باخچەی منداڵانی پەپوولە لە ڕانیە

29/03/2026

🛑 ئاگاداری بۆ سەرجەم ناوەندەکانی خوێندن( حکومی ، ناحکومی )

ئاگاداری سەرجەم مامۆستایان، فەرمانبەران و خوێندکارانی ئازیز دەکەینەوە، لەبەر بەرژەوەندی گشتی و پاراستنی سەلامەتی هەموان، بەهۆی بارودۆخی ئێستای ناوچەکە:
✅ سبەینێ ڕۆژی یەکشەممە ٢٠٢٦/٣/٢٩ لە سەرجەم ناوەندەکانی خوێندن (حکومی و ناحکومی) لە سنووری ئیدارەی سەربەخۆی ڕاپەڕین پشووی فەرمییە.
هیوا خوازین هەموو لایەک پارێزراو بن.

سەرپەرشتیاری ئیدارەی سەربەخۆی ڕاپەرین

19/03/2026

✨ پیرۆزبایی جەژنی ڕەمەزان و نەورۆز ✨

بە بۆنەی هاتنی دوو جەژنی گەورە و پڕ لە مانای جوان،
جەژنی ڕەمەزانی پیرۆزو جەژنی نەورۆز
بە دڵێکی پڕ لە خۆشی و ڕێزەوە،
پیرۆزبایی خۆمانتان ئاڕاستە دەکەین 💐

ئەم دوو جەژنە، یەکێکیان نیشانەی
بەخشندەیی وئارامی وپاکی و نزیکبوونەوەیە لەخوای باڵادەست،
و ئەوی تر نیشانەی نوێبوونەوەی ژیان، سەوزبوونی سروشت
و دەستپێکردنی هیوایەکی نوێیە 🌿

لەو ڕۆژانەدا کە دڵەکان پڕ دەبن لە خۆشەویستی
و خەندەی منداڵان جوانترین دەنگی ژیانە، 🦋

پیرۆزبایی تایبەت ئاراستەی🌼
مامۆستایانی خۆشەویست و سەرجەم فەرمانەبەرانی باخچەکەمان
🦋 منداڵانی شیرین و پەپوولە جوانەکان
👨‍👩‍👧‍👦 و دایکان و باوکانی بەڕێز.
🌿 هەروەها سەرجەم گەلی کورد و موسوڵمانان

ئومێددەکەین ئەم جەژنانە ببنە هۆی بڵاوبوونەوەی
خۆشەویستی، ئارامی، یەکگرتوویی و بەختەوەری 💛

جەژنتان پیرۆز، دڵتان شاد و ژیانتان پڕ لە خۆشی بێت .

10/03/2026

جلی کوردی تەنها جلێک نییە، هەر رەنگێک و هەر شێوەیەک چیرۆکی خۆی هەیە؛ چیرۆکی خەبات، جوانی و شانازی.

جلی کوردی وەک ئاڵایەکی بێدەنگە کە ناسنامەی گەلێک پیشان دەدات.
کاتێک ئەم جلە لەبەر دەکەین، نیشانەی ئەوەیە کە کەلتوور و ریشەکان هێشتا زیندوون.

لەبەر ئەمەیە جلی کوردی تەنها بۆ جەژنەکان نییە، بەڵکوو بۆ شانازییەکی هەمیشەییە

10/03/2026

پیرۆز بێت ڕۆژی جلی کوردی نەتەوەیی 🌹

06/03/2026

⸻

🌸 ٨ی مارس، ڕۆژی جیهانی ژنان 🌸

ئەمڕۆ ڕۆژی ڕێزلێنانە لە هەموو ئەو ژنانەی کە بە دڵسۆزی و خۆشەویستی، ژیان جوانتر دەکەن.

بەتایبەتی سوپاسی زۆر بۆ مامۆستا ژنەکانی باخچەکەمان، ئەوانەی کە بە ئارامی، دڵسۆزی ، بناغەی داهاتووی منداڵەکان دادەنێن. ئەوان نەک تەنها فێرکاری دەکەن، بەڵکوو خۆشەویستی، ڕەوشت و هیوا لە دڵی منداڵەکاندا دەچینن. 🌱

مامۆستایانی ئازیز،
ئێوە ئەو ڕووناکییەن کە ڕێگای منداڵەکان ڕووناک دەکەن. هەر وشەیەک، هەر خەندەیەکتان دەتوانێت داهاتوویەک دروست بکات.

لەو ڕۆژە تایبەتەدا،
ڕێز و سوپاس بۆئێوە و بۆ هەموو ژنان کە بە هێز، دڵسۆزی و خۆشەویستی دنیا جوانتر دەکەن. 💖

٨ی مارس پیرۆز بێت لە هەموو ژنان.🌷
سروە صباح
بەڕێوەبەری باخچە

06/03/2026

04/03/2026

بە خۆشحاڵی و سەربەرزی یادی ڕۆژی ڕاپەڕینی ئازاری ٣/٥ی شاری ڕانییە دەکەینەوە
ڕۆژێک کە گەل بە دەنگێکی یەکگرتوو، بە ئازایەتی و بە هیوای ئازادی هەستا و مێژوویەکی نوێی بۆ ناوچەکەی نووسی.

