी संस्थेचे सर्व पदाधिकारी, संचालक मंडळ, सभासद तसेच रा.स.क. शाळेच्या मा. मुख्याध्यापिका सौ. धनश्री करमरकर, उप-मुख्याध्यापक श्री. मिलिंद कुलकर्णी, पर्यवेक्षक श्री. बाळकृष्ण शेंडगे, श्री. राजाराम रंगलाल सारडा प्राथमिक कन्या शाळेच्या मा. मुख्याध्यापिका सौ. अश्विनी गोरे, सौ. सीताबाई मिरजकर पूर्व प्राथमिक कन्या शाळेच्या मा. मुख्याध्यापिका श्रीमती विदुला ओक, गर्ल्स इंग्लिश स्कूलच्या मा. मुख्याध्यापिका सौ. सुप्रिया पाटील तसेच संस्थेच्या सर्व विद्याशाखांमधील शिक्षक-शिक्षकेतर सहकारी उपस्थित होते.

अल्पोपहाराने कार्यक्रमाची सांगता झाली.

वुमेन्स एज्युकेशन सोसायटीच्या 'कौशल्य विकास केंद्रा'च्या माध्यमातून रासक शाळा, बेदमुथा ज्यु कॉलेजमध्ये सुरू असलेल्या *योगवर्गाची* क्षणचित्रे! योगशिक्षक- निर्भयकुमार विसपुते, सौ. उज्ज्वला पाटील, श्री. तुषार कुलकर्णी, सौ. सुचेता विसपुते