09/01/2026
Hazrat Imam Ja‘far Sadiq (رضی اللہ عنہ) fine faire wisal le 15 Rajab. Mais kestyon se poser : kifer Fatiha faire le 22 Rajab ?
Bann dimounn ki fine faire recherche fine explique raison kifer Fatiha de Imam Ja‘far Sadiq faire spécialement le 22 Rajab.
Sa c’est parski dan lepok bann Sahaba, bann Tabi‘in, ek dan lepok Hazrat Imam Ja‘far Sadiq (رضی اللہ عنہ), quand ene musulman ti Inteqal, so bann proches ti trouve li bon pou donne dimounn manger pendant sept zour continielman , comme Isal-e-Sawab pour li, setadir zotte ti fer dimounn manze.
( Ash’atul lam’aat sharah mishkaat shareef , sharahussudoor )
Quand Hazrat Imam Ja‘far Sadiq (رضی اللہ عنہ) fine faire wisal le 15 Rajab, so bann murid, so bann dimounn attaché ar li, fine donne dimounn manger pendant sept jours pour faire Isal-e-Sawab. Quinze plus sept faire vingt-deux , et dernier jour-la, c’est-à-dire le 22, ti ena beaucoup préparation.
Zotte conné, normalement quand ena ene programme, c’est dernier jour-la ki dimounn donne plus importance, et souvent c’est sa dernier jour-la ki dimounn rappelle plus .
Pareille couma sa, après wisal de Imam Ja‘far Sadiq (رضی اللہ عنہ), pendant sept jours dimounn ti donne manger ek faire Isal-e-Sawab. Septième jour-la ti bien important, c’est-à-dire le 22 Rajab, kot ti ena grand ehtemam.
C’est pour sa raison-la qui jusqu’à azordi, le 22 Rajab dimounn continue faire Isal-e-Sawab ek donne Fatiha Kondé dans barakat de Imam Ja‘far Sadiq (رضی اللہ عنہ).
Ek c’est aussi le 22 Rajab qui dans bann lakaz Ahlul Bayt faire Fatiha Kondé, ek dans lakaz tous bann buzurg de tous silsila aussi, Fatiha faire le 22 Rajab.
Ziska dans lakaz A‘la Hazrat Imam Ahl-e-Sunnat aussi, Fatiha ti faire le 22. A‘la Hazrat li-même ti donne Fatiha Kondé le 22 chaque lanne .
Ek Alhamdulillah, ziska azordi Fatiha pe faire le 22, ek Insha’Allah li pou continué.
Fatiha fine toujours faire le 22 Rajab, ek Insha’Allah musulmans pou continué faire li le 22 ek gagne fayz depuis Ahlul Bayt.
Fatiha capave faire n’importe ki jour, mais méthode Ahlul Bayt, méthode bann buzurg, méthode bann Awliya Allah,
méthode bann Soufiya e kiram, méthode bann grands ulama e kiram,
méthode famille A‘la Hazrat, méthode bann khanqah — exactement sa méthode-la qui pe continué, c’est-à-dire Fatiha le 22 Rajab.
Dan l’Inde, en général, le 22 Rajab, Fatiha Kondé faire bien grand, avec beaucoup izzat ek ehteram.
يَا أَيُّهَا النَّاسُ، كُلُوا مِمَّا فِي الْأَرْضِ حَلَالًا طَيِّبًا،
وَلَا تَتَّبِعُوا خُطُوَاتِ الشَّيْطَانِ، إِنَّهُ لَكُمْ عَدُوٌّ مُبِينٌ.
Allah bien content avec bon amal de So bann serviteurs. Dire qui Isal-e-Sawab pour l’Imam de Ahlul Bayt, Imam Ja‘far Sadiq, et appelle sa Fatiha la bid‘at ou pa correct.
Alhamdulillah, Ahl-e-Sunnat wal Jama‘at partout dans le monde donne Niyaz Kondé. Sa Fatiha-la, fait avec choses halal ek propres, Ahl-e-Sunnat jamais pou quitte li. Qui Allah donne barakat de sa Fatiha-la, donne nous fayz spécial de Hazrat Imam Ja‘far Sadiq (رضی اللہ عنہ), ek donne nous toufiq pou conné so valeur.
@ Hazrat Imam Ja‘far Sadiq (رضی اللہ عنہ) dire : celui ki so rizq serré, qui li lire istighfar boukou boukou, Allah pou vite donne li élargissement dans so rizq.
🖊️Hazrat Syed Ghulam Fakhruddin Kaazmi Jeelani
