22/09/2023
શ્રી જયદીપભાઈ વાઢેર
આપ શ્રી કોવાયા પ્રાથમિક શાળામાં (તેર)૧૩ વર્ષની લાંબી શૈક્ષણિક યાત્રા પૂર્ણ કરી બદલી કરી જઇ રહ્યા છો ત્યારે સમય એ વિશ્વમાં સૌથી શ્રેષ્ઠ અને કિંમતી ઘરેણું છે. જેનો સાચા અર્થમાં ઉપયોગ કરી આપની શૈક્ષણિક સફરના પહેલા દિવસથી આજ દિન સુધી આપની ક્ષણેક્ષણ શિક્ષણના સાનિધ્યમાં વિતાવી છે.
સમાજના ઉચ્ચ દરજ્જા સાથેની પવિત્ર સેવા એટલે “શિક્ષક” જેને આપશ્રીએ સાચા અર્થમાં ચરિતાર્થ કરી શિક્ષણની સાથે સાથે સંસ્કાર સિંચન કરી સાચા અર્થમાં શિક્ષણને દિપાવ્યું છે. શિક્ષણના જીવ તરીકે આપે વિદ્યાર્થી સાથે નિર્માણ કરેલ સેતું હમેશાં અકબંધ રહેશે. શિક્ષણની સાથે સાથે શિક્ષણેત્તર પ્રવૃત્તિઓ હોય, કે સાંસ્કૃતિક પ્રવૃત્તિઓ હોય એમાં આપના યોગદાનને અવગણી શકાય એમ નથી.
સાંસ્કૃતિક વારસાને ઉજાગર કરવા આપશ્રીએ વિદ્યાર્થીઓને સિંચેલું ગહનજ્ઞાન કાયમ માટે મિસાલરૂપ બની રહેશે. શાળા પરિવાર સાથે આપની પારિવારિક ભાવના અમારા માટે પ્રેરણાસ્રોત બની રહેશે. શાળા વિકાસમાં આપ જ્યારે પગથિયું બન્યા છો ત્યારે વિધાર્થીઓ, શિક્ષકો તેમજ શાળા પરિવાર હંમેશ આપનો ઋણી રહેશે.
આપનું નવું સોપાન ઈશ્વર આપને કિર્તી અને તંદુરસ્ત દીર્ઘાયુ બક્ષે એવી પ્રભુને પ્રાર્થના.
અંતે તો
મારી આશાઓ એવી ફળે
કે તમે બાવળ વાવો તોયે કેરી મળે.
આપે જે શ્રી કોવાયા પ્રાથમિક શાળાના વિકાસમાં અમૂલ્ય સિંહ ફાળો આપ્યો એ બદલ શ્રી કોવાયા પ્રાથમિક શાળા પરિવાર આપનો હંમેશાં ઋણી રહેશે . 🙏🙏🙏