لە شاری ڕانییە، ڕۆژی ٥ی ئازار بوو بە نیشانەی ئیرادە و یەکگرتوویی. ئەو ڕۆژەی کە دڵەکان پڕ بوون لە خۆشەویستی بۆ خاک و نیشتمان، و دەستەکان یەکگرتوو بوون بۆ دروستکردنی داهاتوویەکی باشتر بۆ منداڵانمان.

ئێمە لە باخچەکەمان، ئەم یادە پیرۆزە بە منداڵانمان ئاشنادەکەین بە زمانێکی سادە و پڕ لە خۆشەویستی؛
کە ئازادی بە واتای خۆشەویستی، یارمەتیدانی یەکتر و پاراستنی نیشتمانە.

با ئەم ڕۆژە ببێتە وانەیەک بۆ منداڵانمان:
وانەی ئازایەتی، وانەی یەکگرتوویی، وانەی خەبات بۆ داهاتوویەکی ڕووناک.

یادی ڕاپەڕینی ٣/٥ی ڕانییە پیرۆز بێت 🌿
سروە صباح /بەڕێوەبەری باخچە

ئەم ڤیدیۆیە لەلایەن مامۆستای نیشتیمانپەروەر م.ئارەزوو ئامادەکراوە.

25/02/2026

⸻

سڵاو و ڕێز بۆ دایک و باوکە خۆشەویستەکان 🌷

وەک هەمیشە سوپاس بۆ هاوکاریتان و پشتگیری بەردەوامتان.
وەک دەزانن ئێستا مانگی پیرۆزی ڕەمەزانە 🌙، مانگێک کە پڕە لە بەرەکەت و تایبەتمەندییەکانی خۆی.

تێبینی دەکەین کە هەندێک لە منداڵەکان بەهۆی درەنگ خەوتن، بەیانیان ماندوو یان خەواڵوو دێنە باخچە، ئەمەش کاریگەری دەکات لەسەر سەرنج و چالاکییەکانیان لە کاتی وانە و یاری.

تکایە ئەگەر بگونجێت، هەوڵ بدەن کاتێکی ڕێکوپێک بۆ خەوتنی منداڵەکان دابنێن، بەتایبەتی لەم ماوەیەدا، تاکو بتوانن بەهێزتر و چالاکتر بەشداربن لە چالاکییەکانی باخچە 🌼

ئێمە دڵنیاین کە بە هاوکاریی یەکتر دەتوانین باشترین ژینگەی فێربوون و گەشەپێدان بۆ منداڵەکانمان دابین بکەین.

سوپاس بۆ تێگەیشتن و هاوکاریتان 🌸

24/02/2026

ئەمڕۆ بە شانازییەوە پێشوازیمان لە لیژنە هاوبەشەکانی قایمقامیەت و تەندروستی کرد لە باخچەکەمان. دوای سەردان و هەڵسەنگاندنیان، دەستخۆشییان لێکردین بۆ پاک و خاوێنی ژینگەی باخچە و جی‌بەجێکردنی ڕێنمایی و پێوەرە تەندروستییەکان.

ئەم دەستخۆشییە بۆ ئێمە هۆی شانازییە و هەروەها پاڵنەرێکە بۆ بەردەوامبوون لە خزمەتگوزاریی باشتر بۆ منداڵە خۆشەویستەکانمان.

سوپاس بۆ هەموو ستافی باخچەکەمان کە بە دڵسۆزی و هاوکارییان ئەم ئاستەیان پێگەیاندووە 🌹

21/02/2026

⸻

🌸 ڕۆژی زمانی دایک پیرۆز بێت 🌸

زمانی دایک یەکەم وشەیە کە لە دڵمان دەچەقێت،
یەکەم گۆرانییە کە گوێمان لێ دەبێت،
و یەکەم ڕێگایە کە فێری خۆشەویستی و ناسنامەمان دەکات.

زمانی دایک تەنها وشە نییە،
هەستی دایکە، خۆشی منداڵییە،
مێژوو و کەلتوور و ئایندەمانە.

لە باخچەکەماندا،
منداڵەکان بە زمانی دایک
خەون دەبینن، دەخوێنن و فێردەبن.

با هەموومان دەست لە ناودەست
بۆ پاراستن و خۆشەویستی زمانی دایک تێبکۆشین،
چونکە زمان، ناسنامەی گەلێکە.

💚 ڕۆژی زمانی دایک لە هەمووان پیرۆز بێت 💚
دەست خۆشی بۆ مامۆستای چالاک و بەئەزموون م.ئارەزوو م.خدیجە محمد.